8鍋臭臭鍋 (金巴利道) (已結業)

好耐冇食過臭豆腐，掛住陣臭味😂所以去食個臭臭鍋止止癮Lunch Time有迷你鍋午餐優惠但佢就冇招牌臭臭鍋所以叫咗個迷你香蒜牛肉鍋同埋一個正常size臭臭鍋招牌臭臭鍋就當然係主打臭豆腐佢嘅湯底有得揀辣，我揀咗小辣除咗辣之外，其實佢嘅湯底係幾清嘅相比一下香蒜牛肉鍋湯底就濃好多加上蒜蓉好香好好味兩個不一樣的湯底，睇下你想食咩餸多啲！但兩個都咁好味🤤🤤🤤Lunch time仲好抵食呀！係有少少遠 如果唔係一定成日嚟食😆

今日難得同爹哋去尖沙咀，我地經過8鍋臭臭鍋既時候爹哋問點解會有陣臭味，解釋完之後佢話好想試，咁我就帶佢去試下啦我哋六點就去到，所以唔使等位，離開嘅時候滿座裡面都幾寬敞，坐得舒適唔會迫3️⃣號芝士牛奶鍋：芝士同牛奶既味都好出好夾，一啲都唔漏！推介9️⃣號咖哩奶蓋鍋：係一個比較清既咖哩湯底。牛肉片：唔會過肥同夠厚身，抵食古法秘製臭豆腐：熱辣辣，臭蚊蚊 好正，估唔到臭豆腐都可以用泥打邊爐，打完個湯底都仲有一陣臭豆腐味滷肉飯：其中一個餐我哋升級左做滷肉飯，啲滷肉唔會好肥，好入味，肉既份量亦都好多啲珍珠米煮得啱啱好，撈埋啲汁食真係超正跟餐粉絲巨峰提子梳打 & 金桔檸檬紅茶：好飲整體泥講8鍋臭臭鍋都幾有特式，值得一試

中午在尖沙咀做完工作，又攰又肚餓， 除了快餐，有哪裏可以坐得耐一點，可以多唞一會的中餐呢？！去食個熟食火鍋，慢慢熱、慢慢食、慢慢飲、慢慢唞下，今次再去幫襯先。招牌臭臭鍋 $88已經食過，肚仔餓，不宜食太辣，今次我選小辣，有得揀我會揀豬肉食先，雖然已經食過，叫返呢個鍋食都OK。裏邊有臺灣嚟嘅臭豆腐，還有臺灣貢丸，臺灣米血糕，依然保持臭豆腐與豬骨湯底味，要食梗係點啲正宗臺灣地道而香港少有又經濟嘅嘢食啦。其他配菜如沙白，新鮮又無沙，鵪鶉蛋真係得，雖然放到最後至食，蛋黃仍然不會變實，蛋白是軟軟的，鍋內已配有米粉，再加上一碗白飯，夠飽肚，好味。金桔檸檬梳打加6蚊點杯飲品，食完火鍋，飲過甜酸餐飲，又完成滿足的一餐。

同舊同事聚會 有人推介呢間臭臭鍋 所以試下有9款唔同嘅鍋揀 同一班人黎可以試下唔同嘅湯底😋我就揀咗臺式麻辣鍋(大辣) 對食得辣嘅我黎講個辣度都ok 平時唔係好食得辣嘅朋友就最好揀第個鍋 我個同事揀咗小辣都覺得太辣每個鍋嘅價錢都係HKD112 可以揀一碗飯或者一個粉絲 我個麻辣鍋本身有好多餸 包括有娃娃菜 牛肉片 麻辣餃 甜不辣 福州魚蛋 豬紅 沙白 米血糕 大腸 魷魚圈 凍豆腐 金針菇 炸枝竹 泡麵 鳴門卷 和青豆角 另外仲可以單叫一D餸或小食 但係我食我個鍋已經好夠飽😂野飲叫咗杯百合果綠茶 HKD26 都幾好飲整體黎講都幾抵食 一個鍋已經包咗好多野食 加埋一都係HKD152 以呢個價錢黎講味道都算唔錯適合一班有唔同口味嘅人黎食 可以叫唔同嘅鍋

Came here for an early dinner alone and the restaurant was almost empty lol ‘Maybe it’s just too early’ I thought.There’re a few hotpots to choose from and all are priced at $112 with a serving of rice or rice noodles.I chose the garlic beef hot soup. First of all, although $112 isn’t much, it’s still a lot when the ingredients are all so cheap... Corn, tofu, a couple meatballs, tomatoes etc. Even the beef is of super poor quality and is completely tasteless. The soup itself isn’t flavorful af a

