Bread and Bistro (已結業)

南港島綫開通左之後發現呢邊原來都開左好多餐廳，放假又多個選擇吾洗成日都係港島九龍同人逼cafeBread & bistro主打日式&西式食物既cafe，都幾多選擇，有all day breakfast，咖哩，pizza，湯飯，烏冬，意粉，特色飲品，同等。蟹肉小龍蝦鰹魚湯泡飯 $148小龍蝦肉舖滿大半蝶飯，仲有蝦乾、蟹肉配紅米飯。日式鰹魚湯作爲調味，較清淡健康，整體好light而不失鮮味，吾錯既選擇日式咖喱配芝士漢堡扒烏冬 溫泉蛋 $128日式咖喱甜甜地，烏冬滑身煙un，吸曬咖喱味好好味漢堡肉汁豐富，切開有流心芝士 好香 配薯角都幾得意布丁燒 $32布丁燒用個玻璃兜仔裝往好靚，本身睇人地既相仲以爲係酒haha布丁超級滑溜，下面用左蛋糕底，味道帶微微焦糖，超好味黎到不妨一試Overall 味道幾好既cafe 甜品&咖啡相對出色 唔錯唔錯

I had an early lunch here and ordered their Cheese Beef Petty(I think they meant Patty) & Onsen Egg. For dessert, I ordered their Classic Souffle pancake.The curry came and it was slightly disappointing as it kind of look liked a mess but I hope the flavors were good enough.The beef patty was slightly thinner that I expected though it does have molten cheese inside, redeeming the dish.However, the curry itself was a bit too watery and the taste was subsequently lighter than usual(even when compa

日式咖喱配漢堡扒溫泉蛋烏冬 $108咖哩汁濃稠度適中，咖哩辣度比較溫和，烏冬煙煙韌韌口感Q彈，完全索到哂啲咖哩汁，加埋溫泉蛋令烏冬味道更加豐富，漢堡扒一切落去好juicy好多汁，入面仲要係流心芝士，勁吸引，味道肉味香濃，口感軟熟多汁，加埋芝士既加乘，非常出色原味班戟配漢堡扒(炒蛋）$138原味班戟比較厚身，口感鬆軟，入口即溶，淋上蜂蜜，甜度適中，唔會過膩，漢堡扒肉質比較結實，食落肉質好嫩滑，充滿肉汁，口感會比較豐富，味道比較濃烈既肉香，炒蛋即炒得好靚仔，仲有薯角，茄汁豆同沙律菜巴斯克芝士蛋糕 $42蛋糕食落比較輕盈同軟綿，芝士味濃郁奶滑，表面焗到濃濃既焦香味，更加增加成個蛋糕既口感味道

放假想揀啲靜靜地環境又舒服嘅cafe同朋友傾下計食下好野，今次黎到依到果然冇令人失望。首先叫左個黑松露醬牛油果蟹肉沙律（$148），個醬汁係淡淡的黑松露香味，特別又開胃，而且牛油果都整左做醬，撈埋蟹肉，味道同口感都出色！另外叫咗日式咖喱配溫泉蛋、芝士漢堡扒烏冬（$108），日式咖喱甜甜地，烏冬好滑，吸晒啲咖喱好入味！漢堡肉汁豐富，有埋流心芝士更邪惡！最後仲叫埋芋頭巴斯克蛋糕（$42)，好大個好抵食，芋頭比較少見，蛋糕上層係芝士下層就係芋泥，兩樣嘢幾夾成個口感好綿滑。野飲方面除左有咖啡之外，仲有水果茶、沙冰等等，特別推介杯豆腐雪糕沙冰($56)，係清新嘅豆腐味而且好滑！Menu仲有好多野食幾吸引同出面少見！下次黎要試埋。

