Antidote

營業中

休息中

"Antidote"  係由韓國人開設, 全店所有店員都係oppa🤩, 幾乎每張枱都係韓國客人, 咁受韓國人歡迎, 可想言之這店的出品一定好正宗👍🥔冷盤小食(免費)有韓式泡菜及一個裝著四款涼菜嘅小盒, 好精緻😍, 同朋友食完之後, Oppa 好細心, 馬上幫我哋再添一盒🫰🥔蔬菜涼拌豬手 $230份量好大, 除咗涼拌豬手仲有海蜇同青瓜, 醬汁係酸酸辣辣嘅芥末醬, 豬手炆得軟淋入味, 用生菜包住豬手、醃蘿蔔、大蒜、韓式辣醬一齊食, 非常驚喜🤤🥔生醃醬油蟹 $328/pc一上枱, 見到爆曬膏嘅蟹樣已經流口水, 輕輕一襟, 蟹肉同膏已經唧曬出嚟, 入口鮮甜唔腥, 好新鮮👍, 滑嘟嘟嘅蟹肉撈埋煙煙韌韌嘅紅米飯糰一齊食, 口感更豐富😋🥔黑芝麻炸雞 $165入口黑芝麻味超級香濃, 繼續食落去, 會透著淡淡柚子清香味, 有著雙重味道, 好特別😘

-炮台山附近最近開左一間韓國菜的小餐館 ANTIDOTE✨裝潢充滿韓國小清新風。🌿主理的店員全部都是韓國人，食的不只是普通的燒烤、炸雞，而是韓國的地道小菜。先來就是幾小碟的韓國泡菜，每一碟都好精緻！(好想再添食不過沒有問啦🫢) 第一次食韓式醃鵪鶉蛋，唔會太死咸，都幾特別！/泡菜煎餅 ($140)/鮑魚釜飯 ($240)/辣炒五花肉魷魚 (好似$340)泡菜煎餅好香口，點上醋汁減低油膩感。主打CLAY POT RICE，當中鮑魚釜飯有銀杏、荀片，配以鮑魚的肝醬，入口粒粒飽滿又軟糯，唔會乾身。鮑魚仍好嫩滑，易咬開，沒有overcook 這點倒是驚喜。整體感覺超級comforting! ✨辣炒五花肉用鐵板上，五花肉油香非常，店員會幫你炒香。韓式辣醬香得來不會過份搶鏡！以生菜包住食十足十去了韓國一樣。맛있어요🥰

最近去了一間新開韓國餐廳我同朋友都覺得幾好味😋有驚喜前菜用個盒裝住 有4款前菜 再加一碟泡菜生醃醬油蟹配飯團$328這道菜絕對是一個美味的組合。蟹肉鮮嫩多汁，配上醬汁的鹹甜滋味，與米飯的口感完美融合。而且飯團🍙就咁食都得幾好味 口感唔錯海鮮煎餅🦐🦑$160裡面的魷魚、蝦仁和空心菜都煎得香脆可口。配以醋醬油汁，增添了菜品的酸甜味道，讓人欲罷不能。這道菜在口感和味道上都是完美的結合，絕對是海鮮愛好者的最佳選擇。烤牛肉沙拉🥗🐮$160非常出色。牛肉烤得恰到好處，肉質鮮嫩多汁。搭配新鮮蔬菜和特製醬汁，這道沙拉豐富而清爽，給人一種健康又美味的感覺。這是一道非常適合夏天享用的菜品。餐廳還提供了多種特飲Sunrise 橙加石榴特飲$38Aloha菠蘿檸檬特飲$38兩款特飲味道唔錯 口感豐富整體幾滿意 環境舒適韓國人主理 服務態度友善如果你想品嚐正宗韓國美食值得一試👍🏻

餐廳主打新派韓國特色菜,由外到內設計都充滿小清新感覺,空間感大.播放住韓國輕鬆音樂,而且店員清一色韓藉Oppa ,跟餐廳裝修一樣,同樣吸引人眼球~一坐底韓國店員就會放低前菜～🔸牛肉釜飯($200)釜飯有兩種食法,先伴好配料同米飯,再盛出享用.或者再加入韓國麥茶混入米飯,似日本茶漬飯. 肩胛肉份量多,並有牛蒡,銀杏,香菇.當中燒香過的蔥絲更令釜飯味道變得錦上添花🔸春川水冷蕎麥+餃子($98)蕎麥麵下墊着冰塊,麵質彈牙爽滑,開胃爽口.配上香脆餃子,內餡爆滿.整個套餐非常飽肚🔸黑芝麻炸雞($165)烏卒卒炸雞,外貌非常特別.即叫即炸,雞件不鞋口.被濃郁黑芝麻醬包圍味道.加上上面香蔥,味道增加層次,減少油膩感🔹Pink fruit($38)🔹 Aloha($38)前者有李子,水蜜桃,木槿,後者菠蘿檸檬藍柑酒.兩杯同樣顏色繽紛,入口清新,水果味道重

