Ben哥廚房 (已結業)

門面貼有很多相片，在銷售它的各樣單點美食或是派對到會食物，而且有其他用品。看見ben哥在閒著，後尾回來就只有一名阿姐及弟弟。看相片以及店內的雞，其實好像不錯，但想不到，點了一個李錦雞套餐，回家打開，卻發現竟是大大盒雞胸肉。雖然都算是有些雞汁在旁邊，圍繞雞的都有些汁，亦都有青瓜伴隨。不過綜觀，吃這個雞，味道又欠奉，而且七成都是雞胸肉，又乾又瘦，質地相當差，最好就只有一雞翼及雞槌，其餘雞肉又乾又蟹，本身都沒有什麼味道，實在難以給它正評。

慶祝父親節，我們一家都不喜花巧名店，深水埗平民口味就最岩我哋啦。Ben 哥厨房位於深水埗美食廣場，吃的是 Ben哥的手藝和用心烹調食物的誠意，最。。。最。。。最重要係全餐由 Ben哥親自處理，並不是掛名不見人的代理處理。講返食物，食材新鮮不在話下，還吃出了Ben哥的心機，每上一道菜都會親自出來介紹一下，然後又回去煮下一道菜。全晚除了可以吃到美食還可以和Ben哥傾下計，真係好開心的一晚，多謝Ben哥，下次再來找你吃好西。🙏

美食廣場有食過, 私房菜亦有食過. 不過就未試過喺美食廣場食私房菜, 今次真的是第一次😅 經朋友介紹下, 便去了位於深水埗西九龍廣場內的美食廣場, 李錦聯先生所開的食肆. 其實他主力是賣餸包, 而你想吃他的私房菜需要最少兩天前預訂, 你可透過電話whatsapp直接與他溝通/訂菜濃湯紅燒大鮑翅, 香濃的雞湯底, 估計有魚唇煮, 因為充滿膠質好黏口. 翅量亦不少. 味道美味😋👍法國紅酒牛脷, 蕃茄汁底, 牛脷炆得好淋&鬆化, 有少許騷味. 紅蘿蔔有甜味潮式老虎斑, 魚斑略有過油, 魚肉肉質有口感, 滑滑的. 魚湯底鮮甜. 這個烹煮方法不錯蜜汁蒜蓉牛油大花蝦, 新鮮海蝦, 蝦肉質彈牙, 味道香濃, 味道不錯黑椒腐乳炒肉蟹, 黑椒腐乳這個調味配搭真的未試過在同一菜式出現, 味道非常特別, 非常惹味😋👍 真的連蒜蓉粒也沾滿這味道也吃光了, 極力推介這菜式👍👍法國紅酒炆豬手, 我本人覺得汁底與上述牛脷味道一樣, 只是主角由牛變豬. 豬手炆得非常好上湯浸菠菜苗, 上湯非常濃, 菜苗亦嫩口. 不過我覺得味道偏鹹, 可以改善一下😅環境始終在美食廣場內, 人來人往, 途人也會眼望望, 環境一般. 餐廳員

行過好多次成日見冇開門，今次終於見到佢開門，就試一試。覺得係因為李錦聯有D名氣，所以太過期望佢整得好食。 佢唔係唔好食但係冇想像中咁好食好似阿媽整得好食啲今次買咗法國紅酒牛肋條， 今次買咗一個淨餸，比想像中細盒，兩個人食嘅話係唔係好夠。成盒嘢冇唔見有蕃茄，但係唔知點解覺得佢好酸， 紅酒應該唔係咁酸， 紅蘿蔔好大嚿夠淋夠甜;牛肉唔係好大條， 有啲似牛腩但係夠淋; 汁都夠撈下飯，唔錯買嘅時候見佢會落返鑊整返熱啲先畀人外賣拎走，感覺係都算好有誠意。

出過電視出過 show，就可以叫做 celebrity chief，當廚師得到名氣之後，好多野都可以事半功倍。昔日的電視廚神《李錦聯》，離開了電視台之後 (當中的恩怨不提了)，選擇為平民服務，不開高級餐廳，不搞私房菜，選擇在深水埗的西九龍中心，開個 food court 檔仔，輕鬆做生意。於是，同太太來深水埗逛了兩次街，兩次都選擇來 food court 晚餐，而我兩次都選擇光顧《Ben哥廚房》，一試《李錦聯》的手勢。兩次去，正是晚餐的繁忙時間，店子都是由兩位店員，把預先製作好的食物，落鑊再煮熱給客人。兩次去，都見到老闆，不過都是臨收工，親至落半舖，幫忙打點收檔同服務一些夜來的客人。第一次來，我先試這兒的紅酒牛脷飯，紅酒汁，加上用紅蘿蔔而不是紅甘筍，口感都味道更濃，少了甘筍的那一個甜味，炆起來更夾牛肉味，亦更香口。牛脷炆得夠腍，吃得出，如沒有汁的相伴的話，這牛脷的味道都濃郁，這一道菜伴上白飯，一流。錦聯雞，據說是鎮店之寶兼最人氣的飯餐。當中，我覺得最精彩的是個雞汁。幾乎所有雞的精華都在汁中。雖如此，吃入口的雞當然也是味道十足。皮嫩，肉滑，而且有雞油香。一口雞連汁來配上一口白飯，可以說是