自從在台灣試過一人一鍋的火鍋後，一直都回味無窮，很想再食。朋友閒談中得知後，便介紹我去尖沙咀的8鍋臭臭鍋，我當然急不及待要去試下！天氣漸凍，我選了羊肉鍋暖暖身，除了羊肉還有很多不同的配料，有我最愛的淮山片和蓮藕片，還有幾隻蜆添，火鍋可配飯或粉絲，我選了粉絲，較輕盈，粉絲給了湯汁，好吃！我加了安格斯牛和心形魚蛋，安格斯牛98$只得八片，感覺有點貴，但火鍋如果沒有牛肉，總欠缺什麼似的，心形魚蛋都幾彈牙。喜歡飲熱飲的我叫了杯熱薑母茶，很大杯，很濃郁，夠暖身。吃著吃著，不小心跌了一隻筷子，還未拾起，店員已經遞上了一雙新筷子給我，迅速程度驚人，讚！還未到晚上七時，座位已差不多坐滿，和三五知己來吃，一人一鍋，夠曬衛生！

天氣開始轉涼，係時候食番d暖肚既美食。尼間主打一人一個火鍋，午市套餐$88，附送台式飲品。火鍋有9款主題，叫左香蒜牛肉鍋，等左5-10分鐘，就有侍應黎set爐，捧上熱辣辣既火鍋。賣相好吸引，配料堆到好滿，湯底蒜頭味唔會太嗆。牛肉片，一開始係半熟既，個湯一滾起就食得，每片都好大片好長，肥肉唔多，好厚實既滋味。牛丸，蟹籽丸，翡翠魚豆腐，各有一粒，唔係果d雪藏到冇哂味既丸，而係吸收哂香蒜湯既味道，咬落會流汁，好香濃。另外再點左兩份配料，古法秘製臭豆腐($42)，果然係特製臭豆腐，臭味撲鼻而來，吸哂d湯汁，岩哂重口味既人。麻吉燒($35)入面口感煙韌。其他配料非常豐富，有鳴門卷，沙白，凍豆腐，甜不辣，娃娃菜，金針菇，炸枝竹，蕃茄，粟米。可配飯或者粉絲。跟餐飲品可配台式紅綠茶，加$6配盆裁奶茶(熱)。整體，環境大，抽風系統做得唔錯，唔會好焗。而且侍應服務亦友善。

火鍋就食得多，台式火鍋係第一次食，感覺好新鮮。8鍋臭臭鍋以一人一鍋嘅形式供應，唔至得8個鍋，近期仲推出咗咖哩奶蓋鍋，可見佢近貼潮流不段革新，而且大部分食材係由台灣入口，原汁原味。午市$88包一個鍋+飯/粉絲+飲品。中意食辣嘅我首推台式麻辣鍋，可以自選辣度。感覺上麻辣鍋嘅配料比較豐富同埋有台灣特色，餐廳亦都安排咗唔少加配材料俾唔夠喉嘅客人。麻辣鍋嘅配料有牛肉片、甜不辣、米血糕、麻辣餃、沙白、福州魚蛋、嗚門卷、大腸、豬紅、魷魚圈、炸枝竹、凍豆腐、娃娃菜、青豆角、泡麵。依度就淨係介紹幾款配料。米血糕，即係豬紅同糯米整成嘅糕點，煙煙韌韌，豬紅味唔重，反而糯米味好香。麻辣餃，皮薄餡多，soak咗辣味嘅餃超入味。沙白，即係貝殼類嘅海鮮，非常鮮美。牛肉片，片片都肥瘦均一，牛肉味又香~最後叫咗香芋奶茶+珍珠，香滑得黎又有濃濃嘅奶香味，而且珍珠非常多。

吃火煱款式真係層出窮，烚下烚下，吹水吹水，香港人至愛，最近同女兒出左金巴利街買嘢，出名韓國料理，順便當然食埋地道特色飯，行過一間店舖門口，剛剛有客打開門，聞到陣陣臭豆腐味，入面原來係火鍋店，叫8鍋臭臭鍋，大鄉里未試過，一於試吓入面已經好多客，好彩有張枱埋單有位服務員全部年輕人重好有禮貌同笑容，放下menu同介紹一下特色餐，款式真係好多，服務員推介試下新品味套餐原來是一人一鍋，最後我點了咖哩奶蓋鍋同芝士牛奶鍋，賣相驚人，好大鍋，有成16種配料，有蛙蛙菜，豬肉片，奶蓋，蟹柳，四季豆，粟米，粉絲，炸枝竹，金針菇，鳴門卷，沙白，價錢好平，港幣112，要等約幾分鐘個鍋滾起才吃得，貼心服務火滾好大陣味，係乜，原因係啲臭豆腐一碟8件，實實但好臭，真係唔臭唔滚打邊爐要有牛肉係特別夾，好似碟加48蚊牛肉片，8卷大大碌，肉質肥滑，加多12蚊升級滷肉飯，汁味濃香，滷肉夠厚，份量足 食到甘上下飲番杯夠凍金桔檸檬紅茶，消胃胃口特別好，清晒埋單每位210,平靚正整體而言，有特色，款式多，平宜，美味，出色

