Bon Appetit

營業中

休息中

星期一同男朋友食私房菜慶祝生日,感覺相當不錯..其中最欣賞既係金寶海鮮湯,係Sue特別為我地安排既(因為我地要求唔要Creamy 湯),但效果真係相當好,最特別係第一次飲到有至愛芫茜既西湯.另外,佢既牛尾沙律,本來已被大塊鵝肝填飽既我,依然可以清碟....食完之後仲有陣濃烈既牛尾味係口度,唔通食野都有得繞樑三日?仲有就係個火焰雪山,食完都唔敢相信,係第三碟已經飽到頂既我,竟然可以兩個人鯨吞個看似四人份量既火焰雪山.. Sue入黎收碟時都嚇親...最後都要讚下Sue既妥善安排,又幫我地轉Menu,整卡,捧火焰雪山生日蛋糕同唱埋生日歌,真係相當唔話得.希望Sue可以Keep到呢個水準啦,同埋如果價錢平d就可以得閒約多d人一齊上黎幫襯啦!

誤打誤撞見到呢個私房菜既介紹,見未試過,就同我男朋友係呢到慶祝!!!呢到既環境幾舒服!!有歐陸式既家庭FEEL!!! 唔似餐廳咁rigid!!亞sue好nice架!!!盡量滿足customer既要求!加上又播埋d輕鬆既music,有家庭式既relax,又有酒店既服務!!!最重要都係野食!!!樣樣菜式都好好味!!!我同男朋友一個月前係半島酒店慶祝都冇呢到咁好味!!!!魚子醬鵝肝好好味!!!唔係靚野唔會咁好味架!老闆&老闆娘好care我地既感受,當晚出面雖然有d小朋友嘈吵,但佢地都好識做,關門!!!差唔多2人世界!男朋友覺得呢餐飯非常好!!!!非常難忘!!!!仲有個"雪山火焰"都超正!!好味過我之前係酒店食過果個!雖然貴左d,但值得一試!!!

我也是當晚的客人, 那天是慶祝我的生日, 而每年我也請父母吃飯,和我一起渡過我的生日, 於是在好友的介紹下, 便到了Bon Appetit,父母平時也喜歡吃好東西, 那天一路吃, 他們便已讚不絕口, 更計劃下次和其他老友記來, 爸爸已經六十多歲, 牙齒已沒有力,但他吃了很多的鴨, 媽媽因心臟病的緣故, 不能吃太多, 但當天她也忍不住, 吃了很多, 我最愛脆脆雞卷, 很香, 雞又滑, 而當天的朱古力布丁, 中間又軟又暖又滑, 根本不是又硬又冷, 大家一齊送上的, 怎會相差那麼遠呢?這幾天, 我介紹了不同的朋友有關Bon Appetit的美食, 那裡的環境及親切的態度, 更是與朋友及家人相聚及品嚐美食的好地點.

小君, 你好! 謝謝你的寶貴意見, 由於當晚有公事外出,未能全程在場提供最貼身的服務, 而令你有所失望, 實在萬分抱歉。對於你的評語, 本人有以下回應:1)雖然少個沙律, 但另一方面我們亦加大了海鮮盆份量以作補償。(足有4人份量)2)為避免出錯, 對菜式有更改的客人, 我一般會用電話再落實菜單以防錯漏。由於近日訂頻密而大部份都要求火雪山以慶祝生日, 所以我亦再次致電作最后核實。想不到竟令你覺得我不上心, 除抱歉外, 亦令人遺憾。3)為了令你及丈夫有個開心生日, 你在訂時提出的每個要求, 我也牢記在心並盡努力作出配合。其中包括:-你說你及丈夫喜歡吃鵝肝, 要我們加大份量, 為作出小小生日心意, 我們不另收費下加大了份量(比平常大50 %), 另外亦送出了生日飲品。-你要求有個獨立房間與丈夫靜靜渡生日, 縱使當晚有其他客人,我亦特別讓出可容納10 –12 之房間給你倆單獨共處，(一般要滿$2,000 - $2,500 才能包房) 還記得你在入座時面露笑容說唔該, 看似十分滿意這次安排。-你另外又要求甜品要靚及寫上丈夫名字, 縱使我曾因朱古力軟心布甸要寫字有困難而婉拒你, 但為了不讓你失望,