今日去開南區，打算搵間cafe食個tea休息下，比我誤打誤撞搵到間咁高質既cafe😳環境好大，加上墨綠色同木系簡約風設計，坐落好舒適☺️。食物都黎得好快，雖然食唔到疏乎厘，但雪櫃上竟然有我最鍾意嘅芋泥產品，仲要係巴斯克蛋糕，即刻開心番😂。-💕日式咖喱漢堡扒炸雞溫泉蛋烏冬 $118👅好味指數：9/10好驚喜😳❗️咖喱味勁濃郁😍質感濃稠，而唔係湯個種！烏冬好彈牙好掛汁😍漢堡扒偏厚身，但都煎得好香多肉汁☺️ 炸雞係唐揚炸雞，啖啖肉有4大件，外皮炸得鹹酥香脆，醬汁入味☺️，好正❗️-💕沖繩特式雞絲牛油果塔可飯 配明太子醬 $118👅好味指數：9/10份量好多😳飯面鋪滿生菜、雞絲、青瓜、牛油果等，口感勁豐富好fresh，配上明太子醬，酸酸甜甜超開胃☺️飯底用左紅米飯，有啲煙韌感，健康低脂又好味🥰-💕芋泥巴斯克蛋糕 $50👅好味指數：7.5/10有芋泥真係超開心🤣蛋糕焗到外層偏硬身，口感實在☺️！蛋糕底係芋泥，芋泥唔太甜有顆粒感，整體芝士味濃啲。-環境：8.5/10服務：8.5/10整體味道：8.5/10回頭率：8.5/10

今日到南區漫步，除了港人耳熟能詳的海洋公園和南朗山外，還有一條漫長的海濱長廊，伴隨海風，很值得行一行。當然，行之前先吃一餐飽飯。位置：在黃竹坑站A2出口，乘電梯到地面，再過馬路就會看到一棟玻璃大廈，沿路一直向前，轉過彎就是了。環境：門口是落地玻璃，室內以長方形佈局，靠近玻璃窗的牆身有一大幅的食物畫，接著是咖啡櫃位，座位被安排為兩行二人和四人卡位，整體簡潔，2點時仍有不少上班一族在此開餐。服務：有午市套餐提供，送是日餐湯。午市：🥄餐湯是甘荀湯，質地稠密，沒有渣。🦀蟹肉小龍蝦鰹魚湯泡飯🍚 $148這款較健康的菜式，用紅米飯配蝦乾、蟹肉，而鰹魚湯水清淡，配白焯西蘭花和椰菜花，加少許飯素和蔥花，整體很清新，又有鮮味，我和朋友一致覺得這款主餐好吃👍🏻。日式咖喱配吉列炸蝦🦐、🥚溫泉蛋、烏冬麵 🍜$128這款就濃味多些，炸蝦外脆內軟，配少許粗薯條，我也是第一次吃烏冬麵有薯條，感覺挺特別，感覺像吃沾麵而不是湯烏冬，因為日式咖喱醬汁很濃很稠，味道跟一般日式餐廳是類似。🍰芋泥巴斯克芝士蛋糕 $42很開心有芋泥味，🥰很喜歡，芋泥作底層，上面是巴斯克芝士蛋糕，兩者味道很配合，芋泥整得很綿密，只嫌份量略少，因為

If you want to get away from the crowd on the weekend, Wong Chuk Hang is a quiet but convenient place to explore. We grabbed lunch at @bread_and_bistro (right near the MTR) before taking a random stroll around the neighbourhood.Ochazuke Crab Meat Crayfish Rice Soup This is definitely the dish that your taste buds and body will thank you for eating. Not only was it super scrumptious, but also highly nutritious with seafood, red rice and broccoli. The portion was a bit big though, so it’s best to

