龍泉私房菜 (已搬遷) 新店位置

十月之星慶生，朋友係外國返香港好少食唐餐，朋友又想唔到吃乜嘢！於是我提議去“私房菜”吧，這家之前都有同朋友去過。我哋一行五人選擇咗“鮑參翅肚”餐。當菜色開始上枱時“壽星仔”開始不斷講:估唔到😂蒸蟹蛋白滑夠酒香芝麻雞皮脆冇油鮑參翅肚夠入味條魚蒸到啱啱好扇貝蒜香味夠香三色蝦各有特色蟹肉勾翅好好味瑤柱西蘭花清淡炒飯夠乾油唔多芒果布甸做甜品壽星仔問 : 點解而家仲可以唔使$300 可以食到咁多嘢！我同壽星仔講 : 而家香港嘅私房菜大部分都係樓上，所以唔使負擔昂貴租金！雖然龍泉無華麗嘅裝修，但勝在地方舒服，回家食飯嘅感覺(當然屋企唔會成日食鮑參翅肚~haha)。當然其他朋友對今餐亦讚口不絕，如果遲D再有飯局的話，可以再黎，其中一個好處就係人多可以有獨立房間。下次亦可以試下其它菜單。

兩星期前BOOK位既,等位就唔洗點等~之前食過架喇,第三次食,因為以為兩次食完都回味,所以再去食第三次!!!期待.....點知重點,D野食唔夠熱~~~翅唔夠熱(我地都未洗好碗碟,佢已經上次翅,好似吹我地咁)芝麻雞之前都做得好出色既,點知凍冰冰,唔脆口,又唔夠芝麻,唔好食花雕酒味太濃烈，遮左蟹既鮮甜.....勁失望,只得花雕味三色蝦仲失望...唔熱....唔脆加唔好食就連個炒飯都係凍既~~~~真係好失望呀~~~~就連服務都比以前差~~~我諗今次之後會止步

今日慶祝父親節，特登2星期前Book檯，Order招牌套餐（$288／人）（1）蟹肉扒金山勾翅一上第一道菜，翅大大塊，好有氣派湯底咸咸地，有d黏口帶膠質，爸爸話好食過去飲果d翅（2）天下第一雞外皮有大量芝麻，食落口味道好似煎堆咁，香香脆脆，家人都讚好食（3）原隻鮑魚扣山珍海味依道菜有d失望位，海蔘有怪味，冬菇厚肉但唔入味，鮑魚不錯加返分。（4）花雕海蟹蒸蛋白花雕酒味太濃烈，遮左蟹既鮮甜既同時，變得有苦味。如少點花雕會更好味。（5）蒜蓉蒸粉絲雖然食得出係雪藏貨，但帶子位尚算大粒，味道可以。（6）一蝦三食蝦丸中間有芝士加分，但蝦丸本身唔彈牙（多粉）。黃金蝦，咸蛋黃加糖混合既外皮可口，但蝦肉本身無乜鮮味豉油蝦，調味不錯，同樣問題，蝦唔係新鮮。（7）炒飯其貌不揚既炒飯出奇地好食，粒粒分明，有胡椒香味，炒得好香，好味道！（8）瑤柱菜心原本menu寫係瑤柱西蘭花，但變左菜心，差咁d，因為菜心掛唔到汁！但瑤柱汁鮮甜，幾正（9）蒸海班讚！火候岩岩好，蒸出黎既魚嫩滑無比！（10）芒果布丁中間有芒果粒，但茫果布丁本身無布丁既彈彈滑滑既質感，係因為加多左水？性價比高，$288竟然食到咁多道菜又有海鮮但大廈人

為了慶祝母親節 所以早左兩星期book龍泉始終係舊式大廈入面完全冇裝修同環境其實有少少污糟不過啲嘢好食就算數啦一起菜就有個翅湯雖然十分膠囗而且碗碗都有一疏疏魚翅不過依然飲到有少少味精同雞粉味之後有蒜蓉蒸蟶子皇聖子皇未蒸之前就十分大隻不過蒸完之後就縮咗完全一半size但都幾甜嘅花雕蒸蟹就十分入味酒香而且這個蛋白同蟹肉十分之夾蟹亦都十分新鮮還有這個炸蝦丸炸蝦碌蝦肉十分爽口而且入味不過最後魚同埋炸子雞亦都有少少失望因為兩樣都蒸得過火和煮得過熟魚肉和雞肉亦十分鞋口而且蒸魚豉油調配得麻麻地有少少過咸整體來說也不過不失不過同以前食開就好似份量越來越少了

