影片
影片
相片
泰式菠蘿刨冰、青檸梳打
+4.2K
+238
食家推介
-
泰式街頭椰子粟米雪糕
-
泰式船湯河
-
泰式燒豬頸肉
-
炸蝦餅
-
泰式肉碎生菜包+16
openrice search 間野見倒有400 個正評，上到去又坐無虛席諗住無死啦今次，點知就奶曬野。首先嗌咗一杯椰子刨冰，成杯野係完全無味，飲落應該係椰奶撈碎冰已經心知不妙。重要夠膽死收你三十幾蚊。之後野食叫左蟹肉炒飯。蟹肉撈唔撈埋嚟炒就真係睇唔同餐廳做法。但你啲蟹肉可以完全無味就知係唔新鮮/ 罐頭貨色。最離譜係你個炒飯咁基本都做唔好，無味又濕，又無鑊氣。求求其三色豆加啲蛋花，上面鋪啲蟹肉就叫算。個碟底啲油多到可以倒出嚟，我真係分唔清啲飯嘅濕係水定油。老實講我真係好憎浪費食物，但今次真係完全食唔落。同埋我諗最浪費食物就係你間鋪本身，煮啲咁無誠意嘅野食出嚟。同行朋友菠蘿刨冰一樣係無味， 食咗佢碗船河啲肉丸咸過傻，肥牛咬極都咬唔開。全部都係伏。全餐飯有一樣野好，就係好在無嗌你啲小食晒錢。
繼續閱讀
❣️Boat Thai (尖沙咀)尖沙咀彌敦道63號iSQUARE國際廣場6樓601號舖☎️泰式蟹肉炒飯$88炒飯上面有滿滿嘅蟹肉，再配上粒粒分明嘅飯，撈勻之後，啖啖都有蟹肉🤤泰式青咖喱雞$88青咖喱味道清淡，就算唔食得辣嘅人都可以試吓！青咖喱雞煮得都幾入味，連埋配料食仲好食！泰式燒豬頸肉$78豬頸肉燒得好香脆入口，而且肉質都軟腍，值得一試～芒果糯米飯$68芒果🥭好甜，再配上煙煙韌韌嘅糯米飯，就更加吸引🤩泰式椰子刨冰$38椰子刨冰椰子味濃，飲落順滑入口，係解渴嘅好選擇😛
繼續閱讀
最近去咗 Boat Thai 食泰國菜，整體感覺幾唔錯，但都有啲地方可以改進。首先，皮蛋炸蝦餅外脆內軟，但我覺得皮蛋味可以再強啲，如果係溏心會更有層次。冬陰功湯就好正，湯底酸辣啱啱好，蝦都係新鮮，飲落去非常開胃。不過，份量方面可以再多啲，咁就更滿足。生菜包就幾特別，餡料豐富，口感好，但生菜有啲冇咁新鮮，唔夠脆，影響咗整體口感。至於泰式炒河，就係我最滿意嘅一樣，炒得夠香，河粉滑順總括來講，Boat Thai 嘅食物質素有高有低，但整體上都係一個幾好嘅選擇，環境輕鬆！
繼續閱讀
真係忍唔住要寫個食評，因為實在太難食。叫咗青咖喱雞，第一次見用呢隻茄子落咖喱，完全唔夾。雞肉係冰鮮，咬落去成口冰鮮味，冇晒雞嘅鮮味。仲有個叫「泰式鳳尾蝦炒金邊粉」嘅Pad Thai，聽個名幾吸引，點知蝦都係冰鮮，冇蝦味，啲金邊粉仲要甜到震，完全唔似泰國味。成餐唯一可以接受嘅就係冬陰功，酸辣味算正常。食到最後我真係唔知自己食咗啲咩，好失望。以為可以歎返餐正宗泰國菜，點知變咗一餐災難。唔會再幫襯，好難食
繼續閱讀
首先個泰式船麵真係唔得, 完全唔係嗰回事， 雖然係咁 ，我期望本身都唔係好高， 反而 個香葉肉碎炒飯同埋菠蘿炒飯都ok， 豬頸肉同魷魚都中規中矩， 最值得讚嘅係個服務， 笑容又好 又親切
繼續閱讀