Chang Thai Restaurant & Bar (裝修中)

呢棟大廈出名多野食, 見到樓下派傳單新張開幕有折, 果然無失望!絕對可以再回頭!餐廳裝潢有格調, 員工有禮貌, 氣氛好熱鬧!一行4人叫左唔同食物share, 每款都好滿意, 而且食得出係調整過既口味, 相當岩我地!首先先叫一個生菜包, 生菜包賣相同平時既差唔多, 食落就相當驚喜!豬肉粒淋滑而有肉汁, 唔係平時果d鞋口豬肉, 香料適中, 帶辣, 好開胃!蠔仔蛋上枱時喳喳聲, 蛋香蠔多!最後要推介咖哩軟殼蟹, 吸引地方在於係用上竹炭包, 軟殼蟹份量十足, 係食得出蟹鮮味既軟殼蟹, 食材高質!

早幾日下晝經過L Square樓下見到有姨姨派傳單,宣傳新泰國餐廳新張期間八折, 當晚就帶同好朋友慶祝生日,致電預約窗邊位置, 跟店員說明慶祝生日,順便預訂了一些特色菜式，上到去餐廳被安排到窗邊餐枱配高椅子,自成一角, 餐廳氣氛好chill, 燈光較暗, 有多盞籐製燈飾, 令人非常放鬆由於新開張關係, 餐廳負責接待客人的副經理細心問我地鍾意食咩類型食物又或有沒有食物敏感, 然後才推介幾款菜式, 服務態度非常好, 以客為先四式小食拼盤:拼盤賣相非常精緻, 就像迴旋木馬加韆鞦, 四式小食包括有泰式生蝦、鳳爪、柚子蝦沙律、雙丸串, 每款食物各有兩小碟, 最欣賞係柚子蝦沙律, 好清新, 而且蝦肉厚身而彈牙, 其次是泰式生蝦, 酸辣汁顯得很刺激, 越食越過癮。雙丸串正正是泰國街頭小食入面嘅丸子, 食到泰國風味, 好掛住泰國呀。好友讚鳳爪好入味兼爽口。沙嗲雞肉豬肉串燒雙拼:雞肉豬肉各兩串, 份量唔多, 不過一定要讚沙嗲汁很出色, 是濃濃的花生醬沙嗲汁, 比坊間的沙嗲更濃味。 冬蔭公海鮮湯:雖然係細湯碗, 不過一打開碗蓋就見到好多海鮮,大蝦、青口、鮮帶子、蘑菇, 好足料,冬蔭公辣中帶酸再加上海鮮嘅鮮

前晚朋友帶左我黎呢間新開嘅泰國餐廳食飯，銅鑼灣地鐵行幾分鐘就到，位置方便👍🏻一上到餐廳，經理已經好有禮貌同貼心咁幫我地安排座位。餐廳環境佈置都好有心思，升降機位亦都有個好靚嘅打卡位♥️見到餐牌上嘅食物選擇都幾多，價錢中等，同出面嘅泰國餐廳價位差唔多，但呢度一定坐得舒服好多。經理亦都介紹左佢哋嘅Set Menu，入面嘅菜式係餐牌上無嘅，亦都有分享到佢哋為左呈現品質最好嘅菜式，特登花左一個月嘅時間去邀請朋友上黎試菜，唔想搵啲客黎做白老鼠。淨係聽經理講到呢度，都已經知呢間餐廳花左幾多心思喺食物質素上！我地叫左個二人套餐，由前菜、湯、主菜、甜品加飲品，都食得出佢哋嘅心思，兩個人食一定夠飽！四式小食拼盤呢個拼盤淨係講佢嘅擺盤已經加哂分，個晚我同朋友兩個影相都影左十分鐘，係飛天韆鞦嘅概念😂生蝦同雙丸串最好食，生蝦唔會係出面食到好薄身又無味個種，新鮮又夠彈牙！雙丸串我喺香港都未見過，口感有啲似大腸包小腸，皮脆內軟，入面係豬肉黎。串燒雙拼串燒燒得啱啱好，唔好燒到好乾身，反而鎖住到肉汁，但記得襯熱食呀！冬蔭功海鮮湯本身一上菜嘅時候，以為係茶碗蒸🤣點知一打開個蓋，係好香好濃嘅冬蔭功味！個湯本身唔會好辣好酸，

今晚一家經過銅鑼灣L Square，見到有個熱情姐姐派傳單，見有間泰菜新開，就上去試下，一上到去，裝修好靚，氣氛好好，一家四口坐梳化位，都幾舒服！兩大兩小，叫左生蝦刺身，青芒魚，小食拼盤，芒果蟹肉炒飯，蒜蓉炒芥蘭，烤雞半隻。整體黎講，份量足，味道好，價錢亦唔貴，招呼仲非常好！生蝦夠新鮮，夠爽口！特別推介個青芒魚，條魚大大條，幫你起埋肉，外脆內軟，酸酸辣辣，好開胃，連魚尾都脆卜卜！值得再去，下次試埋個生蠔同冬陰功湯！

午飯時間經過銅鑼灣廣場二期樓下匯豐，見到派傳單，呢間小店新開有折扣，上去試吓。 上到7樓已經有泰藉店員sawadeeka，環境算唔錯，幾適合年青人聚會，又有VIP房。食物方面，午市有套餐，有湯有小食有飯加埋甜品及飲品， $100有找，性價比超高。同友人選擇了焗比目魚野菜及肉碎煎蛋飯，比目魚野菜甜甜地唔辣又幾好味，好適合女士唔食辣嘅，肉碎煎蛋好香嘅香茅同埋檸檬葉，加埋隻流心煎蛋，友人好鍾意食泰國嘢，都話味道好正宗🍽。 前菜真係要提一提，有木瓜沙律魚露鳳爪同埋泰國生蝦，午市套餐真係好少有提供泰國生蝦😍。甜品係自家製椰青糕，食完濃味主菜之後食呢個，真係啱啱好因為我唔鍾意太甜，叫咗泰式奶茶少甜，結果淡咗少少，下次都係叫返正常甜味好啲新開小店來講，整體算係唔錯原來新昌期間有九折優惠