Burger Bar (已結業)

本想去蘭桂坊吃日式石燒牛，今晩來到才知道已經轉址了，現在開了漢堡店，也難怪的，去蘭桂坊的也多了喝酒派對的人，吃漢堡喝啤酒較為適合。我倆也不想掃興，所以也進去試試。餐牌簡單易明，有九款漢堡選擇，還有小食和飲品，可惜店員說還未有酒牌。椰青水 ($25)貼心的餐廳還有膠手套提供呢，可以放心盡情地用手吃了。我點了大蘑菇扒漢堡 ($128)，看到師傅是即叫即做的。用了安格斯牛肉、車打芝士、大蘑菇、生菜、蕃茄、炒洋蔥和特制醬汁製成的漢堡未必太有份量了，一口也必定吃不下。漢堡扒很美味，鮮嫩帶豐富肉汁。加了大蘑菇就更香更有口感，非常好味。寶寶的英式早餐漢堡 ($105) 是安格斯牛肉、雞蛋、車打芝士、煙肉、生菜、蕃茄、炒洋蔥和蕃茄醬製成。就好像把平時在 Cafe 吃的英式早餐搬了上漢堡包一樣。好厚身好豐富呀！還點了個炸魷魚 ($55) 小食，即叫即炸超好味呀，魷魚彈牙，又炸得香脆惹味，沾上醬汁味道很夾。

食 Burger 來來去去嗰幾間，的而且確係有點悶。得知 Burger Bar 登陸 LKF，梗係要一探究竟啦～英式早餐漢堡：每咬一啖都食到多種英式早餐的食材，加上麵包內側搽上蕃茄醬，酸味味非常開胃。大蘑菇扒漢堡：厚厚的大蘑菇軟軟的而且十分 Juicy，另外帶著煙肉的咸香，惹味非常。炸魷魚：是即叫即炸的，而所用的炸粉並不多，能夠食得出魷魚本身的彈牙口感。紫菜薯條：同樣是即叫即炸，外面脆卜卜帶著紫菜碎的香味，裡面是軟綿綿，食完一條又一條。我們一邊吃著，一邊喝著蘋果汁和橙汁，過了一個不一樣的周末。

蘭桂芳新開業的Burger店，上次來的時候還是吃吉列牛的steak bar,想不到幾個月後就改名了。Steak bar改為於銅鑼灣登龍街開店，但兩者店名同樣有 “bar”一字，想必2者的店主應該是同一人呢😌。餐廳細細間，地方比較窄。由於只有一名廚師主理，要有心理準備食物出品會耐少少。主打數款burger，中環的價格一向也差不多。大蘑菇扒漢堡 ($128)Steak Mushroom Beef Burger（安格斯牛肉，車打芝士，大燒烤蘑菇，生菜，蕃茄，炒洋蔥，招牌特製醬）草根去到burger 店必點牛肉漢堡，特色除左有大蘑菇之餘當然少不了安格斯牛肉🐮！一次過滿足貪心嘅大家😂。麵包好香牛油味，烘到外脆內軟夠鬆化。大啡菇菇味香濃，而牛肉漢堡夠哂厚，食落肉汁滿滿，牛味頗為突出👍🏻。👩🏻草根姐姐最欣賞自家製嘅招牌特製醬🙌🏻酸酸甜甜好惹味。題外話，草根姐妹👭一致認為如果一對Couple岩岩開始拍拖千奇唔好食Burger🍔，真係好易醜態盡現呀😏！雞扒漢堡 ($85)Chicken Burger（煎雞扒，生菜，蕃茄，炒洋蔥，蜜糖芥末醬）👩🏻👧🏻草根姐妹一坐底，店員就主動介紹左幾款特色Burger🍔俾

適逢世界盃熱潮我同朋友去咗蘭桂坊飲嘢兼食飯，當日我哋去咗一間啱啱開張無耐嘅美式漢堡餐廳，見到佢嘅開放式門口同簡約嘅裝修就比佢吸引左入去啦！由於當日有2個朋友一齊去，所以我地分別嗌左3個完全唔同既Burger諗住大家share食:招牌流心芝士漢堡，英式早餐漢堡同雞扒漢堡。另外我地仲加左個Promotion既薯條同洋蔥圈。3款burget都各有特色，首先有我朋友嗌既招牌流心芝士漢堡，佢既芝士味好濃郁但同時無掩蓋左牛肉既香味，每一啖都好似真係有芝士流緊出黎咁而我簡既係呢個特別既英式早餐漢堡，佢將All Day Breakfast有既材料都放左入去，煎蛋牛肉漢堡扒蕃茄煙肉一應俱全，而我個人認為可以首先拎起，食到一半既時候可以放返入去，如果唔係2大塊煙肉真係令我地唔知點食起最後我朋友嗌既雞扒burger亦都無令我地失望，黑椒汁既味道無蓋過左雞扒既juicy同鮮味，每一啖既雞扒都有好多肉汁並唔似市面上有啲burger將雞扒煎到好乾，值得一試再試呀！

