C.O.W. Dining (已結業)

同男朋友慶祝拍拖週年，想簡單食餐有情調既飯，又唔想太隆重同貴。咁岩佢同事介紹左間慢煮西餐廳，西餐得黎又係觀塘工廠區，好近我地之餘又唔貴。😎😎😎不過記得打電話去訂枱，因為慢煮係需要起碼兩個鐘時間預備一份main course。🕑🕛🕡🕢🕙🕘🕣🕣📞📞📞📞之後佢地會聯絡你落定單同入deposit.我地係星期一晚去，上到去人唔多，成晚有4~6張枱。大家都係傾計品嘗為主，唔會話好多人好糟。環境昏暗，有啲浪漫柔和既歌，仲會有蠟燭。唔算大，但勝在人少，乾淨企理同有心打理。我同男朋友叫左一個monthly promotion set and 5 course meal share.其實唔係好記得d 名😂雖然係兩個唔同set, 但佢會幫你分哂前菜or小食咁拎上黎，如果係share 既，會主動拎隻碟出黎比大家ahare, 唔會話一個有得食，另一個冇，好細心。前菜：唔知咩咩芝士😂好細舊，但芝士味香濃香煎鴨肝加慢煮菠蘿本身好鍾意食菠蘿，所以叫左呢個。鴨肝好香，對我黎講好evil, 因為有少少油。但放心，佢真係油而不👅既。至於菠蘿，正正常常，冇咩特別。 佢既沙津菜係現黑醋，我至愛。另外仲有個挪威三文魚沙津味道唔錯

就是中午飯去試，到達食店門口，一位穿著制服，身型嬌小，戴眼鏡及束馬尾的女侍應接待。重點是這個女侍應接待一刻已沒笑容及黑面，到我們一行4人坐下看餐牌點餐時，她站在旁邊帶著那張(黑面)瞪著我們，感覺全不受歡迎，她的另類服務態度真的趕客，(我們4人也全不滿意那位侍應的態度)我後來在坐著的位置上跟我幾個同事表達會投訴這個事件，那位態度惡劣的侍應聽到我們的說話後，態度180度轉變，帶著笑容問我們點餐。以一般食客心態，試新店遇到這種情況已是大打折扣！至於食物偏淡，沒有太大特色，餐廳裝修一般，整體而言不會再光顧！

香港人生活節奏急速，間中享受一下慢活生活/放慢腳步也許是一種奢侈！這天工作繁重又煩躁，要吃個豐富午餐使心情舒暢一點、壓力減輕一點。午餐選擇多，價格中上。Set Lunch 有齊餐湯、沙律、主菜、餐飲凱薩沙律，沙律菜鮮甜、爽口，溫度適中，不會太凍，沙律汁份量剛好。蕃茄湯，味濃，讚！蒜蓉法飽暖暖的，脆口，好吃！主菜：香草鯛魚枊配粉紅胡椒忌廉汁，賣相不錯，配菜的串燒形式上碟廷特別，薯蓉很滑身很 creamy兩塊魚枊非常入味，完全感覺到忌廉汁在魚塊內外游走！唯一要挑剔的就是魚塊底下的配菜，冬菇四季豆，味道太鹹！餐廳服務不錯，侍應有提示出示喜歡餐廳FB專頁可享九折優惠！另外，侍應會時刻留意著客人的進食速度上菜，讓客人吃完一樣接一樣，不會快餐店式上菜，還會替客人加水，讚！

龍版幾年前我帶大人黎呢度食生日飯,今次我生日佢同我黎返呢度食事前已經透過whatsapp揀好main course,店家亦要求落訂先,其實呢種做法對雙方都好,人地又唔洗浪費食材,客人又可以確保有留位我同大人分別揀左蟹湯同番茄清湯,不過其實我係為左兩粒雲吞個湯清得黎淡淡番茄味,幾開胃餐前小食賣相精美,口大嘅朋友可以一啖食哂,唔多唔少剛剛好香草麵包要俾個讚,暖暖地又唔會太多,bread stick我本身就麻麻地呢個appetizer都唔弱,好睇又好食,龍蝦唔係一大舊,少食多滋味.而且食完一道先會再上菜,俾夠時間慢慢消化用墨汁製成嘅意粉唔會食到一口中毒咁款,當然亦都唔會好似出面其他餐廳咁煮到"林"哂,帶子都ok大隻份量少少地,所有意少都沾到汁,而且自家製意粉都已經贏左唔記得左兩款main course係乜野....不過都係牛,要對餐廳講句唔好意思,我覺得伴碟菜好食過d牛(掩面)可能因為我鐘意食菜多過肉,所以每次都係俾伴碟嘅野吸引左兩個甜品放埋同一碟,蘋果捲好正~

