黑麥 (已結業)

友人話呢到假期會好多人. 我o地閒日四點幾行到o黎,就當然鬆動啦.Mocha夠香濃同甜. 夠朱古力味,唔洗加糖,奶泡都打得好. 好味.Banana Chocolate Cake,堂食有個雪糕球係面. 一暖一凍,好味.芝士雜菌多士, 好多雜菌絲,用法包做多士底,都係好.四五十蚊, 物超所值!

之前睇過pumpernickel 的食評,還可以,所以跟媽媽吃了,d waiter service還可以la~無講到的咁唔掂,無乞面就得lak>食野又唔係睇人面口ge~照食!!!!!!!講返食物方面,叫左tomato cream soup and mushroom soup,跟隨上的是5谷飽,好有咬口,微暖仲有個dip 叫煙靖魚,腥腥的,但很有魚味....好過butter la!叫左2個3文魚pasta同spicy tomato蜆肉pasta,3文魚好肥呀~d 汁都好有white wine 味好creamy!tomato個pasta都唔spicy ge,只有濃濃tomato味...但好甜lor 個d蜆~我仲叫個waitress唔好拎走個碟,留番d sauce俾我到去我d pasta 度,個waitress仲笑笑口問我{真係咁好吃?},佢都好nice...可能見我係小妹妹吧!但我一定會再去的!

20050903 9.30pm好夜先門口食o野, 想食西式食品, 唔想食得貴又要好食, Pumpernickel真係走唔甩, 是夜同男朋友又o黎.2人order 2個set dinner-* 夜o左o的包得返一款, 當然都係好味不過就寡o左o的.* 又係因為夜o左, 湯都係得返一款蘑菇湯, 亦都好唔錯.* pasta 我揀o左煙肉蘑菇香蒜白酒汁天使麵, 一撈果下香氣四溢, 味道OK, 只略嫌炒的不夠乾身.* 男朋友要o左個辣茄汁蜆闊條麵, 份量比較少, 蜆則出奇地十分肥美, 汁料味道亦不俗.* 餐飲走唔甩呢度o既熱啡, 真係好得. 強列推薦. (可揀strong)service 好有進步, 有禮貌, 加水加得好勤, 除o左因為夜無咩客人之外, 最大原因, 都係因為換走晒上次班waitress.埋單$220左右, 食完都係10pm! 勁快!

最近去<黑麥>，多數係去天后那間，因那邊坐得舒服些，而也比較上少人(侍應也是唔認識的)。前日因辣椒女想到銅鑼灣買東西，所以便來這間；一入來才發現這裏的侍應，差不多全部也轉了人，心想好像沒有那個認識的，希望食物沒有什麼分別吧！我們叫了一個鑊煎脆皮魚配香蒜蕃茄扁麵套餐和一個烤大蘑菇野米意大利飯套餐。先來我最愛的提子和合桃麵包，可惜提子麵包係大的麵包(我喜歡細麵包)，而且再焗時有點過了火。合桃麵包就焗得唔錯，但就唔夠熱；看來老闆娘不在，又真係差了點。湯要了蘑菇忌廉湯，很香蘑菇味，口感也不錯。主菜鑊煎脆皮魚配香蒜蕃茄扁麵- 魚煎得好脆，但扁麵就比較(之前已說了想要硬一點的)，味道也算幾好。烤大蘑菇野米意大利飯- 蘑菇多水多汁，味道香濃；意大利飯，和想象中一樣，比較上硬，對唔喜歡硬飯的人，就記得唔好叫了；而我自已就沒有所為，飯撈了一些蘑菇汁，令食落覺得很好味，而且很飽肚，真係唔錯。餐後也是叫了兩杯濃味咖啡做餐飲，咖啡味香濃。侍應沒有那應差喎，但沒有表情就真係的，看來老闆娘真係要好好教教妳那班侍應笑多點了。

20050730 8pm星期六, 下雨天. 同男朋友響同銅鑼灣食飯.男朋友未o黎過Pumpernickel, 想黎試下. 見menu 全部pasta 或者risotto($68-98) 加$25 都可以轉做dinner set, 幾抵. 2人order (轉o左做set)-* 麵包x 6 - 一人3件, 其實食完都已經7成飽, 不過o黎pumpernickel 唔食麵包就無咩可能, 實在係太好味!* 湯x 2 - 係粟米周打蜆湯, 味道唔錯, 夠晒溶.* 男友食, 兩個三文魚寬條麵- waitress 叫呢個做兩個三文魚, menu 點寫我就唔知啦, 兩個- 即是熟三文魚肉+煙三文魚, 試o左一啖, 都唔錯. * 我食- 鮮蠔+caviar+vodka+忌廉汁寬條麵, 幾十蚊一個粉, 當然你唔可以expect 個魚子醬同蠔係o的咩靚o野, 不過味道幾好, 好惹味. 蠔如果肯比多隻我就好啦.* regular coffee x 2 - 杯啡好得. 最簡單o既要求- 香,熱,濃! 齊晒!service 方面, 明顯清一色summer job 小妹妹, 個別waitress 黑口黑面, 講o