同老公慶祝生日,一個星期前已訂位寫菜,佢地suggest 嘅menu我拺好食咩main course飲咩湯,甜品唔要火焰雪山,因為唔太喜歡酒味,所以叫佢哋幫我諗個靚D嘅 甜品.仲減少咗個沙律,但無rebate,照收三百二. 老板娘Sue話兩個人minimum charge係每人HKD320,所以少咗嘢都無得平.仲以為一切已經安排妥當,點知前一晚Sue打電話比我話想同我寫菜,嚇一跳,我同佢講我一個星期前已經同佢寫好,點知佢話唔好意思唔記得咗,叫我再講多次.佢仲話個甜品係火焰雪山.嘩!好似已經講得好清楚我唔要火焰雪山,連點解唔要係因為唔鐘意D酒味都講咗比佢聽啦! 其實佢態度係好欣勤,不過唔知個待客嘅心去咗邊? 我唯有再講多次比佢聽,仲提佢仲未比地址我潻,Sue話會email比我.結果等到食果日佢都仲未e個地址比我,有D心灰意冷,想轉軚去第二間,但唸番起佢响呢個網都有好多好嘅食評,都真係想試吓,唯有再提佢比個地址我.去到之後佢哋叫我哋坐吓先,等咗大約15分鐘,Sue話我哋要等另外果兩檯客一齊食,所要叫我哋再等多陣. 於是唯有再等,鍾於等齊人開飯.結果係1) 唔係好飲得慣稀嘅番茄南瓜湯;(2)

　　長話不說，但一定要提的是負責人阿Sue非常的專業，服務很周到又有禮貌。她email menu給我看，我問她可不可以將鵝肝轉做其他的東西，因為我不吃內臟的，她一口答應了。真是customer-oriented.　　　當晚我和朋友慶祝生日，吃了以下的東西：1) 女人的心( 南瓜蕃茄冷/ 熱湯) 　我最喜歡的一道菜，凍蕃茄湯味很濃，南瓜熱湯很滑，而且濃淡得宜，非常清新。2) 香煎鵝肝配黑魚子醬　雖然我將它轉了做巴馬火腿沙律（火腿咸香，配上蜜瓜很有味道），我還是試了一小口鵝肝。從未吃過鵝肝，覺得很香，一點都不腥，在焦脆中鵝肝的油脂在擴散著，一口甘腴。3) 乳酪青檸帶子沙律　帶子很軟身，上面的醬很清新，帶子的膏亦很滑。 4) 香醬青口　同樣，醬汁很可口，而且青口亦有很多肉汁。5) 脆皮鴨配紅酒汁　鴨很嫩，而且紅酒汁酸甜度適中。6) 白汁海鮮焗薯　外層薯仔很脆，而且白汁很濃，不錯。7) 甜品: 火焰雪山　外表是很特別，不過內裡不一定是他們自制的雪糕。負責人阿Sue問我下次來想吃甚麼甜品，我說想吃炸雪糕……她竟然說ok!不過不知道下次是那時了,雖然我想我一定會再來吃的。8) 清香花茶　玫瑰花茶清

