Amitie Kitchen (已搬遷) 新店位置

三個人黎左食lunch, d野幾好味喎，叫左set, 有沙律/湯揀，我地都揀左沙律，沙律幾特別，初初以為應該係d酸甜嘅醬，點知又唔係喎，仲有好多雞肉，食左個沙律都有少少飽另外我揀左吉列豬扒，朋友揀左羊柳吉列豬扒好香好脆，咖哩汁正常，羊柳朋友話好味，呢間如果2:30前埋單仲免加一整體黎講算坐得舒服，位唔係好大但靜靜地可以慢慢坐同傾計，完左仲有個雪米糍做甜品，個雪米糍好香，不過因為個樣普通就冇特別影相咁嘅價錢有drink,沙律，甜品，算抵食

我係尖沙咀搵嘢食嘅時候，聽講話呢間樓上舖個大廚好犀利，特登過嚟食個簡單晚餐食物未上之前先嚟一個麵包組合，全部都焗得熱辣辣，亦都有一份特別嘅黑色麵包條，為今晚加分除咗主餐牌仲有黑板上邊嘅特選推介鋪頭唔算非常大，但係都坐得幾舒服先點左個黑板介紹嘅松葉意大利粉配海鮮忌廉汁但因為時間太早未有松葉蟹，所以轉左海膽俾我，個海鮮汁好惹味另外再加上幾片大海膽肉，可以同個意粉撈埋一齊食另外就點咗香煎鮟鱇魚柳配蔬菜，之前冇食過煎安康魚，估唔到肉質好爽口彈牙亦都有魚味，係一道有驚喜嘅菜式。

呢日約咗個舊同學食飯，一早book咗位嚟尖沙咀食西餐。點知去到樓下先發現大廈咁啱壞咗lift，大熱天時仲要行多8層樓梯上去，真係行到我地青都面埋🤢好肚餓呀！一坐低二話不說齊聲地話要叫dinner set，快靚正唔洗花咁多時間揀💁🏻‍♀️店員好貼心，知道我地行上嚟，就拿拿臨整咗杯嘢飲俾我地解渴🙆🏻🥐餐包呢到嘅餐包份量大，上枱時熱辣辣有誠意，未放低已經聞到香噴噴嘅烤焗麵包味道。麵包鬆軟綿綿，牛角酥有彈性，食落唔油膩，仲附上牛油同blueberry jam😋🌰栗子忌廉湯栗子蓉磨得嫩滑幼細，好足料，飲落味道香濃清甜。🥗燒紅菜頭，菲達芝士合桃沙律伴黑醋汁估唔到跟餐嘅沙律都咁大碟，係散叫size，芝士粒香濃軟滑，一啲都唔漏，黑醋汁酸酸地好清新👍🏻🥗香煎西班牙墨魚仔沙律伴辣肉腸 墨魚仔鮮味有彈性，辣肉腸咸香十足配埋新鮮沙律菜好味👍🏻🍄北海道帶子蘑菇意大利飯伴黑松露 ($228)意大利飯火喉掌握得好，飯粒尚帶米心，口感半熟，食落煙韌有咬口，黑松露香氣誘人。帶子厚身大粒，味道鮮甜。🧀芝士BBQ醬燒美國豬仔骨 ($198)半溶芝士醬鋪滿豬仔骨面，賣相邪惡，實質香而不漏😋豬仔骨肉質腍身但不失彈性，食落仲好ju

AMITIE KITCHEN意大利菜作晚餐朋友明仔今天生日，帶他到最出名的Amitie Kitchen， 一嚐意式大菜式，也順道慶他剛出來畢業之盛事！合桃忌廉湯，濃郁香的餐湯伴脆脆小牛角及咸白飽！好！前菜香煎西班牙墨魚仔伴辣肉腸燒紅菜頭菲達芝士、合桃沙律伴黑醋汁很新鲜的食材，菜也新鲜，配搭很好，厨師很用心做！北海道帶子蘑菇意大利飯伴黑松露，香煎新鮮帶子感覺很和味，而意飯軟香美味，在此吃了個出色的意飯！正芝士BBQ醬燒美國豬仔骨也出色，豬仔骨入味，配上炸薯條！吃得開心！咖啡也很香濃輕鬆呷一口，就是享受啊！

