Cafe Charm's (已結業)

約左住響紅磡既朋友食飯, 朋友話經常路過呢間café都坐滿人, 應該唔錯, 所以唔熟悉紅磡既我就跟朋友去試一試啦!餐廳既設計主要以紫色,淺啡及白色為主,俾人一種清新舒服既感覺。打開menu,食物既presentation都非常吸引,最吸引既係窩夫有好多款選擇, 而且賣相都比出面既甜品店好, 例如花樣迷人窩夫就已經迷死左我喇哈哈哈哈!為左快D食甜品, 我同朋友直接點左兩個主菜, 分別係挪威煙三文魚黑松露野菌忌廉意大利粉+手工和牛漢堡(130g)挪威煙三文魚黑松露野菌忌廉意大利粉 ($96)一款意粉有齊香港人最愛既三文魚同黑松露, 好難忍得住唔點呢款!意粉一黎到真係無令我失望, 黑松露既香味令隔離枱都忍唔住讚好香, 煙三文魚亦特別捲成花既形狀, 而忌廉味道十分濃郁,能夠掛上每條意粉上, 真係色香味俱全~!手工和牛漢堡(130g) ($88)侍應哥哥推薦我地點呢個手工和牛漢堡,因為牛肉係餐廳每日人手手工打做, 值得一試! 漢堡比想像中巨型,份量十足!店家非常有心思, 麵包烘過所以非常香脆。而牛肉非常厚身, 煎得剛剛好唔會太生或太熟, 所以咬落去爆曬汁勁juicy 見到隔離枱既熱飲有拉花圖案

我最鐘意周圍食 去到邊食到邊今次走入黎紅磡食個飯。幫襯過幾次 水準都ok 所以對餐廳都有d信心。卡邦尼意粉卡邦尼一直係我的最愛！！！！！！！！！！濃香的忌廉汁 配上磨菇 煙肉。入口creamy又惹味如果醬汁多小小 煙肉煎香先炒 味道就更加好。蕃茄汁海蝦意粉蕃茄汁的甜酸度剛剛好﹐配上爽口彈牙的海蝦 味道不錯。抹茶拿鐵要求店員拉hello kitty!!!!啥啥！結果拉出… 欣賞店員盡力滿足客人的心意抹茶味道不太濃郁 入口粉粉 可以再改善。

最近千平哥夜更瀕密，找機會約他吃晚飯也不容易。上星期終於如願以嘗，到紅磡新開了兩三個月的 Cafe Charm's 品嚐美式料理。單是看 Menu 中的相片，口水已經不自覺地往下流。我們各自點了一杯飲品。冷咖啡當然是咖啡平欽點的，而豬豬就選了大部份女士也喜歡的士多啤梨沙冰。士多啤梨沙冰奶味夠，但略嫌士多啤梨不足，不像沙冰反而像奶昔。如果士多啤梨的比例多一倍就一定更好喝了。美式西餐必備的薯條，加 HK$10 淋上芝士醬就更香更惹味好。店員推介的雞扒凱撒沙律，雞扒肉份量不少，而且燒得香嫩好味。源自水牛城的酸辣水牛雞翼，酸味夠但辣味不足，多加一點 Tabasco 相信味道可以更好。另外，Menu 上說這是脆雞翼，可是一點脆的感覺也沒有，似中式炆酸味雞翼多一點。手工和牛漢堡，漢堡塊重 130g，足料夠肉味。可惜牛魔平吃得太慢，漢堡早已涼了，漢堡肉因此變得帶有"騷"味。雖然已經很飽了，但還是受不住誘惑，叫了一份窩夫兩人分吃。本來打算吃蕉糖香蕉雪糕窩夫，可惜剛好售罄，只好改吃宇治綠茶雪糕北海道紅豆窩夫。綠茶雪糕香滑，紅豆清甜，窩夫蛋味十足。吃著吃著，完全忘記了自己已經很飽。離開的時候，差點走不動呢

