b.o.t.h By Texas Burger

營業中

休息中

本店Texas Burger已經結業, 樓下的只有B.O.T.H. 這個品牌的美式餐廳, 本店的漢堡包吃起來也算是不錯, 來到這裏提供的, 其實也是和本店差不多的風格, 就是漢堡包三文治以及較為大份的意粉主食類. 如果說是和德州最有關的, 也許就是炸芝士條配上墨西哥式酸辣醬, 畢竟德州的鄰居就是墨西哥. 另外的小食炸池魚配上沙律醬, 和德州的關係不多, 配搭有點怪因為池魚本身的魚味較重, 而且有點油膩的情況下, 再配上同樣油分較多的沙律醬, 真的有點吃力.主食是最基本的牛肉漢堡, 配上鵝肝和的芝士, 味道不錯, 鵝肝的漢堡扒的肉汁結合起來, 相當邪惡, 芝士半溶而且濃厚, 就沒有太多醬汁的情況下就是食材基本的原味, 半煎的漢堡包吃起來比較脆口, 口感有點乾, 當然食材本身提供的油分和肉汁, 它也能夠吸收起來, 但麵包味道比較平淡, 如果再多少少牛油香味和再軟熟一點, 就會更喜歡.

餐廳喺德福入面，座位闊落，坐得舒服自家製意大利辣肉腸菠蘿薄餅🌟5/5Pizza熱辣辣可以拉絲，味道有水準，餅底厚薄適中啱啱好，唔係似餅乾嘅脆批，亦唔係咬落似麵包嘅厚批，個人幾鍾意煙三文魚蘆筍青醬意大利麵🌟4/5意粉整體正正常常，麵都掛汁，可惜煙三文魚係較熟較厚個種，唔太似煙燻酥炸小池魚+38 🌟2/5熱食ok，但如果凍左啲骨會變返硬，到時就好難連骨食，不推整體嚟講，lunch set都抵食，包埋嘢飲，適合約朋友坐耐啲傾計

朋友介紹咗一間美式餐廳比我點知係九龍灣Happy Friday 就去咗試新嘢都有好多選擇Brunch ,意粉,pizza ,burgers 都有加$15有湯同包仔個湯都係認真製作磨菇湯好飲我地四個都點咗burger 餐薯條另加$25薯條一樣帶有點煙韌幾好味德州烤牛漢堡個漢堡唔會好乾有塊脆煙肉洋蔥加醬汁好惹味值得再來

去咗九龍灣探朋友，順便慶祝生日。夜晚唔知食咩好，朋友話可以試吓呢度，咁就拉隊過嚟食晚飯。餐牌都算幾多選擇。如果多人食，啲份量就可能要Double。池魚個醬第一份怪怪的，但池魚實在太好食，所以加咗第二份，反而第二份用返沙律醬就正常返。講吓主食先，個卡邦尼豬腩意粉，聽個名有啲驚嚇，但係識落又唔算好肥膩，鹹淡適中。另外個冬陰功大蝦雞肉意粉，反而個更加出色。唔算好辣，係帶少少泰式風味。個burger就正常表現，塊漢堡唔會太乾。另外個ribs，相當入味亦烤得好夠身，一切落去好似手撕豬咁，食落一啲都唔麻煩。雖然份量唔多，但係今餐太多碳水化合物。都係少食多滋味！事次用餐自費。

之前黎過呢間B.o.t.h 幾次都係lunch食，食物質素唔錯，環境闊落，坐得都舒服。所以今次約左朋友係九龍灣dinner第一時間就諗起佢，而且呢間餐廳有得係open rice book，所以就揀中呢間作為我地聚會地點啦去到職員安排我同朋友兩個人坐卡位，岩哂我地兩個人密密卙。去到係用QR Code點餐，今次去就唔見有其他人提到既Dinner set。Menu上有好幾款菜式都好吸引，由於Burger漢堡難同人分享，所以今次就無叫到佢地signature既Burger啦。我地兩個人就叫左一款小食、兩款主食、兩款甜品，每一份份量都唔細，我地飽住走但都係食唔哂。

