Bread and Bistro (已結業)

星期六約左好姐妹去黃竹坑嘅One Island South食個 #brunch ，第一次去黃竹坑原來地鐵好方便，一出地鐵就係One Island South！餐廳裝潢用心，落地大玻璃嘅自然光，加上工業風嘅特高樓底，空間感十足！Menu主打西餐飯同意粉、手工麵包、Café 同甜品等輕食。🥑牛油果塔可飯 加三文魚 $118 喺menu 睇倒呢個牛油果塔可飯好似沙律咁幾得意，仲可additional 加三文魚肉添！成座沙律山咁嘅造型，頂層有大大片三文魚肉，下面就係口感煙韌嘅糙米飯，配料有牛油果蓉、蟹籽、青瓜粒、沙律醬、生菜絲同芝麻等，食落又似沙律又似飯，好fresh 口感豐富！推介 ！🍠🥗番薯藜麥沙律 $108由炸番薯同炸薯角做主角嘅沙律，睇見都想食！炸得香口又鬆脆嘅番薯🍠同薯仔🥔，真係外脆內軟～ 沙律菜🥬新鮮又爽甜，再配上淡淡芝麻香嘅沙律醬，加埋藜麥一齊食更美味仲好飽肚！🍰巴克斯芝士蛋糕🍰 $38甜品太多花多眼亂，店員推介芝士蛋糕，果然冇介紹錯，入口香滑，仲有濃濃芝士香味！兩個人食份量啱啱好！

今日去咗黃竹坑附近行個圈 我行過見到間餐廳好多人 附近又唔熟路 結果決定入去試吓 明明已經唔係lunch hour 都爭啲滿晒座😳一見到個餐牌就叫咗個漢堡扒芝士流心蛋咖喱飯 一嚟到個賣相已經好靚 有齊晒日本咖喱嘅必需品 薯仔同蘿蔔 佢個薯仔並唔係就咁烚熟扔落去咖喱嘅感覺 而係炸咗嘅薯角 再點咖喱汁嚟食。。。真係好正 😍😍個咖喱唔係好辣 甜甜地加埋個漢堡扒入邊有芝士 食嘅時候真係大滿足呀 配埋蛋汁 無得頂🤩另外叫咗個all day breakfast 好足料 有炒蛋茄汁豆 薯餅 漢堡扒同pancake 個樣好正！ 個pancake好鬆軟 配上蜂蜜糖漿 個炒蛋亦都好嫩溫 薯餅配上茄汁豆簡直係一絕 漢堡扒亦都煎到好香😋食晒兩個主食之後就叫咗個布丁燒 味道好濃配上鬆軟嘅蛋糕底 又係一個必要推介😋😋總括嚟講 呢間餐廳真係不枉此行 值得再戰

今天中午來到Bread and Bistro食午餐，首次到來喔，問了服務員比較受歡迎是什麼食物，她說是咖哩。立即點了一份咖哩漢堡飯+House coffee+是日餐湯(送的)約128+11.咖哩味道超棒，味道調較得剛好再帶點辣味，味道很開胃，配飯一流，流心漢堡切開仍然是新鮮流出來的2.House coffe正常3.是日餐湯也是超棒的，當初跟我說是西洋菜湯我以為是茶餐廳那種，原來是把西洋菜打碎做成的西式湯帶點Creamy,好喝，不知不覺已經飲哂

嚟黃竹坑唔一定係去海洋公園嘅，今日就嚟到呢間位於One Island South嘅 Bread and Bistro. 餐廳樓底高，大玻璃窗透果度足，感覺十分寫意。All day breakfast$120 薯餅奇脆無比，漢堡扒都煎得好香，沙律菜夠爽口新鮮，醬汁酸酸地好清新。日式咖哩芝士滑蛋配日式炸雞$128烏冬麵條彈牙，口感十分立體， 薯仔煮得好腍，炸雞皮薄得嚟都好酥脆，而且一啲都唔油膩，滑蛋入口油香順滑，非常出色呀。巴斯克芝士蛋糕$38蛋糕口感順滑，味道經典，表面燶燶地好有風味。

