8鍋臭臭鍋 (金巴利道) (已結業)

冬天又係打邊爐既日子 不過成日打港式邊爐，其實有啲厭所以專登搵左間台灣火鍋店 中午同男朋友一人一鍋餐廳就喺佐敦地鐵站行8分鐘其實算係佐敦同尖沙咀中間我哋一點坐低 只得三四台客不過一點半嘅時候已經差唔多坐滿我同男朋友分別叫咗酸辣羊肉鍋同埋麻辣火鍋，兩款都有得揀辣度係等待火鍋嘅期間，我跟足指引去配搭完美嘅醬料，但係其實火鍋湯底味道已經好濃郁，連我平時咁重口味嘅人都冇點過醬料。可能食蕃茄湯底會需要點，冇錯，下一次要試蕃茄湯底，哈主要講返我個麻辣湯底先，材料非常豐富，想知道有啲乜嘢？其實可以睇返餐牌佢已經講得好清楚。最開心係佢個味道真係好台灣， 一食甜不辣個下，所有喺台灣去旅行嘅回憶都沖返晒上嚟！好煙銀好好味。相對於吉野家嘅打邊爐， 呢間餐廳嘅火鍋味道濃郁好多， 重點係材料好豐富！啲娃娃菜食極都有，仲有嗰個蜂巢豆腐炸枝竹，吸收晒湯底嘅精華！對於飲品都幾有驚喜， 我叫咗珍珠苿香奶綠，其實我唔記得叫少甜，但味道啱啱好，係有質素嘅飲品。美中不足嘅係我叫咗粉絲，點知份量其實係唔夠我食，同埋係台灣嗰隻幼粉絲，如果同我一樣大食嘅下次記得叫飯～ 忍唔住加配花枝丸埋鹽酥雞

路過見呢間個名咁特別—臭臭鍋，究竟係咩嚟？就入去試下先~今次午飯時間過後黎，所以唔係好多人~一至五12-3pm 有 lunch set $60，lunch set包一碗飯/粉絲 + 一杯細紅/綠茶原來8鍋臭臭鍋係台式餐廳，8鍋係指最初專賣8種不同火鍋依家仲有呢款新鍋餐牌好仔細寫明每個鍋入面有咩餸，唔夠可另外加餸~天氣剛剛開始有啲凍，就食藥膳羊肉鍋啦~  仲叫左份鹽酥雞，好似幾吸引~飯/粉絲可以加錢轉滷肉飯，飲品亦可加錢轉其他飲品，今次就揀左桂圓黑糖薑母茶~話咁快鹽酥雞就嚟啦~熱辣辣，外皮好脆！其他炸雞通常入面雞肉好乾好嚡，但呢度既鹽酥雞內裡雞肉仲係好嫩滑，一D都唔乾！值得一讚！加上鹽酥味令炸雞更香口，食完一舊又一舊！！！ 好好味！值得一試，而且份量好多，最啱一齊share食~藥膳羊肉鍋都嚟啦~好大陣藥材味！好大鍋！真係有好多餸，有娃娃菜、羊肉片、翡翠魚豆腐、貢丸、淮山、香菇、粟米、豆腐卜、金針菇、粉絲、鳴門卷、素鮑魚...娃娃菜吸曬湯底藥材味，好味！粟米清甜，香菇幾滑，粉絲份量都唔少~羊肉片份量都幾多，唔會好嚡，加埋醬汁，好惹味！餐牌有介紹最好既調配醬汁比例：三匙豆瓣醬/沙茶醬+兩匙豉