黃竹坑變天，呢度係工廠區但係附近已經開始起緊大型商場同埋豪宅！平日下午去，無乜人！坐得好舒服😌前菜有沙律同埋忌廉湯蟹肉小龍蝦鰹魚湯泡飯🐟🦐🦀有啲似食緊日式茶漬飯嘅感覺，但就係升級海鮮版🤩小龍蝦同蟹肉都好鮮甜！重點係個鰹魚湯！魚蝦蟹鮮味十足！仲有幾塊西蘭花🥦配紅米飯，好味又健康！日式咖哩 配 吉列豬扒烏冬、炒蛋🥘🐷估唔到西式Cafe裏面有得食日式咖喱烏冬🤩厚切吉列豬扒剛剛炸起，脆卜卜！日式咖喱偏甜，香濃得來又唔辣！伯爵茶布丁🍮伯爵茶味即使雪凍左都好出，布甸滑嘟嘟，凍凍地！好好味既甜品🍮！拍得住酒店級數😍😍優休閒閒傾吓計，食吓嘢就過咗一個下午😁開心🥳

Bread and Bistro地址 ：黃竹坑香葉道2號One Island South地下G06號舖本身打算新年假期去下主題公園玩下, 消磨一日架時間同影下相留作紀念。可惜抗疫一日未成功,市民仍需努力。主題公園大唔準開 , 都去小人架地方行下山伸展身體。行了1星難度,睇下綠油油架樹木, 也趕及食個late lunch, 避開中午猛烈陽光, 順便食野補充體力及休息一下。走了一個圈, 被落地玻璃及店內的卡通畫吸引左。café 是西日合壁, 有麵包蛋糕coffee供應外, 主食就是走日式路線。$138 pork katsu and scrambled egg udon 日式湯咖哩烏冬，炒蛋滑，豬扒炸得香脆，加上珍珠米不錯吃。$128 salmon and avocado taco rice,夏天食好岩，擠上鮮檸檬汁，salmon and avocado 都好清新，紅米飯口感乾身紮實。$42 basque brunt cheese cake 岩女生胃口。有芋泥在底，雪到凍冰滋味。

「每日同樣過這生活橋，有多少經典的剎那能做你回味座標？」巴士穿越香港仔隧道後，一片蔚藍的天空隨即映入眼簾，人的心情也頓時好了起來。連綿地下了多天的雨，終於都暫時收起了它的身影，讓久未露面的午後太陽可以暫時充當一陣子的主角。。。如果可重回人生最美的那天，你想吃什麼來伴陪這刻美好時光？你想吃什麼我當然不知道！但是我今天約了很久沒見的同學。。。來這裏散散步、 吃過輕鬆的下午茶！很 chill，是嗎？今天我們選的這家餐廳，也是很chill的！！位於黃竹坑運動場的一個大單邊， 環境清幽， 透過餐廳的落地大玻璃窗，還可以看到對面運動場的人在打球。。。識得揀就一定要揀我們今天坐的位置， 就是入門口右面第一張落地玻璃窗長椅， 除了有兩面單邊之外， 還附贈一頁黃竹坑獨有的風景線， 最合星期六來傾傾偈，發發呆！原味pancakes 配漢堡扒、炒蛋 $138識得食嘅，當然係先食鹹的漢堡扒和炒蛋，然後再吃甜的班戟。 。。哈！我很喜歡店家的炒滑蛋， 一口咬開，半流心的滑蛋立時充滿了我的口腔， 微溫的蛋漿從舌尖流至喉頭， 立時為味蕾帶來十級享受， 我推介這個。。。 真的做得好食。蕃薯藜麥沙律 $118吃完重口味的

🍽𝐵𝑟𝑒𝑎𝑑 𝑎𝑛𝑑 𝐵𝑖𝑠𝑡𝑟𝑜———————————————🐈：今次係第二次嚟，好開心見到間餐廳有好多人幫襯，因為都有擔心過一間咁高質嘅餐廳會因為個location而缺少生意！我同朋友係特登再嚟㗎🥰🥰，叫咗兩個上次餐牌無嘅飯！———————————————🌟極上蟹肉海鮮 鰹魚湯泡飯好驚喜！估唔到會咁足料有成四款海鮮🦞！！有鮮蝦、青口、墨魚仔同蟹肉，全部都係好新鮮彈牙。個湯都好鮮甜，除咗鏗魚，仲會有淡香嘅海鮮味同埋香菇味，高質！_🌟日式洋蔥牛肉飯味道唔錯，牛肉香，肉質腍，洋蔥汁甜度適中。我鍾意佢加咗粟米嘅配搭，粟米嘅清甜會中和返個飯嘅油膩感。_🌟巴斯克芝士蛋糕呢間嘢嘅甜品係唔會令人失望💓，個面夠燶，芝士味夠香濃，正！_🌟 Cappuccino 配紅莓餅呢度嘅咖啡唔錯的，欣賞佢地會跟返Biscotti，點咖啡再食再飲啖咖啡🥰，完美。———————————————#黃竹坑美食 #香港美食日記 #香港美食地圖 #香港美食 #食好西 #hkg🇭🇰 #hkfoodie #hkfoodblogger #instafood #foodstagrams #foodlover #hkfoodlover