Don't Get Trouble in Your Mind!-最鍾意四周圍”捐窿捐罅”搵野食,睇左我朋友既食評介紹,係尖沙咀黎講,地方好易搵,上到去環境唔算大,但但都擺到唔少枱,果日係weekday,上到去都差唔多7成full, Menu D相就影得幾好,簡左好耐,最後決定嗌返2個Main睇下佢咩料先! 👇📌法國藍青口 - $158👉呢個原來係隱藏Menu黎!我翻睇左好耐都唔見有,好彩我朋友1早同我講,我先知有得order,呢個一定要試!芝士汁同藍青口加埋少少伴菜,個sauce好好食,唔會有好”流”既口感,我仲用左餐廳送既法國麵包-Baguette同croissant,Butter同jam完係行埋1邊!藍青口爽口,海水味好濃,份量又多!抵食!📌法國鴨肝黑松露意大利飯 - $228👉跟set一齊上,仲有個栗子忌廉湯,好好味!睇落好似mushroom soup,飲落實則係好重栗子味,個texture好firm,smooth!飲得過,仲有一個starter係"香煎西班牙墨魚仔拼辣肉腸"- 墨魚仔相當趣緻,細細粒有咬口,,其實本身呢個menu係”北海道帶子黑松意大利飯”但可惜想order既時

喺閒日百忙於所面對的繁重工作🙇🏻‍♂️不經不覺到了終於可以休息一下的假期日☺️除左同朋友或另一伴四處遊走散心之餘😆尋找一個落腳點好讓自己放鬆心境☺️享受一個寧靜的下午時光亦至好不過☺️位於尖沙咀捷利商業大廈既Amitie Kitchen雖然距離尖東站比較遠🙇🏻‍♂️但放假假散下心散下步☺️從尖東站L5出口行過黎亦算順路就腳的😆呢度悠閒寧靜舒適既Cafe環境☺️配合有情調柔和浪漫既燈光☺️除左可以同朋友黎嘆下Tea Lunch食下野之外😆與另一半黎享用浪漫情調晚餐亦至好不過☺️👫呢度高質抵食既午市套餐🤤🍴亦吸引到唔少上班一族放飯黎幫襯😆Lunch Set烤燒紐西蘭西冷配意粉 (6oz)六安士既西冷牛扒份量適中肉味濃郁🥩🤩五成熟既牛扒半生熟剛剛好☺️🐮原塊煎香能鎖住肉汁肉質滑嫩Juicy之餘唔起根🤤配合黑椒及薄鹽更帶出扒香鮮味😋🥩小肥因想keep下fit所以食意粉忍痛棄食薯菜了🥺🤦🏻‍♂️但以牛油煮香既意粉亦幾有驚喜的😆😋🍝

餐廳：Amitie Kitchen (尖沙咀)地址：尖沙咀亞士厘道27號捷利商業大廈8樓今次去到尖沙咀亞士厘道尋找美食，亞士厘道除了街道兩旁有很多食肆外，商業大廈樓上亦有不少樓上Cafe和餐廳，而捷利商業大廈8樓便有一間有不少飲食評台和新聞報導的餐廳——Amitie Kitchen。早在各大飲食網誌已經看過關於這間餐廳的報導，不但深受本地食家好評，連不少遊客亦會慕名而來一嚐他們的美食，今日我終於可以來試試他們的水準了。今次我點了他們的Amitie Dinner Set Menu以及每日限量的甜品😋食物非常豐富Appetizer 燒紅菜頭、菲達芝士合桃沙律伴黑醋汁 (跟餐)這個沙律一上枱時便已經覺得營養價值十分高，紅菜頭除了有天然抗氧化「甜菜紅素」外，亦有多種維他命和礦物質，防癌抗衰老的好朋友😻所用的菲達芝士點綴了整碟有黑醋汁淋在上面、很開胃的沙律🥗菲達芝士以羊奶製成，亦經鹽水浸泡過，令到它的芝士味道濃厚之外還帶點鹹香。Chef’s daily soup栗子忌廉湯 (跟餐)以栗子🌰加到忌廉湯當中，除了飲到平時所飲到的忌廉湯外，還有陣陣栗子香，而栗子亦令這碗忌廉湯的濃稠度提升，令人有滿足的