最近天氣轉凍同朋友都開始想打邊暖下個人 平時中式湯底大家可能食得多 唔同鋪頭亦都開始出泰式，牛奶，等等特色湯底吸引顧客經過呢間鋪頭見到佢寫住臭臭鍋 覺得幾特別要是入去試吓 午市套餐每人一個細鍋$60 星期一到星期五都有唔同湯底 而臭臭鍋係一至五都有 分別食過牛奶鍋臭臭鍋同埋藥膳鍋 建議大家一開始揀食少辣先 如果大家驚頂唔順個隻味可以穩穩陣陣選擇牛奶芝士，蕃茄嗰啲 入邊大概有豆腐肉菜反思或烏冬等等嘅配料每一個鍋都唔同 而招牌臭臭鍋入邊就有豬紅大腸豬血糕等重口味配料 其實個湯底陣味唔算太難入口 冇大家想像中咁臭大家如果想特別少少不妨試吓！另外跟每個餐都有白飯或者粉絲選擇 建議大家選擇白飯因為有一啲鍋本身跟咗粉絲總括來講我覺得呢間鋪頭嘅湯底幾有特色如果大家想飲啲特別嘅嘢飲都可以試吓呢度嘅盆栽奶茶 但係我覺得佢嘅嘢飲淡口左少少有改善空間芝士牛奶同埋臭臭鍋都幾好味 但係唔建議大家食藥膳鍋個人覺得一般

開左咁耐先同同事食。吸引之處：1. 餐廳好靚，好有氣氛既台灣餐廳。2. 黑麻油雞窩既麻油味濃。聞到好開胃。雞肉煮得滑，而且好足料。3. 食到陣米酒香味。湯底有加左薑，所以越煮就越濃味。好好飲既湯底。4. 仲有好台式既米血糕。放足料，一個窩好多野食。5. 芝士牛奶窩都出奇地好味。淡淡既奶香同香陣陣既芝士味，配搭得好。唔會搶走奶既味道。6. 加左粉絲落去，粉絲吸左芝士汁特別好味。蛋餃好好食。7. 又係好多料既一個窩。食完已經好飽。入邊仲有烏冬，芝士同烏冬真係無得頂！8. 餐廳有教醬料既黃金比例，調完係真係好好味。9. 飲左杯蜂蜜綠茶。同出邊奶茶舖整既水準不分上下。野飲無expect到咁好飲。整體黎講，係好足料又好味既台式餐廳。

天氣凉咗少少最啱食火鍋。今日同朋友去咗食依間一人食嘅鍋，見佢晚市餐廳full哂應該好唔錯。Menu鍋嘅種類選擇都算多，而且有詳細列明有咩材料。每人大約$120左右。雖然臭臭鍋係招牌鍋，但我怕自己食唔慣，所以就冇叫到。想食清淡d冇咁肥就叫咗個藥膳羊肉鍋。可以跟佢推薦撈醬，但個人覺得鍋個湯底已經好入味，唔點醬油都可以。藥膳羊肉鍋一如menu上寫到，材料好豐富，羊肉湯底唔羶，有淡淡嘅藥材味。雖然每樣食材得大概三、四件，但好彩夠多，每樣食d其實都夠飽。羊肉片不過不失，唔會有太多脂肪太肥。其他食材尚算新鮮。隨鍋附送嘅粉絲，想飽肚嘅話應該要叫飯朋友點嘅黑麻油雞鍋。黎到之後見到面頭好多公仔麵絲既物體, 睇翻menu先知佢係台灣米線。因為拖得太耐先食，d米線越黎越漲...越黎越多...建議大家儘早食 如果唔係就好似食唔完😂

天氣涼涼地，好想食d暖立立既野食，諗起係台灣有好多分店既8鍋臭臭鍋，想食好耐，今日出開黎尖沙咀，就同男朋友黎左食一人一鍋啦。係中午時間12點幾，我地好好彩仲有位，到左差唔多1點，已經全場爆滿。想黎食既原因係一人一鍋，跟飯或粉絲連台式飲品都係$88，仲有好多選擇，同男朋友口味不同都唔怕。加$7蚊既既話，更有多d飲品選擇。我咁鍾意飲奶蓋，點會唔加。。有好多醬料可以加，8鍋餐牌上係有一個推薦既份量，3匙沙茶醬、2匙豉油、1匙蒜蓉。不過我當然無跟，我落左好多蒜蓉醬，好重口味，好正！香蒜牛肉鍋:呢個係我揀既，我又鐘意食牛又係蒜頭怪，揀呢個無得輸。個鍋黎到，未食已經聞到勁蒜味，除左肥牛還有少少粉紅色之外，其他食物都已經熟左，侍應著左個火再滾一滾就食得，材料好多，好多肥牛，又有好多蔬菜，成個鍋俾我消晒。最驚喜，最估佢唔到係粒牛丸，外表咪就係普通一粒牛丸囉，但咁juicy 多汁有牛肉味既牛丸 (有d似牛根丸) 真係好少食到，好想知有無得買番屋企招牌臭臭鍋:男朋友食既，小辣，湯底好惹味，真係有小小臭豆腐個種臭，好正，我有用我d粉絲係佢個鍋度碌，辣辣臭臭咁，好得呀！飲品揀左百香果綠茶同奶蓋烏龍茶，兩杯都好

