616牛肉火鍋專門店 (星峰薈) (已結業)

服務形式：半自助。由服務員安排座位，自己用app點菜，水、調味醬料等自取。食材有服務員送上。裝潢風格：3-一些獨特的元素，但大多是傳統的環境清潔度：3-還可以用餐範圍清潔度：3-還可以餐具清潔度：2-超過一個食具需要再加以清潔或更換服務員：3-還可以視覺吸引力、擺盤：3-還可以味道和風味：3-還可以新鮮度和原料品質：3-還可以份量：4-足夠牛肉每片切得比較細比較小家。如果每片大一倍會比較大氣和口感會好些。噪音水平：4-良好舒適（座位，氣温，寬敞）：4-良好整體滿意度：3-還可以我願意回到這家餐廳的可能性有多大？ 3-中性我向朋友或同事推薦這家餐廳的可能性有多高？ 2-未必會備注：可能散叫牛肉的質素會比較好，但是我不知道。

今日同事帶大家黎左616食火鍋. 呢度唔多人. 雖然話有限時, 但基本上都唔會點趕你走. 只有一個阿姐. 由門口侍應到拎餐, 到加湯. 到埋單都係one man band.幸好只有兩枱. 所以服務還算ok.講返食物先. 坐底二人餐 $156. 加野飲就每位加$5 . 即二人$166佢會有牛, 雞. 豬. 任選一款. 牛有兩款比你選擇. 鍋的湯底有清湯亦都有辣的選擇. 包括沙嗲等.跟住每人會有一籃菜. 裡面包左菜, 金菇, 一條芝士腸同埋兩粒貢丸.最後係飯. 烏冬, 公仔麵任選一份. 唔夠再散叫其他配料, lunch重有八折. 若多過兩個人. 另外再追加每份$58 + 5 (飲品)講下d牛先, (因為我地無叫到豬同雞肉), 叫左兩款牛. 但牛駝峰係比另一個安格斯牛好味. 而且亦都比較林.安格斯的牛羶味比較濃.  所以個人比較推"牛駝峰". 另外自選配料會有更多牛不同的部份. 佢有張紙話比你知要淥幾多秒.醬料係自助式係出面自己拎. 有個秘制牛肉汁. 試左都幾濃味. 其實除非食好重口味. 咪一般的醬油已經好足夠.飲品方面. 除左汽水外, 重可以叫茶. 或者酸梅汁等. 茶的份量都幾大枝.  桂

真係不斷會Encore嘅火鍋店「616牛肉火鍋專門店」😉.酸菜湯底🍲好多酸菜🥬飲落重酸微辣🫑勁開胃😋.特選和牛盛🥩有信州和牛赤身🐄信州和牛羽下肉🐮信州和牛胸肉同澳洲五花趾🐂赤身肉質非常細緻，肉味濃郁🤤羽下肉肉質嫩滑柔軟👍🏻牛胸肉同五花趾肉質都比較有彈性😆.竹笙🥢吸滿酸菜湯汁😬.油麥菜🥦新鮮爽脆.稻庭烏冬🍜口感煙韌😝十分掛湯.菊花桂圓露🌼清肝明目👁️滋補肝腎.洛神玫瑰茶🌸花香清幽，味道酸甜😗

🌟整體評分: 7/10🌟❤️味道：7/10🧡環境：8/10🩵服務：8/10💚性價比：7/10💗小朋友喜愛度：7/10作為牛魔王聽到將軍澳有專門牛肉火鍋，當然要去試一試！餐廳位於酒店樓上，地理位置非常方便，入到裏面亦都非常寬闊光猛，10分期待！一行7人叫咗個二人餐，叫咗牛骨清湯同埋牛雜清湯，另外和牛肩胛，牛頸脊，吊龍，牛心等並8款牛，每樣一碟。湯底好野👍🏻牛肉質素整體可以，但就有少少失望，牛肉太細片冇口感，牛味亦唔算重，可以所以個人黎講未必有下次🥹但同行小朋友仍然非常高興，因為係hot pot lover!

之前食過銅鑼灣同旺角分店 覺得d食物好味同性價比高 但將軍澳星峰薈分店真係建議大家唔好去試 d職員態度可以用好惡劣尼形容 book 8:30pm 準時到一直冇人係reception 冇人打算安排入座 勁多人有booking係門口等勁耐全部人唔知d職員想點 d 職員望到門口成堆人當睇唔到照掂行掂過 我當你預下一round 人一次過入咁你講句等大家有個預算係咪真係咁困難 然後等到8:45pm終於叫做有職員出下尼問下booking 但d職員語氣勁差同勁唔耐煩 然後d安排又搞到勁混亂 一時叫A入得但一時又話B入得先岩 仲要睇d職員面色 所以建議食616去其他分店 將軍澳分店真心唔好去