從2018年就開始幫襯Bread and Bistro，當年夏天要去黃竹坑工作，一出港鐵才發覺原來該區開滿西式咖啡廳，試了數間後發覺最好吃就是他 以此之後九龍人一有時間就會襯假日去食個靚靚全日早餐再加杯咖啡！假日下午茶時段坐位都很寬敞舒適，服務人員客氣有禮。點好食物後便靜靜地等待著食物來臨，每次能夠看到熱騰騰的食物配上別緻的擺盤，永遠都不會失望！！除了全日早餐，之前也試過Burger，炒飯和Pancake，全部都很推介 🥂

年尾清大假，呢日專誠入黃竹坑搵朋友食lunch。朋友帶咗我去佢公司樓下一間佢成日食嘅cafe到開餐。Cafe樓底高，門口嘅落地大玻璃透入自然光好舒服，內裡裝修簡潔有型，而且已經有唔同嘅聖誕佈置，充滿節日氣氛😍牛油果蟹肉沙律 $138擺盤靚靚嘅豐富沙律！有大量不同款式嘅新鮮爽甜沙律菜！而且蟹肉嘅份量係超多，一座小山丘咁，食極都有，非常鮮味！酸酸甜甜嘅黑醋汁，食落清新開胃，好fresh好健康！伴碟除咗有車厘茄，仲有薯角，薯角炸得香脆唔油膩，食到停唔到口！卡邦尼意粉 $128卡邦尼好出色！意粉煮得啱啱好！煙韌彈牙！醬汁非常濃厚creamy，而且配料又多又豐富，有大量雜菌同煙肉。焦糖香蕉疏乎厘班戟 $118見到menu就已經決定一定一定要叫梳乎厘！見到實物果然冇令人失望！梳乎厘厚身，質感非常鬆軟，口感濕潤而且充滿蛋香，而家諗起都想返去再食過！焦糖香蕉呢個不敗嘅配撘，毫無疑問，香甜好味！梳乎厘上嘅cream又香又滑，仲有唔少嘅果仁碎，增強香氣，味道同口感！

趁週末天氣舒適，打算去黃竹坑南朗山行山， 出發前當然要醫飽肚先啦，睇下附近有冇cafe配合週末嘅輕鬆mood，便發現這間樓底極高的cafe位於商廈one Island south地下， 雖然黃竹坑係一個工業區，出奇地發現cafe好多人番薯藜麥沙律($108)配搭炸番薯和炸薯角，炸得很脆身，而且都夠飽肚黑松露醬野菌意粉($128)有超濃郁的黑松露味，忌廉感十足， 喜歡食creamy口感嘅人一定很喜歡原味梳乎厘班戟($97)有三大件厚厚的梳乎厘班戟，都夠軟熟，不過放耐咗有點乾身凍expresso($42)係用檸檬tonic water製成，與其說是一杯expresso，不如說是有咖啡味的檸檬梳打，味道幾得意，很醒神清爽泡沫咖啡($39)表現正常

難得唔使早起，瞓到自然醒，有人提議去黃竹坑歎個早午餐。原來一早已經有目標，睇中左 One Island South 地下呢間「Bread and Bistro」。餐廳鄰近港鐵站，環境很舒服，集手工麵包店同 Café 於一身，客人既可以過嚟買各款特色麵包，也可以坐下來吃點西餐輕食。好鍾意入面嘅佈置，走舒適簡約風，加上落地大玻璃讓自然光透入，感覺開揚光猛。餐廳主打日式西餐，我哋點左兩個主菜，另外再加左客甜品。卡邦尼意粉 ($128)  意粉嘅火候掌握得啱啱好，麵質有彈性，煙韌而不過腍，醬汁帶濃郁嘅芝士香。Pancetta 肥瘦均勻，送上時已切成條狀，入口帶脆有鹹香，份量十足。至於另一客日式咖喱配流心芝士漢堡及溫泉蛋飯 ($118)，賣相亦很吸引。漢堡扒大大塊，非常厚身，中間釀入了芝士，用刀輕輕一切，芝士隨即緩緩流出，嚐一口，肉扒啖啖肉，鬆軟又多汁，入口「芝」香滿溢。咖喱汁味道亦唔錯，好香濃，夠杰身但又唔會過稠，戳破旁邊嘅溫泉蛋，入口滑嫩又有蛋香，用嚟撈飯食一流！甜品揀左客經典原味梳乎厘班戟 ($98)  班戟擺盤相當精緻，食落口感好鬆軟，軟綿Q彈，而且亦唔會過於濕潤，淋上糖漿，再配埋又香又

