반찬앤쿡 Banchan and Cook (時代廣場) (已結業)

這間餐廳一直都想試下，今次lunch終於同同事來試試！餐廳的佈置好有文青風，而且座位都幾多！泡菜炒五花肉蛋包飯，炒蛋炒到滑嘟嘟，店員一切開就是滑溜的炒蛋，飯是炒飯底，帶有少少味道!而泡菜炒五花肉味道非常惹味，五花肉不會好肥，味道酸酸辣辣，十分惹味!無骨炸雞，炸雞有多款口味可以選擇，而我們就揀了甜辣炸雞!炸雞由於無骨，食落外層脆口，內裡雞肉嫩滑juicy!甜辣醬汁微辣，食得過癮!另外仲有年糕和薯條，非常豐富!傳統紫菜包飯，紫菜包飯的份量都幾多，紫菜包飯入面有紅蘿蔔絲、青瓜、黃瓜、蛋和牛肉，食落有蘿蔔和青瓜的脆口，口感豐富又美味!黑芝麻提拉米蘇，這個甜品有香濃的黑芝麻味，味道不會好甜，食完都不會覺得好膩!紅豆鮮奶，有淡淡的紅豆味，味道不會好甜，口感都幾滑!士多啤梨紅桑子梳打，這杯飲品顏色好靚，非常適合打卡，上層是淺紫色、下層是紅色，中間有漸變的效果，味道酸酸味味，十分開胃!

前幾星期較多工作應酬，與外國同事交流，吃了不少西式晚餐。過了這忙碌的時間，特別和好朋友找間韓國餐廳，品嚐韓式味道。Banchan and Cook於銅鑼灣時代廣場，銅鑼灣地鐵站出發五分鐘便到，地點方便就腳。疫情關係，餐廳入座時也有量體溫，而且提供酒精搓手液，令到客人吃得安心。我們一行二人共點了幾道食物，一起互相分享。海鮮煎蔥餅(⭐⭐⭐⭐⭐)海鮮蔥餅煎得邊皮香口，吃起來帶著點點煙韌。餡料配搭豐富，包括了魷魚，蜆肉等等不同海鮮。一份三件，兩個人分享剛剛好。無骨炸雞(⭐⭐⭐⭐⭐)這裏的炸雞可選去骨和有骨，而我們選了去骨炸雞腿肉，即叫即炸，吃起來熱辣辣，啖啖肉。 要特別一讚粉漿不算太厚，吃得出雞肉的鮮嫩。我們選了醬油蒜頭味，味道層次感更為豐富，更加有風味。泡菜炒五花肉蛋包飯(⭐⭐⭐⭐⭐)另外還叫了個蛋包飯，吃點澱粉質才飽肚。雞蛋煎得外表粉嫩，切起來有點流心感覺，質感嫩滑，應該加了牛奶炒的。豬腩肉配上泡菜炒，中和了油膩感。飲品 (⭐⭐⭐⭐⭐)飲品方面算了濟州綠茶鮮奶，香濃的鮮奶配上清香的綠茶，飲起來暖笠笠，冬天一流。朋友叫得紅豆鮮奶也十分不錯，不太甜。黑芝麻提拉米蘇(⭐⭐⭐⭐⭐)最後叫了這個甜品