為了一位好好的朋友慶祝生日,我地一班朋友投票選了這間私房菜,價錢雖然覺得貴少許,不過,都不況一試啦!本人不是甚麼識食的人,所以以下只是本人的食後感覺.食物方面: -佛跳牆:夠料,湯夠濃,食完不口渴-香醬焗青口醬汁好好味,但D青口就冇咩味,如可改 用其他帶濃味or有口感的食材,可能會更正!-意式黑醋墨魚沙律:如加些青檸汁,可能會更好味. 另外,D沙律汁唔夠多,如可安排一枝沙律汁,由自己加, 就very骨啦!-燒魚塊香草四季果k但魚塊咸D-翡翠皇廷鴨:好味但食唔晒,因隻鴨太好肉地.-西點野菌焗薯片白汁非常得,最鍾意呢個,加多D mushroom就更好.-特式甜品:火燄雪山,D雪糕好味but D 蛋白(+酒)好苦 (可能我地唔鍾意飲酒掛)玫瑰花茶k,好清冇怪味其他方面: -房間好凍**昨晚得10度(可能D窗邊流風),D食物好易凍-可能昨晚客人比較多,好似人手不夠.-如果可每檯放壺茶(有個爐仔興住,就更好),客人就可自 已攪,飲完不用等茶..-食送菜香& 味ok but 色(decoration)不夠豐富.-如meun有中菜,預備些往白米飯會更好(可能昨晚比 較凍,有飯落肚,會溫暖D)-ah

聖誕期間跟朋友往晚飯，朋友中有一人不吃肉，而我們是即日早上訂座，晚上便上去吃飯，所以特別問了預備方面有沒有問題，回答是沒有問題。因為是即日訂座，我們也沒有什麼特別要求，只求有魚之類普通海鮮便可，其餘一切由主人發板，主人建議中、西兩式混合，我們也沒有異議。說到西式，因為網頁自我介紹說是法式加意式，我們當然抱著吃法、意菜式和中式菜式去吃飯。但是當天吃的由頭盤的雜肝醬麵包到甜品，沒有一道菜能稱得上法式或意式食物。問題是整個概念都完全不是那回事，正如你在茶餐廳吃碟意粉，都不會覺得自己在吃意大利食品吧？茶餐廳也有茶餐廳的美味之處，但是你不能自己做茶餐廳而告訴別人自己做法國菜、意大利菜呀～而收費當然也不是茶餐廳的收費。所有菜中除了龍蝦湯可以接受（但也過鹹），其餘我和朋友都覺得是不能接受的水準，香草焗魚的魚焗得太乾，墊底的沙律用超市蛋黃沙律醬也是不可接受的；烤雞上時是冷的，後來他們替我們叮熱，其實也是不可接受的，但態度算好，就算了，但味道同樣太鹹；而每碟肉類的配菜竟然是完全一樣的都是蘆筍。鴨肝卷裏的鴨肝又少又味道不好，而我不吃肉的朋友的卷，竟然只是拿起了鴨肝，連菜都沒有一條外加進去；但最離諎還是朋友

可說是給了我G-FD & ME 1個意外,無諗過私房菜都會做到有得媲美出面HOTEL,EVEN 有些菜式,做得更加GD...個湯淡濃適中...個沙律很特別:G-FD平時唔多食沙律,也覺唔錯...個鴨真的好味,食時D汁仲KEEP到,唔羶..雖然個魚有很微少的雪味,但個香草汁我很喜歡,就連個芝士RICE 也是...個甜品,真是很難忘,個雪山裡好似甚麼都有...好!!!

