鼎泰豐

營業中

休息中

去鼎泰豐，一定叫小籠包 水準一如以往穩定，皮薄饀靚，皮又軟但蒸完仍然保持完整，內饀豬肉份量多，內藏的湯包住，好香鮮肉汁味 另外至愛醉雞，雞肉鮮嫰肉質有囗感，雞皮吸收了花鵰酒,味香肉甜，正

分別喺尖吵咀同銅鑼灣食過幾次鼎泰豐，最近又食多次，所以寫食評分享吓。味道今次分別叫咗小籠包、紅油抄手、川子雞、蝦仁燒賣。小籠包：皮雖然薄，但唔會一夾就穿。我最鐘意攤凍佢一陣再一啖食落口。小籠包個接口（個頂）都做得唔錯，好多時個接口會因為太多皮疊埋一齊而變得好硬好鞋，但鼎泰豐就唔會令你覺得個接口好硬。不過小籠包裡面個肉汁就略為失色，味道有少少啖，襯託唔到啲肉。紅油抄手：簡單啲嚟講就係雲吞+辣油。佢啲雲吞同辣油係分開煮，到最後先淋啲辣油去個碗度再上枱。雲吞皮薄且尚算滑，裡面隻蝦都好爽口而且唔會細細隻，配埋辣油食係幾好味。川子雞：酸酸哋有少少微辣嘅炸雞，雞肉唔會好鞋好硬，而雞肉都幾入味，炸粉亦恰到好處，只得薄薄一層唔會成舊都係粉。蝦仁燒賣：唔似普通酒樓食過嘅燒賣皇，佢係用皮包住豬肉，再放隻蝦上去。我覺得個皮太厚，唔好食。環境位置寬敝，坐得幾舒服。不過太嘈...服務如果有外套除落黎掛喺椅背，會有侍應主動問洗唔洗要個套包住件衫。上菜收碟都輕輕手，唔會粗魯。衛生地下、餐具都乾淨。總結唔係全部野都好食，主打嘅小籠包肉汁略為遜色，而川子雞幾好食，可以一試。

鼎泰豐在銅鑼灣開業已久，但未曾造訪過一次，主要原因是人潮擁擠，需要輪候良久才能入座。現在餐廳拿下車軚人一星榮譽，人流更多。在年近歳晚的週五夜，維園年宵進行得如火如荼，附近餐廳也排得滿滿。既然無可避免都要等，就一於試試這間星星餐廳。點了數碟前菜冷盤，包括有蘿蔔絲拌海蜇皮、涼拌黑木耳、原味水晶肉及蒜香粉皮肉。要數最可口的冷盤是涼拌黑木耳，酸爽開胃。蘿蔔絲拌海蜇皮同樣脆口，但味道很淡。至於原味水晶肉及蒜香粉皮肉，兩者肉質勻粗鞋，食感一般。點心小點先試招牌小籠包及雞肉小籠包。兩款小籠包的外皮製作確是夠薄，夾起亦不易散爛。傳統小籠包以豬肉作餡，口感明顯不夠細滑，湯汁不足。相比之下，雞肉小籠包更油香嫩口，湯汁更豐，水準較佳。其餘點心小吃如上海燻黃花魚、菜肉紅油抄手、香菇素餃、香菇素包等等驚喜欠奉。唯一值推的是雞絲蝦仁春卷，香脆可口，膩感不重，好吃！筆者喜愛油麥茶，但這道蒜蓉油麥菜郤令筆者有點失望，以清水炙煮，但以蒜蓉提味，效果事倍功半。主食排骨蛋炒飯，排骨是台式酥香口味，配上蛋香不俗的飯底。台式擔擔撈麵麵質口感普通，建議追加多一點惹味的花生麻醬更合筆者口味！餐中除一般茶水外，亦點了兩杯熱豆漿，甜度

話說星期日在銅鑼灣上完堂便在附近逛了一逛，大概6點，肚子便開始有點餓，本公子深知銅記乃食家必爭之地，稍有差"遲"，定會無淡好食！所以聰明的我在7點前便開始搵食，忽然想起已經好食無食過鼎泰豐，便再臨此地。來到門前，因為時間尚早，只有三四隻小貓，和女友二人，等了約15分鐘便入座了，一路走進去，的確看到員工們的笑容，和台灣的一樣，這比尖沙咀的鼎泰豐做得好。很喜歡鼎泰豐的其中一個原因是它的檯子夠大，可以點多幾款菜也不用擔心。我們點了醉雞，牛三寶，小籠包，豬扒拉麵，蛋白炒飯，酸辣湯，炒菜，如果桌子不夠，根本不可能點這麼多的菜啊！先來個酸辣湯，很開胃，微微的辛辣很適合廣東人口味，即使怕辣的朋友也不會感到抗拒，而酸度更是很適宜在餐前讓人享用。牛三寶是冷盤，則要看看你是否牛內臟喜愛者，如果是，其實挺是不錯的選擇，一碟就可以吃到牛肚，牛輾了，味道入味，是清新的魯水味道，不過三寶的味道也是差不多的。人數不多，便可以一碟三吃，讚！醉雞，酒味芬芳濃郁，有雞味，肉嫩。炒菜色靚不黃，差一點點鑊氣，當然不能和大排檔比了，但菜也挺新鮮的。蛋白炒飯一般，沒甚麼評語；豬扒拉麵是挺不差，拉麵有咬口，湯底味濃，坦白說，我比較

