影片
開飯介紹
木質主調的日本風裝修，感覺乾淨舒適。多款日式料理，由小菜、串燒炸物到鍋物亦有供應。人氣廣島蠔鍋，味噌湯底濃郁。
繼續閱讀
營業時間
今日營業
12:00 - 23:45
星期一至日
12:00 - 23:45
公眾假期
12:00 - 23:45
公眾假期前夕
12:00 - 23:45
*用餐時間為100分鐘
以上資料只供參考, 請與餐廳確認詳情
有關獎賞計劃
相關文章
放下午出旺角路經見到一間居酒屋張貼「六週年感謝祭」就入咗去試吓,午市做緊6折優惠,有多款定食、丼、刺身、壽司、壽喜燒等,仲有多款小食推介！店面係實木同微黃色調,分兩層,下面係吧檯,上面環境闊落舒服！🍱刺身定食（配北海道七星米/雞白湯手打烏冬）刺身擺盤好靚,肥美又新鮮,三文魚夠厚切,吞拿魚同油甘魚口感有韌性,最鍾意甜蝦同三文魚籽帶子好鮮甜！前菜玉子卷、醃漬番茄仔同牛蒡,酸酸甜甜好開胃,好好食！🍜雞白湯手打烏冬雞白湯唔算太濃,湯底順滑,味道啱啱好,烏冬口感彈牙！🥢名古屋風芝麻手羽先芝麻雞翼炸到皮脆肉嫰,咬開肉汁爆晒出嚟,好惹味！
繼續閱讀
🕖時段-星期六中午近排發現好多想食既餐廳午餐時段都係抵勁多 申子感謝祭其間有6折優惠既lunch menu 平均每人大約$100-200蚊今次weekend lunch hour比上年明顯多左食客~_▫️刺身定食配雞白湯手打烏冬 $278 > $167午市份量剛好 刺身新鮮 鮮甜😋雞白湯手打烏冬個湯底單食既話我覺得偏濃但配埋鮮甜刺身一齊食就剛好~_▫️燒鳥串定食配珍珠米飯 $198 > $119使用無激素雞 食串燒即刻好有居酒屋feel串雞翼燒得香口好食!_▫️蓬鬆玉子 $98玉子好滑 烹調時間啱啱好分量充足 調味唔會過濃！_🍽環境餐廳有地下同一樓 居酒屋環境暗 唔會太迫 整體氣氛幾啱飲野吹水🍻
繼續閱讀
申子居酒屋相約朋友去旺角午市有六折日式餐廳,餐廳位於九龍旺角黑布街74號藝興大廈地下,裝修簡約帶有日本風,環境舒適,座位寬闊,餐廳主打日式居酒屋,服務員招呼有禮。小食極上塩燒牛舌芯塩燒牛舌芯配有香蔥,香草醬汁和海鹽,牛舌厚切,入口爽彈有口感,再點埋配料更美味可口。牛肉壽喜燒壽喜燒配料有豆腐,鮮菌,粉絲,洋蔥,娃娃菜,配有麵豉湯,雞蛋,牛蒡,車厘茄,玉子和白飯,牛肉壽喜燒食落嫩滑多汁,有牛味。燒鳥串定食燒鳥串定食配有車厘茄,牛蒡,白飯,玉子,雞蛋和麵豉湯,燒鳥串除咗雞翼還有其他雞的部位和大葱,燒鳥串味道唔錯,最喜歡雞翼,廚師烧到外脆內嫩。
繼續閱讀
📍申子居酒屋 (旺角)旺角黑布街74-76號藝興大廈地下1號舖———————————————餐廳位於旺角黑布街，喺市區中心點，附近行完街約朋友嚟食都好方便👍🏻適逢最近感恩祭，晏晝嚟食「極上 午市割烹」仲有六折好抵😚 餐廳有兩層，都坐得幾舒服～申子三色丼(💰: 179 hkd )三色丼有海膽、拖羅蓉、三文魚籽😍😍 海膽口感軟滑，完全唔腥，三文魚籽都好鮮甜，拖羅蓉佈滿飯面超足料，飯同配料比例剛好，啖啖都有餸☺️壽喜燒定食(💰: 143 hkd )壽喜燒定食嘅牛肉嫩滑，肉味香濃，香甜嘅壽喜燒湯底送飯一流，配料包括豆腐洋蔥娃娃菜，吸收晒湯底超入味🍲😋極上鹽燒牛舌芯(💰: 88 hkd)呢個一定係必點！！牛舌芯軟腍得嚟又有啲爽彈，調味恰到好處唔會太鹹，雖然有五大嚿但食完都唔夠喉🤣整體評分 (6個🐽為滿分)味道：🐽🐽🐽🐽🐽🐽抵食：🐽🐽🐽🐽🐽環境：🐽🐽🐽🐽服務：🐽🐽🐽🐽🐽🐾: 旺角站E2出口步行6分鐘
繼續閱讀
今日再訪旺角嘅申子居酒屋，餐廳環境舒適，同朋友去試咗佢哋嘅午市套餐，嗌咗牛肉壽喜燒同雙層手打和牛漢堡丼，午市套餐推六折優惠，性價比真係高到爆～另外仲叫咗個一口芝士黑豚卷，三重芝士，好滿足！午市套餐仲有前菜，包括麵豉海帶湯、玉子同番茄仔。麵豉湯香濃，飲完暖晒心！玉子軟滑，番茄仔酸酸甜甜，開胃一流！🥘牛肉壽喜燒份量好足，牛肉片嫩滑，入口即化，配上濃郁嘅壽喜燒汁，仲有滑嫩嫩嘅豆腐同爽口嘅蔥段，食落暖笠笠，超滿足！湯底好濃郁，啲牛肉同蔬菜吸晒湯汁嘅精華，味道層次好豐富！🥩雙層手打和牛漢堡丼和牛漢堡扒煎得外脆內嫩，肉汁爆晒出嚟，配上白飯同新鮮嘅蔥絲、蛋，食落好有層次感。
繼續閱讀