與舊同事飯聚，想食中莱,但我哋8人又唔夠12人坐一圍枱,醒起幾年前黎過呢間樓上鋪平靚正,而且位置方便,尖沙咀區,人人都方便搭車來,8人也可坐一大張枱,10個人更可有房坐(雖然房仔細細 )當晚揀咗食$288位既鮑參翅肚招牌套餐，無須加一，有十道菜式較為特出係花雕蛋白蒸海蟹，蟹肉鮮嫩美味,蛋白滑溜帶有蟹味同微微花雕味,蛋白才是精華所在 另外招牌三式蝦也很出色,豉油蝦同黃金蝦雖然是雪藏蝦,但做得入味;至於蝦丸亦炸得彈牙爽口,有蝦味 其他菜式不過不失, 海斑蒸得剛剛好,夠嫩滑;鮑魚食得出係平價貨 但始終是一分錢一分貨,不可要求太多。還記得幾年前食完十道菜後,好滿足甘捧住個肚走,但事隔數年的今天,食完只有8乘飽,唔知係咪我大食咗呢

是日夜同學,考慮地點, 價錢, 食物品質及用餐限時間條件, 最終訂下龍泉私房菜.它位置在尖沙咀MTR附近, 行3分鐘, 交通十分方便,第一次到訪坐升降機按15字樓, 便是等同16/F龍泉,老闆安排一間房給我們7位, 今次品嚐$288/位鮑蔘翅肚海鮮大餐, 共十道菜, 包汽水啤酒. 食第一味芝麻雞, 外皮香脆, 雞肉滑嫩, 第二道是勾翅, 湯底特別濃郁, 魚翅是夾到一梳梳, 份量足夠每人吃1.5碗. 第三道菜是女仕最愛Collagen~炆鮑魚海蔘, 花膠, 東菇伴小唐菜一大碟, 食完皮膚有彈性. 第四道菜 花雕酒蛋白蒸海蟹, 蟹非常新鮮, 碟上的水蛋完全吸收酒香及蟹味之鮮甜,一面飲啤酒, 一面食蟹鉗, 令人想再encore! 其後的炸蝦也入味彈牙, 蝦丸二味, 一是種流心芝士餡, 味道不錯,但另一種無餡蝦丸較粉, 有待改善. 粉絲蒸扇貝也不錯, 扇貝也很大件, 但稍微蒸過火, 之後再上斤兩十足的海斑, 瑤柱扖西蘭花, 炒飯及芒果布丁.整體來說, 龍泉價錢公道, 份量十足,會再次光臨.

是夜是黃山之友聚飯，去了吃私房菜，可惜這裏的食物賣相看得，味道都是一般之外，那個花凋蟹都沒有蟹鮮味，以這個價錢HKD248有點不值。****************************天下第1雞，我是不吃雞，也吃了一小塊試味，味道又不錯。花膠雞腳湯。這湯味道也香濃，材料也十足。花膠有點未浸夠腍，入口膠質不感很重。金銀蒜粉絲蒸元貝。元貝都幾大隻，入口都是新鮮，這個菜是最保值，不會難吃的。花凋蛋白蒸海蟹，賣相很吸引，來時也聞了很香的花凋味。但當吃入口時，花凋太重有點苦，蟹也吃不出甜味，真的很失望的一道菜。原隻鮑魚扣山珍海味。鮑魚不大隻，但真材實料，炆得夠腍入味。山珍海味其實是冬姑和花膠，這個就只是蠔油汁的味道，真的讓人失望。清蒸游水海班。這魚就不過不失，有點過了火喉。招牌三式蝦，賣相來時有點失望。炸蝦丸，咬開時內裏是有些芝士，但蝦丸是不爽口彈牙，味道就一般沒什麼特別。鼓油蝦，也是很一般，鼓油味重點之外，都沒有蝦味。黃金蝦，蛋黃味不夠，又沒有蝦味，所以也是一般。瑤柱扒西蘭花，這也是一般家常菜，味道也是一般，沒什麼特別。飄香炒飯，飯炒得不香口，材料也沒什麼特別，所以整體味道也很普通的一個炒

這間私房菜館隱藏於一座舊式建築物入面，多得朋友推介才留意到。第一感覺就是.....沒有想象中的精緻，可以說沒有什麼裝修，簡陋。再看看餐牌的價格，除了便宜和驚訝四個字，沒有其他形容詞了。我們最後選了龍蝦燕窩海鮮餐，每位$370。山珍海味，想想都開心！芝士龍蝦伊麵龍蝦不算大隻，但是肉質超厚，啖啖肉，鮮味十足。濃郁的忌廉芝士汁配上伊麵，只可淺嘗，實在太易飽肚。金銀蒜粉絲蒸元貝元貝大大一粒，蒸得剛剛好，不會老，嫩滑鮮美。粉絲吸收了元貝的鮮味和蒜香，反而覺得粉絲比較好吃。原隻鮑魚扣山珍海味鮑魚，冬菇，花膠都燜至入味，味道不錯，軟滑。招牌三式蝦黃金蝦比較出色，外面的蛋黃汁夠咸香，味道出眾。豉油皇蝦比較乾身，偏硬，略為失色。炸蝦丸，沒吃，但朋友說蝦丸彈牙。瑤柱扒西蘭花終於有道菜可以平衡一下，清一清之前的油膩。瑤柱絲的份量十足，有口感，配上上湯的鮮味，不錯。甜酸咕嚕肉額外加的菜式，酸甜適中，比較開胃。杏仁燕窩杏仁味極之香濃幼滑，養顏推介！！精選甜品，賣相討好，但實在太飽，沒有嘗試。以$370而且沒有加一服務費的價錢可以吃到這樣的晚餐，滿足矣..