黃竹坑自從有地鐵之後，熱鬧咗好多，進駐餐廳也越來越多，但始終我心儀的只有數間，呢間是其中之一。牛油果蟹肉沙律份量好多啊。牛油果，蟹肉，蕃茄，沙律菜，薯角……..極之豐富，前菜嘅開胃之選。黑松露醬野菌意粉意大利麵條硬度適中，沾滿黑松露醬汁，惹味十足。野菌的配搭十分夾味。原味梳乎厘班㦸彈彈吓的梳乎厘是我的至愛。蛋味香濃，綿綿滑溜，像風的一下子就食完，近乎完美。享受美食，輕輕鬆鬆的又過了一個愉快的週六。

好耐冇去過黃竹坑呢個地方，知道開咗好多新嘅商廈，亦進駐咗唔少有特色嘅餐廳，今次揀咗呢間好近地鐵站嘅西餐小店。餐廳走小清新路線，餐牌有好多選擇，keep住都有食客進進出出，好熱鬧。自家製黑松露醬牛油果蟹肉沙律，上網見呢個係必點，真係好足料！蟹肉同牛油果一啲都唔吝嗇，加埋黑醋落沙律菜到好好食！自家製黑松露醬野菌意粉，味道超香濃，估唔到呢個會咁出色！黑松露香味好出，意粉al dente，雖然醬汁好濃，但都唔會覺得好膩～蟹肉小龍蝦意粉配龍蝦汁，呢款比剛才個款無咁濃，但就比較開胃，大量番茄熬成醬汁，配上龍蝦汁，意粉掛汁外仲食到啖啖蟹肉。飲品方面有Dolci Mocha，朱古力味會再出啲，不過如果飲品熱啲會更好～Affogato配阿華田雪糕，濃濃嘅expresso配上阿華田雪糕，配搭出奇地夾，咖啡味好香！

難得今日同朋友去開南區，所以特登去咗而家發展得好快既黃竹坑區食個tea😇——————🐽 安格斯牛肉壽喜燒烏冬安格斯牛肉好嫩滑，壽喜燒汁既湯底好清甜，配料亦都比得好多，紅蘿蔔白蘿蔔都煮到好入味吸曬d汁🐽 牛油果塔可飯好特別既一個配搭，三文魚肉加上牛油果、沙律醬同生菜絲，配上用糙米飯整既飯底，有小小沙律撈飯既感覺，但出奇地好食🐽 綠茶布甸燒綠茶布甸加上蛋糕底既甜品，布甸好creamy又有淡淡綠茶香，唔會太甜味道好平衡🥸

去海洋公園玩，FD話想食pancake，在OP上搵到哩間cafe都幾近海洋公園，咁來試試啦。從海洋公園出來坐一個站到黃竹坑站，離開地鐵站5分鐘，位置算就腳。鋪頭裝修喺工業風，都幾啱打卡。因為唔是好肚餓，揀咗牛油果蟹肉沙律同焦糖香蕉口味pancake，要減肥，飲水就OK啦。牛油果蟹肉沙律品種都幾豐富，有車釐茄，火箭菜，綠甘藍，紫甘藍，生菜，牛油果，炸薯角同蟹肉。蟹肉分量好大，同沙律菜撈埋一齊，都食到唔少蟹肉。沙律醬用左油醋汁，食落好健康唔會滯。好鐘意食甘藍菜，味道好特別同埋好脆口，FD就唔喺更鐘意甘藍菜D味道，全部比我食哂食到好飽添。焦糖香蕉口味pancake好大一碟，擺盤幾靚，一份有3大件pancake。Pancake整得好鬆軟，食落蛋味好足。搭配啲cream好輕盈，食落真喺唔會好滯。焦糖香蕉超好味，每一件香蕉上面都有焦糖薄脆，食落好脆口同埋好重焦糖味，同pancake一齊食真喺超滿足。好快已經食哂成份pancake，完全唔夠喉，早知道更好味應該叫多一份食。食完加吹水都坐咗差唔多個半鐘，哩間鋪頭完全冇趕客，仲不停加水添，以後再去海洋公園完，一定要encore哩間鋪頭！