九月尾食既爸爸生日飯，太多野想寫食評，隔左個長旅行拖到而家先寫🤦🏻‍♀️ 工廠大廈餐廳臥虎藏龍，無意中發現以慢煮菜為主打既COW Dining。是次已經係第二次黎，上一次造訪時無論食物定服務都非常滿意，介紹左比一個朋友，佢又黎左幾次😋 於是爸爸生日又食過番尋味！打去book位後會有人whatsapp menu比你。因慢煮菜色需時準備，要先揀好想食既main course，其他頭盤甜品等則可以去到先決定。餐廳亦可以喺甜品碟上加生日快樂等字句，當然我有request啦！最好就係免開瓶費/切餅費，一班朋友黎慶足岩晒。另外要入數比人頭$100訂金。餐廳裝修簡單，以深色為主調，枱與枱之間唔會太迫，適合傾計。落完單後先上免費starter。starter賣相精緻，問過waitress，係切片意大利黃瓜、青瓜、茄子，捲住bite-size水牛芝士，淋上少量餐廳自製Pesto醬，底有意大利醋，酸酸地，好清新開胃。我同媽媽都嗌左3-course set($238)，爸爸則嗌5-course($358 - $528不等，視乎你揀咩main course，有八折優惠)；兩者都可以喺兩款頭盤、兩款湯、幾款mai

呢間餐廳新開，靠牛頭角附近易拉架先知，見佢話有慢煮又有home made pasta，吸引左嚟試吓，否則真係唔會知，好隱蔽。見menu都好多款，由$88至$198都有。呢度set lunch原來沙律同湯都有。湯係海鮮忌廉湯，creamy配熱辣辣蒜蓉飽，nice沙律有驚喜，有大隻蟶子，上面有甜椒粒檻欖油，伴以沙律菜黑醋汁。慢煮紅酒牛肋肉，$168，真係好琳，有4條。伴菜有翠玉瓜燒得好香，薯蓉，甘筍，秋葵，娃娃菜。加$10有home made pasta, 都幾大份，可簡蕃茄汁，香草或蒜蓉炒意粉。選了蒜蓉，香口d, home made果然唔同口感，好煙韌，有口感。飲埋餐茶，完滿既午餐，間中係要豪一吓。

瀏覽openrice 多年，從未有推動力寫食評。在觀塘試過多不勝數的西餐晚餐，大多使我失望，沒有再次光顧的吸引力。以不用三百元的晚飯套餐來說，食物看出心機，服務也是意想不到的細心和專業。所以今晚第一次寫食評，來表示我對廚師和侍者的欣賞。侍應見我們帶著小童，告訴我們menu 上沒寫出來的兒童餐。兒童餐有果汁、餐前小點、餐湯、手造意粉和甜品，全是成人份量，百多元實在超值。我和丈夫點了兩個套餐，選了slow cooked 三文魚和西班牙豬鞍，肉質和配菜都不錯。兒子也很喜歡，下次會再來，也會來試試午餐。很想上載照片，但不知為何 attach 不到。

4月真係好忙，一來office要搬，雖然由樓上搬落樓下，但係都有好多嘢要執，因為搬細咗一半，所以執死，二來屋企想裝修，要不停搵裝修公司報價，真係又係做死，另外無諗過同事搬完office就last day (到時又少咗個好同事同我去食好西)，但係散水飯都有兩餐食，勁哩~~今日係第一餐，同事成日都話想試吓隔離大廈間C.O.W.，咁走前唯有滿足佢一次喇~~其實裝修真係唔錯，好有情調前菜 - 三文魚他他，我覺得好好味，不過有好多洋蔥，如果無洋蔥就好喇~南瓜湯 - 好creamy，我最鍾意一啲係鮮蔬果打成嘅西式餐湯蒜蓉包 - 其實我唔食蒜蓉，但係蒜蓉包我係非常愛食，只要整走啲蒜蓉就食得喇~~同埋呢個多士一啲都唔會太硬，焗得剛好自家製義大利粉配巴馬火腿、牛肝菌蕃茄忌廉汁 - 呢個真係好味到一個點，個意粉因為係自家製關係，所以好彈牙，最緊要個粉煮嘅時間真係要好配合，個汁好得意，有蕃茄又布忌廉汁，但係一啲都唔會覺得怪，重好夾，而且份量都好多香煎澳洲皇帝海蝦配自家製墨魚汁麵和香草蕃茄龍蝦汁 - 個墨魚麵係用墨汁加麵粉去做，所以食嘅時候，唔會令到客人啲牙沾咗墨魚汁，亦都因為咁，所以個墨魚麵係非常好味，個汁

