Amour Green (已結業)

近近地太子，bb收工簡左呢度同我假日前吃好西，晚餐價錢無舊茶牌時的大眾化，現在有點點覺貴，雖然環境企理，位不多所以不會找到好嘈吵的客人在，而且出品又翻咁上下，我就覺得前菜比主菜更出色呀：晚餐set有沙律，湯和香草包。沙律做得幾別緻，爽脆。湯加30要了好味點的龍蝦湯，味香濃，有點過咸，不過無湯料的。法包包雖細細，加賣香草蒜蓉，nice。前菜我們也識食點了鵝肝多士鵝肝即溶很好吃，精美又夠肥美，煎到剛好，正，自然想再黎。主菜今日我選了松子羅勒醬帶子長通粉184松子油幾獨特，帶子已煎封，連同什菌粒同松子仁炒香，意粉，份量不少，通粉即煮所以不糊口，好有彈性，有點驚喜。好怕食澱粉質既我，竟然可以一個人全部食曬。。。。。。。。。他要了澳洲和牛牛面肉266樣子ok，份量都不少，不過貴呀。佢覺口感刺牛舌，我覺較像牛。Oreo cheese cake加30賣相好可愛，其實旦糕幾滑幾足料既，不過晚餐已食到好飽，食賣覺得好膩了。他的士多啤梨雪糕，奶味ok，都香滑。香蕉沙冰走cream 正價48 跟餐加30Wa好夠凍呀，唔多奶味，所以不濟。面頭仲有真蕉嫁，成杯真材實料，蕉迷必試。凍呍呢拿牛奶咖啡 正價40 跟

10月13日 我們5人到餐廳飯聚兼慶祝朋友生日，我們預約了7點半，準時到達，無需等候，侍應生也非常有禮貌向我們推薦餐廳app只需收藏就可以每人送一杯菠蘿橙汁之後我們就揀選set dinner先有頭盤 我們分別叫了 甜蝦刺身，魚干多士，鵝干多士，頭盤的確色香味俱全，超讚！跟著餐湯 我們5人都揀選了南瓜湯，無論味道，濃度都超級滿意，飲完個湯真在好滿足....終於到主菜上場，我們都期待著驚喜，破碎了！我們分別點了1)便便海膽意大利飯碟飯味道還可以，可是賣相似足便便，稔槳性極高一pat pat!2)無味香草醬通粉，呢個我們叫了3個，個通粉深綠色完全無味，只有好濃縮香草腥味，我們都食唔落，只吃了少許就叫服務員收碟！3）橡膠牛脷，真的最簡單直接形容，un ，肥，筋！完全係切唔到的，好在廚房一早已經幫我厚切，但厚切喎⋯⋯點食丫？！我再將佢切開一小份食...哈！原來係切唔到的，太un,唯有就咁𡁻啦！un 到係吞唔到的仲夾雜著肥膏同筋，睇來要用攪碎機先可以食到！令人非常失望！算了朋友生日 主菜做得唔好，可能廚師一時失手者！最期待就是我們個set 有甜品的，都好啦！我們揀選了芝士餅！點知正當我們有說有笑一

約左友人係附近食飯, 見到呢間西餐廳門口幾特別, 望下餐牌食物都幾岩食同價錢岩數, 咁就由呢條樓梯下落去一層開餐! 食店面積唔大, 一眼望晒有幾多張枱, 環境傢具比人一種簡約感覺!侍應送上餐牌, 介紹有呢個法式7道菜晚市套餐, 價錢由$138-$266 (加一服務費), 唔想用腦再諗, 一於點個套餐吧!頭盤可以四選一, 友人點了鮟鱇魚肝多士, 鮟鱇魚肝口感幼滑, 食落有陣魚油香味, 配多士食可食到一軟一硬口感!我就點了鵝肝多士, 一咬落去鵝油標晒出黎, 幸好有D沙律菜食減底油膩感, 但略嫌鵝肝表面煎得唔夠香口!食完頭盤就到湯及沙律, 今晚餐湯係南瓜湯, 質同味感都夠濃, 配以香草包粒, 我喜歡扔入湯浸一浸先一齊食, 另外個油醋田園沙律味道OK!見佢主菜有低溫慢煮之選, 即管試下, 呢款係澳洲自然穀飼豬胺伴薯菜 ($240), 豬胺係厚切,份量十足, 切開見到雪白豬胺, 食落有陣肉味, 咁厚切都唔會食到好嚡口, 當要慢煮時䦔要控制得好, 呢碟應該及格!我就喜歡食牛, 食牛我選擇澳洲和牛牛面肉, 聽個名都諗起應該係好腍滑, 一客有2件牛面肉, 切開仍然見到有嫩紅色, 食落口感絶對係腍滑,

