Bread and Bistro (已結業)

星期日下晝, 瞓到自然醒, 約咗好友嘆個下午茶,因為好想食疏乎厘PANCAKE嘅關係, 就約喺黃竹坑Bread & Bistro等。由於大家連早餐午餐都無食嘅情況底下,我地就叫咗卡邦尼意粉、肉醬薯條、原味疏乎厘班戟、熱朱古力卡邦尼意粉: 甫上枱, 好香嘅芝士味, 呢度用豬面肉代替平時食到嘅煙肉,更有咸香同咬口, 配上唔同嘅菇菌, 感覺幾特別肉醬薯條: 薯條炸得香脆, 肉醬頗多, 好飽肚。原味疏乎厘班戟: 等咗大概30分鐘, 等到新鮮熱辣嘅疏乎厘班戟,睇落去厚身但用刀輕輕切開就見到內裡鬆軟滑溜, 充滿空氣感, 濃濃蛋香,加上甜甜的CREAM, 超正熱朱古力: 不太濃, 奶味重

Bread and Bistro 🥞最近因工作關係多左係南區搵食行到黃竹坑見到圍住ONE ISLAND SOUTH 有好幾間餐廳睇完又睇揀左呢間Bread and Bistro 試下一來見到門口個MENU 好多款式二來星期六既下午都咁多人食緊野相信味道都幾好~🥗沖繩特色拖羅蓉牛油果塔可飯 $138第一次食Taco rice原來係沖繩非常有名的料理賣相好特別 感覺好健康有珍珠米同紅糙米仲舖左一層生菜有好多拖羅蓉,、牛油果醬同飯素係飯上面食落口感好豐富而且味道好夾新鮮得黎又好健康又好食唔怪得之依家咁熱門咁多人食啦🍛日式咖哩配吉列豬炒蛋 $138每次見到餐牌有日式咖哩都會想食鐘意偏甘口既咖喱 餸飯一流聞到D 咖哩味都會流口水而個吉列豬扒好厚又有肉炒蛋又好滑撈飯食一流🥞時令水果梳乎厘班戟 $128見到好多枱都有ORDER梳乎厘班戟我地雖然飽飽地都忍唔住叫左個食呀賣相已經心心眼有三塊大大既班戟好厚身好鬆軟有空氣感之餘 味道仲好有蛋味班戟配埋雪糕球同蜜糖一個班戟滿足幾個願望 多重享受

一行數人，在公假的日子，到黃竹坑的 Bread & Bistro 吃個 brunch.剛一坐下，先點兩個海鹽焦糖鬆餅來吃，就當是餐前小吃吧！香濃燉牛肋條飯，牛肋條和醬汁真的非常香濃， 配飯非常合宜。壽喜燒烏冬配安格斯牛肉，確是鹹了少許，也很好吃。日式咖哩配吉列豬炒蛋，很香的咖哩味。蕃薯藜麥沙律， 原以為藜麥沙律較健康，但炸得非常香口的蕃薯及薯仔，實在是香口得有點邪惡了。健康和美味並存，都是有點困難的。巴斯克芝士蛋糕， 給人一種結實的感覺， 我十分喜歡這種味道及口感的芝士蛋糕。日式布丁燒，香甜滑可口。

All Day Breakfast控再次出動！假日嚟到黃竹坑，喺附近行吓呼吸完新鮮空氣，就去咗呢間Cafe搵食，欣賞佢哋每道菜式都用足料，而且空間闊落，好啱放假同朋友坐吓傾吓偈～All Day Breakfast 可選配漢堡扒或煙三文魚，今次揀咗煙三文魚，味道唔會死鹹，另外仲有齊肉腸、煙肉、炒蘑菇、薯餅、煎蛋等非常豐富。蟹肉小龍蝦 鰹魚湯泡飯小龍蝦蝦肉彈牙，湯底清爽又鮮甜，泡飯粒粒分明好入味，加埋蔬菜粒好refresh～原味梳乎厘班戟梳乎厘班戟口感輕柔，鬆軟滑溜，空氣感十足，而且蛋漿調配得宜，蛋味濃郁！