由於觀塘巧明街經常見到一塊黑色易拉架, 易拉架上面寫著慢煮2個大字及電話號碼而已.老實說圖案不算吸引但令人想像到此店是專門做慢煮西餐。適逢母親節來臨,於是我們一行三人今次試下(SLOWCOOK) 慢煮西餐. 先來餐前小食芝士卷,入口即溶,開胃,接著義大利雜凍肉配海凱撒沙律,是正常食開的味道, 沒有雜凍肉,是巴馬咸火腿及火腿干,另外,愛意蘭聖子配蕃茄沙沙慢煮青瓜,我們食2隻聖子都有沙,慢煮過的青瓜跟平時的無什麼大分別.蕃茄清湯配雲吞,水一般的外型但一 飲落咀, 很濃的蕃茄味,十分特別,嘆為觀止.野菌忌廉湯, 十分重野菌味,每一啖都很濃很濃野菌味.輪到該店自加制巴馬咸火腿忌廉白汁意粉 ,意粉較平時食開略粗,而且彈牙,厚實,仔仔食到唔停口,係無得輸既菜式.主角:慢煮紐西蘭牛柳配紅酒汁,慢煮的確能鎖住肉汁,很嫩,咁厚身牛柳慢煮才會好味另一味慢煮西班牙杜洛克黑豚架配黑醋燒汁,黑豚架即使慢煮了中門間部份也是比較鞋, 只有肥膏地方才食到肉汁.整體來說,值得再試.當晚曾享用以下菜式:餐前小食:芝士卷義大利雜凍肉配海凱撒沙律愛意蘭聖子配蕃茄沙沙慢煮青瓜蕃茄清湯配雲吞 野菌忌廉湯包加餅干條, (面包似蛋糕

是日芑芑生日，放生日假一天。慶生晚飯揀選了工廠大廈樓上鋪餐廳，是個以慢煮為主打的餐廳。 因吃了個超級豐富的下午茶high tea，所以晚上唯有放棄選5-course 晚餐，而選3-course 晚餐。他們的意大利粉及意大利包是自家每日新鮮製做， 不含防腐劑和色素，感覺很健康。麵包外脆內軟，非常好吃。採用慢煮烹調的好處是，以低溫而長時間煮理，能慢慢分解肉身纖維 ，而令肉質更新鮮嫩滑和保留更多肉汁。是次選了三文魚和牛仔柳，味道與肉質也很恰到好處。由於慢慢煮需要時間，若到達時才點餐，等候時間會頗久，所以訂位需要付款deposit去guarantee。每位$100，他們會為客人提早慢煮點選的菜式，很fair很合理吧！Chef （即老闆）很nice，餐後還向我們介紹慢煮菠籮。同樣道理，慢煮能慢慢分解菠籮的纖維 ，令菠籮口感更滑更甜更juicy。另外，很欣賞他們的自家製野菌忌廉湯，野菌湯入口質感細滑creamy，熱騰騰的，很好喝！室內設計以簡單暖色系為主，牆上掛有多幅中國畫家岳敏君的大笑畫 。「笑～一切是人生的境界，不往心里去，轉變成虛無是」 ... 某外國著名大學有硏究指出，嬰幼兒每天笑400

今日要趕返公司開會但又想同朋友傾多陣，所以唔去得太遠。第一次來這裡食，感覺佢地服務態度很親切，落單上菜都小心謹慎。前菜的三文魚沙拉，新鮮味美,再多一點菜就完美了。豆湯很濃郁，少有的味道。我叫了白酒蒜容蜆肉海蝦寬條麵，很香的酒和蒜味，麵亦彈牙，蜆和海蝦入味非常。海蝦只有兩只，但蜆就很多。吃完覺得口有餘香！朋友叫了seabrass, 他說味道也很好！餐飲上可點咖啡或茶，如要latte, chocolate, capaccino ......等等，則加$5｡整體很好，只係太多人幫襯而室內應聲，太嘈難傾計。

