332
2
2
港鐵香港站 C 出口, 步行約9分鐘; 俊榮里入口
繼續閱讀
電話號碼
98840308
開飯介紹
位於中環蘇豪區的酒吧餐廳,環境舒適。主打馬來西亞菜,包括招牌秘製馬來西亞咖喱喇沙麵及肉骨茶。
繼續閱讀
營業時間
今日營業
11:30 - 15:30
18:00 - 22:00
星期一至五
11:30 - 15:30
18:00 - 22:00
星期六至日
全日休息
以上資料只供參考, 請與餐廳確認詳情
有關獎賞計劃
相關文章
中環返工唔知食咩好?今次帶大家試一試呢間隱藏喺中環小巷嘅馬拉菜寶藏餐廳💎。尋晚,我同朋友無意中發現咗呢間餐廳。雖然唔係咁易揾,但係食物嘅味道絕對值得一試!老闆好nice,仲會介紹菜式同我哋傾計 😊。佢哋嘅菜主打健康無味精,用養生藥材精心烹調 🍃。餐廳仲有賣現成湯包,方便帶返屋企自己煮。如果想喺繁忙嘅午餐時間嚟食,記得預先訂位同叫定食物,以免滿座等位 ⏰。🍲 養生藥材砂煲肉骨茶 $172 肉骨茶湯底真係一絕,全部用藥材精心熬製,每煲湯都係一次性煲好,唔會再加湯,確保每一滴都係精華 💧。老闆話好多女士因為唔識煲湯,會定期嚟飲呢個湯。🍜 珍寶大蜆拼海蝦咖喱喇沙湯麵 $148 呢個麵嘅味道真係好正宗,大蜆同海蝦新鮮又美味,咖喱喇沙湯底香濃,令人回味無窮 🤤。🥗 和風柚子冰山蚌刺身沙律 $148 沙律好清新,柚子配上冰山蚌刺身,口感爽滑,味道鮮美,係一道好正嘅開胃菜!🍊🥤 菠蘿海燕窩海鹽梳打 $76 呢杯梳打飲落去好清爽,菠蘿同海燕窩嘅搭配令人耳目一新,甜味適中,一年四季都啱飲 🌞。☕ 熱話梅桃膠羅漢果茶 $68 這杯熱飲對身體好有益,話梅同桃膠嘅組合可以養顏美容,羅漢果嘅甜味自然健康,冬天飲一杯真係暖身又暖心 ❄️❤️。💰 總計: $673, 2位用餐(已包含10%服務費)
繼續閱讀
店名:Brick by Brick地址:中環蘇豪士丹頓街21號地庫以下係散叫價錢,宜家有優惠二人餐$476!1.養生藥材砂煲肉骨茶配白飯及油炸鬼 $172肉骨茶用料豐富,感受到店家嘅用心,呢個係馬來西亞嘅版本配上砂煲,別有一番風味,肉⻣茶配有白飯及油炸鬼,二者食用時再索埋d 湯汁😋,而家諗起都流晒口水2.珍寶大蜆拼海蝦咖喱喇沙湯麵$148喇沙湯底非常突出,店家表示用香料同埋蔬菜煮製而成,仲唔會落糖同味精添,成品後湯底非常正,好味得黎又健康👍👍👍,另外湯面材料非常豐富,有大大粒珍寶大蜆,有芽菜,豆卜,溏心蛋及蝦(Ps.我差d飲晒個湯😋)3.和風柚子冰山蚌刺身沙律 $148第一眼望落去以為係三文魚,但再望真d原來係冰山蚌,入口爽甜,再配埋個和風柚子汁,新鮮得嚟好惹味,一個字,正!!!!4.特飲2杯(蔓越莓桃膠藍莓梳打$76 + 菠蘿海燕窩海鹽梳打$76)兩杯飲品都非常有特色,蔓越莓桃膠就對女士非常有益,菠蘿海燕窩就對身體非常好,降血壓補充骨膠原,兩者都非常健康👍👍總價連加一($682)
繼續閱讀
今日去咗呢間港人主理癮世星馬菜餐廳Brick by Brick,估唔到個肉骨茶咁出色😋 我哋試咗佢哋嘅二人套餐,雖然唔算話好平,始終中環soho 地段,但水準拍得上酒店級數!養生藥材砂煲肉骨茶呢個肉骨茶真係好正!🍖 醇厚的湯底配上藥材,飲完之後全身舒服,感覺好健康。肉質軟嫩,真係一口咬落去就化開!👍招牌喇沙烤雞半份呢個喇沙烤雞味道鮮美,雞皮烤得金黃脆口,下面的喇沙汁配搭得恰到好處,辣味適中,令我忍唔住多食幾口!🔥日式海藻沙律沙律清新可口,海藻帶有一點海味,搭配嘅醬汁亦係恰到好處,完全唔會膩,反而可以平衡其他菜式的濃味!🥗特飲最後,特飲嘅香茅斑蘭薑汁特飲,味道清新,仲有話梅梳打,酸酸甜甜,完美解渴!🍹
繼續閱讀
外賣左一份百幾蚊嘅肉骨茶,簡直差到就算免費都唔想食:- 油炸鬼:有3-4小塊,硬到成舊石咁咬唔開,浸完湯好辛苦咬得開仲要痴牙……- 飲品:凍話梅桃膠羅漢果茶(少甜),味道奇怪,難飲到喊出黎,飲一啖就掉左。- 馬來西亞肉骨茶:無藥材香,個湯你睇相都知非常淡口,似係有咸味嘅水,個醬似係蒜蓉定沙嗲,奇奇怪怪咁,又係食一啖就掉左。所謂肉骨,部分採用左豬軟骨,完全唔夾,肉無肉香,湯無藥材香,唔係太明呢碗野想點。睇見其他用專業相機影相+讚到飛起嘅食評,睇見都嬲嬲地……由於係delivery外賣,環境/服務/衛生未能評價,中立少少Default比3分。
繼續閱讀
朋友喺中環返工,介紹我試吓呢間位於士丹頓街比較隱世嘅馬來西亞菜,餐廳唔同嘅菜式都好有風味同埋特色❤️🟢招牌喇沙烤雞烤雞份量幾多,除咗有兩塊雞胸,仲有兩隻大雞腿。雞皮烤得好香脆,而雞腿嘅肉質特別鮮嫩。醬汁味道唔會太濃,相對輕盈。🟡珍寶大蜆拼海蝦咖喱喇沙湯麵呢個喇沙湯麵材料夠晒豐富,除咗有超大粒珍寶大蜆,仲有其他配料包括海蝦、溏心蛋、豆卜、生菜同芽菜。值得一讚蜆肉非常鮮甜又大粒,而喇沙湯底仲冇落任何味精,而係用咗秘製香料同埋蔬菜煮成,相對健康又好味!👍🟠椰絲咖椰薄餅呢個係必食推介,薄餅非常之特別,有好多椰絲與咖椰醬,但係又唔會太甜,咬落口非常之香脆,仲有少少糯米嘅口感,我同朋友都食唔停口!😋
繼續閱讀