這次已是第三次到bon appetite，今次人少少又想靜靜地傾下偈，(第一次12人包了廳,第二次6人包了房，真估不到我們這次3人竟包佐場)；呢排飯局多，所以先致電亞Sue幫我們預備清淡一點的菜色，今次吃的跟上兩次的菜式完全不同，我又有新菜試了．．．1. 忌廉磨菇湯配蒜蓉飽(好香好濃的忌廉味且有好多什菇，蒜蓉飽實在太香了，連吃了三塊)；2. 三色蔬菜巴馬火腿(雜菜絲加入了醋汁，醒胃) ；3. 香醬焗元貝(香醬是廚師的秘制醬料,有很多香料味)；4. 酥皮鵝干卷(每次必試，今次還醒多我們一份)；5. 香燒魚塊鮮果沙律(最喜歡這味，用火龍果、蕃茄、蘋果、香蕉等鮮果配上廚師自制極好味的沙律汁，與醃得好入味的煎魚柳配合得很好)；6. 燒鴨肉(燒鴨配了一個頗濃且甜的紅酒汁，但完全聞不到紅酒味，而且鴨非常肥膩，跟本吃不到鴨肉，所以這個我不太喜歡)；7. 士多啤厘梳芙厘(只屬一般，上次試的白之戀人都是ok罷了，甜品有待改善)；8. 紅茶或花茶雖然食品不是全面的好吃，但以250/位的價錢，且招呼週到，環境感覺很舒服，所以久不久便要來試新菜，聽講此處的彿跳牆也很好味，下次一定要試中式晚飯。

上到餐廳已被其別緻的裝修所感染, 彷如隔世, 與餐廳外的氣氛很不一致, 當然內裡是美輪美奐la!殷勤親切而細心的sue令氣氛很和洽, 食物款式特別, 首次嘗試火焰雪糕蛋糕, 很好吃, 但個人不喜歡酒類haha食物質素高, 服務一流, 環境舒適, 讓我渡過難忘的一晚。thanks

其實我係12月31日去食的.果日好凍.途中有其他食客建議加熱d碟.之後上的食物都有咁做.讚~!!不過後來我先知道果晚女友一路食一路凍.....不過已經關起晒d 窗但房感覺上係凍d,一次最好開定暖氣啦.haha..佢地好細心問我同女友意見之如又帶我地去同廚師談談.感覺真好.說回食野.個湯味濃.ok架.不過早到食左麵包先.如果上湯時上多次麵包就完美.火雞沙津唔錯.帶子就幾大隻同好正.睇得出洗得好乾淨食得放心.味道一流鵝肝配火龍果就同一濃一淡的效果.女友很喜歡.只是當晚的鵝肝煎得濃左少少.外層很脆內裡還是ok的.令鵝肝味出.可能就是濃濃地的關係吧.個鴨我就十分喜愛.聽說要經過4個步驟才能把這鴨弄得如此入味香滑.但因上下半身的關係.上半身的份量比較少同冇肉.分配時要想想辦法吧.因這個又是主菜.如得上半身會冇乜肉食...意粉味ok.不過我果碟d"羅"肉很少得4粒.2人份量意粉來說每人2粒"羅"肉..甜品是士多啤梨梳乎厘, 士多啤梨味不足.總括來說很好.不過31號太凍.d 野好都易凍囉.如果開暖氣我想好d.

其實我為了令男朋友有一個浪漫的生日,所以我決定搵一間私房菜食晚餐...........好幸運地讓我遇上Bon Appetit,首先要很感激Sue 啦,因為自己很緊張這次生日,所有都有些要求,麻煩到亞Sue,但她不但不厭其煩,為我安排一切,而且還很貼心地製造每個驚喜,在這裡真的要說聲多謝啦,而且食物方面都一流,自己最喜歡個甜品啦,叫"火焰雪山",賣相討好外,裡面是朱古力蛋糕,仲有D曲奇,真係好好食ga,雖然我個晚個胃好痛,但都食到停唔好口,其他餸菜亦很出色,如果大家想有個浪漫,難忘的晚餐,真的不二之選,我亦希望將來再來幫襯......

Fplace with fabulous food with fabulous music served by fabulous Sue. I love the mussels filled with lots of herbs which are big, fresh and juicy. I also like the octopus salad strongly getting up my appetite and the creamy snail spaghetti. It would be perfect if the snowy dessert is bigger.

此私房菜給了我很大的驚喜。無論食物質素，味道及服務態度都令我感到十分之滿意。其中：草原豪情骨( 羊)青胡椒燒西冷皇廷醬燒鴨是一定要食的菜式。