最近都比較忙，好難先約朋友收工聚下，揀左間近近地又未食過既西餐Dinner set 包餐湯，前菜，主菜，甜品煙三文魚墨魚汁意粉$166墨魚汁好濃郁，意粉吸晒汁，亦唔會太咸，不過份量較少三文魚扒$206預先調味的三文魚扒，煎香的了味道更出，肉質幾嫩滑，少少咸但岩岩好加左煎了的配菜中和返龍蝦湯味道一般，算好濃郁，但飲落比較咸，不過都可接受的。田園沙律加左黑醋同油，清淡之夠又健康前菜有鵝肝多士同海膽豆腐鵝肝煎得幾香，豆腐加左芝麻醬，海膽都新鮮飲品方面一熱一凍朱古力，淡淡的奶味，唔算太甜～$30就配心太軟天氣關係雪糕好快就融，心太軟濕潤，非常流心，濃濃的朱古力味非常重，唔算太甜幾岩我。芝士蛋糕味道不錯，可惜份量真的太細，唔夠食呢～

本來打算由太子行去旺角搵食, 係彌敦道行經AMOUR GREEN, 見到有條樓梯落地庫, 門面好貼切店名, 樓梯兩旁都好GREEN. 估計開張不久, 望下餐牌, 岩食喎!睇書有序, 原來食野都有序言睇架, "有愛, 請留言"真係成個名都咁GREEN, 幾有心思經典二人晚餐 $368凱撒沙律: 沙律菜新鮮爽口西蘭花忌廉湯: 好多西蘭花蓉, 好均勻, 啖啖啺都飲到西蘭花蓉, 夠杰夠黏黑松露鵝肝多士 X2: 鵝肝煎香, 入口即溶, 配合脆多士食, 油潤而不膩, 感覺融和, 鵝肝面仲加左黑松露醬, 味道更濃郁巴馬火腿蜜瓜X2: 火腿的油香及鹹味, 配上蜜瓜爽甜, 味濃而不膩煙三文魚露荀卷 X2: 煙燻魚油香配合露荀爽脆, 味道口感不俗烤澳洲牛柳扒: 七成熟, 剛剛好外熟內嫩, 牛肉香包住肉汁, 肉腍不鞋, 薯蓉好幼滑墨魚汁海蝦意大利粉: 墨魚汁香濃, 意粉掛汁有彈性, 蝦肉彈滑, 如果蝦大少少及多一兩隻, 賣相會好D食飽飽, 一人一個蛋糕/甜品, 仲歎埋杯咖啡(棒子牛奶咖啡 +$15, 朱古力牛奶咖啡 +15)埋單加一 都只係$438, 食物種類豐富, 味道不錯, 抵食!

得悉Amour於旺角再開分店，是晚我亦抽空專程到訪。Amour這店給我的感覺便是平民西餐，性價比高，雖不頂級，但此較划算的價錢絕對有吸引力。從之前的二人晚餐演進至現在的一人前●七道菜晚餐，不過七道菜一詞有點取巧，一小塊餐包也當作一道菜。前菜選了魚肝醬配麵包，魚肝醬味濃香醇，與鵝肝醬蠻有異曲同工之妙，簡簡單單配麵包已不感平凡，無須花巧。這裡共算三道菜，沒錯，是三道菜: 雜菜蜆肉餐湯、黑醋沙律、餐包一小塊。餐湯清甜，還有不少蜆肉; 沙律只是普通沙律菜加黑醋，味道是可想像的，無甚麼特別。主菜揀選了慢煮羊架: 切出來共有四件，選擇了六成熟，生與熟之間的滲出少許血絲，肉味更為香濃，是理想的生熟度。肉質也算是幼嫩軟腍。芒果沙冰打至非常幼滑，毫無碎冰，芒果香甜味濃而不膩，味道十分討好。最後的甜品還有芝士餅/ Dryer's雪糕可選。

