Amour Green (已結業)

今日同老婆一家人去食飯，家姐訂左台食旺角西餐。極來都無咩好感，一向唔鍾意食mk野，點知竟然有驚喜。第一個驚喜，店內有pokestop，仲長期有櫻花，可以方便我捉精靈。第二個驚喜，店內裝飾頗有格調，一d都唔迫唔嘈，仲有得包場添！第三個驚喜當然係食物啦！我地一行5人，叫左四個主菜（兩個二人餐）同兩個小食。兩個二人餐抵讚，有齊餐湯、沙津、頭盤、主菜、甜品，一d都唔hea。頭盤一set有三款，各有特式。最鍾意係鵝脾多士，鵝脾好肥美，火候剛好，外脆內軟，口感好正。《燒牛柳》牛肉好新鮮，質素高，唔係低級既牛肉。牛肉有好濃牛味，有咬口，肥瘦剛好。火候方面，就扣左少少分，5成熟未夠準繩，生左少少。《黑松露意大利飯》呢份主菜好足料，見得到大大份黑松露，並唔係用黑松露油代替。意大利飯好有誠意，好用心煮，幾乎每一粒既生熟程度都一樣，全部都好均勻甘沾滿忌廉汁，十分抵讚。意大利飯火候剛好，煙煙韌軔，好好口感。味道方便，本身醬汁味道已經好濃厚，加上黑松露就提升多一個層次！《芝士焗牛肝菇》大大隻牛肝菇上面鋪滿香濃芝士，配少少煙肉同香草，好誘惑！芝士味道好香濃，香草吊味令到芝士味道更突出。加入煙肉，又會有多一種口感。

自從搬進港島區，就甚少到旺角食逛玩，加上港島區的食物質素較高（前提是消費較貴），就更沒有動力去油尖旺。某夜在旺角完成工作，就跟朋友試試旺角的咖啡店，以實惠的價值（足足是港島價的一半），食到有質素水準的晚餐，對我這個食開貴野的港島人來說，非常有驚喜！$368二人晚餐的價錢，食物份量一點都不少，頭盤先是每人一份的Tapas 小食。小食有：頭盤黑松露鵝肝多士、煙三文魚露荀卷、巴馬火腿蜜瓜本來預算食物會普普通通的，一食又發現幾唔錯！鵝肝多士帶有黑松露味，比平時食到的特別！煙三文魚露荀卷、巴馬火腿蜜瓜都做到中高價質素，不禁一再確認價錢，是$368二人餐，竟然能提供高質素！之後一同上枱的是 是日湯餐湯、凱撒沙律，全晚要數失手的，要是這是日餐湯—磨菇湯，略為偏咸，cream未夠滑，沙律菜都算挺新鮮。我要了個一客三件 Medium的香草煎封羊架， 一切開，發現中間是嫣紅色的羊肉，有羊味，軟硬度適中，唯一是帶羶味，如果把羶味分低、中、高，它就是中度羶，可以用薄荷啫喱蓋過羶味。朋友吃Medium的烤澳洲牛柳扒，厚肉的牛柳扒切開，中間同樣是是嫣紅肉色，非常吸引，肉質柔軟，肉味似牛腩，不是「牛魔王」的剛強味。

上個月和咖喱先生經過太子附近，發現一間新開的地庫餐廳，裝修簡約清新，充滿園林色彩，就決定嘗試一下。 這裏面積不大，大約可容納30位客人左右， 環境清靜。 這裏給人年輕活力的感覺，原來和愛集團有這麼大的關連。 這裏提出簡約的概念，無論是裝飾還是佈置，也充滿年輕人對世界抱有的希望。 天時暑熱，我們各點了一杯凍飲，分別是 Banana Smoothie 和 Chocolate Smoothie。 香蕉 Smoothie 真材實料夠香濃。 朱古力 Smoothie 反而偏甜。 我們點選了經典二人晚餐。頭盤包括黑松露鵝肝多士、巴馬火腿蜜瓜和煙三文魚蘆筍卷。鵝肝帶有腥味，有待改善。 巴馬火腿蜜瓜和煙三文魚蘆筍卷卻相對地有水準。 是日餐湯 ~ 自家新鮮製作的蘑菇忌廉湯，比坊間所用的罐頭忌廉蘑菇湯，更有口感，更香濃。 傳統凱撒沙律 主菜七選二，豬豬就選了這個香濃黑松露意大利飯，黑松露與芝士的香味四溢。配合簡單的海鮮配料，鮮味加陪提升。 咖喱先生摯愛的黑卒卒墨魚汁海蝦意粉，墨魚汁份量不算很多，吃的時候嘴沒有變得過份黑卒卒，而且和海鮮非常配搭。 甜品是藍莓紐約芝士蛋糕和士多啤