見時代廣場呢間餐廳做緊lulu pig 嘅主題，非常之得意，所以就嚟試下！一坐低，店員就拎咗啲前菜俾我哋食！溶化朱古力朋友揀咗呢杯溶化朱古力，除咗賣相非常吸引外，朋友話味道都非常之好，有好濃郁嘅朱古力味！濟州綠茶鮮奶 呢款飲品嘅綠茶同鮮奶嘅比例啱啱好，成日好驚啲飲品沖到好甜，但呢杯就絕對唔會！韓式炸雞 - 醬油蒜頭口味嚟到梗係要試吓佢哋嘅炸雞，醬油蒜頭口味真係好惹味，啲皮炸到好脆但入面嘅雞肉都好嫩滑，仲有薯條配埋，正！傳統紫菜包飯紫菜包飯有好多蘿蔔同埋青瓜絲，感覺非常清新，岩哂我！泡菜炒五花肉蛋包飯蛋包飯上枱嘅時候，店員會喺你面前切開，賣相真係好吸引呀，配合埋泡菜五花肉，味道又幾夾！烤朱古力棉花糖呢個甜品真係非常之邪惡，棉花糖烤到外脆內軟，加埋個威化餅底，真係好好食！今次真係食到非常之飽，下次先再試埋其他嘢食啦！

舊同事之前做jor手術🥲，康復期間帶佢泥銅鑼灣清新打卡韓系餐廳Banchan and cook食好西打打氣🥳~⁡Banchan and cook走簡約小清新style🍀，係一間靚靚韓式Cafe💓💓~⁡📒Menu選擇多，好多野都想食呢。⁡🌸海鮮煎蔥餅⁡煎餅厚度適中，邊邊煎到香脆，有蔥香😋!⁡🌸燉牛肋骨蛋包飯⁡勁期待ge蛋包飯❤!!⁡賣相好吸引～⁡蛋包勁厚，蛋控不能miss😄⁡用刀輕輕切開厚重ge蛋包，半熟蛋漿慢慢流出，有蛋香味而且蛋包滑溜， masisseoyo!!!⁡牛肋骨厚肉而且入味，肉質軟熟~⁡🌸蜜糖味無骨炸雞(半份)⁡份量唔少，而且仲有年糕條同薯條~⁡醬汁味道香甜😋，炸雞外脆內嫩，女仔一定好like!⁡🌸黑芝麻提拉米蘇⁡第一次試黑芝麻ge tiramisu🤤⁡黑芝麻味都幾濃郁，而且上面有唔少黑白芝麻，增加口感!!⁡食完感覺養生又唔heavy👍🏻。⁡🌸紅豆鮮奶(凍)⁡紅豆綿密甜度啱啱好，同鮮奶好夾le~⁡🌸無花果梳打(凍)⁡第一次試無花果梳打⁡無花果果味清甜，加上梳打入口清爽😊~⁡祝願舊同事早日康復💪🏻～⁡下次再一齊食好西！⁡

喺時代廣場頂層，呢間韓式Cafe都存在着一段時間，成日都見到有人排長龍等位，可見佢人氣情況，所以今日都特登早啲嚟~燉牛肋骨蛋包飯😳橄欖形嘅半流心滑蛋鋪喺飯上面，色澤金黃又飽滿，仲會即場幫你切開半熟蛋，流心嘅蛋漿即時傾瀉下來，打卡一流！🤤未到相充滿蛋香，嫩滑油潤，炒飯仲有紅蘿蔔粒同翠玉瓜粒，而主角牛肋肉軟腍，不失水準甜辣無骨炸雞🙌🏻外皮酥脆，裹上厚厚一層甜辣醬，甜辣交錯而不膩，雞肉多汁，咬落啖啖肉，但如果鍾意食雞鎚雞翼嘅人，可以考慮一下有骨炸雞，更骨嘅雞肉，有機會會再香啲㗎🤭南瓜提拉米蘇 同焦糖脆脆鮮奶咖啡☕️層次分明，質感柔軟綿密，口感輕柔，另外則係順滑嘅鮮奶咖啡加上酥脆甜蜜嘅焦糖脆脆，當焦糖融化之後，兩者合成一體，味道有層次