第二次幫襯，今次食貴啲，介紹返，呢個係［龍蝦燕窩海鮮餐］。見今日老豆牛一，我早一個月打去book位啦，一家4口嚟食好野！生拆蟹肉扒金山勾翅 － 帶細細排翅，都有口感，呢個價錢嚟講都滿滿意，但味道略淡，建議自行加醋吊味。芝士龍蝦伊麵底 － 個芝士味道100分！！！！全家都讚口不絕，龍蝦又大隻，又鮮甜，又實肉，啖啖肉之餘仲係大大舊肉！！！天下第一雞－ 脆皮同芝麻都係我至愛，我食咗好多舊⋯⋯今晚變成食肉獸！金銀蒜粉絲蒸元貝 － 又係大大隻，一人一隻唔洗爭，出面食果啲好興放好多粉絲上面扮有料，呢度道真材實料，睇下下面張圖：拎開粉絲仲有咁大粒元貝，好鮮甜，最緊要夠林，老豆啲牙唔好都食到喎！原隻鮑魚扣山珍海味－ 四個人又係一人一隻鮑魚，人人有份！仲有惹味花膠，海參，只係普通貨色，唔好咁大期望清蒸海星斑－肉質幼滑，鮮味十足，斑係貴價魚，用來清蒸唔洗咁多花巧野。仲有，廚師落左莞茜，特別好味！招牌三式蝦－炸蝦最正，連殻食都得！飄香炒飯－er⋯⋯呢個好hea，又無鑊氣，專心食送啦各位瑤柱扒西蘭花－點解呢？點解個西蘭花可以排得咁靚，同埋好好食，無怪味⋯⋯平時出面食D西蘭花明明又硬又怪，呢個反而又靚又好味！杏

早前收到久未露面的好友邀請，相約月後一同試私房菜。這種有誠意的大伙兒包場飯局，絕對歡迎之至。《龍泉》隱身於尖沙咀舊樓，欠缺裝潢，空間感亦欠奉，充其量是間一房一廳的舊式單位，放下四張大圓枱而已。實難以想像在如此簡陋的環境下大魚大肉，享受鮑參翅肚、蝦兵蟹將。 先來一碗<花膠雞脚燉螺頭湯>作頭砲！用料十足，花膠、雞腳、花菇盡入眼簾，未喝其湯已被臣服！味道也令人心悅誠服。若嫌'湯渣'枯燥乏味，接著上桌的<原只鮑魚扣山珍海味 > 入味鮑魚花膠花菇，一定能填補空虛。如手掌般大的<金銀蒜粉絲蒸元貝 >登場時，歡呼四起，肉厚肥美，蒜蓉粉絲亦不會厚此薄彼。當味覺仍沉醉於大扇貝時，視線已被<花雕蛋白蒸海蟹>所吸引，不能轉移。蛋白蒸得雖滑只是花雕味不夠香，可能在別處已經吃過更優的花雕蛋白蒸蟹了。好戲陸續有來，<招牌三色蝦> 分別是豉油皇煎蝦 （夠大隻但肉質普通）、炸芝士蝦球（蝦膠彈牙，若能做到流心芝士效果一定嬴硬）、黃金蝦（超罪過既咸香，絕對係三高人仕既最愛）。<天下第一雞 >是坊間少見的芝麻雞，不求肉嫰但求香口

朋友介紹到龍泉私房菜品嘗佳餚，那天我胃口不太好，並未有吃太多，只大家介紹一道稍有印象的菜式: 天下第一雞和招牌三色蝦。三色蝦賣相不錯，味道方面其實分別不大，亦不太出色，但中間嘅芝士丸真係幾好食，芝士味好濃，食完成口都有回香！跟住係天下第一雞，其實不過係芝麻雞，自稱為天下第一未免太浮誇，不過都煮得幾林整體嚟講係值得一試，但唔能夠話係好好食