早幾個月前同朋友起Amour Corner吃過晚餐, 感覺唔錯當想再encore時, 又上黎openrice 諗住搵電話訂座之際點知一search "Amour", 咦....彈多左間叫Amour Green既緊係入去望下係咩黎啦, 見地點都算近, 睇食評見到巴黎鐵塔個logo, 應該係同一集團, 咁可以試下新環境同新野喎餐廳係近太子的彌敦道上, 是以前NOKIA舖位的附近門面很光鮮, 要經過樓梯走進地庫的樓梯的側邊都裝上假草假葉, 感覺是很清新, 尤其在繁華的城市裡, 很少見到大量綠色植物望完雙眼都精靈d落到地庫, 一推門, 就見到紅紅綠綠的椅子, 令我諗起青紅椒 (又是清新的感覺)與Amour Corner完全是兩回事, 那邊是昏暗浪漫燈光, 而這裡個人認為較young line一點坐下來, 侍應遞上Menu第一版就印著經典二人晚餐, 有著Amour套餐的風格通常我們掀幾掀, 就不想再諗, 之後就會點二人餐通常出面既餐廳, 前菜都係選一兩款, 但呢度係每人有齊3樣, 而且包甜品, 沙律, 餐湯, 飲品當然每人可選一份主菜 (7選1) , 都咪話唔抵頭盤三點 (經典二人晚餐)遞到上檯

新餐廳膽粗粗試一試，好中意門口落樓梯的樹菜牆～so green~入面好寬趟，台同台之間都唔怕偷聽到喇～haha～～同朋友嗌左個二人餐主菜揀左黑松露意大利飯同肉眼牛扒先上頭盤侍應哥哥拎兩份泥，我仲以為比多左原來一人有一份三件噤！好正啊！估您唔到😍😍識食緊係襯熱食左個鵝肝多士先其實我比較怕食鵝肝。因為都有少少過敏但我想講呢個真係好正！微熱食係真係入口即溶噤好鮮甜，無怪味！多士脆卜卜！隔離係pamaham 配蜜瓜蜜瓜當做！配埋少少咸嘅 ham 原來係噤正嘅！三文魚正常，蘆筍夠嫩夠幼身，I like 友人覺得個飯可以再軟啲，不過我覺得都ok同埋好多啊，味道剛剛好，都足料，好多菇啊，哈哈個湯係西蘭花忌廉湯我第一次飲，估唔到噤好飲！(本人是西蘭花控)屋企可以試下整！個牛扒有點太熟(朋友要求五成)不過味道很好，也夠嫩，夠厚身，食落口感十足！值得一提係個自家製芥末醬！好正宗好惹味！個滑一滑薯蓉有驚喜！幾多特飲選擇，最後我揀左杯ginger ale 佢話都係特調嘅，即管試下！哈哈！成片薑好盞鬼！真係夠薑！但唔會辣啦當然！新開張，有心機，有空間，希望以後再泥，會保持到水準