北角Antidote係由韓國人主理嘅餐廳，味道正宗，還原韓式風味🇰🇷除咗有靚仔oppa仲有靚女韓妹㗎😍❥甜辣炸雞粒 $150炸雞粒份量都幾多👍🏻雞粒炸得好香脆～甜辣醬好有韓式嘅感覺😋❥鰻魚釜飯 $270釜飯好香，入面仲有雞蛋卷😚醬汁同雞蛋卷都偏甜口，所以食到最後會有少少膩👅鰻魚燒得好香，好味！❥ 春川水冷蕎麥麵配餃子 $120蕎麥麵超級有彈性🤩而且佢嘅水冷麵下面真係有冰🤣所以食落會keep住冰冰涼涼～湯底酸酸甜甜，超級降溫開胃🤤而且仲有兩隻炸餃子🥟❥Yellow Flower $38❥Alpha $38

北角小清新正宗韓國菜 — Antidote呢間位於北角嘅韓國餐廳，餐廳走淺綠色簡約小清新風格，店員都係韓國人，主打醬油蟹、烤肉、石頭鍋飯等韓國料理。店員會喺我哋點菜後送上前菜，前菜附上泡菜、菠菜、白蘿蔔及醃紅蘿蔔🥕🍚牛肉釜飯($200)烤牛肩胛肉配上牛蒡，銀杏等配料，再臨上自家醬汁攪拌，白飯經壓力鍋烹製已成，令飯粒粒粒分發，最後配上麥茶做茶漬飯，別有一番風味🦐海鮮煎餅($160)煎餅用上大量韭菜、通心菜、蝦、魷魚，比市面上既煎餅都大好多，用量十足，表面煎得香脆，配上醋醬汁可以中和油膩感！🐷泡菜豬肋骨鍋($348)配料用上豬肋骨，五花肉，泡菜，粉絲及豆腐，店員會用gas爐不斷加熱，而且會細心地將豬肋骨既肉剪開佢，而且可以再加湯，湯底唔會普通地加雞湯/水，而係鰹魚湯，為泡菜鍋增加不少風味！

之前經過炮台山😝見到有間新開嘅韓國餐廳今日有時間 所以去左Antidote度食去到嘅時候 原來成間餐廳都係韓國人主理😯佢地都好nice😝 仲會主動介紹餐廳嘅食物💕餐廳提供咗好多唔同嘅前菜仲會用個盒放埋一齊💕去韓國餐廳又點會少得泡菜泡菜辣度仲好適中添😝- Sweet and Spicy Chicken甜辣炸雞粒啲鷄粒食落好滑身而且有肉汁😝啲甜辣醬仲好均勻喺每一件雞粒上面雞粒下面有啲生菜點埋啲醬 好好味☺️- Beef Pancake牛肉煎餅牛肉好淋身 一啲都唔會鞋到咬唔開😍雞蛋好入味 而且會鹹鹹地配埋啲蔥絲喺上面食 口感一流🥰- Abalone Pot Rice鮑魚釜飯主食方面 今次就揀咗鮑魚釜飯😆oppa仲好貼心 幫我哋將個飯撈勻去💕兩隻鮑魚都好爽口彈牙😆好好味🥰

新式韓國菜唔一定下下落芝士既(´∇｀)田浦食肉 @jeonpo_meatshop 新開既姐妹店 @antidote_inhk 正正主打講究又健康既摩登韓食 真心有令我改觀.ᐟ 同田浦食肉一樣 清一色由oppa店員serve（應該係賣點lol）◦ 豬手比之前傳統韓國餐廳食過既美味( ˶’-‘˶)表皮骨膠原滿滿好軟又帶啲焦香甜甜地 肉既部分入味 質地亦唔會乾硬原本以為咁大份兩個人未必KO到 用生菜同泡菜夾住 食食下就食完.ᐟ ◦ 白菜沙律有驚喜 第一次試呢種沙律( Ꙭ)！蕃茄汁有西班牙凍湯既感覺 調味都偏西式仲有芝士碎大白菜烤過後好甜 毫無草青味食前店員會剪碎方便撈勻進食◦ 鯛魚帶子釜飯餐廳無提供傳統石頭鍋飯但就有較特別既釜飯 有多款配料揀我地就試左海鮮味滿滿既鯛魚帶子釜飯仲拌入牛油 竹荀 香蔥 芝麻 香氣撲鼻～飯粒軟糯煙韌 係我幾喜歡既口感