6/10入到門口就知道冇嚟錯地方。一入餐廳就有一陣奇怪嘅味道，真係唔係個個接受到!但係既然來到就試下你嘅招牌臭豆腐同埋台式麻辣鍋。記住等野食時follow menu 後面個指示，一二三步撈你個混醬! 味度有驚喜。 台式麻辣鍋個賣相唔錯都好豐富。小辣唔係好辣，食開譚仔三小嘅朋友可以挑戰中辣。味道都唔錯個麵吸曬啲湯底好好食! 反而個招牌臭臭鍋就普普通通，湯底偏淡。由於個人唔係太接受臭豆腐所以我都係畀老婆食XD 成餐飯最特出係個盆栽奶茶。朱古力oreo加奶茶原來好夾! 台灣菜都係嘢飲最出色!奶茶值得推介!!

呢一間8鍋臭臭鍋好受歡迎，每一次經過呢一間餐廳，都見到好多人等位，平時都好怕等位，所以咁耐都未食過，咁岩今日經過見到無人等位，就即刻入去試吓。好彩今日早食晚飯，先至有位，終於可以試吓呢一間台式火鍋。蒜香牛肉鍋蒜香味好香，而且個火鍋可以係一人一鍋，又有火燒住，可以一路食一路保持鍋嘅溫度，冬天食真係啱晒！而且呢個喎非常足料，肥牛又滑又薄，又有牛肉味，娃娃菜爽口鮮甜，而且有啲菜食下健康啲，比較有咬口煙靱，亦都有蜆，好鮮甜，好好味，魷魚圈好彈牙，魚蛋亦都好彈牙有魚味，仲有炸枝竹、粉𢇁，索哂湯底，好惹味。盆栽奶茶盆栽奶茶即係朱古力味奶茶，再加一層口口嘅Oreo碎，朱古力好香濃，又滑，非常非常好飲！唔怪得呢一間台式火鍋店咁多人排隊，因為火鍋料好有特色，而且火鍋湯底又好味，連飲品都好好味，就算要排隊都值得一試。

Had the cheese milk pot last time so this time gonna try the satay beef pot!! Its amazing and so fulfilled after eating it!! The citrus soda is so nice which i recommended to my friends and they like it so much too!!! The staffs are really nice and the service is good too!!

第二日就去旅行，去旅行之前緊係要好好放鬆一下心情架啦！我地就揀左去尖沙咀到打邊爐，入面有9個鍋底可以選擇，有幾個都好想食，我呢啲有嚴重選擇困難症嘅人最後決定揀左咖喱奶蓋鍋，當奶蓋遇上火鍋，唔知味道會係點架呢？我再加多左幾款配料，分別係蛋餃同鹵蛋，令到個火鍋更加豐富。再叫左多左杯水蜜桃綠茶添，佢呢到有好多款台式特飲，岩哂我呢啲台飲不離手嘅人。我同朋友share左一份蒜味台灣腸，呢道係我地最愛嘅台式小食，由於即叫即煮關係，要等番大約15分鐘。上野食之前要先調好個醬，我加左沙茶醬、豉油同蒜蓉，得出個黃金比例醬汁，個人鍾意食蛋啲蒜味，我就再加多少少吧咖哩奶蓋火鍋黎到真係唔野少，非常豐富，入面除左有多款蔬菜之外，仲有幾款海鮮（魷魚圈、沙白），而且湯底仲可以揀辣度，小辣就岩哂我心水有濃郁嘅咖哩香味之外仲有粉少辛辣味，相當惹味，加左奶蓋令到個湯底多左一份香滑嘅口感，可以話係意想不到地夾。之前點左嘅蛋餃同鹵蛋都上到，鹵蛋滷得非常入味，仲有少少肉碎添連入面嘅蛋白同蛋黃都已經入左滷水，非常好味。蛋餃可以話係誠意之作，去到出面好少會見到有蛋餃可以揀，因為製作有啲繁複，呢到竟然有得食，我又點可以唔點呢薄薄嘅蛋