老公返工經過蘭桂芳見到有間漢堡包店新開，佢知我鍾意食 burger，即刻話要去食。我同佢都叫左 Classic beef burger，因為我地第一次食、都係會先試佢地嘅經典野先即叫即整架burger 好 juicy，裡面嘅蔬菜好新鮮！Yummy塊包又輕輕烘過、少少脆好鍾意佢地夠晒細心、每張枱都有紙巾同膠手套、因為個漢堡包真係又 juicy 又大份，有手套無咁狼狽如果有啤酒飲會更開心得個包唔夠喉，要叫返啲炸野先開心呢個炸魷魚真係好好食，新鮮炸起上黎、熱辣辣

世界杯舉行之際好多人都對老蘭避之則吉，的確 不再年輕的我們有點怕太熱鬧怕太熱情了（中女心聲），雖然自己都係世杯期間向馬會進貢了不少，但熱情只限於小賭，不在真正的輸打贏要趁8強前幾日既空檔去試下呢間望落好正既burger!由於係新餐廳嘅關係，menu似乎選擇唔多，當然要有嘅都會有，例如單層或雙層漢堡，加煙肉加芝士甚至大啡菇，side dish一如既往都係薯條魷魚炸物，但未有酒牌既情況下總覺得缺少咗一股爽勁！係店員推介下試咗一個大啡菇漢堡(Steak mushroom beef burger)，小店係即叫即整，所以都等左差唔多3個字先有得食！不過聽住師傅煎肉扒既"sizzling"已經係最好既開胃菜，難怪呢個被評為最幸福聲音之一！由於漢堡太大個，一上枱我已經迫不及待戴好手套開餐，都影唔到入面既菇同肉係juicy到滿瀉既情況！！除左juicy外真係唔知可以點形容！漢堡扒質地結實，BBQ味調味適中，兩面煎得非常香而且大火喉有助鎖住肉汁；醬汁用既係偏甜既mayo加稀版甜mustard，同漢堡扒配搭得恰到好處 唯一可以再好啲嘅，就係「麵包」皮可以輕輕烘烤一下再夾，會更香更正！（純屬個人喜好）xD一

約了朋友在蘭桂芳飲酒，但因為我早到了，又好肚餓，所以先在蘭桂芳搵食，見到近近地有間Burger Bar 好吸引，專食漢堡包。我點了一個炸魚漢堡，餡料有炸魚柳，生菜，蕃茄，他他醬。漢堡包即叫即做，嘩。。。估唔到咁大個漢堡包，炸魚柳有手掌咁長，而且肉質夠厚，啖啖魚肉滋味，魚柳外層炸得香脆，唔會好乾，但因為太大件啦，要分開食，麵包上有黑白芝麻，食落更香口，而且微微烘過，少少脆，好鬆軟，太好味了～～～～～～～

約左朋友6點半黎試新野,事緣上網見到有個流心牛(不是劉心悠)對上一次黎呢度係食STEAK,不過而家就搬左去CWB,呢度就維持原型,變左做食BURGER既地方桃汁無加冰,所以好濃,有D漿口,好似都係飲可樂襯D😅等左15分鐘度就有野食,朋友就要左大啡姑牛,見到佢一路食D汁一路滴雖然係狼狽D,但餐廳都提供埋手套,無有怕啦!我係為左個流心牛而黎,就梗係食佢啦!好多芝士,好正!重點係D料唔會食食下跌左或者走埋一邊!炸魷魚圈可以有幾出色,我諗真係黎呢度食過先知,睇落係無特別嫁!不過食落你就知,佢唔同出面果D魷魚同炸皮係分開.佢既魷魚好彈牙,唔似係一般雪藏既貨,連朋友都話未食過咁正既魷魚圈! 不過如果有汁點相信會更加正!半份薯角都覺得好多,結果係食唔哂既

