影片
更多
2017-02-22
1079 瀏覽
之前去法國巴黎出差，間唔中都有send d飲飲食食既相去屋企人個group，媽媽最鍾意就係食歐洲菜，睇到好羨慕，但佢又無辦法坐咁長途飛機去歐洲品嚐法國大餐，為左滿足母親大人小小既心願，又適逢出bonus既一月，我特別問左幾個識食之人推薦左一間備受好評既歐洲私房菜，等媽媽留係香港都食到正宗既歐洲大餐。Amina係金馬倫道一個唔起眼既大廈入口，好容易會走過左，大廈門口都無招牌，我心諗隱世私房菜就應該係咁啦哈哈！有book位既關係，入到去侍應就帶左我地入座，全場好似一個住既單位咁，除左大廳仲有2間房，大概10張枱左右，而且大致都滿座，唔book枱應該好難食到。Amina既裝潢好似大部分法國既傳統家庭式小餐廳，桌椅普遍都以深色為主，燈光柔和，每張枱都有蠟燭台同小擺設，呢度就放左英國大兵既公仔，營造一個好放鬆好溫暖既環境比客人食飯。餐廳近門口放左個裝飾枱仔，除左見到歐洲餐廳最鍾意儲既紅酒木塞，精美既擺設之外，都有一d可以買走既松露醬茶葉等等，貫徹一般家庭式小餐廳既作風。星期二晚係amina既oyster night，有特別食蠔既menu，我地2個人就叫左一個oyster course($788)
Amina係金馬倫道一個唔起眼既大廈入口，好容易會走過左，大廈門口都無招牌，我心諗隱世私房菜就應該係咁啦哈哈！
有book位既關係，入到去侍應就帶左我地入座，全場好似一個住既單位咁，除左大廳仲有2間房，大概10張枱左右，而且大致都滿座，唔book枱應該好難食到。Amina既裝潢好似大部分法國既傳統家庭式小餐廳，桌椅普遍都以深色為主，燈光柔和，每張枱都有蠟燭台同小擺設，呢度就放左英國大兵既公仔，營造一個好放鬆好溫暖既環境比客人食飯。餐廳近門口放左個裝飾枱仔，除左見到歐洲餐廳最鍾意儲既紅酒木塞，精美既擺設之外，都有一d可以買走既松露醬茶葉等等，貫徹一般家庭式小餐廳既作風。
星期二晚係amina既oyster night，有特別食蠔既menu，我地2個人就叫左一個oyster course($788)同一個10 course menu($1180)。然後就出去蠔吧揀蠔，今晚一共有6款蠔揀，侍應會逐樣介紹，但因為我同媽媽都唔係專家，所以就交比侍應去幫我地揀4款。
侍應揀蠔之餘，先上一個餐前小品比我地，餐前小品係歐洲菜既最頭盤，係視乎當日廚師既靈感同埋當日既食材去決定既，並沒有一個特定既receipt，可以食到好多創新既料理，而今日嘅就係西班牙黑毛豬配意大利自家製粉圓。據法國同事所講，成個歐洲最好食嘅黑毛豬就係黎自西班牙，因為西班牙嘅黑毛豬屬於半野生嘅品種，相傳係因為佢哋係家豬同埋野豬嘅混血兒，所以比一般家豬肉質較為結實，而肉味都較濃郁，二因為黑毛豬有足夠嘅活動空間，所以脂肪嘅分布都更加平均，以風乾嘅方式用好多個月來熟成，識落會帶有一種經過嘅香味，比起其他國家嘅黑毛豬食起嚟味道更加淳同smooth。