時代廣場食通天，一向多嘢食，我哋情有獨鍾韓式料理，見到咁啱有就去試吓。❇️醬油蒜蓉無骨炸雞 👉🏻通常見到Menu有炸雞都唔使講一定點炸雞😂無骨炸雞食呀好方便，口感啖啖肉一流！外層炸到脆卜卜，仲有好香濃嘅蒜香味，加埋外脆內軟粗薯條，滋味滿分！❇️燉牛肋骨蛋包飯👉🏻牛肋骨係至愛！呢度啲牛肋骨煮到好入味，輕輕一咬骨肉分離，勁正！仲有特色蛋包飯，中間切開，滑蛋傾泉而出，又靚又好味！❇️海鮮煎蔥餅👉🏻又係香口嘢，脆卜卜嘅邊，勁多海鮮。❇️紅豆鮮奶👉🏻天氣凍，最好來一杯熱鮮奶，加咗紅豆更香甜！仲有少少玫瑰花瓣點綴，打卡一流！❇️溶化朱古力👉🏻超香濃，就算飲凍飲都keep到濃度👍甜度同濃度啱啱好，一定滿足到朱古力迷！

咁岩今期同Lulu豬合作，每次晚餐都見有好多人排隊，如果想去食的朋友仔要早小小排隊（特別周末）餐廳食物都唔錯，味道很多元化，同埋會因應節日而推出食品。最值得介紹特別係甜辣無骨炸雞，有薯條又有雞，而且雞份量都唔小，甜甜地好開胃又唔會太辣。LuLu豬粉紅慶典蛋包飯，平時叫蛋包飯店員會在落枱後切開，唔知係咪因為有主題方便比人打卡，所以呢個係自己切開。個蛋好滑入口即溶ge口感，啲飯用左蕃茄或茄醬調味加埋滑滑蛋感覺中和，仲有蝦同鰻魚，價錢整體唔貴。暖LuLu香蕉朱古力奶，有香蕉味但又唔會搶走晒朱古力味道，調味岩岩好，飲左一啖好想再繼續飲埋落去。個漢堡有兩塊好厚牛肉，加成碟芝士岩晒愛芝士朋友仔，濃口芝士加埋厚牛肉，薯條不點醬汁都覺得正。

上網見到呢到有lulu豬主題就同男朋友黎食，點知黎到發現已經完左😅，見d主題decoration仲係到，都繼續入去食😆。芝士炸千層豬扒酥脆既豬扒夾住拉絲既芝士，極度邪惡😈！好彩配住一份沙律菜，食完都無咁guilty。蜜糖炸雞每件雞都沾滿蜜糖，好滋味！仲有年糕同薯條配住食！燉牛肋骨蛋包飯店員幫我地慢慢切開流心既蛋汁，牛肋骨燉到好入味！南瓜Tiramisu 新鮮既配搭，幾特別，可以一試。濟洲綠茶鮮奶 - 夠濃！👍🏻溶化朱古力 - 以為會有溶左既棉花糖但原來無😂，不過又幾好飲！呢到既portion都幾大碟，而且上菜速度夠快，係快靚正之選😆。

今日同老公出銅鑼灣行街☺️行到嚟Times Square呢邊順便睇吓今晚晚餐食咩😁今晚突然好想食炸雞，然後搵到呢間超多好評嘅餐廳😲仲要有炸雞食，就決定今晚入嚟試吓❗️因為早入座，所以咁啱唔使等位🤭入嚟坐咗半個鐘，已經座無虛席🙈睇嚟呢間餐廳真係幾人氣🤓燉牛肋骨蛋包飯 $182睇食評見超多人推薦蛋包飯，所以一定要揀一個試吓嘅😌呈半生熟狀態嘅雞蛋真係好嫩滑🥰Mix埋啲牛肋骨芡汁➕炒飯底真係幾好味😋牛肋骨份量都唔少，肉質實在而唔韌喂❗️仲炆得好入味tim👍🏻成客蛋包飯份量好多，食得好滿足😌炸芝士千層豬扒 $132呢客豬扒都一啲都唔馬虎，配咗大量嘅清新沙律菜俾食客消滯🤓仲配埋豬扒汁tim❣️呢客芝士夾心豬扒就一定要趁熱食喇🤭因為凍咗質感會變硬喔～蜜糖無骨韓式炸雞 半份 $128一上枱就聞到好香嘅蜜糖🍯➕牛油🧈味，呢個應該係蜜糖牛油炸雞先岩丫🤭雖然只係半份，但份量都好足🤩兩個人嗌呢個份量好合適💕全份嘢包括➡️ 炸雞、薯條、煎年糕都係新鮮即整🌟上枱嘅時候全部都係熱辣辣♨️炸雞肉質嫩滑，口感外脆內軟🤤蜜糖味濃郁，咬落去仲有少少雞汁爆出黎添❣️無骨雞食落啖啖肉勁滿足🥹而且凍咗都唔影響味道，推薦大家試呢隻味嘅炸雞😉🥢黑