星期六開車去銅鑼灣，周街冇位泊車，見鼎泰豐外可偷雞泊。一入就即洛單小籠包，皮夠薄，入面肉汁一咬即流，肉汁味濃，咬囗豐富炸排骨湯麵麵份量太少，兩三啖冇哂，味道及質感亦一般，但排骨就非常吸引，除賣相不俗，夠鬆軟，不油擔擔撈麵份量都係少了點，但味道不俗，帶少少辣，醬汁非常開胃。我剛車完就見警察抄牌，好彩坐位見到。趕得切開車

已經來過鼎泰豐不知多少次，但每次都不會令我失望，小籠包是必叫的，水準依然keep得很好，皮薄多湯汁。另外仲叫咗碟蒜蓉炒油麥菜，一碟好簡單嘅菜都可以炒得好香，油份和咸度適中。跟住仲叫咗個炸醬拌麵，這個是第一次叫，d炸醬入面有肉碎、豆干、毛豆同一些酸菜，我唔太鍾意d酸菜, 下次都係叫返擔擔麵。食完個麵就叫咗個蔥花蛋炒飯，又係另一個簡單又美味嘅食物，飯粒粒飽滿通透，唔會痴埋一舊或者太軟身。最後要讚下佢個茶，有淡淡的清香茶味，應該係台灣的高山烏龍茶吧。

前两天去鼎泰丰吃饭，在北京时经常去。这家店还是带给我惊喜，小笼包就不赘述了，一如即往的好吃。最赞酸辣汤，味道非常到位，豆干丝切的很细，看得出厨师刀功很好。鸡蛋炒饭黄白分明，鲜香适度。只可惜忘了拍照😓。

數年前和友人去台灣旅行, 鼎泰豐是其中一個必去的地方~ 記得小籠包確實係皮薄餡靚. 仲記得每個店員都禮貌非常, 近門口位置仲有鼎泰豐公仔的手信賣. 這就是我對台灣鼎泰豐的記憶~一入門口, 看到那隻鼎泰豐公仔, 有點親切感~ 哈哈~ 拿了飛, 等了數分鐘就可以進去了, 可能因為過了9點的關係, 不用等太久~ 店員帶我們進去, 估唔到咁大.....都行左好遠先到張枱. 2個人叫了醉雞, 排骨蛋炒飯, 菜... 當然不少得小籠包啦~ 蟹粉小籠包 - 和台灣的差唔多, 皮薄餡靚啊~ 還有可愛的小蟹在旁邊醉雞 - 味道剛好, 酒味不算很濃~ 而且肉很滑~ 小小一碟, 配酒很不錯~ 菜也炒得很出色~ 不生不老~ 剛剛好~ 排骨蛋炒飯 - 味道不錯, 排骨略嫌太淋, 不夠脆~ 飯倒是炒得很好~ 夠乾身~ 

數年前去台灣旅行試過台灣鼎泰豐, 感覺未算驚為天人, 眼見鼎泰豐起香港分店愈開愈多, 作為小籠包喜愛份子又心動想試一試香港鼎泰豐質素如何, 比多一次機會佢香港鼎泰豐比起台灣的裝修來得高級, 感覺好似入左日本橫濱既中國餐館咁, 周邊有好多日本人, 同時餐牌都有日文翻譯辣味小黃瓜辣味蓋過其他味道, 太嗆喉, 少了酸味和鹹味, 有麻油香, 但味道太單一菜肉紅油抄手算是全晚最好吃的菜式, 菜肉餡結實彈牙, 有青菜香, 汁料除辣味外也有醋香和蒜香, 皮薄紅燒牛肉湯麵湯底有顏色但味道不算濃郁, 牛肉入口不化, 要一些時間才可以咬爛, 麵條一般無咬口, 不算驚為天人, 反而有一點失望小籠包主角小籠包一上檯冇煙出已心知不妙, 雖然可以通過吊鐘測試, 但湯汁不算多, 冇小籠包爆汁感覺! 肉質有一點奇怪, 鬆散又冇咬口, 整體感覺差整體而言, 貴, 食物質素麻麻!