父親大人生日要食海鮮，頭痛搵地方之際！朋友介紹咗“龍泉私房菜”嘅 $288 「海鮮鮑参翅肚餐」當晚到達後想不到為我地安排咗一個獨立房間😃第一道上枱嘅係「翅」味道不錯，D翅可以夾起架😁之後係「花雕蛋白蒸蟹」D蟹好大隻，仲有我最喜歡嘅蟹鉗😀再黎個「鮑參翅肚」呢個簡直係 真材實料，食完呢個父親大人已經覺得好滿足，「三色蝦」上枱後已經飽咗一半！父親大人因為係三高朋友，所以益埋我同妹妹😝再食埋個「蒸海班」「扇貝」同「芝麻雞」仲有個「瑤柱西蘭花」加埋個「炒飯」簡直係大滿足😋父親大人對呢餐生日飯非常滿意！而我覺得呢個價錢可以食到這麼多～讚😍

難得同屋企人可以一齊食飯，我母親誠意拳拳話book 哩間私房菜，講到好似好正，咁就真係要試一試！我地預約左7點，準時到，咁就叫佢可以上菜啦！第一道菜，都黎得幾快，亦都係最好食嘅一道菜：皮脆肉滑再等左一陣就有第二，三道菜第二道：花蛋白蒸蟹，實不相瞞，以為最正哩道菜，點知。。中伏，蟹蓋浸左太多汁，酒味太重，令到啲蟹膏冇曬味，啲蟹肉就麻麻喇，可能唔當造啦，整體黎講唔得第三道：蒜蓉蒸元貝，不過不失，但蒸得耐左少少，所以有少少老，不過都有鮮味，不錯！第四道：蟹肉扒金山勾翅，翅，我一向都唔太大興趣，但哩次有少少驚喜，平時啲飲宴，啲翅係勁唔吸引架，但哩碗就有所唔同，個湯底係我食過咁多黎講，都算係幾好味，至少唔係味精湯第五道菜：蒸海斑，所謂嘅蒸海斑，真係令人大失所望，啲肉質唔滑，仲要食落有啲怪味第六道：三式蝦，分別有黃金蝦，鼓油王蝦，蝦丸，個黃金蝦，真係不得了，食落去啲肉唔新鮮，黃金蝦嘅精髓就係包住佢嘅蛋黃，但佢係完全冇味，我屋企樓下間大排檔仲整得好食過佢好多，反而個鼓油王就唔錯，幾入味，個殻都幾脆口最後，炒飯：不過不失，唔太油其實中間仲有啲菜式冇post到，由於第五道菜開始就令我不耐煩，因為之後嘅菜

朋友聚會不知找什麼地方，同事介紹下去了這家私房菜。預訂了它們的“鮑參翅肚海鮮餐”，之前都有試過其他的“私房菜”。但這家給我的感覺，沒有華麗裝潢但有家的感覺😊上菜了😁鮑參翅肚～好入味三式蝦～個芝士蝦丸不得了花雕蛋白蒸蟹～D蟹勁多肉囉蒸海班～雖然條魚好大但D肉好滑蟹肉金勾翅～D翅要夾呢食囉蒸扇貝～好肥美第一雞～雞皮唔肥好吃炒飯～好乾身(太好味唔夠食 hehe)布甸甜品～錦鯉好可愛驚喜在後頭！如此美食連飲品每人都係$300！好低食😊黎緊家庭有聚會可以再黎過。多謝 黃同事 好介紹。

朋友極力推介的私房菜。一句說話征服左我。200零蚊~飽參翅肚，想點？　　故昨晚就乘住友人生日之便來了這家聽說是享負盛名的私房菜。果然有兩下子。　　第一味菜是這個麻香雞。老實說雞味沒怎麼好（這年頭的雞大抵如是）。但這芝麻製法成功轉移味覺。令其有點特色農村風味。　　接住嚟既就係魚翅,鮑魚，花膠，魚肚。老實講除非你每日食開呢啲啦，如果唔係，係少比較之下，正常的飽參翅肚味道已經足夠令你令你令你味雷感動。　　接著是粉絲扇貝和蒸魚出場。呢兩樣本少就可以作個比較。吃得出材料很不錯。這也是做這類海鮮店的良性循環，只要多人光顧貨如輪轉，材料自然新鮮。所以這店的泡製其實與外邊無異，蒸魚甚至有過熟的現象。但整體也足夠合格有餘。　　再接續是一蝦三食，黃金蝦豉油蝦和炸蝦丸，只是這個組合都夠征服很多食客。但其實獨立來說黃金蝦的黃金蛋皇味／豉油皇蝦的香口，都不比普通大排檔高。但夠大隻夠新鮮之下，又是材料上乘的加分，又是合格以上。而蝦丸倒是真的很不錯，很有蝦味而不是一堆麵粉。所以整碟蝦即使小弟帶點吹毛求疵的嚴謹，它還是值得一個 　　最後這味菜，瑤柱份量很足。只因明星慣見亦凡人，好餸連食也不行。相對前面的就顯得普通