8鍋臭臭鍋 (金巴利道) (已結業)

之前路過門口好大個牌話60蚊特價鍋只限平日一至五午市供應 每日輪流有2-3款 原價唔知盛惠88定112 見咁抵咪bookmark左搵日黎試下💀呢日黎到門口見唔返果個牌 入去問好在都仲做緊優惠 當日大約1點開始多人每個鍋都指定配唔同餸 我嗌呢個招牌有少臭既臭豆腐 大大件唔算韌既豚肉 仲有豬大腸 鵪鶉蛋 半粒丸 一粒蜆等等 叫左小辣 餸就普普通通啦 不過呢種臭臭風味始終唔係咁岩我 都係留返去台灣食一次半次就好💩當日既芝士牛奶鍋比較岩我地呢d小朋友口味 不過都係嫌佢唔夠香濃😳黑麻油雞鍋面頭果堆其實係麵線黎😂跟餐配白飯/一啖食完既粉絲(早知嗌飯!!!🌚) 同埋偏甜既凍紅茶/綠茶

呢個晚上同朋友去尖沙咀行街，行完之後去左韓國街果邊，不過今次無食韓國野，反而同朋友試一間台式既臭臭鍋，其實一路都知道有呢間臭臭鍋，香港食臭臭鍋既餐廳唔多，呢晚終於有機會試啦！餐廳餐牌:呢間餐廳主要係食臭臭鍋，不過佢係有好多鍋比你做選擇，全部都統一價格$112，你可以睇下佢詳細有d咩食材先決定，另外仲可以叫小食，又或者加火鍋，當然仲有台式野飲啦！檸檬冬瓜茶 $28呢杯檸檬冬瓜茶不過不失，檸檬味道比冬瓜茶味道出，同我期望既有小小出入，不過絕對係可以解喝，如果鍾意台灣果隻細檸檬既味可以叫呢杯。芝士牛奶鍋 $112呢個芝士牛肉鍋既料全部都係我鍾意食既，娃娃菜、白豚肉、日本南瓜、雞蛋、金針菇、芝士片同麻吉燒等等，全部都高度推介呀，個人覺得芝士牛肉鍋 既料都好吸引。另外呢個湯底真係好正，好重芝士同牛奶味，真係超岩食！安格斯牛肉片 $98呢份安格斯牛肉片得8片，講真8片真係唔算多，不過勝在價錢都係話超級貴，但品質係高既，入口即融同埋超有牛味，正呀！

今日想食下台灣野又想打下邊爐，咁岩行過尖沙咀見到呢間8鍋就去試下。入面個氣氛幾好 暗暗地又有啲地窘既感覺。雖然間野叫做8鍋打係有9個鍋畀我哋㗎， 而我就揀左第八鍋既黑麻油雞鍋同埋一杯奶蓋紅茶， 個餐仲會送白飯而你又都可以加12蚊轉肉燥飯。去張枱仲會畀埋四個醬料畀你揀分別有蒜蓉 辣椒油 沙茶同埋豆瓣醬 最正最香既係蒜蓉加小小就好夠味。個煲啱啱到嗰陣就有一大陣好香嘅麻油味 而佢都俾好足料呀有好多餸 有牛丸 豬肉丸 雞肉 甜不辣 粟米等等。 試咗一啖湯覺得呢個湯濃而不利 雖然有好大浸雞味同埋有麻油嘅香但係你唔會覺得油到食唔到個煲。佢啲雞特登用啲無骨嘅雞肉好啱女仔食 啲牛丸重牛味又彈牙爽口 粟米又超級甜 最特別嘅係有幾塊淮山喺度 夠爽又甜 個飯都唔差 選用啲珍珠米泥煲 撈埋湯去食就一流 最後不得不提就係杯野飲 奶蓋紅茶同街飲既水準一樣唔洗食完國走出去買最後埋單都係百幾蚊咋 ok抵食呀又飽肚位置近紅磡站新果間銅鑼灣開左 純粹分享比大家知haha