今次去咗炮台山食韓國菜，餐廳係近期新開張，身為北角街坊又點可以唔去試下，店員係靚仔oppa，菜式應該夠曬地道。首先會舉上前菜，用咗一個好靚嘅盒子裝住，包括有泡菜、蛋煎翠肉瓜、涼拌菠菜、涼拌大豆芽同涼拌雜菌，可以先開開味蕾。生醃醬油蟹麵以花蟹醃製成醬油蟹，蟹肉鮮甜味美，鮮味完全無被醬油味蓋過，配搭飯團一起食用，滋味無窮。豬手豬手份量幾多，肉質軟腍，豬皮煙靭，滿滿骨膠原，配上泡菜、蒜片同生菜，食落無咁油膩，味道層次更豐富。酥炸墨魚墨魚厚實且有嚼勁，粉醬混入墨魚汁，賣相特別，口感鬆脆，蘸上蒜泥蛋黃醬更惹味。

👩🏻‍🍳Antidote🧑🏻‍🍳So nice 新式韓風餐廳~成間店舖嘅職員都係正宗韓國人，而且服務好好，會留意你食到邊，幫你整埋、分埋食物。👣值得科勞指數：🏃🏻‍♂🏃🏻🏃🏻‍♀🏃🏻🍽前菜小食-泡菜-蛋煎翠肉瓜-涼拌菠菜-涼拌大豆芽-涼拌海帶絲🍽 Mountain of meat 山峰烤牛肉好大盆牛肉，堆到好高，勁誇，打卡一流。配菜有大量綠豆芽、大葱、菇、拉麵，韓國OPPA會幫你煮牛肉，全程唔使你落手，服務非常好🍽 Beef Pot Rice 牛肉釜飯我最鍾意個飯，濃淡適中， 而且有兩種食法 ，可以撈埋個飯，oppa會幫你分落碗，淨低少部分既拌飯會加麥茶， 變茶漬泡飯咁食，幾特別🤭🍽 Deep Fried Shiitake Mushroom & Shrimp 酥炸蝦香菇香菇同蝦加炸粉一齊炸，香香脆脆，口感豐富，點埋沙律醬食，超正。 🍹Aloha主調︰菠蘿、檸檬、藍柑酒🍹Sunrise主調︰石榴、橙📍地點： 北角炮台山福蔭道1號海峰園南峰閣地下4A號舖#香港美食 #hongkongfood #hkfoodie #hkfood #餓底 #foodstagram #foodphotograp

同事介紹呢間主要黎睇靚仔oppa 職員推介醬油蟹搵冷面！未試過就大膽點黎食要留意每碟份量係好適合分享兩個人share一碟冷面真係剛剛好醬油蟹成隻上 出面賣一隻都$3-400醬汁配搭好好似自己調製 酸咸度完美設計-話說前菜已經有四小碟比一啲韓國餐廳黎講係好大方更加似去左韓國當地咁因為當地吹小菜間間店都好鬆手捨得！食曬小菜其實真係飽左-煎餅煎餅必食！睇到啲粉勁勁薄啲料勁勁勁足！咬落去口感唔會粉多口感係包左好足料重料又薄脆既滿足

今日同朋友去左北角呢間新派韓國餐廳食飯，無意中係ig見到餐廳環境好靚，而且食物都好吸睛❤️❤️💖烤牛肉沙律 불고기 샐러드Bulgogi Salad呢個沙律做法完全消除本身烤牛肉既油膩感，簡直係最佳配搭，而且沙律菜都好新鮮😚😚💖 生醃醬油海鮮拼盤Aantidote Marinated Raw Seafood Set呢個生醃海鮮拼盤超豐富，唔單止有醬油蟹同醬油蝦，仲有鮑魚同埋三文魚，韓國既醬油蟹拌飯簡直係一流🤤🤤 我最愛係個醬油蝦，滿滿既蝦膏，而且大啖肉，超級新鮮😍😍💖牛肉釜飯 소고기 솔밥Beef Pot rice呢個牛肉釜飯有兩種食法，先伴好配料同埋米飯，然後盛出享用；之後再加入韓國特色茶入去碗中與鍋焦既米飯相伴，又係另一種食法，同日本既茶漬飯有小小類似😜💖海鮮刀削麵 해물 칼국수Seafood Soup Noodles我最鍾意食韓國既湯麵，麵條爽口煙韌，而且海鮮湯香味十足，都好足料😚呢間韓國餐廳有西式既裝修風格，但係菜式都超級好味，而且我見店員都係韓國人，猶如置身韓國咁有親切感😙😙