BrendaKY, 好友宴請 明廚李錦聯Ben哥厨房 廚藝精湛 實至名歸 真材實料 悉心烹調 色香味全👍🏻👍🏻冲繩海鹽慢煑走地無激素北峯鷄輕慢煎煑鷹鎗魚豉油香煎原隻大花虾红酒紅蘿蔔低温燴牛肋條沙爹芥蘭炒鮮牛冧肉鮮奶燉花膠令人難忘的美味，一定介紹朋友試下

上次試左炆牛尾，今次再試此店旗艦產品鹽雞飯($45)，一份來得很大買相也好，可見斬雞功架，雞肉带黄油皮，皮薄肉很多且厚(主要是胸肉)，對暴龍食肉獸必能滿足，雞肉不鞋少骨算合格，雞汁特别多偏咸十分下飯，飯就足一碗，OL可能叫少飯更適合，配菜有多塊白灼青瓜，可惜的並非我喜愛的醃酸瓜。所謂沖繩鹽雞飯，就是海鹽咸味不甚有特色，建議可考慮炮制更香口的鹽焗或沙姜味作招來。火箭時代Ben哥店子仍是用原始人腦記落單，連寫單print單也費事，是次我的單被遺忘了，不過Ben也親自連忙道歉只盼他日後改善。

話説同事一直都想試李錦聯喺西九美食廣場開嘅「Ben哥廚房」，不過開咗咁耐我都一直無興趣陪佢試😝。呢排忙到傻，食個快飯就最好不過，所以終於有機會試下「大廚」手勢。其實我每次經過間舖都見到拍哂烏蠅，今日終於開齋😏。呀大廚嘅架子十足，次次經開均無人向佢問津、木口木面都算，又永遠唔會主動宣傳下。呢次有幫襯，但佢塊面仍然係咁黑🌚，一句説話都無開聲講過，只係佢身邊個女店員(原來唔係老婆)有應我哋，而且落手落腳「煮」嘅都係個女人。題目話，大廚喺廚房入面拉低咗個口罩...。店舖無好清晰嘅餐牌，只係貼咗喺牆，但價錢十分細隻，好難睇😥。大部份套餐價都係$45，無湯、無飲品，性價比偏低。啲餸可以叫係即叫即煮嘅，不過其實啲餸本身已經一大包雪好(可能即係佢另外賣嗰啲懶人私房菜)，而家主要係解凍煮翻熱去。題外話，佢呢間舖嘅廚房望落比同層其他舖乾淨😂。我哋要咗馬來咖哩牛坑腩($45)同秘製李錦雞餐($45)，賣相普普通通，份量偏少🤔。飯同餸放落同一個盒，係咁咦有四件青瓜就當有菜🥒。唔好話我馬後砲，啲飯一睇都知係爛撻撻，食落同預期無落差，好難食、太濕，連咁基本嘅嘢都做唔好囉！馬來咖哩牛坑腩🥘，味道麻麻地，咖哩汁完全無

名廚李錦聯喺深水埗西九龍中心美食廣場開咗檔Ben哥廚房，用晒自己做招牌，佢亦經常喺舖打躉，其實路經過好多次，不過開業咁耐都未試過，今日就即管試一次。佢有飯盒同埋有私房餸賣。我見佢鋪面有四個煲，印象中平時行過見到煲入面係有餸嘅，但今日係吉嘅，我以為賣晒，點知店員即係佢老婆就話全部都有。OK咁我哋就照落單啦，然後就見佢攞啲餸出嚟翻熱，感覺上已經覺得麻麻哋，早知係咁，我情願去返食三餸飯好過。首先揀咗個咖喱牛腩飯，飯盒都幾精緻，係將菜、餸同飯分開入盒，感覺衛生企理。咖喱完全唔辣，一啲都唔濃味，唔知佢屬於邊種咖喱，我仲食到有少少帶酸嘅味道。青瓜有四粒，唔似係醃製過，飯嘅份量唔算多，男士可能唔多夠食，牛腩份量可接受，另外仲有幾舊薯仔，我食到薯仔係帶點爽口，應該係炆得未夠時間。另外叫咗佢嘅秘製李錦雞飯，同樣係有青瓜四粒、白飯少許，雞嘅味道其實唔錯，雖然有少少偏鹹，但佢勝在雞胸嘅部位都可以做到肉質嫩滑，仲有啲雞汁浸住，呢個唔錯，可以一試！ $45一個飯盒，份量唔多，唔包飲品，以深水埗food court來講價錢算相對地高企，如果唔係掛住李錦聯呢個招牌，我諗佢好快已經捱唔住。