次次去親尖沙咀都諗唔到食咩於是又同朋友一人揀一間猜包剪揼結果由AMITIE KITCHEN勝出除咗餐牌，佢仲有推介系列我地睇中咗蟹肉意大利麵伴松葉蟹膏忌廉汁落完單仲諗緊冇叫餐會唔會冇麵包食轉個頭已經一盤麵包送上包有烘熱，軟熟；牛角包牛油味夠亦香牛油同JAM都有齊水蜜桃果粒茶桃味香唔太甜～很OK香煎西班牙墨魚仔沙律伴辣肉腸墨魚仔份量好多，辣肉腸加埋菜同果條濃得嚟又帶點清新～蟹肉意大利麵伴松葉蟹膏忌廉汁加咗蟹膏令汁香濃有鮮味，意粉夠AL DENTE略嫌蟹肉有D少，整體不錯都係爭食之一炸黑松露薯條好強烈既黑松露味！！薯條炸得好脆，連凍咗都脆兩個人一邊話熱氣一邊塞入口～西班牙黑毛豬扒侍應有提點豬扒會係５成熟會嫩滑Ｄ但上檯後見到有點紅又淆淆地底唯有問吓可唔可以煎多一陣　侍應都好NICE咁幫我地拎返去補煎真係麻煩哂廚師同侍應翻煎之後肉汁依然。

尖沙咀食西餐嘅選擇實在有太多，今次試下呢間係openrice都有幾多食評嘅樓上餐廳。二人套餐menu - 其實都幾吸引，但係因為意粉個三個選擇都唔係好岩，所以最後都冇叫到。最後點左個一人set，再單點個意粉。一人Set - 餐包、餐湯、沙律、主菜、飲品餐包如果再熱啲就好喇！餐湯係你自己同栗子忌廉湯，味道唔錯。因為係叫咗一人餐所以得一碗，但係兩個人share我覺得啱啱好。沙律都幾新鮮，個汁係一個比較清新嘅汁，幾開胃Main揀咗牛扒，五成熟，都幾大份，配菜個薯蓉好好味，略嫌蘑菇汁有啲淡。另外點咗法式焗田螺，焗得唔係好入味，有少少失望意粉點咗松葉蟹膏忌廉汁蟹肉意粉，好濃郁。同埋都好足料，食到好多蟹肉！食完覺得好滿足餐廳環境都算唔錯，星期六晚食都唔係話好多人，下次如果想一班人食，都可以考慮呢間

尖沙咀亞士厘道，一條唔係好長嘅街道，但就有着無數嘅餐廳食肆，除地鋪外，原來兩旁商業大廈內亦隱藏不少質素很高的餐廳。今次我就試咗一間位於8樓嘅西餐廳，地方唔算大環境雅致有心思。播放着柔和嘅音樂，舒適relax點左兩個set lunch，餐湯、沙律各一。栗子忌廉湯～好濃稠栗子味 堅有料😍菠蘿烤雞沙律伴西班牙甜椒果仁醬～沙律都有雞肉，好認真喎！甜椒真係好甜，餐湯、沙律都一絲不苟，有水準！蒲燒鰻魚、本菇扁意大利麵伴日式燒汁$98食材健康，醬汁惹味偏濃！烤燒紐西蘭西冷(6安士)意粉$138意粉係幼身嗰種，順滑爽口有彈性，帶微微蒜香好食。件扒好有肉味👍🏻👍🏻有咬口！士多啤梨大福～送嘅🤤🙊質感軟棉，濃香士多啤梨味又唔會過甜！日本原個鮮果雪葩呢個超級好吃，勁香濃桃味又清新，係真水果嘅味道，唔係人工香料！朱古力心太軟伴雪糕，都係水準之上佳作。整體食物質素同甜品都十分出色，服務質素好，員工亦友善，值得再幫襯。

睇網上介紹就黎左呢度😍😍點了一個這裡的dinner set 和一道意粉栗子湯栗子蓉咁既粟子湯有濃郁嘅粟子甜味好似飲緊粟子糊仔咁都好足料下餐前飲黎暖下胃個人都幾鍾意佢嘅意粉，咬落去超有口感煙煙銀銀，意粉系偏硬身嘅但係係熟既，呢種口感好難煮, 海膽超正，意粉味道感覺沒下鹽，配試作地既意粉汁料，感覺好健康，芝士味重，而且食食下好多香草同好多車厘茄，有紅椒黃椒冇青椒，突然間覺得好啱我心水因為我最討厭食青椒沙津菜魷魚仔，魷魚仔口感好滑厚切辣肉腸橄欖油配沙津菜令人胃口大開豬仔骨上面有一大堆香草芝士燒汁同芝士配埋豬仔骨十分惹味玫瑰花茶透明嘅玻璃茶壺同，好高貴嘅花茶杯，感覺少女心又動了，忍唔住係咁影相。花茶嘅好處就係一大壺花茶可以慢慢飲，想不到尖沙咀這地方，樓上的餐廳也有小驚喜