黃竹坑既長期排隊餐廳，真係有質素，食物環境都好好！落左單就有餐湯，是日餐湯係蘑菇忌廉湯菇味好香，飲落都好滑，想飲多兩碗美中不足個湯唔夠熱，只能話係暖黑松露雜菌意粉，好食！份量大，個汁好濃好香，雜菌份量都唔少意粉彈牙😋明太子薯條雖然係加配價，但份量一樣好多，食得好滿足！薯條夠脆夠香口，加明太子醬同味素都好夾，如果啲醬再多少少就仲好啦！雖然lunch黎講都唔平，但有質素都俾得抵👍🏻落單個陣無留意有梳乎厘班㦸，走個陣見好多人食如果細食既女仔，2個人叫一份主菜加一份小食同一份班㦸都夠！

今年生日，我預訂了黃竹坑新酒店  The Arca 三日兩夜生日 Staycation， 還邀請好姊妹來 Hea 吓、游水、影吓相...悠閒渡過平日的下午！ 多謝她專登請了半天假陪我！我不熟悉黃竹坑區，所以入住之前先探路，才發現原來黃竹坑好少食肆，  亦不覺眼有商場，主要是工廠區，One Island South 是商業大廈，地下有些餐廳，算近黃竹坑地鐵站！找到一間 Cafe <Bread and Bistro>，一於幫襯這間食 lunch！ 多謝她請我食生日 lunch！Menu南瓜湯清甜香滑，味道濃郁！夏威夷海鮮 Pizza $138賣相吸引， 配搭亦沒有令我失望！蟹柳捧、蝦、青口、墨魚仔等...，還有菠蘿，配千島醬，香噴噴，薄餅底香脆！豬骨濃湯配日式叉燒拉麵 $118她選擇的拉麵既掛湯又彈牙，湯底亦不會重口味！布丁燒 $38 Earl grey+$6不是預期的口感及味道，大家一致贊同，覺得一般！

🌟餐廳：Bread and Bistro📍地址：黃竹坑香葉道2號One Island South地下G06號舖💰價位：～$200- $400⏰營業時間：星期一至五 08:00 - 17:30 / 星期六日及公眾假期 08:30 - 17:30📱電話：3426 9883自從地鐵南港島線通左車之後，去南區方便咗勁多~今日黎到黃竹坑做野，原來地鐵站附近開左好多餐廳，等我又揀返間餐廳醫醫肚先~最後揀左呢間 「Bread and Bistro」Cafe，餐廳地方都幾大而且樓底又夠高，係度食野都幾chill~———————————————————🔹自家制黑松露醬 牛油果蟹肉沙律沙律好大碟同好足料~沙律菜新鮮爽脆，上邊鋪滿香滑既牛油果蓉同埋好澎湃既蟹肉，加埋自家制黑松露醬，每一啖食落都超滿足~另外，餐廳仲奉上熱辣辣既炸薯角伴碟，為食既你一定夠哂飽~———————————————————🔹香濃燉牛肋條配法包呢個菜式有驚喜~餐廳以蕃茄、洋蔥、紅蘿蔔等材料作為醬汁既基底，將牛肋條燉煮得好入味，而且肉質好鬆軟，好出色~我地揀左搭配法包黎食，加埋呢個濃濃既醬汁，好滋味~———————————————————🔹