今日係尖沙咀見完客，諗住打個邊爐，自己一個悶悶哋諗住食個一人鍋，就入咗呢間8鍋臭臭鍋入面試下啦！餐牌簡單，前後兩頁當中有個好處，就係佢嘅套餐已經幫你揀好曬所有配料、湯底，想食咩配菜多啲就點邊個餐，唔使煩要揀咩餸。 不過如果有部份配料想食多啲，都可以散叫，但就貴小小。「喜出望外」因為第一次食，就保險啲叫個招牌鍋，黎到之後我覺得佢都算幾豐富，大部分火鍋配料都有齊。火鍋面頭嗰啲係豚肉唔係牛肉，魚蛋、貢丸都有，又有金菇、娃娃菜做蔬菜部分。 不過要小心，我自己係唔太食內臟嘅，我見到餐牌有豬大腸就預先叫店員幫我走咗先啦！鍋入面有包埋蜆，但唔算太大隻。 一開始飲嘅湯係冇乜味，純粹係清湯。但食到差唔多最後再飲嘅時候，就會變得鮮甜左，應該係吸收哂配料既味道！「麟角鳳毛」點一款套餐可以送一份主食，我就加錢要左份魯肉飯。魯肉飯嘅醬汁煮得啱啱好，唔會太稀，而且魯肉肥瘦適中，撈埋個飯食岩岩好，好有台灣嘅風味！「恰到好處」飲品就叫咗一個芒果鮮奶沙冰，好解渴！而且唔會太甜，仲夠哂大杯，都算抵飲！

< 冷天，熱食一鍋 >天氣漸涼，突然很想食火煱，於是去了尖沙咀金巴利道的8鍋臭臭鍋，一人一鍋，不用爭食。< 餐廳舒適 >入到餐廳，餐廳佈置簡潔舒服，播著柔和的音樂，氣氛總算輕鬆。<牛肉控>愛好牛肉的我，一下子就被餐牌上的香蒜牛肉鍋吸引住，牛肉鍋配上一碗珍珠飯，上面還點綴着幾粒黑芝麻，很窩心，飯拿來時是熱騰騰的，陣陣飯香，很有家的感覺。< 獨家配方 >店主很細心，餐牌上竟然找到混醬配方: 3匙豆辦醬+2匙鼓油+1匙蒜香，我就跟住這配方混好，等待火煱上的牛肉煮熟……< 8片 安格斯牛肉 > 98hkd 配 < 香蒜牛肉鍋>火煱是用酒精爐，不會太熱，慢煮，放鬆心情慢慢享受半肥瘦的牛肉，煱內配料十足，有娃娃菜，牛丸，凍豆腐，金菇等……都是常吃的火煱料。但上稱牛魔王的我，怎會放棄再點一份安格斯牛肉的機會，安格斯牛肉肥瘦均勻，薄薄的（98hkd )。牛肉剛煮熟，已急不及待先嚐一口，oh! 新鮮! 加埋混好的醬，真係留哂口水……< 餐茶 >飯後點了一杯凍紅茶，茶味不太濃，剛好去一下口中的肥

在有韓國小街之稱的金巴利道找食選擇多是韓式燒烤，但近日天氣乾燥，想找點補身食物食，竟然在這裡找到以台灣鍋做主題的餐廳，還要門口貼有各種食肆獎項，咁點樣唔入去食呀！？不過點解是臭臭鍋呢？餐廳裝修台風味濃，棕紅色梳化、木枱同灰籃色櫈， 簡單舒服，枱有5種醬料提供門口就有一位好有禮貌的小姐帶位，說限時90分鐘，並遞上餐牌。餐牌得兩面，前面簡單清晰8鍋的款式及食材用料，等客人不用估估下，選擇到自己最想食的款式；後面則是介紹8鍋的來源，自己混醬汁的最佳比例同飲品每款鍋都好吸引，迷底終於掀起，原來這裡招牌是台灣的臭豆腐鍋。 不過我都是想找補身食物補下，這裡有台灣很出名的黑麻油雞鍋，咁當然要點啦！飲品方面，原來想揀珍珠奶茶，不過見芒果鮮奶冰沙有皇冠，所以點了它材料豐富，有17樣咁多，咁的要用普通話說一次“真的不得了"，還會配有粉絲同飯選擇，當然選粉絲，這樣可以吸盡湯的精華等了一陣，熱烘烘的鍋就去啦！侍應還會要固體酒精塊為鍋加熱，熱力十足， 份量真的很多，睇一鍋滿滿的材料，湯也差不多漏出來啦！雞肉嫰滑、杞子清甜、淮山爽口、米血糕煙韌、台灣麵有口感、玉子豆腐滑，粟米、炸枝竹、金菇、老薑片、粉絲吸左湯有濃