邊個話臭臭鍋係臭？( ･᷄ὢ･᷅ )入到去就好似入左小台灣咁，除左環境擺設之外，店員服務態度都好正！以為係尖沙咀食嘢好貴？一個鍋都可能係百幾蚊？咁你咁諗就錯la⁄(⁄ ⁄ ⁄ω⁄ ⁄ ⁄)⁄，雖然我初頭都咁諗，但只要行多幾步，總有間扺食係你附近！我就嗌左個芝士牛奶鍋(˶‾᷄ ⁻̫ ‾᷅˵)，88蚊一個鍋+粉絲+飲品，我自己就補左差額轉飲珍珠奶茶(｡･ω･｡)ﾉ，上菜個時真係香到爆，放入口既時候完全係冇油膩感，好香好滑，不禁令人飲多幾啖！佢個料好豐富，有南瓜，菜，魚蛋，牛丸，魚腐，豆卜，菇，當然有肉，仲有值得推介既餃子！餃子漲卜卜，一個鍋入面大概有3-4隻，e個餃子同岀面食既唔同，佢既皮煙煙韌韌又幾正！d粉絲佢會用個細碗另上俾你，當全部粉絲到曬落鍋到，都米話唔飽，粉絲撈埋湯底一齊食，真係回味無窮！

最近成日喺朋友口中聽到8鍋臭臭鍋，本身都已經幾鍾意食台式火鍋，今次聽到呢間鋪頭出名臭臭鍋，忍唔住去試返次！今日午市走去食，可能平日唔算太多人，而且鋪頭都算大，就係都幾闊落同埋舒服。套餐（$112）一個火鍋加粉絲或者白飯加飲品招牌臭臭鍋尼到臭臭鍋專門店，冇理由唔試吓佢個招牌臭臭鍋。我覺得鍋裏面嘅配料全部都好新鮮，而且同湯底好夾，絕對係用心安排，相比起快餐店比幾十蚊打邊爐，今次真係物超所值。鍋裏面主要配料有豚肉、娃娃菜、支竹、番茄、貢丸等等，而我自己覺得最精華嘅配料就係粉絲同豆腐，因為呢兩款食材吸晒臭臭鍋嘅味道，好索湯，送飯一流呀！滷肉飯（白飯轉滷肉飯加$12）本身都好掙扎轉唔轉滷肉飯，但你都台式餐廳，無理由唔試吓個滷肉飯，無論係滷肉飯嘅大小或者係未，，都令人覺得物超所值！系詞食碗細細碗嘅滷肉飯都幾十蚊啦，而家加$12就有，真心幾抵！聽講呢間餐廳出名盆栽奶茶，聽到個名都覺得幾有趣，於是大膽一試。原來係將oreo加入奶茶，聽落去好似係一個好甜嘅組合，但係結果完全相反。朋友點的酸辣羊肉鍋：