幾個月前去過彌敦道附近的地庫餐廳，氣氛環境相當不錯，對此的印象也非常深刻。最近一晚與朋友聚會就去了間新開業的地庫餐廳，一個二人套餐就可以享受正規頭盤、主菜和甜品。裝潢設計滿載新鮮感，吧枱擺有數棵英文字母的盆栽，別具心思。沙發椅也用一些色彩繽紛的顏色，主要有紅、翠綠和淺綠三色。甫坐侍應生便拿起枱上的八角型的杯子為我們斟檸檬水一來三件賣相精緻的頭盤就先聲奪人美點輝映，首先吃件黑松露鵝肝多士，頂上的鵝肝帶點咸，底下的麵包多士幾脆身！巴馬火腿切到好薄身，包住甜甜的蜜瓜，本身已經是十分簡單好味又是喚醒味蕾的前菜。煙三文魚露筍卷雖然只是前菜，但呢片三文魚濃郁又香噴噴三文魚包上幾根幼身的露筍，吃落尤其清新！套餐包括一人一個餐湯，可惜南瓜味不夠濃郁，味道有點淡和較稀身。來的這客沙律是傳統凱薩沙律建議落多d烤麵包crumbs，會更香口但避免用麵包皮和大芝士碎去製作，避免影響口感。這個是經典二人套餐$368心理上二人餐總比單點較便宜。主菜七選二，想不到會有不少扒類和貴價的菜式這個龍脷柳邊緣煎到好香口，師父調的意式忌廉汁都好豐盈，將一小片的魚柳沾上香草和醬汁，吃落肉質軟腍又嫩滑！陪碟的綠、黃翠玉瓜和薯泥都下

今晚跟朋友到聯合逛街，肚餓了就在附近覓食，見到這間的樓梯充滿田園氣息的餐廳，真是很吸引，便決定試一試。餐廳氣氛走文青路線，柔和的燈光與黑白色的地磚和灰紅色的椅子，令人有眼前一亮的感覺。點了二人餐頭盤的黑松露鵝肝多士，鵝肝經香煎後，呈現金黃色，一入口，鵝肝的油香慢慢滲出來，甘香滑溜，油香在嘴裏久久不能散去，回味無窮，配上香脆的多士，令口感更多層次。巴馬火腿蜜瓜的味道清新，巴馬火腿的咸香味不算重，魚露荀卷味道是三樣前菜中最清淡的。凱撒沙律很新鮮，配上檸檬汁很開胃，有助中和芝士的膩，加了香脆多士，令口感更多層次。主菜的澳洲牛柳，七成熟的，切開一看，煎得剛剛好，肉質不老，很嫩。配上薯蓉，薯蓉味道比較淡，但口感幼滑。黑松露菌意大利飯的忌廉汁煮得乾身。飯粒有口感，粒粒分明。一入口濃濃的松露味便爆發出來，充滿整個口腔。甜品有芒果味和士多啤梨味芝士蛋糕。顏色吸引，口感彈牙，甜度適中。芒果慕絲與夾心的朱古力蛋糕很夾。士多啤梨芝士蛋糕有花香味，很特別。

真係冇諗過，公司三文治會係咁嘅，明明係火腿雞蛋三文治，但又叫做公司三文治。唔通成間公司只有火腿同雞蛋？但最離譜，麵包烘咗等如冇烘，好似隔夜麵包一樣咁乾，但有冇燶到，叫佢哋返烘麵包之後，方包變咗行燶咗嘅麵包皮。點樣食呀？

同屋企人係旺角搵嘢食，朋友介紹我哋去呢間新開嘅西式餐廳。餐廳入口雖然對正Nathon Road，但唔多起眼，絕對要落足眼力先搵到。餐廳設於地庫，一落樓梯就見到另一留景象。裝修格調令人感覺非常舒適，西式佈置唔太嚴肅，有輕鬆悠閑嘅感覺。店內空間用活動分隔，如果多人來嘅話可以包場呀！店員服務非常殷勤，馬上帶我地去座位，遞上餐牌，仲介紹左唔少食物俾我哋添。餐牌上面選擇都唔少，但亮點絕對係二人餐，有齊頭盆、餐湯、主菜、同甜品，都係三百幾蚊，比散叫平一大截架！我哋叫咗一個豐富二人餐，頭盤有三款，我哋以為要三選一，點知原來係三款都有得食。主菜我哋揀咗一羊架，一意粉。《三式頭盤》三式頭盤包括鵝肝多士，煙三文魚蘆筍卷，同巴馬火腿蜜瓜卷，呢個頭盤非常豐富。鵝肝多士非常香脆，上面嘅鵝肝厚厚一大件，火候控制得極好，外脆內軟，一咬落去有好香嘅油流出。巴馬火腿蜜瓜卷呢，蜜瓜非常甜，係高級貨，而巴馬火腿既選料亦都好認真，成個組合好清新。三文魚蘆筍卷就稍為遜色少少，蘆筍唔夠嫩，扣左少少分。整體而言，呢個頭盤都係好吸睛，亦都令人食慾大開，對嚟緊嘅食物好有期望。《燒羊架》呢個主菜絕對係成餐飯嘅亮點，羊架新鮮，薯蓉軟滑。羊

