666泰船麵 (德輔道西) (已結業)

久違了的西環區，一去到想不到有什麼好食，看雜誌看到有25蚊一碗的麵，於是就前往排隊試試，過了中午時段，排隊的人不算太多，很順利便可以入到餐廳裏面 ，中午飯吃了$25一碗的什錦金邊粉，雖然份量少了一點， 應該為試食份量，但料的款式也算多，有蘿蔔肉丸豬油渣， 豬肉豬膶和菜， 湯底十分濃郁上算不錯， 坐在這間店的環境，也算舒適又乾淨企理， 其餘的小食款式也很多，包括有蝦餅等等，另外飲品方面也有很多選擇，有青檸梳打，冰鎮奶茶， 這樣經濟實惠的價錢亦很值得一試

船面就不嬲出名細碗，平，所以可以叫多幾款，試下唔同既野。呢間船面店二十幾蚊一碗船面，就真係好細碗下，基本兩三啖就食曬，要食到飽仲貴過你係出面食正常size既面。我地都叫左好幾碗，但係碗碗既味道都係一樣，只係個配料換成牛丸/牛肉，而且個湯味道一般，有少少似藥材味，但又唔完全係，所以唔太推介。佢除左有船面仲有海南雞飯，但係飯比較乾，雞唔特別滑，唔推薦。炒魷魚味道都一般。唔係好記得炸咩，但係記得好油。酸辣鳳爪算係比較好味。

留意左呢間 一段日子， 終於有時間下午過來食個晏。 雖然呢期船麵火紅，但我一向醉心於海南雞飯，所以特意來一試。來到已經過了午飯時間所以大把位坐，店內以大枱為主，裝潢上大致上跟上手車仔麵店差不多，現在只是加添左一點泰式裝潢和老闆和朋友的照片。 看看餐廳大致上以船麵和小食為主，價位相當貼地，廿幾蚊一碗野, 最低工資都高過佢，仲有乜野好講呢。 店員反應好慢, 經常面向廚房唔知做乜? 我點了 $28 先送來是蒜蓉醬 (連飯，不用加錢)迷你［泰式海南雞飯］亦送上枱雖然得幾啖，但份量對我而言是ＯＫ的。 海南雞就令到我火姐上身，雞胸只有2-3 薄片, 其他全部是雞皮連住細過手甲既雞肉， 我只好將皮放在枱上得出來的結果是一半以上是不會吃的雞皮。 油飯略為濕, 味道可以接受。 ６６６果然是魔鬼化身，平都無用。 

睇完一本介紹船麵嘅雜誌之後，真係好想去食，666之前食過都ok，所以阿sir建議再翻兜，今次嚟多咗好多食物選擇，但主打船麵似乎水準不保了......豬肉船河粉 $25x2 🍜🍜🍜==============湯仍然濃郁，但豬肉較鞋，而河粉又碎又唔滑又唔通透，so sad ！牛柳串燒 $38兩串 🐮🐮🐮==============其實牛本身無乜牛味，但帶有花生粒嘅沙嗲醬嚟彌補，就變得又香又惹味，可以一試。芝士炸蝦餅 $42 🦐============上次試過普通蝦餅，所以今次試呢個有芝士嘅，結果令人失望，只係用普通片裝芝士放上蝦餅面，然後用火槍燒焦，但真係焦過龍囉！泰式烤魚(鯛魚) $58 🐟🐟🐟🐟===============呢個烤魚真係又大條又抵食，魚皮唔脆但好香，魚肉鮮甜又多汁，鯛魚真係唔多骨好正，等15分鐘好值。二人共消費：$188

西環呢間船河店，之前因爲睇到廣告所以一直都有打算試，今天咁啱路過就決定試下，以前未食過船河，唔知乜嚟，試過覺得唔錯，湯底香濃，配料ok, 廿幾蚊幾抵，份量啱女仕，男仕應該唔夠飽，但因為咁所以可以再試多幾款食物，海南雞飯不錯，d雞嫩滑，油飯好味，加$5配水門雞醬，個醬就普通d,個人認為可以唔加，個竹笙雞絲翅又係20零蚊，足料好抵，仲有好多其他嘢食價錢都好親民，環境裝修都有特色，絕對可以介紹比其他朋友試！

