87 Coffee

營業中

休息中

同朋友上網發現呢間隱世西餐廳，見到menu有各式All day breakfast 同意粉，就入嚟元朗試試😋🍝估唔到一坐底，餐廳嘅環境令人感覺好舒服，喺繁囂嘅鬧巿中得到一片寧靜，滋潤心靈♥️♥️我哋首先叫咗個大盤全日早餐，真係大滿足! 材料超級豐富，有大大塊蕃茄、煙肉、滑嫰炒蛋、腸仔、香菇、茄汁焗豆、胡麻醬沙律、炸薯粒、巴馬火腿、煙三文魚，我哋仲轉咗酸種法包添。各種配搭都係咁好味🍅🥓🍳🥗🥖另外，我哋仲叫咗個意式菠菜蟹肉闊條麵，超大份呀！啲闊條麵加埋蟹肉、菠菜同芽菜，成座意粉山超高、加埋濃郁嘅茄汁超好食🦀🍝飲品方面，我叫咗杯凍日本抹茶鮮奶，上菜時見到面到嘅拉花真係好靚呀! 飲落好滑身，抹茶味好濃郁。我朋友就叫咗杯凍榛子朱古力鮮奶，佢話榛子朱古力嘅味道都好香濃呢🤤🤤不得不提嘅係呢間餐廳店員嘅服務態度！因為開頭我唔識點樣由西鐵站行過去，打電話去問職員，佢竟然好人到話可以出嚟接我，不過我唔想麻煩到佢，最後喺條巷仔搵到喇☺️另外我見老闆娘喺廚房默默耕耘咁烹調食物，當佢咁啱出嚟同客人傾計時，我都忍唔住讚賞佢煮得好好食呢，老闆娘亦非常謙虛回答係因為食材新鮮，但我覺得絕對係因為老闆娘嘅一對巧手呢👍🏻👩🏻‍🍳

唔起眼既位置，但內裡環境同食物都係用心炮製😊- 上次幫襯坐樓下，一直都唔知有上層，今次上左去仲正，好自成一角，而且係舒服既！👍🏻- 香濃意大利飯配紐西蘭肉眼🥩 💲108飯好香滑，一粒粒好分明🍚牛牛都切得好靚！好好咬口，顏值都夠高👍🏻- 大盤子全日早餐🥞 💲138超豐富！靚料，滿足既！😍- 柚子蘋果梳打🍎好清新，好match，夏日之選🧊- 黑啡☕️都好滿意整體黎講，店內上層環境好自在、食物質素、店員服務態度都係好好，性價比OK，值得支持😍

我本身係一個咖啡愛好者，鍾意去唔同嘅cafe飲高質咖啡，今日入開元朗一於去我最喜歡的咖啡店87coffee。coffee shop 整體格局讓人感到好舒服，擺放咗一啲小盆栽及植物，猶如鬧市中的綠洲一樣，是一個休閒及放鬆心情的好地方。雲石枱加水晶杯及金色刀叉，盡顯高級及優雅氣派。lunch menu 提供西餐料理以意大利飯)，意粉，漢堡為主及全日早餐，價位中等合理， 亦有多款唔同種類飲品提供，咖啡/花茶都有好多種選擇。香濃意大利飯配肉眼扒 肉眼扒點咗七成熟， 拿捏生熟程度啱啱好，牛扒肉汁非常豐富，嫩滑非常，意大利飯煮到啱啱熟，食落有咬口，而且仲有濃濃的芝士香味，十分邪惡的西式飯。安格斯美式漢堡伴粗薯條 超巨型嘅漢堡，即使壓扁咗都唔可以將佢成個放入口，漢堡扒好厚肉汁好豐富，仲好濃嘅牛味，仲加咗煙肉/ 生洋蔥/蕃茄/生菜/芝士等配料，口感非常豐富，而且旁邊有沙律菜，可以清一清油膩感覺，非常貼心的配搭。咖啡出色，有厚厚的泡沫，入口細滑，咖啡味香得嚟唔會太苦，本人表示很喜歡。 朱古力都沖得好好飲，是特濃的味道。