今日下午去左黃埔行街買野，諗諗下都系先食飽個肚再去，到左黃埔新天地百寶坊既Cafe Charm's度食個tea.黑松露雜菌意大利粉做形吸引，入口味道豐富，意大利粉煮得軟硬適中，係我最鍾意既口感，今次真好運，是由老闆親自下厨，原來他曾經在五星級酒店工作，所以會用精選雜菌加黑松露和芝士白汁烹調，其味道香濃，真系啖啖都咁好味。Charm's Waffles花樣迷人窩夫(草莓+朱古力) $88果然無改錯名，賣相非常吸引，好似一朵盛開既花一樣。窩夫面上加左鮮忌廉，草莓和香蕉和朱古力雪糕，再加上杏仁片和棉花糖做點綴。窩夫質感鬆化好好味，配合雪糕和鮮果一齊食真系一流，幸福滿滿，盡在不言中。熱朱古力奶，見上面拉出的心型圖案，已經給我一種好甜美的感覺，味道香濃可口。 環境：舖內環境寬敞，氣氛和諧舒適。價格平均每人消費$150

不足一個月又再來 Cafe Charm's ，始終都係掛住呢度既窩夫！今次兔仔兔女試左上次冇吃的：煙三文魚凱撒沙律 - 三文魚只得一片捲起來，$66 價錢不是太抵，菜係新鮮的，不過麵包粒不是太脆 👎手工和牛漢堡 - 漢堡夠肉汁，唔乾，加上半溶芝士很好食，不過點解冇酸瓜既？！拌碟的薯條炸得好香口，好食過連鎖快餐店呢！玫瑰鮮奶咖啡 - 感覺有少少酒味，唔甜，好啱配甜品吃 焦糖香蕉窩夫伴雪糕 - 實物比 menu 仲吸引，窩夫依然外脆內軟熟，香蕉底黏上薄薄的焦糖脆，不會過於太甜，伴著雪糕食，甜度剛剛好！

挪威煙三文魚凱撒沙律 $45L魚好新鮮，好香既煙熏味。沙律菜夠新鮮，食落好爽脆，呢個就系新鮮既口感。麵包好脆。食沙律最緊要材料新鮮。Charm's Waffles花樣迷人窩夫(草莓+朱古力) $88好靚呀！用鮮忌廉加新鮮草莓和香蕉做配親，仲有杏仁和棉花糖做。面頭再散上朱古力粉Waffles剛剛做好，仲熱架，證明系即整架，窩夫好鬆化唔會太甜。熱檸水一杯，好明顯系有洗過檸檬，水面無一層蠟水。食物衛生方面做得唔錯，加分。環境：舖內面積都算一般，唔算細。裝潢幾舒適，坐系裏面向外觀賞是綠悠悠既樹和花圃。價格合理，食物份量都好合理。今晚晚餐都可以免啦！平均每人銷費$150

有晚陪好姐妹黎黃埔區睇結婚場地, 睇完一輪響附近搵食. 見呢間環境好舒服, 而且正餐甜品咩類型都有, 一於試下. 晚餐時段好爆, 但等左10分鐘已經入得.雖然坐唔到門口梳化位, 不過其他位都好舒服, 空間夠大, 令人有種好放鬆心情食野既感覺.調制飲品係開放式, 夠開揚.睇下餐牌有咩野食先, 個面已經好吸引, 好多種類選擇.最後揀左澳式和牛漢堡($112), 賣相好靚, 個漢堡睇落細細地, 但牛肉有成寸咁厚, 牛肉有咬口唔靭, 而且充滿肉汁, 好濃郁. 仲有蛋, 煙肉, 蕃茄, 芝士配菜, 加埋一齊好滿足. 薯條炸得夠脆好香, 沙律菜新鮮. 要多個明太子煙肉忌廉意大利粉($68), 意粉爽口微彈, 唔會太乾. 明太子撈埋落忌廉到好香, 煙肉好多, 成個意粉都好足料.  最後要左兩杯Almond Latte($33), 店員好好人兩杯咖啡唔同拉花, 好靚好吸引. 搞均之後一飲, 好香杏仁味, 配埋咖啡中和一下仲正.整體環境好適合傾偈, 好多侍應服務. 食物好多種類, 下次有機會再黎食甜品.