星期六的晚上，又是苦惱去邊食的時候，行行下經過此店，睇menu食物蠻吸引，價格合理，於是試下了。 餐廳位於地庫。 面積比想像中大，西餐廳的設計，枱興枱之間有一定距離，有個人空間之感，坐得幾舒服，環境感覺寧靜，去到時冇乜人，之後越來越多人了。 經典二人晚餐，$368，有頭盤、餐湯、沙律、主菜、甜品、咖啡及茶，都好抵食呀。 凡惠顧套餐，可減$25享用以上任何一款咖啡。 頭盤: 黑松露鵝肝多士，奢侈的頭盤，肥厚的鵝肝，口感油潤甘香，幾好味呀。 巴馬火腿蜜瓜，蜜瓜不夠甜，味道fresh。 煙三文魚露荀卷，煙熏味濃，口感爽脆，味道不俗。 忌廉磨菇湯，口感比較稠身，味道濃郁。 傳統凱撒沙律，沙律夠新鮮，好多醬汁呀。 黑松露意大利飯，口感黏稠，飯粒中心有點硬，感覺正宗，味精濃郁，幾好味呀。 烤澳洲牛柳扒。 好大件牛柳扒，要了六成熟，肉質鮮嫩，牛肉味濃，幾好味呀。 木糠布甸，味道正常水準。 玫瑰牛奶咖啡，有淡淡的玫瑰香氣，味道不俗。 每人平均$218食到牛柳、鵝肝及甜品，真係幾抵食，而且份量多，食物味道有水準，下次會再去呀。

最近與友人聚會，去了一間地庫餐廳，裝修以簡約為主，特別係樓梯旁以一大片樹葉作為裝飾，仿似進入鬧市中一片綠洲。 入面頗為寬敞 抬與抬之間有不少空間，感覺好舒服。 主菜選擇頗多, 有牛扒, 羊架, 雞胸等, 亦有意大利飯, 意粉等。 先來一 set 三件嘅頭盤，賣相精緻，最深刻係黑松露鵝肝多士，一咬下去，濃濃嘅鵝肝味立刻湧出，再配合香脆嘅多士, 立刻令人胃口大開。 再來是一人一個南瓜湯，南瓜味頗重 但如果可以再Creamy 少少就更好。 這客是二人份嘅凱撒沙律, 份量很多，可惜其中麵包粒並不太脆，影響了口感。 再來主菜羊架 五成熟 外面頗脆 咬下去香草帶出淡淡羊羶味 令人食指大動 3成熟澳洲牛柳 肉質柔軟 但牛肉味不足，有點可惜。 最後甜品係慕絲蛋糕，分別有藍莓味和草莓味選擇，味道不太甜，怕肥既朋友亦可嘗試。

今日有一位國內同事到港. 要做一日導遊. 她要求行旺角. 由12:00到6:30. 簡直筋疲力盡. 行經彌敦道近太子方向. 有一間佈滿住綠色植物裝飾的餐廳. 比佢吸引住. 就選擇咗喇...名叫Amour Green. 入到餐廳唔算大. 只有十幾張枱. 好彩仲有兩張枱. 不過坐低大概30分鐘. 而經full了. 見到有客人要等位, 但有d等唔到都要走咗...望望餐牌睇吓有咩食先....每個set dinner都有不同的價錢..價錢中位數. 有頭盤, 餐湯, 沙律, 主菜, 甜品. 咖啡或茶. 價錢由$138-266不等. 要加一服務的. 剌身甜蝦他他 - 甜蝦太細隻了. 如果大隻返少少就會好d. 不過都你鮮味的. 鵝肝多士 -厚厚的鵝肝配上脆脆多士. 鵝肝味道甘香. 蘑菇湯 & 什菜沙律- 好香的蘑菇味. 只是稀咗少少. 什菜係用新鮮沙律菜. 配上少少沙律醋. 少少酸中帶清甜. 見到餐牌有慢煮的食品選擇. 要試吓先. 我選擇了澳洲和牛牛面肉. 原先唸住慢煮一定冇衰啦. 而且仲係牛面肉. 應該肉質係好"淋"的. 當食物放到我面前. 賣相是非常吸引的. 大大件和牛牛面肉. 配上薯蓉及翠肉瓜.

在彌敦道,不經意行行下,見到這間在地庫的餐廳我和友人便行了下去,Amour Green...洽如其名,周圍都有花及綠色的植物,給人很舒服的感覺。門口並不大,但一推門進去,內裏頗大。坐位舒服。我們看了餐牌,叫了個經典2人晚餐,2人晚餐很多嘢食,首先嚟個 頭盤,有三樣食物.頭盤: 黑松露鵝肝多士面頭有些黑松露,很香。鵝肝很金黃,很肥美,咬下去的油脂正好給法包吸收。巴馬火腿蜜瓜巴馬火腿带些鹹,所以配搭哈蜜瓜是最佳選擇。煙三文魚露荀卷很新鮮的露荀很,清爽.配合煙三文魚。好好味傳統凱撒沙律有芝士碎和麵包粒,麵包粒很大粒,若脆口一些更好味.生菜很新鮮,二人份量剛剛好.食咗咁多嘢,先到餐湯...今晚是南瓜餐湯,南瓜餐湯很香南瓜味,有點蓉,好飲.主菜有7款選擇因是2人餐,所以可以選2,我們選了牛和羊.烤澳洲牛柳扒 50%熟配翠玉瓜。薯容. 牛柳肉汁濃郁,半生熟,剛好.唔靭.薯蓉好滑,食埋薯蓉唔怕唔夠飽.友人選了香草煎封羊架60%熟,有3件,都好大件,so 味唔重,又唔靱,薯蓉夠香滑,,雖然無飯,吃完都好飽心太軟到了甜品時間,估唔到有個咁認真的跟餐甜品. 這個比一般甜品店更好味,而且set dinner