今日放假約咗朋友入元朗行街,行咗一陣諗住搵啲嘢食下,朋友帶咗我去 87 coffee。地址係元朗水車館街66號錦榮大廈地下,餐廳地方唔算好大,大約有幾張枱,空間感都足夠,喺度食嘢感覺都幾舒適。藜麥田園沙律菜,48元,追加咗巴馬火腿,沙律菜新鮮翠綠,上面鋪滿芝士粉,清新得嚟香口惹味,巴馬火腿都好大片,食落有少少鹹香,令到味道更加有層次。香煎西班牙豬梅頭 伴菠蘿 93元,梅頭份量好多,外面煎到脆卜卜,最正就係啲邊位有少少焦香,入面嘅梅頭肉食落去好嫩腍,味道好香好juicy,完全保留到梅頭肉嘅肉汁,側邊嘅菠蘿又香又甜,完全將梅頭肉嘅油膩感減低,配搭得啱啱好。香濃意大利飯去紐西蘭肉眼 108元,賣相好吸引,意大利飯掛滿忌廉汁,食落去口感煙煙銀銀,紐西蘭肉眼牛肉味好香濃,食落去有入口即溶嘅感覺,肉質非常嫩滑,肉眼有少少脂肪,油花將牛肉嘅香味提升,真係好好味，100分。凍柚子茶,味道酸酸甜甜,柚子味好香,係咁熱嘅天氣嘆返杯凍柚子茶真係有清涼又解渴。

原來元朗有間幾高質既café! 呢到環境好乾淨企理，好靚! 會有種好舒服既感覺，食物既選擇都好多，而且係價錢好抵食! 叫左香辣蒜片海蝦意粉，好香蒜味，海蝦夠彈牙，重點係佢意粉唔會煮到好乾身。另外叫左香煎雞扒炒滑蛋配酸種法包，本身佢係配croffle，不過可以轉做酸種法包。一上台有少少嚇親! 個份量驚人!! 本身以為得一扒雞塊，點知原來有成2大塊。炒滑蛋都有驚喜，蛋真係好嫩滑，好好食。男仔食完都會飽既份量! 之後仲加左件cake，今日既蛋糕有new York cheesecake，blue berry cheesecake，同埋朱古力味既蛋糕。我就叫左New york cheesecake ，好濃的芝士味，餅底都好好食。下次會想試埋其他蛋糕! 榛子朱古力鮮奶好有心機，個拉花好靚呀! 而且仲係好飲既朱古力，好香濃。順帶一提係呢到嘅staff都好好態度，好有禮貌！

難得星期日黎元朗行街又撞正落雨，心情不佳，即刻就近入左間小店一87 coffee。上下兩層，估唔到咁僻既位，有間咁舒服既cafe,真係水車館這一帶的一亮點。門口有個特價餐，好抵喎店內佈局舒適，好chill好舒服。入到餐廳再睇個餐牌，都好多選擇。因為要避雨，加上肚餓，點左：1.值得一試:香煎雞扒炒滑蛋配牛角窩夫，雞扒煎得香，雞肉嫩滑，而且有兩塊，滑蛋夠滑，仲有脆口既薯圈，配搭得宜，牛角窩夫最搶眼，真係有牛角既神髓。好脆好有口感。2.一定再試:香煎西班牙豬梅頭(伴菠蘿)，豬梅頭煎得好香，都係有兩塊，好有口感，啖啖肉，有水準。3.用心作品:意式菠菜蟹肉闊條麵，闊條麵好大碟，而且比蟹肉一d都唔孤寒，食得出老闆娘用心製作食物同經營小店。餐飲：柚子茶黑咖啡(凍)榛子鮮奶咖啡呢間小店好似唔算開左好耐，但誠意十足，唔知係埋因為落雨，人流唔算話真係太多，但以佢既價錢同定位，絕對係超水準之作，絕對可以再encore,希望到時唔使排好耐隊。一試再試:順便一提，呢間小店另一個要讚的亮點是，這裡跟餐的黑咖啡是無限任飲，店員好主動問要不要添杯。概括來講，非一般的咖啡，超寫意的享受，值得一試再試。

餐廳格局有種日本洋食屋的感覺，餐廳內擺放只有數張檯，所以侍應能專心接待每個客人。當坐低不久，侍應便很細心提問想要溫水還是凍水，然後再輕柔地奉上餐具紙巾，感覺很被受專重。首先我點了個細沙津加煙三文魚，沙律選用的蔬菜新鮮，吃落爽脆，而黑醋將整個沙律變得更加開胃。之後我點了一份紐西蘭羊架配薯菜，羊架點了7成熟，總共有3件，切開保持著粉嫩的效果，肉質淋滑，不會鞋口煙韌，肉味剛好不會太臊，發現將燒汁和芥辣混合點吃，羊味會更豐富👍🏽。薯菜也令整個主菜生色不少，脆玉瓜保持爽脆，車厘茄烤焗後甜味更特出，薯仔剛好淋身有口感。甜品點了紐約芝士蛋糕，它芝士味濃厚，不會太甜，質感滑溜，不禁一啖接一啖地吃。最後飲品點了特濃朱古力鮮奶，果然名符其實，朱古力味很濃，但不會蓋過牛奶香味，令整頓晚餐變得完滿。