去呢度開餐, 叫左一客麵包tasting with 4 dips, 四種dippings 有番茄粒粒, 豆蓉, 欖醬, cream cheese, 個人比較鍾意後三者, 尤其係帶酸既欖醬更和麵包有好既化學作用. 法包外脆內鬆軟, 合桃包也十分好吃, 反而覺得甜甜地既pumpernickel 同D dips 唔係太夾, 淨食比較香. 叫左一客煙肉磨菇angel hair, 是乾身無一大pat sauce 既, 但每條angel hair 都入味, 有blackpeper, garlic, butter and cheese 香. 另外個seafood risotto with tomato sauce 也ok, 不過由於唔記得叫佢煮al dente, 所以出黎比較淋.甜品叫左焗朱古力蛋糕同朱古力香蕉蛋糕with ice cream, 前者焗到面有D燶, 所以苦苦地, 後面好味D.之前也試過這裹既carrot cake, berry in rum cheesecake, brownie with ice-cream, 我覺得全部都唔錯呀~

哈哈, 第一次寫食評, 大家多多少少都比o的意見, 唔該^^銅鑼灣店的感覺無天后店好....我們點意大利藍芝士南瓜香蒜意大利飯, 頂級煙肉蘑菇黑x白酒汁幼麵, 兩個都係跟餐. 餐湯同餐包都好好味(不過我都唔記得個名).個飯好味,質感好, 南瓜好稔, 但我都覺得芝士味重o的會比較好. 個麵呢...個人覺太乾身,個汁本身味道就淡少少,不過加橄欖油就好味好多.想唔到個晚個重點會係個"朱古力軟心",我本來唔太留意到,但聞到o的香味就忍唔住,朱古力唔會太甜,蛋糕就軟稔稔,香噴噴.值得一試.^^之後花花花帶我去"玉葉", 我都係第一次去.因為個晚比較熱,食一碗凍"綠豆沙".^^ =========== 滿足的一晚===========

與朋友「白汁雞皇意」(當然私底下不會這樣叫...哈哈)相約到天后的pumpernickel歎咖啡, 去到才知原來天后店逢星期一收七時正...退而求其次到了銅鑼灣這裡~點了一個意大利藍芝士南瓜香蒜意大利飯及一個頂級煙肉蘑菇黑椒白酒汁幼麵, 兩位都是跟餐的~隨餐的磨菇湯十分飽肚, 有很多菇呢, 但覺得不夠幼滑, 而且有陣黑椒的味道~ 麵包(問了名稱...沒有抄下...所以又忘了)夠鬆軟, 外面脆脆的~ 不錯, 我吃了許多呢..主菜方面, 個人比較喜歡意大利飯, 因為南瓜粒又甜又稔, 加上有洋蔥粒, 口感頗豐富, 唯一覺得藍芝士味道不夠重...至於幼麵, 還是留給「白汁雞皇意」去品評好了...食完主菜, 來了杯blue mountain, 香濃撲鼻, 但總覺得味道帶點酸....吃到尾聲, 見到隔離隔離檯有食客點了一個類似梳夫里的物體...原來是朱古力布甸, 我們聞到好香, 所以亦要了一個, 布甸外面脆脆的, 內是朱古力軟心, 又熱又好味^^ yummy~食完pumpernickel, 再去玉葉, 好甜既一晚呢...

帶過老友o黎食過一次，佢嚷著shopping前要o黎食。今次食o左個白汁三文魚磨菇奄烈，份量唔細，除了奄烈外，仲有兩件多士同一兜蘋果沙律，奄烈好好味，雖然係白汁，不過唔會溜，而蛋就整得過火、較老；蘋果沙律因為醬汁唔多，食落好清新。芝士白汁蛋三文治(合桃飽)，三文治size好似比以前細o左，料又少。而合桃飽雖然鬆軟，但唔夠合桃又唔夠香。合桃朱古力brownie-配埋一球雲呢雪榚，質地好結實，有埋合桃碎更增加口感，可惜朱古力味唔夠濃。幸好冇叫野飲，食完實在太飽啦!

I am frequent customer in Admiralty branch, this is the first time I visit CWB one, but didn't feel bad service .Very nice soup with their signature bread, delicious pasta, fantastic dessert (bananna chocolate cake and cherry cheese cake) and good after meal coffee.Price is resonable for such quality food. Will definetly viist again to check whether their service is bad like described.