Bread and Bistro地址 ：黃竹坑香葉道2號One Island South地下G06號舖G06, G/F, One lsland South, 2 Heung Yip Road, Wong Chuk Hang黃竹坑人生中只會因去OCEAN PARK 而踏足, 自有了MTR 後, 由家出發都只是20分鐘車程(不是幫MTR 賣廣告)。門口好顯眼, COZY 大地色系風格加上大玻璃窗ALL DAY BREAKFAST, SALAD, PASTA,PIZZA, DESSERT 輕食, COFFEE等等, MEMU 上選擇豐富過一個懶洋洋的SUNDAY$148 all day breakfast ,bacon mushroom,egg,sausage, hash brown ,salmon ，假日食就是生活態度。$118 Cheese beef petty and egg curry rice疊高左一層層，拮開隻溫泉蛋撈埋咖哩汁，日式咖哩帶甜伴飯好好食，漢堡扒切開有流心芝士。甜點品好出名,Xmas version原味 cheese cake 望落似聖誕樹 ,旁邊個strawberr

甚少踏足黃竹坑，剛好經過附近便跟朋友相約來這裡共晉午餐‼️🥰 餐廳樓底高裝修簡約時尚，營造出舒適的氛圍‼️💛🧡💚▫️❥$𝟭𝟰𝟴 ᴀʟʟ ᴅᴀʏ ʙʀᴇᴀᴋꜰᴀꜱᴛ🍱 漢堡扒/煙三文魚(2選1)漢堡扒不乾、肉汁飽滿‼️👍🏻 新鮮的小蕃茄、炒雜菌、煎雙蛋、炸薯餅、焗豆、香腸、煙肉和牛油麵包‼️ 🥯🍳 滿滿的一碟使人心情愉快‼️😚▫️❥$𝟭𝟯𝟴 黑松露牛油果蟹肉沙律🥗 新鮮的沙律菜鋪在底部‼️再加上很多很多的牛油果肉🥑 頂部是一絲絲的蟹肉，份量多得誇張‼️👍🏻 單是這碟沙律已令人有飽足感‼️🐷▫️❥$𝟭𝟭𝟴 沖繩特式三文魚牛油果塔可飯🥑 第一次試塔可飯，材料都很健康喔‼️有蕃茄、青瓜顆粒、大量沙律菜、牛油果肉和熟的三文魚‼️👅 加了沙律醬再撒上飯素，可口美味‼️😘 很大一碟，底部的飯都吃不下‼️😎▫️❥$𝟰𝟮 ᴍᴏᴄʜᴀ☕️ ❥$𝟯𝟵 ꜰʟᴀᴛ ᴡʜɪᴛᴇ☕️ 都有美美的拉花‼️❤️

位於黃竹坑地鐵站附近，大約行5分鐘就會到。裝修幾精緻，座位之間有足夠嘅空間，坐得舒適。雞絲牛油果塔可飯：以前去沖繩旅行嘅時候食過，竟然喺呢間Cafe度有呢款食物，所以就即刻叫咗。佢嘅材料係well balanced, 每一啖飯都會食到牛油果，而且好fresh.極力推介!! 日式咖喱流心芝士漢堡溫泉蛋配烏冬：切開塊漢堡後，芝士會從入面流出，漢堡同芝士嘅配搭做得好，味道有層次。烏冬撈勻咖喱後一齊食，烏冬掛晒汁，而且夠滑。唔錯唔錯。水牛城雞翼：新鮮即整 所以非常脆，配上醬汁帶點辣味 惹味。日式燒布丁(伯爵茶)：燒布丁有雞蛋、芝士蛋糕和焦糖汁3層，層次分明 食到好香的茶味 亦唔會太甜 價錢唔貴 超好味，推介推介。水果梳乎厘班戟：班戟有好重好香雞蛋味，而且充滿軟綿綿嘅空氣感 有3件。令人想一食再食，水準拍得住日本食到嘅班戟，推介!!水果茶:水果茶味道都OK 不過如果再多D 熱情果 酸D 更好Flat White:都幾大杯 咖啡味唔錯 仲有件餅送 唔錯想食日式的taco rice同souffle pancake一定要試呢間!!!!