難得平日放假，瞓到自然醒然後嘆個late lunch 選擇左係元朗水車館街一間比較新的87 coffee位於小巷內，睇落幾chill幾舒服座位又夠闊落乾淨好適合閨密或情侶飲杯啡傾下偈睇個餐牌樣樣都好吸引最終叫左2個主食＋2杯啡＋一件蛋糕意式菠茶蟹肉闊條麵一來到見到咁多蟹肉已經好欣賞調味洽到好處再配合菠菜已經冇得輸闊條麵軟硬適中，隱約有點蛋香味而且闊條麵掛汁量極高食每一啖都有種好安心好滿足感覺呢種真係小店先會有的情懷安格斯美式漢堡包份量都幾大，塊漢堡牛扒好厚食落仲有少少筋位好有咬口好有牛味keep到好juicy，調味又剛剛好又係去連鎖店一定食唔到的美味Black coffee & Dirty相比起美味嘅食物，咖啡就OK啦Dirty冇左髒髒的外表，攪拌後飲反而好飲D 整體都唔差之後見到隔離枱叫特飲可能會特別D 藍莓cheeese cake跟餐加$38有個飯後蛋糕做甜品都叫幾大件，芝士份量幾充實，整件又唔會太甜好啱現代人口味講真，第一次來食覺得很好幾抵食希望可以keep到水準因為我要再來再來再來！😆

經過元朗大馬路入小巷，就會見到呢間小店餐廳。雖然小店門面比較細，但餐牌睇落唔錯，入去試一試先。小店只有4，5張枱，晚飯時段好快滿座。餐枱上不規則形嘅枱墊好特別，為進餐時加多點點綴。。天花上吊著幾盆綠色盆栽，更添悠閒氣氛。卡邦尼配風乾豬面頰肉蛋味頗香，足夠芝士味，但唔會太漏，麵條有咬口，掛汁幾好，整體味道相當唔錯，如果份量再多啲，就更滿足了。風乾豬面頰肉好似煙肉咁，比較乾身，口感偏硬。紐西蘭香草烤羊仔架即叫即整，因為落單後都等左15分鐘先上菜。7成熟嘅羊仔架肉色微紅，非常軟稔，完全唔會羶，加埋燒汁，非常出色。特別欣賞佢嘅配菜，平時多數係簡單2條露筍，但這個係煙肉包住露筍，爽脆露筍配埋煎過嘅煙肉嘅油香，特別美味。加錢點了2杯涷果茶，酸酸甜甜，好適合夏天飲用。

今日阿媽想食西餐又話好肚餓，所以近近地就去咗87呢間餐廳試下，小店在巷仔內唔多起眼，不過光猛清雅都唔錯，我地兩個點咗香煎三文魚同牛油果帶子意大利飯+28轉套餐（可選酸種包+黑松露雜菌湯或田園沙律包送飲品咖啡或茶）我地全部都揀曬。鋪仔細細人手不多但都見侍應非常努力招呼客人，因為老人家牙齒不太好吞咽能力也差一點，侍應都有好細心問一下意大利飯需唔需要煮淋些給長者，亦有幫我們添水。個松露湯同酸種包都熱辣辣香噴噴，媽見到都胃口大開（掛住食忘了影相），沙律菜都新鮮好味。個煎三文魚外脆內軟，熟度啱啱好唔錯唔錯。意大利飯都煮得唔錯兩隻帶子雖然唔算好大但係夠厚，煎得非常好彈牙又香口，不過可能芝士多咗啲，感覺有點咸及膩，不過都算有水準。之後套餐包的黑咖啡可以添飲，阿媽飲嘅桂圓紅棗茶亦可加水添飲味道都唔錯。晚餐收費三百零蚊都算相當合理，下次有空會再去試甜品及咖啡，希望水準有返咁上下。