最近工作忙得讓人喘不過氣來，難得有一日7時下班，可以跟女生好友一同找個地方聊聊天，聞紅磡區新開了一家很別緻的cafe，放在wishlist內不久就決定下班後去試一下。一進cafe已經感覺氣氛良好，內部裝潢用上了優雅的薰衣草色作主調，又營造了一點法式風格。餐牌的設計很可愛：兩位女生都是大胃子的，肆意點了一份前菜、兩份主食... 前菜揀選了挪威煙三文魚沙律，而主菜就選了約克郡炸魚薯條，和店員推介的卡邦尼意大利粉。挪威煙三文魚沙律：食肉獸要換一換口味來點小清新！近來喜歡前菜點一些輕盈的食物，這份沙律用上了ceasar醬汁，煙三文魚口感較柔和又不會過咸，可以單吃，很清新醒胃。卡邦尼意大利粉：先來的主菜是carbonara，起初問店員哪一個pasta比較好，會以為店員定必介紹一些比較特色的pasta，反之介紹了很"大路"的carbonara。起初都抱有懷疑態度，但吃了一口之後 - 味道很rich和creamy，醬汁滲出淡淡的蛋香，而且意粉本身煮得夠al dente，原來簡單的pasta也才最不簡單。約克郡啤酒炸魚薯條：先看一下餐牌上的圖片，看上去只有兩件大大塊的魚柳，店員跟我們說其實這個約克郡啤

我今天放工想去黃埇行街,所以我去北角坐船過黃埇比較方便。我路過CAFE CHARM'S 比佢門口的食野相吸引住了。餐廳的位置不是在大街,但無名而來的人好多呀!~~~門口有好多人在排等位,我一個人去食,服務員都好快比到位置給我。好多時,餐廳如果人多都唔會比位一個人的。咁,我都唔想因為我一個人而佔了兩個位太耐,所以我好快食完,還枱給他們比其他客人。佢地的服務員服務一流,又有禮貌。今日天氣比較熱一落船行了幾分鐘已經流了大汗啦!~~先睇飲品,有好多沙冰選擇,如我叫沙冰可以可以立即降溫,但解唔到口渴,所以我叫了一杯冰冷的蜜桃茶飲,一口已經飲了1/3杯 , 好香桃味,不會太甜,又大杯,冰的份量不會太多。我一打開餐牌就比佢地的薯條吸引了,立即叫了個薯條食,我其實都好鍾意食薯條 ,有時都會走去麥當當買一個薯條慢慢食的, 佢地的薯條是用原個薯仔切條去炸的,特別有薯仔味,你可以睇到有些薯條有薯仔皮在的,熱辣辣送到我枱面時,在面上有些碎香草,我試了有點肉紫菜感覺。我已急不及待的用手去食薯條,我覺得食薯條最好是用手一條一條慢慢食的。食食下我發現有少少辣辣地的,開初以為是薯條太熱,但食多幾條才知原來薯條面放

星期五在紅磡打波後便與波友開餐, 吃得餐茶廳多, 都想轉下口味, 見到這間人氣爆登的cafe不算太多人, 單看menu上的和牛漢堡已令我流口水, 就要試試如何!剛消耗大量體力, 這份澳式和牛漢堡我要硬!!有煎蛋、蕃茄、生菜, 菇、煙肉, 仲有漢堡不能缺少的芝士. 當然主角和牛是焦點..所有材料的味道都很好, 和牛漢堡的厚度都唔少, 約有1寸高, 煎得剛剛熟、夠juicy、牛味濃.我覺得自己今餐真係唔肥膩唔點, HAHA. 卡邦尼意粉66 , 對! 是高卡路里食物, 雖然男人唔會點在意, 最多食完再做運動. 醬汁屬creamy的, 但不醬口, 另有很多火腿和菇, 材料多反而顯得意粉偏少.食左兩樣濃味食物, 要吃沙律清清味蕾. 扒海蝦凱撒沙律, 說真, 份量有點少. 一般凱撒沙律的材料都齊, 即麵包粒、煙肉粒, 最like清新生菜, 在沙律醬之下仍然食到菜的清甜. 海蝦略為煎過, 肉質唔算很彈牙, 但不差的.另外叫了一碟蒜炒雜菌, 我地都知要均衡飲食既, 雜菌都係蔬菜之一, 幫助消化嘛. 切片/切段的雜菌都充滿著蒜香味, 估唔到一上枱就最快被KO.其中一款我鍾意食的是煙肉芝士焗薯皮, 無原