今日lunch 得閒，黎左黃竹坑站附近食下野～ 揀左呢間餐廳，裝修精緻而且主打日式fusion😆叫左個主食+甜品😆三文魚波菜意粉 煙三文魚砌左朵花，好ig able😆 而且加左好多雜菇做配料，配以青醬整個意粉，味道好豐富👍☺️Weekday 跟餐湯 蕃茄湯
好濃蕃茄味，而且夠熱，抵讚👍布丁燒今次揀左原味嘅布丁燒，唔會死甜，食到布丁同cheesecake ge texture 😆

最後加左杯熱latte 飲，有個拉花，perfect end。

昨日去黃竹坑行山，行完真的很肚餓啊，和朋友一起經過見到有間西餐廳裝修不錯，叫Bread and Bistro，這餐廳樓底好高, 入到去空間感十足, 客人多但都舒服！我和朋友都肚餓點了主食的為主：沖繩特色豚肉塔可飯呢個十分特別，有日本風味，啖啖碎牛油果加優質豚肉好好味！三文魚意粉濃濃忌廉充滿意粉和新鮮三文魚配搭是絕配之選！Bread and Bistro 📍黃竹坑香葉道2號One Island South地下G06號舖

🐝 Bread and Bistro (黃竹坑)🐝…✨ 日式咖哩芝士滑蛋 配 日式炸雞 $128個炸雞非常嫩滑同juicy ，😍而且炸粉非常薄，唔會食到好漏。😋個咖喱係日式嘅，完全唔辣，甜甜地，炒蛋嫩滑，😚而且芝士味香濃，拌飯一流。…✨卡邦尼意粉 $128好Creamy，都有奶香，😋😋而且食落有好濃嘅香草味，好特別，味道唔會太單調。配料份量亦都好多，🤩食到蘑菇片同煙火腿，好夠鹹，意粉份量好足，好夠飽！😆…✨伯爵茶布丁燒 $38個日式布丁燒好有伯爵茶味，😍😍個布丁非常creamy，😋加埋底下嘅伯爵茶蛋糕同埋焦糖嘅味道，而且入口即溶，口感同味道一流！😆😆…整體評分食物：🤍🤍🤍🤍🤍服務：🤍🤍🤍🤍🤍環境：🤍🤍🤍🤍🤍價錢：🤍🤍🤍🤍…📍黃竹坑香葉道2號One Island South地下G06號舖

第一次係黃竹坑食飯，原來呢頭都好多吸引既餐廳。今次試 Bread and Bistro，係一間日式同西式既fusion 餐廳。Menu 有好多不同類型既選擇，烏冬、意粉、burger 等等。🦀 蟹肉小龍蝦鰹魚湯泡飯湯底好清，有淡淡鰹魚汁味。蟹肉同小龍蝦份量都多。飯用咗紅米飯， 亦有西蘭花、白椰菜花、蘿蔔伴碟，健康之選☺️🐄 日式洋蔥牛肉飯份量大，牛肉多，肥瘦岩岩好，配上溫泉蛋，仲有冬菇、蔥同栗米，撈飯一流。🍮 伯爵茶布丁燒成個布甸都有濃郁嘅伯爵茶味，同一般布甸唔同，佢上層布甸下層蛋糕，多重口感👍🏻