喺尖沙咀行街，經過呢間韓式部隊鍋食肆，見入面地方都幾寛敞，$88有一set lunch，於是入去是旦食番個晏，叫左個香蒜牛肉鍋，包埋一碗飯或者粉絲同埋一杯飲品。上枱時發覺個鍋原來都幾大吓，侍應小心地將個爐放喺我面前，然後點燃爐火，因為個鍋食物已經熱熱哋，所以等一陣水已經開始滾，鍋𥚃面有好多嘢食：牛肉片丶牛丸、娃娃菜丶蟹籽丸丶甜不辣丶凍豆腐丶粟米丶金針菇丶炸枝竹丶粉絲丶沙白丶蕃茄等等，全部一個人食，午餐嚟講，真喺非常飽，其實仲包埋有一碗飯或者粉絲，我就揀左要一碗粉絲，因為可以吸收曬啲湯汁嘅精華，之後慢慢一啖一啖咁放入口食，非常過癮好味，都想講食食吓個爐火熄左，侍應好快幫手再點更著啲火，加曬服務印象分。

秋天又黎到，最岩打邊爐。係尖沙咀行街，本身諗住食韓國野，但見到1人鍋幾吸引，所以同朋友入左去食。岩岩放工時間，開始多人，但好彩重未要排隊。見到餐牌有9個鍋揀，真係諗到我心思思，重可以追加配料同嗌小食。我最後揀左黑麻油雞鍋，一黎到好香麻油同酒味，上面有d望落似炸麵條既麵，原來係麵線。雞煮得入味，重有其他配菜，丸，菇，完全足料。如果吾夠味，枱面仲有調味醬，沙茶醬，滿足多口味既要求。重有得配埋粉絲，吸收湯既精華，係打邊爐不可缺少。朋友叫左香蒜牛肉鍋，幾香蒜味，牛肉份量應足夠。加埋蔬菜，變得健康左。金桔檸檬梳打值得推介，吾會太甜。巨峰提子梳打亦好飲！小食方面，實在太掛住台灣，所以我地叫左炸花枝丸同鹽酥雞，果然有夜市風味，炸得香脆。

已經好耐冇黎呢間餐廳食啦，今天突然好掛住佢既臭臭鍋味道，所以約埋友人一齊陪我食!我地大概平日7點半左右到達，仲未需要排隊，但眼見舖頭都差不多坐滿了!我地安排入座後，遲一點黎的人都要排隊啦!餐廳冷氣夠，打邊爐唔怕出哂汗!既然我係為左臭臭鍋黎，當然要食佢既招牌臭臭鍋啦，而友人就叫左藥膳羊肉鍋!我地加左$12轉滷肉飯，比起跟餐的飯大碗D!D滷肉味道很夠，而且不會太肥，食落口感豐富!招牌臭臭鍋(小辣)，個人覺得小辣已經夠辣了!湯底有淡淡的台式臭豆腐味，加埋辣一齊簡直係絕配!配料方面還有肥牛、豬大腸、米血糕、丸類等等，而且仲有粉絲，十分足料，食完一個已經好飽好飽!藥膳羊肉鍋，湯底好有藥材味，羊肉好有羶味，而湯底的味道可以蓋過羊肉的羶味，所以食落感覺不錯!最重要係佢既藥膳湯底絕不馬虎!配料亦是十分足料，冬菇、豆卜這些食材可以吸收哂湯既味道，令口感有層次!我地仲叫左兩杯飲品多多綠同水蜜桃紅茶，飲品夠凍，可以中和返兩個鍋既熱同埋辣!下次要黎食佢既麻辣鍋!

好耐冇去過韓國街嗰邊，今日約咗朋友喺尖沙咀食飯，但我地諗咗好耐都唔知食咩好，就特登行過去韓國街睇下有咩食，估唔到竟然開咗間台灣野喺度，我同朋友對佢既一人一鍋幾感興趣就揀咗呢間。有九款既鍋可以揀，一個set包鍋同飯或者粉絲，價錢唔算太貴，但如果包埋飲品就更加好。仲有其他小食、配料同飲品可以嗌。因為想食牛肉，所以揀咗香蒜牛肉鍋，再配粉絲。配材都幾多，有牛肉片、甜不辣、牛丸、蟹籽丸、粟米、豆腐、炸枝竹等等，真係講都講唔晒。湯底味道亦都唔錯，雖然係用蒜香做主題，但都唔會話太濃味。朋友揀咗黑麻油雞鍋，試咗一啖嗰湯底，都真係幾重麻油味同有少少酒味，味道幾特別。小食叫咗炸花枝丸同鹽酥雞，炸花枝丸加埋泰式辣醬完全係絕配；鹽酥雞外鬆內嫩，味道唔錯，不過一定要趁熱食。飲品方面，叫咗金桔檸檬梳打同巨峰提子梳打。金桔檸檬梳打好fresh唔會覺得好甜，幾推薦。