經個門口幾次 都覺得好想黎試下 門口裝修特別又有味道 所以專成過來食 裡面裝修特別有趣 檯櫈夠風味 Menu選擇不多 我地叫左黃咖哩牛腩黃麵, 海南雞飯, 泰式奶茶 細碗 其實黎之前做過功課 知道係細細碗既 不過 真係作為下午茶都有D唔飽 可能我胃口大卦 好快有得食 兩樣都唔夠熱 完全無蒸氣個種 微暖既飯同麵真係唔OK 麵本身已經係’傑’身 加埋佢唔夠熱 就更加傑身海南雞飯無加錢要佢個特式醬 跟飯既醬….唔..…. 泰式奶茶無茶味 好希 同正宗泰國奶茶完全無得比 只能形容為有色淡奶水 好後悔加錢叫

開咗張都有一段日子，經過附近就走黎試吓，試咗船河，海南雞飯同埋燒牛柳串。船河先上，細細碗正常船河size，有丸、豬肉片、蘿蔔各少許，味道正常沒有特別，湯底深啡色，夠濃但偏甜，敗筆係用乾嘅金邊粉冇口感，而且未煮透，食完個胃都頂住頂住跟住到海南雞飯，雞肉都算滑當然唔好要求會有雞味啦，油飯做得唔錯，夠油潤又有香味最後到牛柳串燒，係睇其他食評推介點嘅，但係亦係最失望嘅，牛肉燒得過火好乾好鞋，食咗一串就放棄了呢度嘢食單價唔貴，但係起碼要叫兩三樣先食得飽，所以其實平均消費都唔低

上星期六車爸爸很早便在機場收工！難得有拍拖時光當然二仔底死跟出城！！就是這樣造就了看日落觀海的動人時光！之後我們走到666泰船麵吃晚餐，印象中這店前身是車仔麵店，如非同老闆這頂手太合適了！！ 內裡裝潢走懷舊感覺，一室摺檯摺凳很有Feel！！ 先來飲品車爸爸的泰式奶茶＄20，自家製的泰式奶茶喝下有忌廉的香味很特別！！ 而缺氧的我點上青檸梳打＄20，最喜歡支裝梳打水夠氣非常！加入青檸清香解渴一流，而那玫瑰匙羹也很美呢！ 食品方面真的好開心餐牌有泰式船麵、黃咖哩類、泰式飯類、沙嗲串燒、沙律和十多款泰式小食可供選擇，由最便宜的咖哩薯仔黃麵＄22，到最貴的黑松露芝士炸蝦餅＄70，也不過百元一客，價位也走懷舊路線嗎？ 我倆也是泰式生海蝦＄35的粉絲當然要點一客品嚐，一客有5隻海蝦份量好有驚喜，蝦肉質地是爽口但味道不算十分鮮甜，但配上香辣到位的酸辣汁絕對收貨有餘。 泰式海南雞飯＄28、升級水門雞醬＄5，一飯碗的份量女生胃口剛好！！ 海南雞皮滑肉嫩香氣也足有水準，油飯味道甘香油潤，充滿油香的泰國風情教人喜出望外，質素媲美不少酒店級水準！是車媽媽必吃推介！！ 泰式船麵選了牛肉金邊粉＄25，小碗賣

👁‍🗨 泰式海南雞飯💲28下午茶時間係西環想食少少野頂肚，見呢間既粉麵飯都細細碗，簡直岩曬我心水☺️第一次黎，決定試左個海南雞飯先，雞皮脂肪唔算多，雞既肉質唔鞋口，油飯唔會淡而無味，配埋個我幾鍾意既芫茜酸辣醬，話曬都係二十八蚊，咁既質素我收貨呀😍唯獨係個飯濕左啲，感覺如果係乾身少少更好🤔呢個份量做茶點岩岩好，但係如果午飯晚飯去就應該要叫多碗或者額外叫小食先夠飽啦🤗🔛 整體評分（7/10）

肚餓搵嘢食，來到西環666泰船麵，叫咗個大家常食架“泰式海南雞飯”，價錢適中細碗$28，加多$5有嘢飲。大概等咗2分鐘d嘢食就上臺啦，都幾快。當我見到個“泰式海南雞飯”時，哇，好正宗喔！海南雞飯的雞肉最緊要夠嫩滑，應該有用鹽麴醃一下，所以肉沒有腥味，而雞肉更滑，油飯，是海南雞飯的神髓，那股撲鼻而來，飽滿、難言的油潤芳菲，真是怡神開胃，醬料也是主要的，酸甜味濃，說不盡的滋。宜家真係好難食到好味的泰式海南雞飯，雖然有好多專門店，但水準不能保持穩定，對於對食物有要求的朋友很是失望。好在搵到還有幾間好嘢✌。