一諗起一人鍋就諗起呢間十分多人讚好嘅台式臭臭鍋，離地鐵站唔算十分近嘅路程，但仍然值得一試！一入到去就聞到濃烈嘅臭臭鍋味道，係一種輕度版臭豆腐嘅味道。晚市時間都有幾多人食緊，但位都算多同足夠。當晚我叫左招牌臭臭鍋，小辣，配粉絲（可以揀配飯），等左大概五至十分鐘就上鍋，都算快，而且大部材料都熟熟地嘅狀態，感覺煮番熱一陣就可以食得。招牌臭臭鍋：一人份量岩岩好，有好多唔同嘅材料，例如細細舊臭豆腐、豬紅、豬腸、牛肉、豆卜、蟹柳、金菇等，全部都十分配合湯底嘅味道，湯底微辣嘅，有個種沙嗲嘅辣嘅感覺，粉絲吸收哂湯嘅精華，好野味！係超飽肚又滿足嘅一餐！

星期日, 一大清早出去尖沙咀取驗身報告, 再於附近走走看食什麼好!!原本打算到韓國街食部隊鍋, 但一直走到盡頭都沒有一間吸引我, 反而途經8鍋臭臭鍋吸引了我坐位舒適, 而且早上不會有太多人食火鍋, 所以可以慢慢食呢~8鍋臭臭鍋已有一個個套餐, 除了有一個火鍋, 還有一個飯/粉絲和台式飲品一杯!招牌臭臭鍋 ($88) _ 推薦指數: 為了臭臭鍋的精髓: 臭豆腐, 我點了這個招牌臭臭鍋!份量不少, 可能會覺得$88食一個午餐不便宜, 但想想其實作為晚餐真的是超值!除了重點臭豆腐外, 還有牛肉, 鵪鶉蛋, 粉絲, 金菇, 貢丸等, 份量十足~粉絲 (跟餐)除了粉絲, 可選白飯的, 更可加$12轉鹵肉飯, 下次要試試!茉香綠茶  (跟餐) _ 推薦指數: 水蜜桃綠茶 ($26) _ 推薦指數: 茉香綠茶不太甜, 配臭臭鍋食可減少膩度, 而水蜜桃綠茶我覺得有點稀一味道不夠金針菇 ($30) _ 推薦指數: 價錢不太貴卻有一定的份量安格斯牛肉片 ($98) _ 推薦指數: 這個真的太貴了, $98只有少少的數片, 建議調低一點價格!雞蛋 ($8)  _ 推薦指數: 雞蛋狂食火鍋了怎可缺少雞蛋呢炸花

平時街邊既臭豆腐，遠處聞到佢既味！但你食一啖，又會問：點解冇臭味既！？如果你想要放入口既臭，台灣既臭臭鍋就幫到你啦！去唔到台灣！？唔緊要～香港都有得食！我依d重口味人，一早就識8鍋，但以前都係食開招牌臭臭鍋，今日想試新野，試左個芝士牛奶鍋，點知簡直令人驚艷，要上黎推介比大家食開既大家都知道, 8鍋一個套餐都只係88蚊, 就有飯有野飲！今次依個又蛋又芝士既鍋, 都唔洗額外加錢, 所以都係88蚊咋一上到黎, 就發現完全係我杯茶, 奶白色既湯底入面有蔬菜, 蛋角, 芝士, 雞蛋, 烏冬等等, 其實個鍋入面既野食已經好夠飽! 而且味道對比臭臭鍋冇咁濃味, 比較似稀身既忌廉湯, 所以啖啖都會食到牛奶香, 而唔係得個咸字~之後為左試一直都未試過既鹵肉飯, 我加左12蚊, 再比多8蚊叫多隻鹵蛋, 點知兩樣野都ok bo~鹵肉飯上面既鹵肉夠多, 而且肥瘦均勻, 又夠入味而鹵蛋都係醃得入味得黎又唔會過耐, 所以蛋黃都仲係滑滑的!另外推介大家加多少少錢試下佢地既珍珠奶茶, 比想飲中好飲, 質素都比得上出面既珍珠奶茶舖!