之前去左同屋企人去食飯，環境唔錯架，都好新下。可惜嗰度無酒，有啲失望😟叫左安格斯牛排既二人經典set dinner, order 左7成熟，但係上到黎就差唔多成9成熟，叫左人換，就變左5成熟，似係俾人挽😑甜品就ok既，不過飲品嗰度小左選舉，得coffee同凍檸茶嗰啲，感覺好怪🤔到最後竟然收錯錢多成100蚊。真心唔扺食，以後唔會再黎。

上網睇到捱介，就去食。味道其實無特別，純粹係呢個平民嘅價錢可以食到呢個質素同份量，的確係經濟。牛肉厚身但相對地缺少牛味，羊架依然有少少酥。甜品略嫌過於creamy，咖啡不過不失，如果再熱啲會更加好飲。

最近不用返工， 多咗時間拍拖，( 放閃光彈中) 睇戲食飯直落當然是例行活動啦！ 買咗飛喺百老匯睇戲，睇戲之前 ，先食飯醫下個肚先~ 在門口見到個二人晚餐 ，看起來價格相宜，款式都吸引，而且選擇都算多， 今晚一於食呢間啦！ 二人Set dinner 包括有 煙三文魚卷蘆筍、 鵝肝多士、 parma ham配哈蜜瓜 作為頭盤， 還有沙律和忌廉蘑菇湯， 另外還可以揀兩道主菜和飲品之外還有一款甜品送贈， 四百蚊左右，價錢都算公道而且食物都算多。 想不到頭盤是每人各自都有一份食物， 而且件件大大件，一點也不吝嗇！ 鵝肝肥大肉厚，馥郁芳香油脂感十足， 配多士最夾~ 翠綠的蘆筍配煙三文魚口感一絕， 哈密瓜非常清甜單食都好食！ 之後就有一個非常濃味的蘑菇湯， 相信是由超多磨菇打成蓉， 味道濃郁之餘帶粒粒磨菇口感，正！ 主菜我選擇了大蝦墨魚汁意粉~ 不過“大蝦“方面，蝦的大小就令人有點失望，好像細隻咗啲！？ 不過想深一層 ，材料費都放了不少在頭盤內吧？ 也不好抱怨太多了~蝦肉倒是爽實清甜， 墨魚汁甜甜地，意粉煙煙靭靭都幾好食丫~ 另一款main course我們就選擇了牛柳扒~ 同樣份量偏少， 大約六

今日唔係星期六日大家都要返工返學嘅一日。我就射波，來享受個豐富晚餐。個湯麻麻哋，稀得滯個羊架，好新鮮好滋味，配上個燒汁好夾法式鵝肝配上多士，好好夾好豐富食完呢餐又要減肥啦風乾嘅火腿，配上木瓜甜中大鹹今日唔係星期六日大家都要返工返學嘅一日。我就射波，來享受個豐富晚餐。

最近發現，太子開了一間新餐廳，不是樓上Cafe，就座落大街之下。走進餐廳以簡約的裝修帶點酒吧的環境，讓食客可以自在地坐著享受美食。還提供一個空間作為私人房間之用，尤如有點樓上cafe的格調。坐下之後才明白是Amour Group的餐廳之一，對於Amour Group的餐廳都有食過，感覺都有一定質素。Amour Green也能保持水準，食物質素和味道也做的不錯，能和朋友可以舒適自在的吃一頓晚飯，也享受其中。***********************Amour Green就在於旺角彌敦道的大街之上，門外還有服務員站著，都很容易找到入口。餐廳環境很簡略的裝修，地方也坐的舒適。由服務員安排入座，才發現Amour Green是Amour Group的餐廳之一，其他2間都食過，感覺也不錯，相信Amour Green也不會太差。和朋友前來慶生，所以選了2人餐 HKD368，還額外有加一收費。2人餐包括了頭盤、沙律、餐湯、主菜、甜品和飲品，主菜還可以7選2。2人餐的頭盤，黑松露鵝肝多士、巴馬火腿蜜瓜和煙三文魚露筍卷，每人一份的頭盤，賣相也不錯。煙三文魚露筍卷，露筍很鮮嫩，配上煙三文魚的咸香味，更加