第一次去616牛肉火鍋專門店 虎喰，位於將軍澳地鐵站Pop corn商場的7/F，地點十分之方便。餐廳裝修得不錯，有很多卡位，就算是普通的大檯，都十分之舒適寬敞，地方十分之乾淨，工作人員服務亦非常之好及有禮貌。我點的湯底是牛骨清湯，其中加入了牛骨、牛肉和白蘿蔔，湯底清爽，非常適合搭配各種食材。食物很美味，有多種牛肉，而且都很新鮮，您可以嘗試所有牛肉不同稀有部位。我喜歡黑豚霜降肉、胸口膀、信州和牛後腿肉、牛朴肉。

叫左個四人套餐，真係太令人失望！個餐包左幾種牛肉，其中有三款和牛，叫做有啲牛味，其他食左落口，都唔知自己食緊牛定豬，雞蛋滑牛肉完全係鬆肉粉T.T。另外，墨魚滑正常，牛丸有”益”味，牛肉餃和山竹牛肉麻麻地。唔怪之得全晚都係得兩三台客，恐怖嘅火鍋經驗，真係未食過咁難食既火鍋。。。。。

呢間牛肉火鍋真係食極都食唔厭，佢淥一淥🥢就可以食得，唔使每次打邊爐都一定去放題任食嗰種，食得耐而且食嚟食去都係嗰幾款，啱晒平時想打邊爐過吓癮嘅人！呢間火鍋店主打唔同國家牛肉嘅唔同部位，食得夠刁鑽，叫咗自己想食嘅牛肉部位，放落自選嘅鍋底裏面淥返幾秒，在點上佢哋自家製嘅牛肉汁，簡單又好食😋！佢哋個湯底定期會轉，每次都會有一啲季節限定嘅特色湯底，每次嚟到一定有新嘢可以試！餐廳有好多間分店，價錢都唔貴，每一碟牛肉都係幾十蚊，一次過可以試晒幾種部位！午市時段同埋早鳥/晚鳥時段嚟，仲有正價食品八折優惠，真心抵食，未試過快啲去試吓！------------------------------🍖◖牛骨清湯◗ $62用咗兩大舊牛骨🦴去熬煮，加入咗白蘿蔔同牛腩肉，淨係個湯底其實都幾多料～湯底比較清甜，帶有少少牛香，冇多餘嘅調味，好適合用嚟做牛肉火鍋嘅湯底！🐂◖信州和牛赤身◗ $78信州和牛係由616嘅團隊專誠到日本長野縣，精心挑選嘅牛肉品種，價錢親民，每碟都係$100有找～佢都俾得幾多，細細片係一口嘅大細，牛肉味香濃，赤身部位油花唔會太多，食落偏瘦。🐂◖澳洲五花趾◗ $68呢個部位平時真係少見，夾雜着啲筋

同朋友放工之後走左去將軍澳行街，之後走左去依間616火鍋，原來佢啲牛肉好正，有好多吾同部位可以選擇，又有日本和牛，非常不錯 。仲有啲自制既麻辣牛肉餃，真係必要試，依間火鍋十分值得推介👍

🐮已經係第二次嚟呢間火鍋店打邊爐，😋上次試完佢哋近排推廣緊嘅日本信州和牛非常鍾意，🫶🏻用非常之親民嘅價錢就可以食到，👍🏻真係好難encore多幾次。🥰今次嘢食嘅質素同樣高質，食完非常滿足。.🐮和牛部位今次揀咗赤身，😚肉同埋脂肪嘅比例啱啱好，👍🏻食落去又有牛油香又有肉香。🫶🏻安格斯橫隔肌亦都非常之值得嗌，平均一碟牛肉幾十蚊就有交易非常之抵食。😍另外推薦大家都要試吓佢哋嘅魚皮餃，口感非常彈牙，🤪油脂嘅香味勁香。.📍 616牛肉火鍋專門店 (將軍澳) 將軍澳唐徳街3號星峰薈7樓702號舖.

去616不嬲都係食開唔同部位和罕有位置嘅牛肉 配埋個勁濃郁嘅沙嗲湯底前排見佢地仲推出咗信洲和牛睇落好吸引咁 而且星期一至日唔同時段去都有優惠做咩時間去食都有折扣優惠例牌嘅沙嗲/牛骨湯雙併窩底牛骨湯底食到唔同款牛肉最原汁原味嘅牛濃香 煮蔬菜類都好適合沙嗲湯底除咗用黎整沙嗲牛肉之外最重要係要煮公仔麵 呢個濃到溶岩咁嘅沙嗲公仔麵真係每次黎都必食嘅講咗咗耐當然唔少得佢嘅重點牛肉鍾意食滑滑口感加點蛋香必點滑尾龍亦都有夠哂牛味濃得黎唔會韌嘅牛上肋和駝峰 仲有澳洲和牛牛頸脊都幾好食最後當然要食佢地最近期推出嘅日本長野縣直運到港嘅信洲和牛 點咗羽下肉 望下佢均勻嘅油花真係口水都流哂🤤每一片入口散發牛脂香 真係必食 佢係堂食限定㗎616嘅飲品都好有自家特色想飲甜甜地可以飲清熱滋潤嘅菊花桂圓露無糖就有冷泡茶可以選擇