每年我都至少會過一次西環，無他當然是拜年、不經不覺堅尼地城線已開了數年,又從完全不識得出口的分別 、到現在已經摸透了許多， 今次的出口便是大學站B出口。。。還記得這間舖位上年拜年過後途經過還是一間車仔麵檔, 誰不知今年已轉手經營作一間泰國 特色店、 外牆裝修完用上手風格， 統一來說 裝修上都是以特色為首、 未來之前朋友已告訴我這裏開新店舖，誰不知上上開飯網搜尋一下、看看外表才發現原來已換了內(涵)， 而普遍食物也提及過份量很少、 所以在門外忐忑了一會兒，究竟我應否進入 、因為講真雖然我是一位女生但是食物容量也非淺， 心想既遠道而來就不妨一試，店內舖位不算太大, 但格局佈置很有心思、 懷舊與特色共冶一爐， 個人就一口氣點來迷你海南雞飯HJ$28.以及雞肉金邊粉HK$25.份量就是我們中式的雞公碗迷你版碗仔上, 話到明雞肉作主角當然是有雞肉， 其他餸分別有雞腳、蘿蔔、 鴨腎等等， 吃在口中感覺醃得也算入味、粉類方面我便選擇了金邊粉，夾著筷子內一看便知是已乾性金邊粉發製， 質感爽而幼身、 湯底味道中規中矩, 以HK$25元作個交易亦算為試過~只用作攝牙縫的船麵, 當然不夠飽所以接下來的迷你海

想簡單，而且食量細既人，可以去試下。叫左海南雞飯($25)，遊泰國(即豬肉麵)($20)，牛肉麵($20)。大約每款$20，細細碗，可能3碗等於其他店舖既1碗(?)。其實人多既話，基本上餐牌上既食物全部可以叫齊試。海南雞飯既雞份量ok，d飯幾香，尼個唔錯。豬肉麵入面唔單只有豬肉，仲有其他豬既部位，個湯幾好飲and唔鹹。牛肉麵就正正常常，d麵既湯底係唔錯。如果大食既人就一定唔夠飽啦，尼個做下午茶唔錯。

見到有20碗泰國船麵，就入嚟試下。真係好細碗，好在個湯底幾香濃，不過啲豬肉就唔太好食。叫一碗麵幾啖食完一定唔夠食，再叫海南雞飯同蝦餅。油飯ok，但雞冇乜味，蝦餅就唔夠香脆口感一般。要食得飽埋單都要七十幾蚊唔係特別抵。

The previous restaurant sells cart noodles and the owner ended the business due to unadorable rent. Inner design and setting is the same as the previous restaurant so I'm not sure whether it is the same restaurant owner or not. Looking at the menu, noodles and rice are very cheap, about $20-$25@. Comparing to other nearby restaurants, the menu is bargin! However, the portion is very very small. For a normal eater, you may need to order 3-4 bowls to be full!Meat Ball Noodles - $20Meat ball were b

星期六的下午因事黎到香港大學附近，午餐就到呢間666泰船面醫肚。我同朋友都係等咗一陣就有位，座位就迫咗啲。我地咁啱有單邊位坐，可以自成一國，唔洗同人搭枱。 面或者飯款都大約$30左右一份， 仲有其他小食都係咁上下價錢一份。我地兩個人就揀咗個船面，海南雞飯，生菜包同炸蝦餅。面同飯就係小小一碗，不過我又唔覺得份量好細，配多一份小食，完全飽哂。遊泰國呢碗面，講真，我有少少失望的。雖然個湯底幾濃味，而且都有好多配料，不過佢係唔辣的，唔啱我鐘意食辣的口味。 海南雞飯雖然份量少少，但係佢的飯真係好好味，完全索哂啲雞味。炸蝦餅唔記得咗影相。蝦餅熱辣辣上枱，食落就一般般，冇咩特別。 生菜包生菜包的餡料都幾特別，豬肉碎會配上冬菇一齊，所以個餡料寧舍有鮮味，唔會得肉咁膩。兩個人合計$120. 我覺得還可以啦，附近食嘢都係咁上下價錢