一路以離都未試過香港鼎泰豐, 見到次次都要等位, 諗住應該會好好味啦, 於是兩條友膽粗粗走左去試~等左 AROUND... 25-30分鐘? 有位啦去鼎泰豐, 一定要食小籠包嫁啦, 普通小籠包同蟹粉小籠包另外仲叫左 擔擔撈麵 , 蒜泥白肉, 上海燻魚普通小籠包同係台北食過既完全唔同, 好普通...唔夠熱蟹粉小籠包又係同係台北食過既完全唔同, 唔夠熱味道好腥蒜泥白肉一份得好少, D汁唔辣又冇蒜頭味, 豬肉D味好怪...擔擔撈麵花生味好濃 , 麵質OK , 味道小小偏辣上海燻魚食過最難食燻魚...淨係得個腥字....食完真心對香港鼎泰豐好失望...以後唔會再離...

Tried them during lunch time, their menu is good with many choices, the shao lung bao are good with hot and juicy inside and very thin outside. protion is a bit small so have to order alot. the beef noodle are ok, the soup base is strong, beef is tender and noodles are smooth, not the best but ok.

今年三月初，我們專誠來到有名的台灣過江龍鼎泰豐為弟弟慶祝生日。之所以說是專誠，原因是這裏不接受訂位服務，客人要排隊取等候號嗎，按照先後次序等待入座。因為大枱的數目並不多，因此如果是一大枱朋友一起前來，等候的時間可能會更長。一直盛傳小籠包是在上海南翔首先出名的，可是我到過當地兩次，那裏的小籠包不是包皮太厚，就是肉質不夠香甜，所吃的完全並不是這麼的一回事。之前看過一個飲食節目，說小籠包的基本要求是包頂收口需要有13至18摺才為之合格。因為摺的數目與力學有關，最少要有13至18摺，這樣以筷子把小籠包夾起來，包皮就不會容易破裂。要做到小籠包包皮薄餡料多肉汁，只有鼎泰豐莫屬。 (註：一籠小籠包的數目應該是六個的，可惜拍照的時候有人太心急，早已吃掉一個了。 哈哈哈哈哈 ~)除了最傳統的小籠包，我們有點了其他變化多端的小籠包款式。口感清新的絲瓜蝦仁小籠包。可以當作甜品的豆沙小籠包。吃得健康的菜肉蒸餃。以上各款蒸包或蒸餃雖然也不錯，但我們始終也是最愛小籠包。每名家庭成員最少也可以進食半打至一打的小籠包。大家可以想像到我們有多愛他了。除了蒸的包點，其實煎香和油炸的也並不失色。帶有生煎包影子的蝦肉煎餃。香

期待以久既鼎泰豐終於有機會試啦女朋友仔知道我想去，一定陪我試食既點知又老點了女朋友仔我當日下午1點到目的地，發現門外好多食客拿號等位，等了15分鐘左右，有位便入座了點知入到食店，我地已經感覺好有問題，問題就係點解無冷氣既大拿拿3x度叫我地熱烘烘咁坐係到食，一路食一路流汗囉，開住果幾把爛鬼風扇好啦一場來到，唯有食完拿拿淋埋單走人。。。。1.排骨蛋炒飯:排骨炸得超級淋，厚度剛剛好，又唔會覺得好油膩，好可惜既係，d飯炒到好黏，唔夠乾身，蛋同飯又唔均勻。2.小龍飽:差到爆$6x得6粒，仲要勁細粒囉，皮又唔夠薄，內埋豬肉勁少，食落感覺好肥膩。

今天放假竹所以就和爸爸一起去鼎泰豐去吃午餐鼎泰豐最出名的當然是小籠包我們叫了普通嘅小籠包同埋黑松露小籠包小籠包的皮薄得黎又唔會穿而小籠包亦都好多汁咁黑松露小籠包(＄188／6粒）都好足料黑松露同肉都有一半一半黑松露咸咸地同小籠包啲湯汁好夾除左小籠包之外都叫左炸醬面都幾足料醬都好夠味

男朋友成日話想去“鼎泰豐"食野，話見笑臉多要試下，就陪下太子讀一次書喇 ！我地星期日中午1點到達，門外已經有巧多人在等候喎 ，邊等邊影下相，見到店内既師傅團隊，巧勤力認真咁埋首包緊小籠包, 咁出名既菜式，真期待一試 ！我地差不多等左半個鐘左右先有位啊 ！入座後發覺絕大部份既食客都係外籍或外省人仕，座位比較狹窄，天花板裝有數盞吊扇，感覺上係無冷氣，巧熱囉 ！香港地既夏天又濕又熱, 食物、茶水又熱，食客個個食到身水身汗, 咁既環境底下，咩食慾都無哂 我地求其點兩樣野算……1.小籠包 : 終於試到呢度既招牌菜，但不外如是！皮確實好薄又通透，仲唔會穿，但口感過份軟腍 ，肉汁唔多，豬肉算鮮嫩。依家出面有多間食店既小籠包，做得更為出色！2.排骨蛋炒飯 : 估唔到呢碟飯咁 ！炸排骨肉質相當軟嫩 ，切成薄薄既，賣相輕盈細緻 。滑蛋炒飯，粒粒分明好食！侍應生人數多，但服務唔夠 ！要壺滾水姐，都要三催四請先有人奉上，枉負米芝蓮餐廳之名！