諗起打邊爐嘅話除咗雞煲同埋普通火鍋之外又真係諗唔到有啲乜嘢特別而且係有風味嘅火鍋咁今次嚟到尖沙咀咁岩見到一間幾好特別嘅一人火鍋而且係香港入面都絕無僅有嘅特色， 驟眼一體原來係一間主打台灣嘢食嘅餐廳對於台灣料理都好有興趣嘅我當然要試一試咁價錢方面又唔算話好貴同正常一人火鍋嘅價錢都差唔多最緊要就係呢度嘅選擇係非常之多而且每一款嘅配菜都係絕對會令你好飽咁今次我就試咗台灣臭豆腐嘅臭臭鍋亦都係呢一間主打嘅火鍋，對於一啲鍾意食臭豆腐嘅人絕對唔會令你失望。咁個火鍋一嚟咗就已經聞到好濃烈嘅臭豆腐味而且個湯底亦都係會令你想飲亦都顯得非常之龍淨係呢一點都已經值返呢個價。咁配菜方面除咗臭豆腐之外仲有一啲豬肉片咁你一到就冇牛肉如果鍾意食牛嘅朋友就可以order安格斯牛肉片咁價錢嗰度都唔算話好貴賣相都唔差嘢飲各方面呢度都做得唔會馬虎而且每一杯都好有特色咁，今次都要試吓台灣嘅招牌奶蓋綠茶第一啖已經飲到好濃同埋充滿奶香嘅乳霜咁啲茶葉都係係非常之清新對於食完濃烈嘅嘢尤其是臭豆腐飲你一杯就可以中和返個口氣所以整體上來講呢一間都會係非常之推介因為香港本身少呢一類嘅餐廳而且佢又可以做得非常之好

最近都是是但但 十餐有九餐飯幫襯大集團/快餐店 人都頹埋🤷🏻‍♀️今日決定約朋友食好少少 就黎依到試試佢🤤完全無做資料搜集嘅情況下 見到入面幾寬敞又幾多人 咪入黎試下囉坐低見到有午市menu~$60有個迷你鍋 價錢都可以接受但妹太肚餓 就決定叫個大嘅！$88 套餐+$12魯肉飯！今次 我叫左酸辣羊肉鍋🤤🤤🤤唔只賣相得 個味都好得！因為我真係好鍾意食酸野 依煲野掂呀 個味唔會淡 夠哂濃 酸酸辣辣 巧巧痴！點解我會話餐飯抵食呢因為個鍋真係好足料🤭🤭🤭羊肉都幾多片 唔會太So 又唔會太薄片配料都唔少 淨係蜆仔都幾隻平時啲邊爐無咩菜 依到又有唔少菜俾我吃如果吉邊係性價比高嘅話 我覺得依到都唔差😂雖然我係叫大鍋嘅 但隔離枱點迷你鍋都唔見得好少送 個個都係嗌住飽 所以我諗都真係抵食🤤🤤🤤依個係朋友點嘅 招牌臭臭鍋Hehe個湯底正呀！夠臭🤤🤤🤤如果你鍾意臭豆腐 一定好喜歡隻味👍🏻講下個魯肉飯其實最令我驚訝嘅係咁多肉lol平時啲魯肉飯俾多幾粒肉我好似會死咁依間野就係賣哂大包😂啖啖飯都佈滿魯肉🤤🤤🤤唔會太鹹 又唔會太似港式肉碎真心 淨係食依碗飯已經飽左七成加埋個鍋我真係捧住個肚走🤦🏻‍♀️🤦🏻‍♀️🤦🏻‍♀️飲

今日同朋友經過呢間餐廳， 見到餐廳個名:8鍋臭臭鍋，都幾特別， 所以決定入嚟食個lunch😍一入到去，環境都幾舒服，啲座位好寬敞，而且食譜上有好多唔同款嘅一人鍋， 好正呀😍😍我叫咗招牌臭臭鍋，我朋友就揀咗藥膳羊肉鍋， 可以配白飯或者粉絲，鍋裡面有好多餸，分量好足👍👍食物都好新鮮， 臭臭鍋有臭豆腐嘅味道😍😍好特別呀！ 裡面有好多款食物， 有菜有魚有肉，連豬紅都有😍😍 好豐富!我哋另外仲叫咗桂圓黑糖薑母茶，好健康，好好飲👍👍材料好足!同埋仲叫咗杯盆栽奶茶， 個賣相好靚， 上面黑色的碎碎曲奇真係好似盆栽啲泥土咁😍😍😍 淨係賣相已經好吸引， 飲落去 奶茶加埋碎碎既曲奇，好正呀！好想再飲多杯😍整體上都好滿意呢間餐廳😍 下次會再幫襯👍