一個套餐$88, 包一個鍋, 一杯飲品和粉絲或飯, 加一埋單約$100, 一試無妨。套餐有9款鍋可選, 每個鍋的材料都有想食的, 心思思, 選擇困難症又發作。最後選了咖喱奶蓋鍋配粉絲, 加$6轉了一杯茉香奶綠。鍋的材料有娃娃菜, 豬肉片, 奶蓋, 沙葛, 黃金魚子球, 甜不辣, 炸魚蛋, 魷魚圈, 蟹柳, 四季豆, 粟米, 粉絲, 炸枝竹, 金針菇, 鳴門卷和沙白。先來茉香奶綠, 味道淡淡的, 性價比不高。粉絲份量不多, 略嫌過少。鍋連爐同上, 等了很久也沒滾, 見火力不足, 肚子打鼓了, 便向店員查詢食物是否已預先煮熟才上桌, 爐只是保持食物溫度, 店員回覆是, 並幫我添加酒精塊以加大火力。整體來說, 食物種類不少, 但份量略少, 味道中規中矩, 可以一試。

星期六中午天氣真係好，秋天嘅陽光特別舒服，約左朋友行尖沙咀，先到金巴利道慢食8鍋臭臭鍋，平時食晏好急趕，今次就可以輕鬆嘆返下；要左藥膳羊肉鍋補一補，藥膳鍋底配上娃娃菜、羊肉片、翡翠魚豆腐、台灣貢丸、淮山、香菇、粟米、沙白、油豆腐、金針菇、炸支竹、粉絲、嗚門卷、素鮑魚、鱈魚丸、蓮藕，非常豐富，羊肉片有好多片，愛羊味重之友必食也，個鍋本身可跟多個飯或粉絲，我當然會選擇粉絲，因為咁大個鍋實在好飽，況且粉絲可吸收湯嘅精華，啖啖都𢱢到羊香👍🏼特別想講粒鱈魚丸，我無諗過個口感會係好似鐡蛋，好得意🤡話明臭臭鍋點能少得古法秘製臭豆腐呢？！所以用$42加點一客，可能我對某D食物會重口味左，所以覺得呢個臭豆腐唔係好夠臭，但都加添左唔少風味。

雖然台灣見過臭臭鍋餐廳，不過該次旅程並沒有進食～回到香港，偶爾逛逛下，發現了這間人龍長的八鍋臭臭鍋外面有綠茶歡迎在場排隊的人取用至於為什麼叫臭臭鍋，我想大概是臭豆腐的獨有味道造成的，而不是那種嘔心的臭我們點了可以選辣度的兩款鍋餐牌上有清晰列出鍋內食材！招牌臭臭鍋 中辣喜歡吃臭豆腐的你應該會喜歡這款招牌作，吃了後明白為什麼有這麼多人排隊也要吃了！因為真的是台灣臭豆腐的鍋物，跟港式的大不同！麻辣臭臭鍋同樣是臭臭鍋，不過食材就大有不同，我也不知道為什麼，是這些食材更適合麻辣湯底嗎？隨鍋可選白飯或粉絲台灣腸 蜜味在香港較少吃到這款腸，所以來一客懷念一下，跟內地、台灣街頭食到的差不多。盆栽奶茶

呢間八鍋臭臭鍋在台灣都有多間分店，而裝修走格調路線，有別於一般火鍋店。一人一鍋份量都好足，雖然不太近地鐵站，但都幾旺場，平日時間都有人排隊😉 .🐣黑麻油雞鍋$112雖然呢度出名食臭臭鍋，但被黑麻油雞鍋吸引而選叫這個，除咗雞肉和蔬菜等，仲有台灣麵線，玉子豆腐、牛丸、鱈魚丸、淮山、沙白，仲有比較少見的血米糕呢！🌶臺式麻辣鍋$112友人愛吃辣就選了麻辣鍋，是很臺式的味道，湯底亦好濃好香辣，材料同樣豐富，較特別的有麻辣餃，甜不辣等 ，啱曬愛辣之人😝！🐤鹽酥雞 $42炸得香脆，炸粉不會太厚，而入面啲肉仲好嫩滑，好喜歡😊