🥞黃竹坑高質輕西餐🍝-呢排好番天又有少少秋風 好啱郊遊行山🏔️ 今日就去咗南區黃竹坑嗰邊玩 喺地鐵站附近嘅商廈 有間環境都幾chill嘅輕食西餐廳😙-🦞蟹肉小龍蝦意粉配龍蝦汁 $148醬汁係餐廳自家製嘅龍蝦汁 所以比起坊間嘅罐頭汁多啲鮮味 而且仲冇咁鹹 落埋檸檬汁 層次更加豐富😊 意粉都幾好 唔會煮得太淋 面芯仲保留到咬口 係我都幾鍾意嘅口感🍝 小龍蝦肉同蟹肉都幾鮮甜 不過如過肉再多啲就開心啲啦😅 佢嘅擺盤都唔馬虎 breadstick好脆口 仲食到麵粉嘅香味😙-🥑沖繩特色拖羅蓉牛油果㙮可飯配日式芥末醬 $138本身以為係普通poke bowl 點知佢係用咗糙米飯同新鮮嘅生菜整 低卡啲之餘又健康 口感又更多層次😍 拖羅蓉都幾新鮮同牛油果嘅口感幾夾 撈埋芥末醬好開胃 啱晒送飯😋-🥞梳乎厘班戟配雜果 $128梳乎厘班戟有三大件 啱哂同朋友share😍 班戟本身鬆軟得嚟幾濕潤 食得出蛋醬嘅香味 唔會似食空氣咁🤣 忌廉挺身得嚟有少少流質 水果都幾甜 唔會酸 加埋擺盤上嘅果醬同糖醬 係滿滿嘅幸福感🥰-📍Bread and Bistro黃竹坑香葉道2號One Island South地下G06號舖

獨處🎈Bread and Bistro/享受獨處時光 傾聽內心的聲音/當人日漸長大 就會融入生活嘅急流中可能慢慢失去自己嘅節奏 自由同時間偶然 要一人之境 聽下心跳嘅聲音💗感受空氣被吸入肺部嘅嗰種感覺真正咁享受活在於當下嘅時光 ⏰🦞沖繩特色小龍蝦牛油果塔可飯 配明太子醬Crayfish with Mentaiko Dressing ($138)第一次食taco rice 覺得就好似墨西哥burrito bowl咁但又有啲似Hawaii 嘅poke bowl形容到好fusion呀 原來最原始系由美國帶入沖繩㗎 飯量蔬菜量都十足 加咗糙米 感覺健康 濃濃明太子醬配上小龍蝦肉 龍蝦肉鮮 而豐富嘅蔬菜都平衡左醬料嘅濃味感 質感同層次感都好豐富🥰🍮伯爵茶布甸燒 Earl Grey Pudding Cake ($38)底層蛋糕 上層布甸層布甸香滑 伯爵味濃下面蛋糕軟熟 充滿伯爵味 但會稍為甜咗少少郁下佢 布甸仲識震添😂🍦雪糕咖啡Affogato ($45)細杯裝住espresso 咖啡濃且回甘雲呢拿雪糕上面放住一塊餅乾可以當topping咁點上雪糕嚟食✨ 如果將espresso倒入雪糕 整體甜度都

秋天天氣好，今日專登到南朗山行下，順便南區一日遊。就比我去左間好chill 既cafe,成為南港島一日遊重要一部分。餐廳樓底好高，加上佢採光度極高，好舒服。行完山落黎食輕鬆下就岩曬夏威夷海鮮pizza 佢個pizza 真心正，裡面有皇帝蟹柳，喜歡既原條食又得，又或者分散佢鋪係成個pizza上面。而pizza 上仲有原隻既青口添。配千島醬相當美味。卡邦尼意粉卡邦尼永遠都咁好味，濃濃既creamy,加上菇同埋火腿。梳乎厘班戟 焦糖香蕉今日真係要重點推介下梳乎厘班戟 佢吾算係一間專賣梳乎厘班戟既店，但真係超好味。班戟超軟心，而裡面係充滿蛋香，配上糖漿同埋意大利雪糕，相當好味。最後食到好飽。乳酪香茫雖然已經11月尾但天氣仍然係好熱。好岩飲yogurt 類既飲品

黃竹坑真係無咩餐廳揀 , 有都比較貴 。由於平時外賣食得太多今日想出去行下 , 貴D都試下 。叫左個漢堡扒咖喱烏冬 ,係日式咖喱編甜唔辣, 烏冬好滑又彈牙, 塊漢堡扒都好味中間有芝士, 不過細塊左D , 味道幾好肉質 JUICY, 食完個烏冬唔多飽同同事 share左個 pancake , 焦糖香蕉梳乎厘班㦸 , 個pancake 空氣感好好 , 配埋糖漿好好味 , 食埋甜品就飽了 , 仲好滿足 , 餐廳環境舒服 , 樓底高落地玻璃採光度好好 , 唔洗返工可以慢慢食的話就更好。