🍽大盤子全日早餐wow，好豐富，見到都賞心悅目😍▪️挪威煙三文魚🧡：口感柔軟▪️牛角窩夫🥞：入口鬆軟，烘得暖暖，味道同口感都到位🤗▪️炒雜菇🍄：炒得好惹味▪️巴馬火腿：有鹹鮮味▪️煙肉🥓：煎得好香口▪️肉腸：正常味道▪️炒滑蛋🍳：嫩滑▪️薯粒🥔：外脆內軟，裏面粒粒好有口感▪️沙律菜🥗：fresh，配日式麻醬，酸酸地開胃😊▪️蕃茄🍅：鮮甜，冇草青味▪️茄汁焗豆：正常味道🍽香煎西班牙豬梅頭🐽 伴菠蘿🍍▪️豬梅頭🐽：肉質軟腍，煎得好香口😋▪️菠蘿🍍：非常甜😋，再多幾件更好😆▪️沙律菜🥗：fresh，配日式麻醬，酸酸地好開胃😊▪️免費加意粉：用橄欖油同黑胡椒炒過，味道唔錯😊▫️朱古力慕斯蛋糕🍰朱古力味濃郁，口感軟熟🤗，薄荷葉🍀好新鮮，一齊食變咗薄荷朱古力😜▫️凍榛子朱古力鮮奶🍫入口有朱古力味同鮮奶味，榛子味不太濃，整體上係好飲 😊▫️熱柚子茶柚子好多，茶味唔會苦澀，整體上柚子同茶 好balance😊

昨晚和太太在元朗享受一頓美味的牛扒及卡邦尼意粉晚餐。值得一讚他們餐湯溫度夠熱味道濃郁越喝越想喝其他的主餐牛扒🥩熟度剛剛好軟熟可口、卡邦尼的炸豬面肉夠脆口意粉軟硬程度恰到好處整頓晚餐非常滿意。

每個星期六我都會去元朗嘅綠在區區回收，今日回收完係附近見到呢間小店裝修得幾靚，被吸引左入去！😍見佢價錢都好親民，幾十蚊一個lunch set，dinner都可以唔洗$100填飽個肚。👍🏻叫左一份紐西蘭一級肉眼扒，同一份蟹籽蟹肉忌廉汁扁意粉。🍝跟餐仲有一個南瓜忌廉湯、小餐包。🍞南瓜忌廉湯用料充足，感覺好健康！ 🎃 五成熟紐西蘭肉眼扒，煎得啱啱好，老公好滿意。🥩老公仲加咗錢，要多一杯白酒，配埋份牛扒，佢話無得頂！😋蟹籽蟹肉忌廉意粉，睇相就知好足料啦！ 🦀 啖啖蟹籽蟹肉，好正啊！ ❤️ 今餐用杯熱茶畫上一個完美句號。 🍵 估唔到係元朗嘅小巷會有一間咁用心嘅小店！

週末想去吃個All Day Breakfast，元朗水車館街這間cafe小店就是不錯的選擇。🔸大盤子全日早餐🍳，分量真係超級大，有炒滑蛋、窩夫、雞肉腸、煙肉、茄汁豆、煙三文魚、炒雜菌等，真材實料，真心抵吃。🔸意式菠菜蟹肉寬條麵🍝，番茄醬汁沾滿每一條麵，麵質彈牙，蟹肉豐富蟹🦀，味道濃郁。🔸餐飲選擇了咖啡☕，入口順滑，咖啡味道香濃。✴️整體環境服務都好滿意，食物用心製作，價錢適中，下次會再來支持小店。

87 Coffee (元朗) -今次嚟到元朗搵食😋 成日聽人講元朗好多嘢食，當然要過嚟發掘下唔同嘅小店啦😍 呢間Cafe喺元朗站附近（行幾分鐘就到），價錢仲好親民添🥰 -Dinner set （配熱飲）是日餐湯、餐包 +$28是日餐湯有黑松露野菌忌廉湯諗住餐湯呢啲都唔會有咩特別，但呢個湯真係幾驚喜😋 好香嘅黑松露味之餘，飲落去好Creamy，淡淡都有蘑菇粒嘅感覺，好有口感。包嘅話係整熱咗，所以有微溫，食落好軟熟，暖暖地嘅包搽牛油半融嘅感覺好正🧡🔍 烤鮮三文魚扒 $148烤三文魚扒食落去生熟度啱啱好，脂肪同魚嘅比例好平均，配合佢自己特製嘅醬汁，而且外皮有煎過嘅感覺，食落好香口😋🔍 龍蝦汁海鮮扁意粉 $128呢個意粉有淡淡龍蝦汁嘅味道，而且好足料！入面係有勁多海鮮：蝦仲幫你去埋腸；亦都有好多墨魚仔，咬落亦好爽口🔍 日本抹茶鮮奶 （套餐+$28好香嘅抹茶味撞上嫩滑牛奶💚-📍87 Coffee (元朗)元朗水車館街66號錦榮大廈地下5號舖