近幾年，愈來愈多餐廳開了在觀塘的工廠大廈。由於工廠鋪租較平，他們的定價會稍低於旺區，所以只要用心尋找，可以發掘到不少便宜又高質素的餐廳！ 今次，我決定試一試這間C.O.W. Dinning。🐮🐮 因為是平日的午市時間，害怕會滿坐，所以我預先訂了位。下午一點，步入餐廳，已經有七成滿座，其餘的位置也已被預約，如果想在繁忙時間到該餐廳用膳，建議先行預約，免得撲空收場。 午餐菜單： 價錢由HK$88至HK$198不等，豐儉由人。 套餐已包括沙律，餐湯和餐飲。是日沙律： 煙三文魚沙律 7/10 三文魚有三片，切得不厚不薄，有少許煙燻的味道，不會霉。 沙律菜有黑醋汁點綴很是開胃，合格的一道前菜。 餐湯： 薑黃甘筍忌廉湯 伴蒜蓉牛油法包 8.5/10餐湯很特別，少有的用上薑黃配搭甘筍。薑黃味很溫和，不會像生薑般刺激，喝下去不太嚐到甘筍味，但有甘筍的甜，不喜歡甘筍的人應該也會接受到這款湯。 忌廉一早已混合在湯內，並不是最後才淋上去，令到忌廉湯入口很順滑，忌廉分量恰到好處，不會太膩。蒜蓉法包面上鋪上滿滿的新鮮蒜蓉粒，並不是普通的蒜蓉醬，蒜蓉沾滿整塊法包，濃厚的蒜味很是吸引！多士只是外皮微脆，內裏還保留

今天約了一位學生與他的媽媽食飯，因要在牛頭角工作，所以就找了在牛頭角附近的餐廳食。小朋友喜歡食意粉，所以特地帶他們去這間cow 的餐廳食：）！這巳是我第二次來這間餐廳了！我們叫了三個午餐set , 分別是蔬菜番茄意粉、墨魚帶子意粉和雞扒。意粉是自家製作的，非常有囗感，雞扒的肉質鮮嫩，不會太油膩。但我們最喜歡❤️還是他們自家製甜品蘋果卷，不太甜，也很香蘋果味。但我最為欣賞是他們的廚師很细心喔！知道是小孩子食就特地走出來，問問小孩子喜歡軟定硬的意粉，而且侍應也很有禮！下次再去食😙😋😋

真係等唔切去寫食評，很舒服自在的一餐。由於餐廳是以慢煮方式烹調既關係，所以昨日就提我們要Set 好Menu，所以今日去到就靜心等待每度餸。大人就叫5個Course, 小朋友就3個Course。首先，送上一道前菜，雖然待應哥哥冇介紹，不過佢好鮮明的樣子，用紅椒黃椒青瓜包著的青口小卷，第一味，就幾驚喜。之後，送上包包，當他們說，是自家製，就梗係加分了，而且，仲有3款醬，可見他們細心周到的安排。【湯】及頭盤是扎扎實實的，但亮點卻是旁邊慢煮菠蘿，香到feel 到佢既甜。過了1小時，終到主菜。老實說，我除了睇肥媽sale慢煮煲時，聽過慢煮，我其實都唔知慢煮係咩？牛柳一上碟，其實有d 不明白，點解說好的肉汁，唔見既。好多謝大廚細心的講解，如果用2小時烹一塊排，如果利用物理，讓肉汁及營養鎖好。坦白講...... 唔多明。但謝謝他們的細心，食完後仲送到落樓。所以整個過程，好完滿ar ! 😆

觀塘工廠區一向是覓食重地，不少優質餐廳隱藏於此。是次覓食目標是一間以慢煮為賣點的西餐廳。餐廳預約時經whatsapp預先點菜，確保食物在最佳時間送到餐桌上，非常貼心。餐廳主要有三道菜及五道菜的套餐，兩者分別在於前者沒有小食和甜品。我挑選了五道菜的套餐，家人選了三道菜的套餐。餐廳先送我們一道小食——水牛芝士蕃茄配莎樂美腸，為待會的佳餚拉開序幕。第一道菜是香煎鴨肝配慢煮菠蘿。比起一般的鵝肝，鴨肝的味道更合我的口味，少了點油膩，多了份香滑，配上慢煮菠蘿，份外清新。餐湯方面，我點了雅枝竹忌廉湯，家人點了蕃茄清湯配雲吞。雅枝竹忌廉湯勝在夠矜貴，因為雅枝竹屬期間限定的蔬菜，只吃花芯部份，是古羅馬貴族所享的獨特食材。而家人點的湯更特別，老闆告訴我們，蕃茄清湯之所以能做到如此清澈，需要以蛋白去除湯中雜質，花上相當多的功夫才可做到，絕對是功夫菜。而且，湯中的意式雲吞是自家製的，誠意十足。白汁焗蠔看似平平無奇，然而大廚選擇以茄子作配菜，增添新意。細嚐一口，發現芝士、生蠔和茄子三者相當合拍，各自味道濃厚，卻不會互奪失色，可見大廚在食材配搭上相當有心思。主菜來了！我點了香煎大蝦配香茅牛油汁，雖然大蝦味道偏鹹，