Bread & Bistro 🥖@bread_and_bistro南港島綫開通之後入香港仔終於唔使塞隧道嚕🚞 接近6年後，終於試「新」路線，搭地鐵去港島南🦦事緣最近政府進一步放寬社交距離🥲 香港好似熱鬧返好多嚕，少少犯賤地又想搵返啲環境清靜嘅地方🫢餐廳除提供bread and pastry外🥐 仲有西日式主菜小食，甜品同精品咖啡，甚至grab&go嘅croissant sandwich都有幾款🥪南瓜湯🎃每個lunch set都配碗南瓜湯🥣 口感順滑绵密，清甜養生，非常暖身🥰蟹肉小龍蝦意粉配龍蝦汁🦞餐廳唔係用平碟上菜，而係幾深嘅pasta plate，份量極多！拆殼起肉嘅蟹同小龍蝦，食起上嚟啖啖肉🦀 每條意粉都吸滿濃郁嘅龍蝦汁，伴碟嘅檸檬就更帶出海鮮嘅鮮味🌊日式咖喱芝士滑蛋 配日式炸雞🍛日式咖喱可以揀配白飯或者烏冬🍚 咖喱香濃，味道偏甜，配上彈牙掛汁嘅烏冬，食嘅時候小心唔好彈到周圍都係🤪 滑蛋好厚身，我估可能用咗差唔多三隻蛋😂 加埋輕輕火炙過嘅原片芝士，仍然保持住原本嘅形狀，咬落去有融化嘅口感，為滑蛋加添左啲鹹香🫕 雞塊炸得金黃香口🍗 大大嚿嘅紅蘿蔔，但都煮得好夠腍🥕時令水果梳乎厘班戟🥞

今個周末去左黃竹坑玩，午餐去左Bread and Bistro呢間咖啡店食，好耐之前黎過一次。假日餐牌有多款選擇，有全日早餐，沙律，冷烏冬，冲繩特式塔可飯，咖哩，pizza，湯飯，拉麵，湯烏冬，意粉，飯，飲品，同甜品。今日每人叫左個主食再加一個小甜品分享。吞拿魚沙律 $158 另加一吞拿魚沙律大大兜，係新鮮爽脆沙律雜菜底伴有5片大大片煙燻吞拿魚，其他蔬菜仲有少見既長豆角，車厘茄同羽衣甘藍，仲有6舊香口熱辣辣炸薯角添。個蜜糖芥末醬好味又夠多。所有材料都好新鮮，吞拿魚質素都好好，仲伴有一件檸檬比你。蟹肉小龍蝦意粉配龍蝦汁 $148 另加一蟹肉小龍蝦意粉係大大碟幼身spaghetti意粉，撈咗鮮甜小龍蝦同拆好既蟹肉，仲有車厘茄同少少菠菜。意粉質感非常al dente，係我鍾意既口感。個自家製龍蝦汁味道都唔錯。仲伴有檸檬一件。面頭附送一條意式餅乾條，最後灑上少量芝士粉同香草。時令水果梳乎厘班戟 $128 另加一估唔到呢度都有梳乎厘班戟，仲有3款口味選擇，加一球意式雪糕加$20。梳乎厘班戟製作時間35分鐘。果然慢工出細貨，三件梳乎厘班戟非常大件，隱隱聞到蛋香，食落果然非常之有空氣感，水準不俗！伴

睇到D食評 係我期望高左特登去入黎食結果食物真係麻麻地可能呢度平時無乜野食所以D人好評老老實實真係唔好食😭 好失望照燒雞湯飯 個飯同雞黎到已經冧左太鹹 太多湯好Q貴！好貴好唔抵！！

牛油果小龍蝦塔可飯真心好難食， d飯唔夠熱已經係死穴，仲要一舊舊，明顯係喺微波爐叮得唔夠熱就攞出嚟，價錢仲要唔平，性價比極低！只可以話環境唔錯，係一間可以hea及休閒嘅餐廳。