今日搖擺天使梁安琪帶了我們去幫親李錦聯主理的Ben 哥廚房，品嚐李錦聯為Angel 特別安排的“萬事魚意活力餐” 。去到Ben 哥廚房，發現有多種堂食外賣都合適的小菜，由數十元到百多元都有，每樣都是廚神李錦聯親自主理。如果想吃私房菜就要早點通知，因為準備食材都需要點時間。今次為Angel 安排的是全魚宴,菜單有:1 潮州凍馬友,2 牛油香煎封英鯧,3 私房豉汁醬蒸魚雲,4 無水蒸焗老虎班,5 蒜蕊炒魚鬆,6 香滑呂宋杧果布甸。潮州凍馬友，馬友剛剛好熟，魚肉非常嫩滑，配上醬汁非常好吃，原來早一晚就要做準備。蒜蕊炒魚鬆，魚鬆無骨非常香口，蒜蕊很嫩。私房豉汁醬蒸魚雲,用上特制秘方豉汁，用大魚頭蒸魚雲，火候岩岩好，魚雲非常滑。牛油香煎封英鯧，Ben 哥說外面通常用炸的，很少會煎。這道菜Ben哥慢火煎，還要翻魚幾次，所以非常香脆，熱辣辣非常可口。無水蒸焗老虎班，因為無水蒸焗，所以魚味十足。Ben哥跟我說了小秘技，蒸焗老虎班時用只筷子試試，篤得穿再多兩分鐘就完成。香滑呂宋杧果布甸甜品，是Ben 哥親自製作，不是現成買的所以有很多杧果，口感豐富。Ben 哥幽默地說:杧果當然是買回來，不是自己

昨午買了一隻沖繩海關鹽李錦雞，可能係用海鹽關係味道略咸，但點咗佢附送嘅雞汁就完全唔同，哪位姨姨果然講得對。 佢千叮萬囑記得叫我哋記得將雞汁 預熱後淋上雞上，而且雞又不肥膩，加上雞肉嫩滑， 尤其食雞胸完全沒有黐牙， 果然係靠得住。 下次會嘗佢哋另外一隻有機雞，希望能夠再同大家分享。最後，唔知可不可以预訂雞，當然會先付錢確認。亏以提交這要求交給李生？待覆。。。 如果客人已買食物，不防讓客人嘗試其他一種食物一次，讓客人再一次光顧。

來到西九，一家大細食 food court最好，一來可多方面選擇，二來價錢經濟實惠。太太先揀野食，後來到我揀的時侯因要考慮到小孩的野食，所以我走了一個圈，見到Ben哥廚房，見到李錦聯先生坐鎮，見到ben哥完無架子，不停為客人介紹佢鑽研左5年的海南雞，皮薄肉嫩，於是一於試試。先試雞先，嘩真係皮簿，肉又嫩，雞味亦鮮，份量亦足夠，加上點埋雞汁，非常好味，小朋友們食唔停，連太太都後悔，早之叫多份，呢次ben哥真係冇介紹錯。

近日睇報導得知都市閒情李錦聯先生來到西九龍中心開餐廳，主打海南雞飯，我都想試好耐，難得今晚得閒，就去一試！上到西九龍八樓美食廣場，原來都有幾間海南雞飯，差啲搞錯，行到去近玻璃幕牆電梯位置，見到大大個ben哥真人坐響到，我就知我搵到喇！（不過無影相🙈）Ben哥好親切地招呼左我買飯，亦親自為我遞上托盤，不過呢啲都係其次，最重要係試味！就咁睇個賣相都幾吸引，但明顯個飯就唔係油飯，佢亦配左個汁點雞，酸酸地幾好味。個雞食落真係好滑，佢仲特登俾左雞脾我，其實雞脾都真係幾難煮到咁滑，我平時煮開都知，所以$48食到咁高質素既雞係幾超值！唯一可惜係個飯可以改進，如果有湯會更完美，始終海南雞飯係要配油飯同一碗湯！去過泰國你會明我講乜🤣希望更多人知道呢間餐廳，始終ben哥退休追夢創業，一定要支持！👏🏻

今日Ben哥不在(少有)，佢老婆坐陣我就試左此店，餸菜其貌不揚，不過味道不錯份量足，我叫的是鮮茄紅酒牛脷飯，多用途便當格仔碟上，餸、飯、菜三格分明，牛脷係厚切上等貨色，夠多夠腍夠味，兼有醒胃茄汁及紅蘿蔔，飯量剛好夠男子漢吃，另有三大顆翠玉瓜作均衡營養配菜，順带一提牛脷(每個餸)是經特意個别烹熱，可見用心。$48中上價但大滿足無揀錯。如要說改善空間，就是應附加上牙簽及簡單飲料，再者如可跟餐配買甜品則更完美，米浪費Ben哥廚藝及額外盈利機會！