今晚家母沒空，要與弟弟二人吃晚飯，我們就到了他工作的地方附近用膳。他提議到這家午飯時常到的Café去。這裡的環境不錯，我們二人被安排到近門口的沙發位置，可以坐得更舒服一點。餐廳主要提供各種前菜、意粉、窩夫和飲品。見到其他食客都點了窩夫，我們都想試一試呢！於是我們點了一道前菜、兩道意粉和一份窩夫甜品。焗芝士牛油鮮菌薯皮($48)：半月形的薯皮烤得剛好，薯香出眾，帶合宜的芝士濃香，非常惹味。蟹肉南瓜意大利粉($76)：清甜的南瓜汁頗濃稠，可以完全掛在一條一條的意粉上。蟹肉和意粉份量合理。海蝦蕃茄醬意大利粉($75)：蕃茄醬以甜味為主調，稍帶微酸。海蝦是大隻的那種，口感彈牙，有驚喜。花樣．迷人窩夫($88)：其實說這個是主菜也不為過。整道甜品的賣相極吸引，窩夫是一朵巨花的形狀，上面添上香蕉、士多啤梨、朱古力和士多啤梨雪糕。窩夫夠熱，稍帶軟身，與香甜朱古力醬和兩款水果十分配合。飲品點了抹茶鮮奶($39)，淡綠色的鮮奶洋溢著抹茶甘澀的口味，喜歡抹茶的朋友應該會喜歡。整體而言餐館環境不俗，舒適度可與大部份樓上Café媲美。提供的食物質素頗佳，重點的巨型窩夫更是不容錯過。

自從在佐敦上班以後，去紅磡跳上架巴士只需十分鐘便到達，可算是非常方便。是晚很想吃點甜甜的，就和男友過來這間我一早看中了的Cafe吃晚飯(其實重點是想吃它的窩夫)。不熟悉黃埔花園的我倆兜了個大圈始到達，尋找該店時意外的發現旁邊有一家非常大的玩具精品文具零食店，若小時候到來一定會以為那兒是天堂！童心未泯的我倆在內逛得興起，好不容易才踏出那魔鬼商店晚飯去。踏入店子的感覺是休閒舒適的，左手邊是一大個開放式的飲品部，右手邊的餐桌以四人檯為主，如人多的話事先訂位會比較容易安排。挪威煙三文魚凱撒沙律 $66大概兩至三片煙三文魚捲成花形上桌感覺有少女風味，油潤甘香；沙律已預先混入醬汁，上面灑上了芝士碎和麵包粒，醬汁不多不少的掛在羅馬生菜上，切成一口大小的生菜新鮮爽脆，只需用叉叉著來吃甚為方便，是不錯的開胃菜。炸美國瘋薯條加芝士 $35(+$10)明明身體已發出警號叫我收歛一下暫時不要再吃煎炸食物，但熱愛吃薯條的我倆又抵不住誘惑點上一客；薯條金黃香脆有薯味，偶爾有一兩條炸得未夠透徹有點爽爽的口感，而加十元的芝士用上了兩種不同的芝士(沒細問，但猜是Cheddar & Mozzarella)，份量下得慷慨，