餐廳位於蘭桂坊中心地帶❤️當人人都去飲酒Happy hour嘅時候，小妹就約左朋友挑戰大大大大漢堡包🍔🍔🍔餐牌有9款漢堡包可以揀，另外仲可以配薯條或者沙律🥗小妹一向歡喜魚，當然係叫炸魚漢堡包啦～～～～仲配左半份芝士薯條🍟🤤 芝士薯條，超香口，送酒一流🤭魚柳超超超大塊！魚肉好滑，真係不得了！外面脆卜卜，裡面滑流流～～～🤤好正👍🏻再黎～流心芝士漢堡，朋友話佢每次黎都必點！漢堡勁厚勁大塊！！講到咁正，小妹梗係試一試啦😂切開一半！！發現真係有流心芝士係漢堡入面！！！ 食落好juicy，口感好豐富，不過真係好大個🤣🤣🤣 女仔食半個就已經飽飽地，更何況小妹仲食左個半個炸魚漢堡打左底😂 再黎大磨菇扒漢堡！！呢度嘅漢堡真係超超超巨型！！絕對係一分錢 一分貨！無呃錢！！！磨菇漢堡都唔錯，不過小妹依舊偏愛魚多一啲，因為個魚真係好好好滑！小妹明明飽左，但都堅持要自己食埋個炸魚漢堡😤單單呢一點，就知有幾吸引啦！！

曾經在這個地方品嚐過鮮嫩多汁的板腱牛扒及外酥內軟的吉列牛扒，事隔數個月再次經過發現當時的Steak Bar已經換上Burger Bar招牌，原來Steak Bar已經搬遷至銅鑼灣繼續營業，而中環這個舖位則轉為售賣漢堡包。首先值得一讚的是這裡有即棄手套提供，令食客可以方便整潔地享用向來總會吃得狼狽不堪的漢堡。九款漢堡包由$80至$145不等，價位與坊間漢堡包專門店相若，以中環蘭桂坊的地段而言價格更算甚為相宜；另外漢堡包可以再加配各款配料，自由度高。大蘑菇扒雞蛋漢堡 ($138)店方標榜漢堡所用牛肉皆是USDA認證安格斯牛肉，牛肉漢堡質感鬆軟而不死實，肉汁豐沛；麵包抹上牛油烘得香酥帶脆，更配以鮮美多汁的大燒烤蘑菇、車打芝士、特製醬汁、炒洋蔥、生菜和番茄，再另外加配雞蛋($10)，份量十足。雞扒大蘑菇雞蛋漢堡 ($135)除了牛肉之外亦有魚或雞甚至是素食漢堡選擇，這款用上的雞扒煎得雞皮微微焦脆，雞肉鮮嫩多汁，毫不乾韌，加上蜜糖芥末醬、炒洋蔥、生菜及番茄，另外加配大蘑菇($40)及雞蛋($10)令漢堡層次更加豐富，不過麵包受到肉汁及蘑菇水份影響，無可避免較快容易變得濕軟。大蘑菇扒漢堡 ($12

今日同個FD係中環行街經開蘭桂坊，發現哩間burger店內裝修幾靚，餐牌封面大大個漢堡包，就咁比佢吸左我入去。入到店內，食客唔算太多，可能我比較早食晚飯，職員都好主動過來推介食物，我想飽肚d就選擇牛魔王包，亦係最貴的一個包，於是點左以下食物:先來一杯清甜檸檬汁，幾好飲，最初以為會好酸，但其實唔會，微微酸反而帶點開胃。其次食物終於黎喇，先黎左兩個小食炸物，魷魚圈和炸蝦，炸粉不會太厚影響左口感，醬汁只有茄汁，兩者黎講，魷魚圈比較好食，容易咬開唔會太韌。最後係黎主角，兩個巨大漢堡包，我點左職員推介既牛魔王，我個FD就點左個有大磨菇既包，先講牛魔王，有兩塊好厚既牛肉餅，加埋有芥茉味既汁好夾，由於個包太巨大既關係都不能太顧儀態，好在店鋪都有提供埋膠手套比你，可以不沾污手之餘又大大啖咬落去，食完個飽之後，確實有d飽，至於另一個大磨菇包，一樣都有一塊厚牛肉餅，再配上醬汁，但我真係食唔出咩醬汁，只記得係有點帶甜味，對女士黎講，一個巨包確實食唔晒，最後都投降pass左個包比我食埋，唔好浪費食物，最後埋單$440(包埋加一)。總括黎講，味道可以，食物賣相唔錯，價錢貴唔貴就見仁見智，我覺得可以接受，地點在蘭

去蘭桂坊如果唔想飲酒都可以食下漢堡，呢間burger bar位置就喺蘭桂坊入口附近，佔盡地理優越位置。裏邊大部份都係高枱，我同朋友坐係個台上面感覺上似去咗高級酒吧，隔離就有一個廚師好開揚咁喺度整緊漢堡，見到佢好俾心機整緊菜式，成個廚房理應好大油煙，但係竟然油煙冇吹出來，抽風系統做得非常好。我哋每人叫咗一個漢堡，朋友本身想試個菇，我就食咗個牛肉扒，個漢堡真係好大仲大過隻手掌！總共有三層！漢堡裏面放咗兩隻大草菇，連埋芝士一齊煮，芝士被熱力融化變成芝士菇，芝士完美浸入菇身，真係好好味，成件事個質感好軟綿綿，暖入心。牛扒又係好Juicy而且好厚身，唔似平時出邊食到嘅漢堡扒牛肉係有texture，好豐富！裏面仲有番茄同生菜，可以平衡返營養價值，食材非常新鮮。另外仲叫咗啲小食襯托返個漢堡，全部都好大份，最鍾意食嘅係炸魷魚，啲魷魚唔會好痴牙，用嘅粉亦都唔多，唔會食到成口粉，係食到魷魚嘅鮮味！嘢飲方面我哋叫咗椰子水，同埋佢呢度獨特嘅茶，兩款都有解肥膩嘅作用，飲完之後成個人清新晒。