而杯入面嘅就係自家製嘅意大利粉圓，係荔枝法國農村嘅風味，將唔同嘅新鮮食材混入去粉團之中，有天然嘅色素同風味，再切開為一粒粒，咬落其實好似我哋食開嘅酒釀丸子，但係比起用糯米粉造成嘅酒釀丸子會較為實淨，紫色嘅係加左紫薯嘅粉圓，以綠色嘅就係加咗菠菜，另外在用咗一啲醃洋蔥調味，酸酸甜甜，粉圓反而較為清淡，好適合作為前菜用。
之後係自家製甘筍醬配麵包，甘筍比起一般我哋見到嘅紅蘿蔔較為細，所以食起嚟都會比一般嘅紅蘿蔔鮮嫩，柔軟同埋甘甜，用甘筍打成泥代替食麵包一般用嘅果醬，健康好食得來亦都養生，又可以對眼睛好，又可以加強免疫力同埋降脂降糖，最重要係對女人好重要嘅抗氧化，且甘筍本身已經有自己嘅果糖，食得出砂糖都唔使落，好清新。
食完個麵包，萬眾期待嘅好就已經ready啦。眾所周知食蠔一定要有淡開始食到濃味，侍應嚟到我哋張枱介紹每一隻蠔，同埋提醒我哋有檸檬開始順時針食起，檸檬同埋cocktail sauce其實只係比客人多一個選擇，侍應話生蠔產地同埋蠔質到好新鮮好靚，建議就咁食可以更品嚐出蠔嘅味道。第一款white foam($98)係一款混血蠔，係法國新品種嘅生蠔，咩係混血蠔呢，其實就係呢一隻蠔一開始產自愛爾蘭西北部嘅Donegal Bay一個比好多雪山圍住嘅湖，到咗春夏天嘅時候，雪山嘅雪就會流入湖，令到個湖多咗好多浮游生物同埋礦物質，而呢一款蠔吸收左海水之後呢就令到蠔肉更加雪白，養殖幾年之後，啲一款好就會送到法國marennes Oleron淨化，令到生蠔吸收左兩個海域嘅海水，味道更加獨特，而點解叫做雪白泡泡呢，因為呢一款蠔口感非常creamy，好似食緊泡泡一樣咁綿，肉身好甜又帶一點回甘。
第二款mermaid($98)都係一種混血蠔，而且同樣地都係一開始係愛爾蘭，不過佢就係用咗四至七年喺愛爾蘭西北方嘅大西洋，之後先轉去法國嘅Marennes Oleron，四至七年嘅時間令到呢一款蠔有更加獨特嘅礦物質味道，象牙色嘅肉身更加實淨，礦物質嘅味道有啲似咬損口腔流出黎嘅血味，又或者可以話係輕微嘅鐵銹味，肉質肥美creamy，有中度海水味。
第三款Poget($98)係拎咗2016年法國農業部金獎，每一年法國農業部都會舉行一個比賽，比較當年每一個法國蠔場嘅產品，而poget都係生產於Marennes Oleron海域，海水味強，肉身鮮甜又帶一啲金屬嘅味道，非常濃郁，食落好似有奶油汁咁漏出黎，十分creamy好有層次。
第四款Gillardeau($138/2)係享負盛名嘅蠔后，大部份嘅生蠔都係以產地或者特色命名嘅，但係呢一款就係以養殖者命名，因為呢一款生蠔嘅養殖者用咗過八年以來嘅養蠔經驗，每一隻平均都需要經過四年時間嘅養殖，期間仲要不停監察水嘅質量，深度同埋鹽量，確保蠔既質量，所以呢一款石蠔產量唔多，味道獨特得黎而濃郁，食落去肉身結實肥美有彈性，可以話彈到脆口，非常甜，海水味濃，而且有好重嘅回甘，回甘之後再有一陣榛子味道散發出嚟，非常厚淳，細膩得黎層次分明，餘韻回甘。