自己因為好鍾意lulu豬， 見到呢間餐廳佈置得非常之靚，全部都係lulu豬嘅世界，咁真係吸引咗同我個friend入去試下， 大家可以睇下我啲相，咁我地叫咗以下:泡菜炒五花肉蛋包飯:咁呢個飯我覺得我最欣賞嘅就係佢啲泡菜，因為佢啲泡菜幾似我喺韓國食嘅泡菜，有佢八成嘅味道， 而且個蛋都好嫩滑，就算畀蛋包住啲飯，個飯都仲係好熱， 所以呢個蛋包飯我覺得真係可以一試。海鮮煎蔥餅:呢個海鮮蔥餅我自己覺得都幾足料同埋都算有幾多海鮮同蔥(我最喜愛）， 而且造型方面有別於之前食開嘅蔥餅 我覺得個質素都拍得住韓國。無骨炸雞 - 半份: 呢個炸雞啲雞肉幾嫩滑， 而且炸得香脆最重要就係唔算話太油膩， 我同朋友就叫咗半份，咁其實我自己覺得如果兩個人食要半份就已經夠，因為都有年糕同 薯條。南瓜提拉米蘇: 蛋糕幾嫩滑，而且幾creamy適合食完鹹嘢作為飯後甜品，佢個texture其實都唔差，個蛋糕可以一試。最後我地飲埋杯紅豆鮮奶 & 溶化朱古力就閃人，我覺得呢一間餐廳整啲嘢食都幾好及有heart， 個人推介係泡菜五花肉蛋包飯， 行過嘅朋友可以試下。

已經食過好多次，因為性價比高所以一食再食，而家有Lulu豬做主題更加吸引呢度嘅野食賣相一向都吸引，用嚟打卡一流燉牛肋骨蛋包飯啲牛肉整得好淋好軟，好容易拆啲肉出嚟食，隻蛋一切開啲蛋汁出哂嚟，配埋茄汁飯食好正蜜糖炸雞上邊有滿滿嘅芝士粉，蜜糖包住仲脆脆嘅炸雞真係好惹味，而且入邊啲雞肉仲好juicy，好味😋炸芝士千層豬扒見到豬扒入邊有滿滿嘅芝士已經非常吸引，雖然係炸但係唔會好油膩，啲芝士香濃，非常之邪惡但又好吸引，一啖一啖咁食哂Lulu棒棒croffle啲Lulu豬咁吸引咁梗係要嗌個甜品，窩夫上邊有滿滿嘅朱古力醬，配埋焦糖脆脆同埋忌廉食，唔會好甜，口感豐富仲有我想講下呢杯溶化朱古力，朱古力好香但唔會死甜，加埋上邊啲cream一齊飲好正呢😛