要去北角取禮物, 順道相約住附近的好友陪食! 友人介紹新開的韓國菜餐廳, 綠色配木系的色調,餐廳內有很多綠值及流水投影, 柔和的燈光, 坐位寬敞, 整體感覺很舒服!懶得選的我們, 套餐是首選! 我愛吃醬油蟹, 來客醬油蟹餐 $768, 包括: 生醃醬油蟹、黑芝麻炸雞、白菜沙拉、牛肉煎餅, 超豐富, 價格超值! 白菜沙拉 $120 ~ 白菜、蕃茄汁、豆腐、香草油、蕃茄、蒔蘿! 店員在席前把烘烤過的白菜剪開, 配上酸甜的蕃茄醬汁同食, 豆腐也沾滿蕃茄汁, 味道很特別, 很清新開胃!生醃醬油蟹 $328/只 ~ 花蟹及秘制醬油, 配上2件有味飯! 肉質超嫩滑, 完全沒有腥臭味, 很新鮮, 肉很飽滿, 入口嫩滑又多膏! 醬油蟹一般也是配白飯, 想不到這有味飯團與醬油蟹挺配的! 黑芝麻炸雞 $165 ~ 雞腿肉、黑芝麻醬汁、洋蔥、大蔥! 大愛! 沒有厚厚的炸粉, 雞肉超級嫩滑, 芝麻醬很香, 滋味滿分!牛肉煎餅 $210 ~ 牛肉薄切、蔥絲、醋醬油汁! 是牛肉還是煎餅? 牛肉也太多了吧!! 沒有肥肥的油脂, 很濃的牛肉味, 但不膻! 配上微微辣的蔥絲, 愛上了!Sunrise $38 ~ 橙及石

轉眼間又到十五齋戒日，找到了家附近新開的韓國餐廳午膳店內裝修以大自然的綠色為主調，有種慢活感覺裝潢走簡約清新田園風格，用餐環境悠閒舒適店家還細心地預備圍裙，食客可盡情大快朵頤點餐後店員便奉上以精美盒子承載的的前菜四小碟及免費添加的泡菜主打韓式鍋拌飯，蘑菇釜把飯盛出食用後於碗內倒入大麥茶食用，茶香與米香交融沙律雜菜涼粉內有涼粉乾、三色甜椒、紫洋蔥及紫蘇油，營養健康美味春川水冷蕎麥麵彈牙爽滑，開胃爽口，予人輕盈之感Yellow Flower以柚子、檸檬及接骨木花調製，酸甜解膩Aloha內有菠蘿、檸檬及藍柑酒，賣相清新，打卡一流

炮台山嘅Antidote係新開嘅韓式食店，由韓國人主理，綠色植物為主調嘅裝修風格，係小清新嘅感覺！韓式前菜 Free奉送韓式前菜，同嚟開胃、間場、解膩都得！生醃醬油蟹 $328店員Oppa推薦嘅菜式，醃到啲蟹殼軟身，輕輕同口一壓，就咇晒啲肉出嚟！蟹肉軟滑之中帶一點彈性，充滿醬香！蟹膏極甘香，同嚟mix埋飯團一齊食，自家製邪惡蟹黃飯團Get！鯛魚帶子釜飯 $240將鯛魚同埋帶子嘅鮮味迫晒入啲飯度，令到啲飯特別鮮甜！而且個鍋都幾深，飯量夠2-3個人share！白菜沙拉 $120開邊嘅包心菜直接上火烤，烤至少少燶邊，菜嘅甜味被濃縮，超顯甜！加埋特製嘅蕃茄汁同埋芝士，好滋味！Pink Fruit $38Aloha $38色彩繽紛嘅特色飲品，不含酒精，以清新嘅果酸同埋怡人嘅果甜為主！