今年我生日，朋友想同我搞生日會，有成13個人，諗左好耐都唔知應該邊度搞好。我又唔喜歡去唱k 飲酒party，我地又嘈，又想要一個area比我地嘈一下。最後朋友介紹左一間餐廳比我，佢叫Amour Green，新開既，一開始都會擔心質素，但都同佢地傾下先啦。用whatsapp同佢地傾菜單，佢地有一份叫party set，好似到會咁。但食物既類別比較高質（唔係食三文治，菠蘿腸仔果d…）一位位咁收錢，十位去，收十位錢，而且佢唔限時，價錢仲幾合理，所以就試試。先分享菜單比大家睇：*凱撒沙律*汽水/綠茶果汁/先生 任飲*頭盤 (4選3)德國腸拼盤鵝肝多士班馬火腿伴密瓜吉烈炸蠔*主菜一 (4選2)黑松露野菌意大利飯菠菜汁忌廉三文魚意大利粉紅海蝦意大利粉鮮蝦磨菇墨魚麵*主菜二 (5選3)蒜香牛柳粒醬燒豬肋骨香草煎羊架香煎龍脷柳芝土煙肉焗雞胸甜品特別想講講以下幾樣食物，真係唔錯！黑松露野菌意大利飯煮得好好食，味道好好，好香cream味道，食完一啖，會好想再食落去，而且好軟，入口覺得好幸福。菠菜汁忌廉三文魚意大利粉配料上有很多三文魚，配合意粉來食，口感很好，意粉煮得岩岩好，唔會太淋，亦唔會過重既cream

中學的時候, 每天放學都要到旁邊的班房等齊人才離開, 不論我們分散到哪班, 放學的組合卻沒有變! 很久沒見的放學組, 這一晚終於一聚在Amour Green! Amour Green在彌敦道的一旁, 門口就是一條綠色向下的樓梯, 別有洞天... 推開一扇門後, 可以看到一間別緻的餐廳, 大約有10多張枱, 不過這個晚上人不算多, 每桌都有各自的私人空間, 可以促膝長談...四個人最好就是2個2人餐, 不用麻煩, 包3款頭盤又有湯及沙律, 主菜都有7個選擇, 最後還有甜品! 套餐來說真的頗全面, 甚麼都能吃!巴馬火腿蜜瓜/煙三文魚露筍卷/黑松露鵝肝多士頭盤上埸, 每人一個長方碟, 上面有3款小食.... 我比較喜歡露筍卷的清新, 爽脆的露筍加上煙韌的三文魚, 一剛一柔; 巴馬火腿蜜瓜較平庸, 蜜瓜甜但不夠香; 鵝肝多士算不錯, 鵝肝的油脂香而不膩, 多士亦夠脆口, 可以一次過試3款有名的頭盤, 不錯不錯!傳統凱撒沙律; 松露蘑菇湯令人不解的是頭盤都每人一碟, 但沙律就二人分享一碟?? 不過份量尚算多, 只是分開一人一碟好似較方便... 這個沙律的醬汁略多, 有點過酸, 覆蓋了沙律的

同事的建議，嘗試這新食店！ 這食店真是十分之隱蔽，設於地庫的！走下樓梯你會見到很多綠色植物 因為午膳時間於12點多，食店沒有任何人，食店內擺設很多植物，燈光柔和，位置寬躺！ 叫左兩個Set lunch，餐中有餐湯 、餐飲一杯，是日餐湯是蘑菇湯，湯的味道好濃郁，湯中的蘑菇份量比預期中多，切成細細粒，每一口湯中你都會食到磨菇粒白汁煙三文魚飯： 要求轉了意粉的關係，意粉、磨菇粒與白汁十分夾，好香。意粉好彈牙，吾會淋，三文魚粒嘅份量也較預期中多，不錯！灑上香草令意粉更野味香煎龍利柳配飯 如圖所見，龍利柳份量十分夠份量！龍利柳外皮煎得很香脆，內裏肉質好新鮮，個人覺配上的醬汁吾夾，醬汁是酸酸的，如用白汁會更好！