616火鍋對香港人黎講一定唔陌生 見到近排更加入長野縣信州和牛即時心心眼, 果然冇令我失望 呢個價錢食到日本信州和牛真係好抵食, 後腿肉肉質嫩滑好有咬口當日食咗好多款牛肉, 當中最印象深刻係吊龍伴肥瘦均勻牛香肉嫩醉牛肉加埋花雕酒香☺️入口嫩滑有咬口👍🏻牛駝峰油脂分布均勻胸口膀爽口彈牙 口感滿分想食麵食一定要叫手打烏冬新鮮製作, 幼身烏冬彈牙, 絕對要order一份香菇貢丸咬落充滿肉汁粟米索哂牛骨湯超甜飲品除咗汽水外, 叫咗幾款自家製飲品, 包括菊花桂圓露, 桂花烏龍冷泡茶, 烏梅汁, 絕對值得一試

久違了打邊爐，香港人真係可以一年四季都可以做的事。今日途徑將軍澳附近星峰薈，由即日起Openrice 主餐牌或早鳥優惠都享有八折優惠，黃金時間則有九折優惠。將軍澳地鐵站上蓋星峰薈地點相當方便，位於七樓的關係完全飽覧將軍澳的景色。座位有卡位或圓枱的，適合一班人共聚的好地方。並以QR Code 自助下單，可免樓面人手。鴛鴦沙嗲鍋有清湯的選擇內含冬菇、芫荽、蘿蔔等，沙嗲湯底能夠做到愈煲愈濃郁的效果。信州和牛刺身份量不算太多，不過其肉質鮮嫩又富有嚼勁，紋理分明不錯。澳洲和牛牛頸脊以鮮牛肉不是冰鮮，切得薄片肉質提鮮放入沙嗲鍋中份外美味。濃汁香菇貢丸彈牙又大粒，帶點爽口。黑豚梅花肉帶點煙靭，厚切的關係富有口感。響鈴即叫即製脆卜卜，響鈴可以做到二食，一食旁邊有甜酸醬汁甚為開胃。二食則放入沙嗲湯底之中，吸收其精華。蜂巢豆腐打邊爐必食，豆腐吸晒沙嗲湯底入味無比。稻庭烏冬有二大塊，日本的稻庭烏冬出名滑溜又有咬感唔錯。洛神玫瑰茶自家製滿滿花香又醒神。菊花桂圓露潤喉又解渴亦夠滋潤。

屋企夜晚冇煮飯，這晚來到將軍澳星峰薈的 616 火鍋，這裏有很多不同部位的牛肉選擇，嗜牛人士一定要過來試試，網上訂座平日夜晚黃金時段仲有九折優惠，好抵食 天氣咁熱，叫咗消暑冬瓜蟲草花湯底，清清地無咁熱氣 自助 QR code 落單，5分鐘就上哂菜，等湯煲滾 (由上至下）蜂巢豆腐、台式蛋餃、白蘿蔔、鴨血、安格斯-橫膈膜略嫌橫膈膜牛肉顏色偏深，幸好肉質仍是彈牙的，油脂分布平均(由上至下）滑尾龍，手打牛筋丸滑尾龍即是牛的後腿肉，脂肪較少，口感偏韌，但肉味濃郁。原來拌勻生雞蛋和牛肉，可以令纖維鬆化，根據餐廳的指引淥8秒鐘，入口時肉質又滑又香，以我所見，大部份食客都會叫這款肉手打牛筋丸，賣相唔算好特別，不過口感不錯，牛筋非常爽口本地手工啤酒：里香白蘭，帶着清幽的花香味，有點像 1664 白啤酒另外我們還飲了菊花桂圓露和烏梅汁，兩個都好飲

今日打邊爐鋪癮又黎啦～ 去將軍澳popcorn行街，順便試下附近間616🤭喺星峰薈嘅7樓， 地鐵站行幾分鐘就到。 呢間616嘅裝修特別靚又新淨，環境都特別舒服～呢度人氣好高，6點幾黎到已經坐滿人啦～今次繼續食牛雜湯底🤭 自從試過一次之後就好回味呀～ 牛雜分量非常多，煲咗一陣之後啲精華流曬喺個湯底度😍 首先試咗信洲和牛赤身， 平時比較少食赤身嘅部位因為偏瘦，但因為佢喺信洲和牛， 食落有滿滿和牛油脂香味之餘，肥瘦亦適中喎。 花雕醉牛係我地必點！ 牛肉比較厚身之餘 ，花雕味即使溶於落湯底，但仍然留咗部分喺牛肉入面。 滑尾龍 要先將雞蛋同埋牛肉拌勻，然後再落入湯底， 雞蛋包住厚身嘅牛肉，食落口感非常特別。 仲有試咗安格斯橫膈肌，牛味較重，都唔錯。 今次嘅麻辣牛肉餃好有驚喜！ 餡料多汁又夠曬香辣， 食到出曬汗但覺得好爽！ 毛肚亦非常推介， 薄薄一片非常爽口呀～ 最後加埋個烏冬，吸收晒全部啲肉嘅精華，正呀😋