本來同屋企人開心聚餐，點知最後食到大家都無奈唔開心咁走人，價錢屬於中價之上，嘢食質素唔錯不過份量偏少，加上咁嘅服務態度以後都唔會再食，話說當晚屋企人早咗到餐廳，唔想屋企人門外等，就叫佢入咗餐廳坐低先，大概15分鐘大家都齊人開始點餐，一路開心地用餐，見到個高大嘅女侍應開始急住收餐碟，但重點係碟上仲有好多食物，我哋一共叫咗三個主菜，當差唔多食完之際，打算掃碼去睇甜品嘅時候，個女侍應就無啦啦走過嚟，直接出咗張單據叫我哋要埋單，我同屋企人都傻眼加超級愕然，跟住答佢仲話諗住叫甜品，覺得好奇怪點解我哋未叫埋單，佢就拎張單過嚟催我哋俾錢，重點係佢極之冇禮貌，之後睇返掃碼張單上邊，先知原來只有75分鐘繁忙時間用餐，但係重點係之前一直冇留意到掃碼下的字句，加上屋企人入嚟坐低嘅時候，侍應從來都沒有講過一句會有限時，一直用餐期間也沒有過來作提示有關既限時，自問都係會體諒服務性行業嘅人客，如果一開始有提及絕對不會霸住時間嚟食飯，但係如果由頭到尾都冇提及過而突然間拎張單過嚟趕人客走，個感覺真係好差，而且女侍應言語之間態度也是欠缺禮貌，最後有一位男侍應過來補解釋話用餐時間過咗，門口有客人等待，跟住我哋大家都即刻話

第一次食呢間野，以為咁多好評應該會好食，點知令人失望，塊牛扒我叫左5成熟，結果嚟到之後變左8成熟有多，鞋過對拖鞋，食左唔夠一半就無食到，價錢又唔係平，成間餐廳唯一正常既係得杯伯爵茶奶昔係好飲，其餘真係唔值呢個價錢，唔會再幫襯。

已經是第二次幫襯店員安排坐卡位，環境坐得舒服，食物味道也不錯。今次都係叫咗一個burger🍔同一個pasta🍝 ，burger就上一次好食啲，因為今次個薯條on the side唔見咗，淨係喺個包入邊有幾條薯條。意粉質素就能夠保持，個Sauce幾好食。😋😋😋個南瓜餐湯都幾好飲，南瓜味夠🎃Onion wings洋蔥圈，亦都炸得好香脆，唔會好多粉。👍價錢亦合理，希望可以繼續保持食物質素，有機會會再去。

朋友約係九龍灣德福二期嘅西餐廳等，一去到已 full booking，餐廳人氣都幾高，所以因好奇心驅使同朋友一齊等位。見餐廳出名食漢堡，所以點左個德州燒烤芝士牛肉漢堡，驚喜位係脆脆部分係炸番薯條，整體感覺真係好好食啊😋另外叫左個椰香冬陰功虎蝦雞肉意大利面，冬陰公味出突出，係香辣口味，非常惹味。

1. 香蒜帕馬臣炸魷魚 $108❤魷魚過硬，龍豬情侶未能咬開，最後只好放棄這道料理。2. 香跪軟殼蟹牛油果芝士牛肉漢堡 $118❤❤❤牛肉多汁，軟殼蟹是新鮮油炸的口感，備有牛油果及溶化了的芝士，口感層次豐富。3. 溶岩提拉米蘇梳乎厘班戟 $118❤❤❤❤視覺上，打卡一流，味道也相當出色。提拉米蘇內餡香濃，配上輕盈的梳乎厘班戟，甜而不膩。班戟上的爆谷亦帶來脆口感。❤愈多愈推薦(最多5❤)龍豬情侶評價：餐廳環境頻具特色，牆壁附有壁畫，與朋友閒聊是不錯的選擇，雖然炸魷魚稍為失望，整體用餐體驗還是非常值得一試。推薦指數：7/10好味指數：7/10環境指數：7/10服務指數：7/10餐廳︰b.o.t.h By Texas Burger地址︰九龍灣偉業街33號德福廣場2期5樓510-513號舖