話說今日放左工同女朋友搵地方食晚餐，見到openrice 係太子區有間新既西餐廳，咁就去試啦！入到去空間足夠，私穩度高，唔會太嘈，傾到計的。叫左個二人餐，前菜 o個個 parma ham 加個哈密瓜不錯，咸加甜中和左個味道，食落清新。個main就叫左個羊架，加埋佢個秘制檸檬醬，超正！埋單每位 ＄200 HKD 左右，以佢地既食材，環境，地點，服務態度，算係物超所值！而且係油尖旺區食飯最怕係食完飯要去廁所，因為有好多餐廳係冇廁所的。。。呢間餐廳內置廁所，而且衛生不錯。值得一試！

今日準時收工，已經好開心，出去旺角交埋十月去高雄既尾數，嘻嘻。雖然只有四日假期，男友話都想出去行下休息一下，唔知係咪見我最近太大壓力呢（自我感覺良好），哈哈。俾完錢突然想去之前朋友介紹嘅餐廳，所以慢慢行去太子嗰邊，去度見到有新餐廳，即刻轉軚啦（唉女人，呵呵）。配合它的名字，有綠色的配襯，好green好fresh。有二人餐，我們只係需要諗主菜同飲品，哈哈。我點左杯Rose Latte，男友就點左Hazelnut Latte，香滑、玫瑰味濃，已經夠甜，所以都無再加糖。看到前菜有點心動的感覺，一次過享受三種不同口味、不同層次、不同口感。是日餐湯，磨菇忌廉湯，磨菇好爛好溶，磨菇味重，加些少黑胡椒要突出其味道。跟餐沙律，蔬菜新鮮清甜，好食到想食多份，哈哈。三文魚波菜意粉，清新香甜，顏色豐富，波菜幼嫩，配上三文魚味道清新，好配合餐廳的名字。黑松露意大利飯，味道比三文魚意粉濃郁，香濃黑松露味道，飯的軟硬度適中，口感不錯。Blueberry cheese cake 香滑芝士味，加上藍莓醬，不敗的配搭。Cream Brûlée 好可愛，用小小的鐵盤上，令溫度得以持久，香滑而且甜度剛好。

發現旺角開左間系地庫既西餐廳, 入口有唔少植物, 俾人一種休閒既感覺。餐廳唔大, 但枱與枱之間有足夠距離, 私隱度高。叫左2人餐, 前菜、餐湯、主菜、甜品以至飲品都有齊, 感覺幾抵。草莓沙冰淡左啲, 草莓味唔夠濃, 但同時唔太甜所以唔膩。前菜有3款。parma ham帶點咸香, 但唔夠油潤, 冇入口化開既感覺, 配埋清甜哈密瓜, 都唔錯。煙三文魚露荀卷既煙三文魚新鮮軟滑, 冇半點腥味, 卷住爽脆既露荀, 好清新!鵝肝多士鵝肝軟滑, 充滿香氣, 連埋脆口既多士, 減低左膩感。沙律撈勻沙律醬, 新鮮爽脆, 酸甜開胃, 但多士粒淋左唔夠脆。黑松露菌意大利飯米粒帶煙韌, 黑松露菌既味道都好濃, 菇香迷人, 但忌廉醬汁比較少, 以致有啲乾。芝士煙肉焗雞胸芝士少, 味淡, 冇乜存在感, 煙肉瘦所以唔太香, 雞胸唔太嚡幾多汁, 都唔錯。薯蓉好幼滑, 牛油味香濃, 好好食!去到甜品環節, 有芒果芝士蛋糕同焦糖燉蛋。芒果芝士蛋糕芝士味好淡, 可以放雪櫃太耐抽乾水份, 所以好乾, 唔夠軟滑。焦糖燉蛋用好淺既器皿裝住, 幾乎每啖都食到焦糖, 但燉蛋唔夠creamy, 硬身左啲。呢度環境唔錯, 食物唔太貴,