中環蘭桂坊新開左間餐廳, 餐廳主打漢堡 餐廳在蘭桂芳𥚃面，找了很久 店舖面積比較細，坐得比較擠迫  這𥚃一共有九款漢堡 漢堡牛、雞扒、素菜、炸魚都有，款式也算大眾化的  另外有小食飲料可以選擇  飲品方面點了果汁先生同蘇打水  吉列炸蝦 $48 外面金黃香脆，裡面的蝦爽口彈牙，配上沙津醬都不錯   招牌流心芝士漢堡 $115 裡面有流心芝士、安格斯牛肉、車打芝士、生菜、番茄、炒洋蔥及招牌特製醬 份量十足的漢堡扒，整塊安格斯牛扒鮮嫩多汁肉味香濃，香味撲鼻  另外跟餐加 意大利沙律 $18 加了柚子醋的新鮮沙律菜，清新開胃 可是份量少得可憐，根本不值$18  素田園磨茹扒漢堡$80 蘑菇彈牙多汁，層次相當豐富，吃後齒頰留香！  跟餐加左個炸薯條 芝士味 $18 份量好多，薯條粗身有口感 外層香脆炸至乾身，芝士味好濃，非常惹味。 ———————————————— 【Burger Bar】 地址:中環蘭桂坊7號地舖 電話:27499908

是日星期五，放工梗係要落蘭桂坊chill一chill！一轉上蘭桂坊就見到呢間Burger Bar，門面細細冇咩特別，見到入面既高腳枱凳。睇到個menu，價錢都唔算貴，就一於試下佢啦～ 店面唔大，但枱同枱之間都唔算逼。採用開放式廚房，客人可以見到野食既烹調過程，仲可以聞到煎扒既香味，但又唔會成間舖都煙霧瀰漫、好多油煙味！我地叫左3個burger、2客小食、3杯野飲。 因為得一個廚師同一個侍應，所以野食既上菜速度都唔係太快。首先黎既係飲品：Burger Bar Special Lemonade 自家製清甜檸檬汁（$25）Half & Half (Lemonade with Tea) 特製檸檬紅茶（$28） 兩個都係即叫即自己沖既，個人比較中意檸檬紅茶，因為有啲茶味，比起就咁檸檬汁有多一個層次。之後就到小食喇：French Fries (Seaweed Powder) 炸薯條（紫菜粉）（$22）薯條好好味！尤其是係粗薯，我地特別中意～不過就覺得其實就咁食都已經好好味，紫菜粉有冇都ok哈哈哈Onion Rings 洋蔥圈（$55）好鍾意食洋蔥嘅我好啱食～炸得好脆，炸粉都唔會話太厚之後就到bur

《Burger Bar》 #中環 #Burger📍中環蘭桂坊7號地舖-黎到蘭桂坊唔係淨係飲酒嘅 仲可以試下間新開嘅Burger🍔🍻😋-🔹Steak Mushroom Beef Burger 大蘑菇扒漢堡 $128入面有 安格斯牛肉 車打芝士 大燒烤蘑菇 仲有生菜同蕃茄份量十足 一啖真係咬唔哂安格斯漢堡大約5成熟 中間仲係帶點粉紅 而且好厚又充滿肉汁🤤 最鐘意係個大蘑菇 又香又多汁 小心滴到身個包係幾鬆軟 我幾鐘意佢個醬 真係幾好味店內有手套提供 但呢個包太大個都食得有d狼狽🙈-🔹Signature Molten Cheese Beef Burger 招牌流心芝士漢堡 $115另外試埋個招牌流心芝士安格斯牛肉 無頭先果個咁厚身 食得無咁狼狽 而芝士味更加濃 岩哂芝士愛好者🧀-🔹炸薯條（半份）🍟 +$18即叫即炸 份量雖然唔多 但都夠食最愛粗薯 外脆內軟🤤-🔹蘇打水 $25🔹椰青水 $25-可以舒舒服服咁飲住野食Burger 其實係中環都唔係淨係得shake shack姐又唔洗排長龍🤭90sfoodieshare: 8/10