自問係食肉獸！超鐘意食肉～最愛一定係食牛！相信好多香港人都無牛不歡～鐘意食牛食到癲～而我假日都會走去超市買下牛🤣🤣🤣🤣🤣🤣鐘意食牛嘅情度唔敢想像！尖沙咀餐廳林立，搵間食牛好味嘅唔易～而今晚朋友話嚟過呢間餐廳🍴可以寧靜傾計～～～～我好怕啲餐廳嘈，一啲都傾唔到計！呢到真心幾寧靜。加上嘢食質素算ok，我有試佢哋牛小排。你話勁勁勁好食又未必係，但質素上同價錢成正比～味道都幾好，牛肉都算嫩滑！

星期一真係令人疲累，放工要好好食一餐準備要返多四日工先有得再放假。餐廳好近尖沙咀站A出口，同朋友好肚餓一坐低就叫野食啦。我地叫咗香煎西班牙墨魚仔沙律拌辣肉腸、蟹肉卡邦尼意粉、薯條同埋10安士嘅加拿大豬鞍。首先係餐廳附送嘅餐包，我個人好鍾意中間黑色嘅脆餅，非常有質感想食多幾塊。然後就係香煎西班牙墨魚仔沙律拌辣肉腸啦，可以見倒墨魚仔嘅數量好多，辣肉場辣度適中，配上酸酸甜甜嘅番茄同青蘋果條，整個沙律好清新，食下食下就清晒。之後就到蟹肉卡邦尼意粉啦，卡邦尼意粉十分creamy但份量剛剛好，唔會食完就濟。食到都飽飽地，薯條哩個時候就到啦，驟眼睇薯條幼身以為都係普普通通無甚驚喜，但係原來好好味！配上偏甜小小嘅茄汁簡直係畫龍點睛，同朋友好快就清晒成碟，真係覺得自己好誇張。最後就係主角啦～10安士嘅加拿大豬鞍配上汁煮薯條，豬鞍大大塊十分厚肉絕對冇呃秤，咬落去肉質厚實味道相當不錯，唔經唔覺清晒全部野食。見倒隔離叫咗牛扒好香煎得好靚，今次叫得太多野食未有機會食牛，下次一定要試！

經朋友介紹去咗尖沙咀亞士厘道的一條食街食午餐， 朋友介紹這間的酥皮湯非常好食，而我對酥皮湯更是情有獨鍾。上枱的酥皮湯外型好靚，表皮完全冇塌，真捨不得把它弄破。酥皮的內層有個好大嘅空氣氣泡，湯底係茄汁豆湯，湯的底部有蠟燭，用微火保持湯的溫熱。$68加十蚊就有酥皮湯，簡直是超值。下午兩點半之前結帳還免加一。星期六下午時間餐廳都好靜，臨走時同餐廳侍應講， 餐廳食物真係非常好食，原來餐廳主廚是5星酒店大廚❤❤， 難怪煮得咁好食。

今晚黎到呢間位於尖沙咀亞士厘道嘅上樓西餐廳, 估唔到夜晚 7 點左右就已經差不多滿座｡Menu 嘅價位以尖沙咀黎講唔算太貴｡自家製美式黃金蟹餅話雖係 Appetizer, 但蟹餅 Size 一 D 都唔細｡ 蟹餅兩面都煎到金黃色, 非常香脆｡蟹餅入面堅係全蟹肉, 完全冇溝入任何薯蓉或其他蔬果, 絕對係啖啖肉, 蟹肉味十足｡烤燒大啡菇、焗釀鮑魚、北海道帶子、虎蝦意大利飯伴龍蝦汁非常特別嘅意大利飯, 喺大啡菇上鋪上煮好嘅意大利飯, 再喺上面放上鮑魚/帶子/虎蝦, 齋睇賣相已經係冇得輸｡ 大啡菇肥大肉厚, 菇味香濃, 一咬落去即刻爆汁, 意大利飯粒軟硬適中, 一啖同時食到大啡菇 & 意大利飯, 菇汁混入意大利飯裡面簡直係絕配 !!