星期六晚為朋友慶祝生日, 大約6:45PM門口已經很多人等位, 天時暑熱, 在室外36度高溫等了大概半小時終於能跳入涼快的室內. 大汗淋漓, 當然不會立即點杯凍飲來降溫, 這樣對身體不好啦~所以先看看餐牌點食物. 好多食物都很吸引哩~ 我們都被美國瘋薯迷住. 不過就建議一定要加芝士(+$10), 否則沾茄汁就較寡. 鋪在薯條面的芝士焗得夠溶夠香口, 極之誘惑!! 底層的薯條較難沾到芝士, 慶幸薯條本身都夠脆.沙律方面我比較喜歡有青蘋果、提子和合核的, 所以一定會選華都夫沙律, 剛巧Cafe Charms有煙鴨胸華都夫沙律蜂蜜芥末醬 , 便點一客吧. 生菜好新鮮, 青蘋果清甜微酸, 煙鴨胸約有5塊啦, 微微煎過, 所以都香口. 建議蜂蜜芥末醬份量多些少, 那麼所有材料都能適量地沾上.最掛住的藍莓乳酪沙冰轉眼間送到. 正呀!!! 這杯飲品可謂又靚又好飲, 顏色已經很美, 加上甜味一點也不假, 沙冰打得夠幼滑, 藍莓味濃郁, 還喝到少少利賓納的甜味, 超推介~主菜都是意粉, 第一款是獲得一致認同好吃的黑松露雜菌忌廉意粉, 真正芳香撲鼻. 超多雜菌呀! 意粉的份量被比下去~ 一定要記得趁熱吃才

一直從未寫過食評，今次真的是被迫的。星期六晚上6:45，這次是第一次來到這家餐廳用餐，剛到的時候門口並沒有客人在等，我倆準備推門進入，就剛好有一名穿著制服的年輕男服務生捧著一箱看似垃圾的東西出來順道跟我們說“等等”，我倆只好乖乖在門外等。男生回店後，開始陸續有幾批客人出來，亦分別有三群人到，最遲來的一群率先開門進去，之後就來了個著制服的女服務生出來問我們一堆人幾位。這下我可火了，我們最先來，剛剛的叫我們等又不理，明明在門外看到最少有兩桌空檯不讓我們進去，現在出來的不理先後就隨便說句“你地幾位?”。各自報上人數拿號碼紙後又再繼續等了一會。之後我們被安排坐在門口附近，很熱，後來我發現就門口附近已經放有三把風扇，証明已作出補救。之後我們點了海蝦蕃茄醬意粉（$75）和雞扒蕃茄意粉（$72），老實說意粉軟硬適中味道亦好，蝦亦不錯，但雞扒炸得好燶，不僅呈深啡色，還又硬又乾。我一向對食物品質問題都會選擇啞忍，不吃罷了。但由於剛剛的不滿加上這雞扒意粉就只有一塊約四指闊的小雞扒，放棄就等於單吃意粉。於是我決定向服務員投訴，他很快就說替我更換並且說若更換了還是不滿意可以取消，後來的雞扒可以入口了只是沒味道

星期日約了Yin去紅磡行街,順道試下近期出名的CAFE,大約2點去到,果然好多人要等位呢,店員話大約15分鐘有位,預計到冇咩可能咁快,最後大約等了45分鐘才有位,用餐時間是一1.5小時。店內面積尚算寬敞,裝潢以紫藍白色為主,西式的格局,二人的多是梳化椅,蠻舒服,但窗邊位看到很多人在等位及人來人往,有點不自然。食物上有不少選擇,看到不少人點了出名的窩夫,但因為得兩位女子,只好下次再試甜品了,要了全日早餐及漢堡。 Green latte,$33,好可愛的熊仔拉花,抹茶味濃,少少苦帶點回甘,不俗呀。手工和牛漢堡,$88。巨型的漢堡,好有份量,厚身的牛肉,牛肉味濃,好多汁,好juicy呀,配料有蕃茄、生菜及醬汁,好豐富的口感,麵包有少少烘底,香口鬆軟,好味呀。粗身薯條,好香脆新鮮,還有少少薯皮。 Yin的,據聞味道不俗。食物水準不俗,環境尚算舒適,但不太有優閒的感覺,服務態度正常。