今日去尖沙咀接男朋友收工，之後就一齊去食晚餐。我地見呢間8鍋臭臭鍋都幾多人，所以我地都決定排隊等食~我叫嘅係芝士牛奶鍋（$112），入面有娃娃菜、台灣貢丸、烏冬等配料，都幾豐富，而且湯底好濃郁！男朋友叫嘅係香蒜牛肉鍋（$112），有牛肉片、甜不辣、鳴門卷等等嘅配料喺入面~我地仲叫左個鹽酥雞（$42）外層酥脆得黎，入面雞肉好滑！飲品方面，男朋友叫嘅係百香果紅茶（$26）而我飲嘅係芒果鮮奶沙冰（$35）男朋友表示茶味都幾出，加埋酸酸甜甜嘅百香果，好fresh！而我杯沙冰，芒果味又濃又夠甜，再配埋濃濃嘅牛奶味，正呀~呢到嘅飲品比出面d台式飲品店好飲，真係令我覺得意外XD

自從七月去完台灣後，一直很想念台灣的味道。這天，經過「8鍋臭臭鍋」，傳來陣陣台式火鍋的味道，令我再次想起台灣的美味，就這樣，我和友人很快就決定了當日的晚餐！店內環境寬敞，枱與枱之間距離不會太近，但燈光比較暗。作為一間火鍋店，清潔、衛生算是不錯。「8鍋臭臭鍋」顧名思義就是主打台式臭臭鍋的餐廳，會不定期轉換8款不同鍋物，還有期間限定鍋。除了臭臭鍋外，也有一些台式小食以及飲品。我們當天點了「招牌臭臭鍋」和「台式麻辣鍋」。兩款鍋物份量都很足料，每鍋均有12款不同的配料。臭臭鍋的藥材不算很強烈，但鍋如其名 - 臭！喜歡吃臭豆腐的食友，一定會喜歡。麻辣鍋是很地道的台式味道，很香的藥材香濃，中辣已經辣得很過癮。可惜的是湯底略咸，如果將咸度稍作調整，相信味道會更好！吃火鍋，醬料也很重要。我們也參考了餐牌上調較醬料的3+2+1建議，味道果然不錯，大家可以參考看看喔！這裡的飲品沒有套餐優惠，每杯正價為$25-$30。看見「盆栽奶茶」的名字，感覺很有趣，所以點了一杯嚐嚐。「盆栽奶茶」其實是朱古力奶茶配曲奇碎碎。味道很好，不會太甜，每啖都是濃濃的朱古力味和奶茶味，加入曲奇碎碎令整杯飲口感層次更豐富！小小建議，

第一次試呢間台灣鍋，最期待嘅係臭臭鍋，食完覺得個湯底幾似曾相識，叫左小辣，都無譚仔十小辣咁辣，略淡。臭豆腐係真係台灣食個隻，一鍋有4舊，臭得好好食。每款啲野食唔多，肉大概5塊，加舊粉絲食飽你。總括黎講，味道不過不失啦。再試埋個麻辣鴨血，呢個抵讚，真係好好食！另一個抵讚位，係飲品，質素OK，用平時買sharetea嗰啲外賣杯，飲唔晒拎住走繼續飲，十分user friendly 。2個人食左$358，我覺得可以接受嘅，唔太貴。

是日同男朋友上堂日上堂前 當然就係來醫下個肚仔啦之前一直都幾鐘意食依間臭臭鍋一來可以毒食易肥二來又相當有台灣風味三來依個價錢來講 味道OK試過唔同既鍋好似臭臭鍋、麻辣、藥膳羊肉今次就食麻油雞實在開始覺得無以前甘好食了雞肉好少～得果幾粒....同埋麻油味、薑、酒都欠奉完全做唔到台灣麻油雞果種感覺同香氣相當失望～而且D料越來越少甘！我依個忠實顧客...都幫唔落希望之後會改善番啦～但佢家既臭臭鍋 我都仲係幾推介既～但麻油雞就...可免 實在普通！