食完咁滿足既生蠔，就繼續返10個course既歐洲大餐，侍應送上輕煎北海道帶子，擺盤夠晒華麗，帶子用藜麥墊起，藜麥近年係香港都慢慢冒起，食落有d似澱粉質好似飯或麥咁，但藜麥其實係一種種子，係歐洲好多人都會用佢黎代替澱粉質，健康又可以減肥。最特別係個椰菜花醬同奶泡，好重椰菜花味但個質感認知完全唔同，口感細滑幼嫩，再配上新鮮既三文魚子，鹹香之中帶出鮮甜既after taste。
下一道菜係美國穀飼牛肉他他，牛肉加上黑松露、酸青瓜、醃洋蔥剁成他他，青瓜同洋蔥除去生牛肉點都會出現既腥酥味，仲可以令牛肉既質感更加幼滑易咬，再加上黑松露增加香味，令成道菜更加典雅，伴碟既份子珠珠用上12年既意大利陳年黑醋，份子料理既fusion顯心思。
肉凍係歐洲人最常處理肉類既方法，係寒冷既歐洲，將新鮮既肉類壓碎，製成肉凍黎保存食物，後來加上各式各樣既配料令肉凍發展出不同既特色，成為獨當一面既菜色。呢道法國野豬肩肉凍由豬肩肉凍包住中心既鵝肝，肉凍既啫喱減去鵝肝既肥膩感，夾埋食會有多重既口感，好有層次。由於肉凍同鵝肝都算係濃味既食物，配碟方面就有相對清新清味蕾既紅菜頭同橘子，紅菜頭已經煮熟好淋，而橘子係比橙較多果糖，食起黎甜甜地易入口。
食左咁多道前菜，終於到湯啦，龍蝦忌廉濃湯圍上炒過既龍蝦籽，香味十足，可以因應自己喜好加人，增加層次，龍蝦湯完全唔會死鹹，同忌廉既份量配合得好好，有濃濃既龍蝦甜味，好高質。
下一道菜係我好期待既香煎法國鵝肝，最鍾意就係鵝肝油香滿溢既味道，鵝肝無酥味仲好甘甜，份量唔少，兩邊煎得香脆，𥚃面岩岩熟又無筋，香滑可口，底下有炒過薑餅碎幫助吸收過多既油份，薑餅味道都有助清新味蓉，另外有一小份紅酒天使麵做返pairing，紅酒煮過後酒精揮發，除左紅酒甜味仲有小小酒酸，都係可以減肥膩感。
食完鵝肝，食返比較清新既檸檬木煙燻阿拉斯加蟹肉，上枱時跟罩上，一拎開就有一堆白煙衝出黎，有濃濃既檸檬同煙燻味，色香俱全，蟹肉係每日新鮮運到既阿拉斯加長腳蟹，由廚師親自拆肉，絲絲都帶有新鮮既海水味加微微既煙燻香氣，加上溫泉蛋撈混食，蛋汁增加左蟹肉既幼滑感，每口都有細緻既口感，伴碟既係份子柚子醬，好甜好配清新既蟹肉。
食左咁多道菜，上main course之前係時候要清清味蕾，番石榴雪芭食到原原本本既番石榴味道，酸度十足無加糖，清新得黎一d都唔人工，而且雪芭係用液態氮製作，唔會食到冰粒影響幼滑口感。
其中一個main course我地揀左澳洲M9和牛肉眼扒，要medium，和牛油脂分布均匀，肉質幼嫩，每一啖都好juicy好有油香，再配以平時好少見既紫薯薯蓉，代替牛油薯蓉，多一份甜少一份鹹，新穎獨突又出奇地幾夾既配搭。另外一個main course係海膽蘆筍意大利飯，好大既海膽差d大過飯面！而且形狀好完整，火炙表面令海膽香氣散發，小小焦更顯海膽金黃，食落好甜好rich，有淡淡海水味，無筋又無腥味，品質上乘，蘆筍意大利飯以較清新既味道配合，突顯主角海膽。
甜品係自家製海鹽焦糖蛋糕，意大利冰糕放係waffle同菠蘿乾上，再以菠蘿片同荔枝醬作點綴，口味以酸甜為主，帶出清新既味道作結。最後飲返杯茶食粒朱古力，呢度有好多唔同既種類可以選擇，仲可以自由配搭花茶，享受難得一晚既清閒。
張貼