呢間係德福都叫做新開張，經過見冇人排隊，就一於入去試下係到食lunch我顆日叫左一個pasta、一份黑松露薯條Carbonara 冇味，完全就係cream加水咁煮岀黎，食到尾啲汁多到好似湯面咁。。。。。問左職員拎salt and pepper，結果個鹽樽口極污糟，好油好濕，唔敢落手。成餐食只得薯條係正常，係叫做熱同脆脆地。不過黑松露醬得一點點咁，要加38蚊十分唔值，可以食普通薯條就夠。不過要讚職員態度好好👍🏻

同朋友共3人到德福廣場晚餐，就選了第二期多食肆的那邊，朋友午餐時間經過都常滿座，查看價格可以，便特意提早兩天網上book位到來試試。地方不大，座位寬闊舒適，但擺位接近，比較嘈吵，一般西餐廳裝潢。選擇多，晚餐價格尚可，服務佳。忌廉汁鮮菌露荀豆苗黑松露意大利飯，朋友稱意大利飯不夠煙韌，味道尚可。寶雲酥海鱸魚，鱸魚肉稍乾，配菜蔬菜及薯角就不錯。我們都沒有加錢飲普通飲品就一般啦，繁忙時間用餐時間係75分鐘。

好少去九龍灣，最近朋友搬左去個邊，上完佢屋企打完機後，大家都肚餓，於是就落樓下德福廣場到食個Dinner，揀左間未食過既餐廳~~~.薯條係黑松露薯條，味道幾好，朋友話用幼薯條就扣分，用粗薯會好味啲，但我就鐘意食幼薯.牛排就配鵝肝+薯角，牛排幾腍牛味幾濃，一上枱我以為面頭個個係炸薯餅😂😂😂唔係餐牌寫都唔知係鵝肝…...Pizza係和風大阪燒小章魚，個邊好脆，整體都Ok.炸魚薯條就普通，無乜特別.

餐廳主要以人氣漢堡及自家製紐約薄餅為招徠，但紅瓦綠壁的美式裝潢，寬敞的梳化座位更令人喜愛。(1) 法式慢煮五香脆皮焗鴨底部有烤蔬菜焗薯角，口感偏爽脆。香草青柑橘燒汁中和焗鴨的腥羶味，肉質軟腍。相比西冷扒之下，更勝一籌。(2) 8安士加拿大N.Golden西冷扒 同場加映蛋黃哥：日本新紀元·曉雞蛋。雖說雞蛋一哥，但用於西式菜中，難免有少許格格不入。(3) Cappuccino(4) Expresso Tonic假日的慵懶，始於一倒而下的Expresso。凝望著上遊的氣泡，是沉浸式的享受。

星期日的早上，去九龍灣搵嘢食，選擇好多，但同步地可以選擇都唔多。響門口睇咗個午餐牌，見到都好似幾啱食，就入去坐低。叫咗個卡邦尼意大利粉，味道唔錯。跟餐嘅可以揀蘋果紅茶或者蜜桃紅茶或者檸檬茶。另外，我加咗15蚊要咗個湯同埋麪包，但係呢15蚊就真係好流，麪包同埋湯都只系得一半。卡邦尼意粉味道不錯，但係配埋餐湯同麪包，就非常之唔抵。下次要搵另一個地方食西餐吧啦。另外叫咗個漢堡包味道系唔錯，但係明明揀咗叫佢切一半，咩都冇做到。薯條仲要另外加22蚊。兩杯冰茶叫少甜少冰，冇少甜，亦都冇小冰。呢個服務質素。真係可以放棄了。