本人今夜7:30pm與朋友到了銅鑼灣pumpernickel食晚飯，大約8:50pm時，中國籍女侍應(或是經理)以不客氣的語氣向我們說，"門口有人book 了位,你埋張單!!聽後我即時回應:"你即是趕我們走!"她放下單據毫不禮貌地說，"你埋單先!!"我向一位戴眼鏡男侍應反映不滿，對於該女侍應的惡劣態度深感不滿，要向老闆投訴時，他只說，"她將會離職的!" 我回答:"我第一次光顧，本來很有期望，這麼差的服務態度，令我很失望!我需要你老闆的咭片向她投訴!"他沒有即時將餐廳咭片給我，直到我告訴他我是一名記者，他於我埋單後才給我一張shop card。作為一個服務性行業,除了食物質素,服務態度同樣重要，一個態度惡劣的員工足以破壞整體形象。

自從黎多左OR之後, 成日想試新野.同學聚舊又去下黑麥試食西餐.一行五人七點左到左, 比較少人.其實多幾個人黎呢度食都幾麻煩, 因為好多人都係圓檯, 又唔係大.仲要係得吸煙區係得梳化位, 又有人坐左.變左都幾逼.都係一兩個人去食好的.都諗左一排先叫野食.著黃色的哥哥不知是否老闆, 見我地諗左一排都未諗掂又介紹的set dinner 俾我地.燒羊架焗薯蓉紅酒汁佢話羊架可以改做鴨肶, 我本來想食羊但有朋友唔食所以要左鴨肶.另加鵝肝烘多士, 煙三文魚白酒汁意粉+豬柳磨菇意粉.幫我們order我是位說英文的, 大概之前食家所說的賓賓. 雖沒有黑面, 但又係冇smile. 反而自己人就有, 之前吃"潛水艇"又係咁, 難道賓賓唔識笑?先來粟米周打湯, 係杰身餐湯. 味道尚可.練氣之後來的麵包是提子麥包多士是全場最好味的一個, 皮脆又香麥味, 熱食真係幾好食.但唔知係真定假, 我覺得佢有少少cinnamon好彩唔係咁濃味. 呢度也是另一間我接受提子乾包的一間店舖.之後黎左鵝肝烘多士...鵝肝一片片夾著麵包黎食係幾好味...可惜得四片太少.三文魚魚味頗豐富但吃兩次吃到粒狀物體, 好似係鹽~豬柳意粉唔錯

20050312 5pm行街行到, 本來諗住去Seibu Regala hea下, 但係又勁爆full house, 醒起附近黑麥口碑好, 姑且一試.首先我地坐低拎個menu 睇下, 我口渴, 諗都唔諗就同個紅衫菲律賓籍女侍(個樣似中國人的) 講要杯mocha, 我兩個同事第一次o黎呢間先研究下飲咩好, 咁佢問我hot or cold, 我話, yes, hot please. 跟住佢態度勁不屑咁問"you 3 ppl just order 1 mocha?" 我話"yes, they ar still thinking" 佢再問多次:"just 1?" 然後我話"yes, they'll order it later." 跟住藐嘴藐舌咁行開. 呢o的唔係白眼係咩? 驚死我地唔叫o野飲齋坐乎?10 mins後, 我兩個同事叫o既fruit tea 同凍咖啡都上, 仲有因為唔餓. 純粹口痕只叫o左一個1 person tasting per 4 dips o既麵包大家share. 可能因為咁啦, 我杯mocha......我o的同事飲完佢地自己杯o野我果杯先o黎, 經過三催四請, 仲要,

今日一心諗住試下TIT*F 的麵包, 點知無開, 失望之餘諗記可以試下PUMPERNICKEL 的麵包, 左簡右簡, 最後決定買了一個玉桂提子合桃包. 食落個包唔太重玉桂味, OK , 不過唔多合桃同提子, 外皮唔係脆, 亦唔係軟身, 唔知點形容. 基本上個麵包無咩特別, 唔值! 食完第一口, 即時諗起尖沙咀CITY SUPER 對面o個間麵包店我合桃包, 同等價錢, 但好多合桃, 而且麵包整體嚟講好食食多.

I went there last week after a 7:40pm movie, looking for a light dinner. I heard alot about the restaurant, so I was really looking forward to try. We walked in at 9:40pm and before greeting us the waitress immediately looked at her watch, so I asked her if it's ok, and she said, "We stop serving hot food at 10pm." We still had 20 mins, I thought that was a bit unnecessary. Overall I felt the service was a bit disappointing and the first impression didn't help. Food-wise, I had a wild rice riso