📍 #銅鑼灣 @banchancook#羊羊在銅鑼灣#羊羊在港島情人節快樂❤️今次介紹大家去呢到食，勝在冇book位都仲可以walk in食，冇得撳飛要門口排😂同埋啲人都食得幾快，可以搏下排隊食☺️環境都幾小清新，木屋feel🪵燈光又猛，食物精緻又可愛，都幾啱打卡📸💁🏻‍♀️日常餐點✨烤牛肉蛋包飯 $98蛋係半熟，送上枱仲動L動L🤪牛肉好香，仲好多汁唔老，配埋茄汁底蛋包飯食一流🤩不過唔問我就直接上枱切開我個蛋包飯，扣分🥺✨炸芝士豬扒忌廉年糕 $105大概係藍帶豬扒簡化版，好打卡阿🤣味道都唔錯，芝士都拉到絲✌🏻唯一要注意放耐咗會硬，冇咁好食😣✨韓式炸雞一份(柑橘+甜辣醬) $208建議食一半份或者一濕一乾組合，因為兩個都濕漉漉凍咗搞唔掂😅甜辣醬稍辣，但甜味會出好多，再加上柑橘都係甜，真係好棘😕柑橘好似西檸雞阿😂✨紅豆牛奶 $4x上次黎飲呢個好正阿，飲到呢杯暖版紅豆冰，唔太甜仲有紅豆係底🫘💁🏻‍♀️期間限定(冇咗了🥹✨暖LuLu香蕉朱古力奶 $48飲落真係暖LuLu，唔會辣親咀😙有可愛嘅豬豬公仔係上面，香蕉味係香精味唔夾😜✨LuLu豬歡樂雜莓奶昔 $58有一大塊小豬餅乾係上面，好可愛😍味道同溶咗嘅

曾經去哩個地方吃，唔知係唔係因為我照顧朋友落柯打時講左普通話，跟住之後俾飛時丟餐牌係張檯，嚇左我哋一跳，真係丟飛過來！！勁差咯！！！好唔鍾意！！下次晤來！真係好失望！唉！

炸雞裡面的薯條和年糕都超級好吃！有一種爆米花的香味和甜味 薯條很脆！是外面沒有吃到過的口感 有被驚喜到。炸雞的話比較推薦芝士炸雞 蜜糖炸雞有些太過甜膩了蛋包飯也超級好吃！很香很香感覺可以一直吃下去兩人份的話點一份飯和半份炸雞就夠了 炸雞的份量很大 性價比很高～美中不足是朱古力咖啡 份量小且沒有味道

話說因為LULU豬而想食呢間好耐，琴日咁岩去銅鑼灣，終於去到呢間，2：22分入去，叫咗個烤牛肉蛋包飯，芝士同醬油炸雞，一個甜品同兩杯LULU豬野飲。蛋包飯好快上黎，中規中矩，冇乜特別，但係拎起勺羹，上面既然有不明物體嘅乾咗黐係上邊嘅痕跡，之後上杯野飲，杯LULU豬香蕉奶就神奇啦，竟然就係出邊買到嘅香蕉奶加熱倒出來嘅！！！跟住上個炸雞，炸雞都正正常常，唔好唔壞，但係等住好耐，杯奶昔仲一直唔上，問咗兩次，都話太多單，要等多陣，但係我明明見到入邊D員工係度傾計冇做野，店入門都好少客，唔明邊有咁多單，而出邊D員工係咁行黎行去，仲有D係度玩電話，仲扮到好忙咁，跟住等咗好耐，甜品都上埋，一睇，差D懷疑人生，我地明明係為咗LULU豬黎嘅，個甜品上原本有隻LULU豬餅乾，但係竟然冇咗，俾員工偷食？？？呢個都算，我忍，但係明明個甜品上係有雪糕球嘅，最後竟然係冇雪糕，用咗D cream黎扮雪糕，真係聞所未聞，洗唔洗咁貨不對版！之後甜品都好難食，食到好想飲野，但係杯奶昔仲未上，問咗都係話要等等，最後忍唔住，問佢係咪漏單，佢check一check，先話冇落到，唔明點解可以漏，個員工落單嗰陣係佢自己講，兩杯野飲