Cherry Tokyo Cafe (將軍澳中心) (已結業)

Tko新開嘅一間日式cafe!!係露天餐廳嚟，環境幾舒服，上菜速度都ok,不過真係有d貴😢青芥末軟殻蟹漢堡($88)賣相好好，軟殻蟹夠大隻又炸得幾好，唔會油淋淋！包皮鬆軟，不過無乜青芥末嘅味道😢另外有配埋薯條🍟，係粗薯條嚟架 (8/10)墨汁海鮮意大利飯($128)海鮮份量都算多，而且size都比想像中大，不過d意大利飯有d太乾，正常嘅意大利飯應該係要濕潤🤦‍♀️墨汁味都偏啖，128一碟真係有d唔值 (6/10)閒日晚餐時段會有fruit tea送，分別叫左熱情果同荔枝味，佢甜左小小，同埋飲得出係水果糖漿，不過好在有新鮮水果係入面 (6/10)最後嗌左個一口麵包布甸配牛乳雪糕🍦 ($78)雪糕有得揀牛乳或者抹茶🍵，牛乳好讚！！好重奶味，而且唔會有冰粒！麵包布甸好大粒，又軟熟，全部即叫即整架所以都需時，不過全晚最滿意係佢啦(8.5/10)

今日和朋友在Popcorn下午茶吹了幾小時，意猶未盡，便到另一將軍澳中心覓食，我朋友推介此店，說試過並舉起手指稱讚。 我之前來過此商場逛逛，覺得此店的位置太開陽，而且之前食過一些日式西餐的經驗都是不太好。我和太太叫了吉列黑豚咖喱飯和葡萄酒煮大蜆意粉，出乎意外，咖喱飯做得很好，黑豚外脆內軟。大蜆意粉煮得比很多意大利餐廳還要好，大蜆份量多，不像有些餐廳只有數隻。 價錢亦相對十分相宜。將軍澳中心裝修之後多了很多食巿，而且緊密排在一起，有點要各店爭艷鬥麗一番，對我們來說確是好事。

約左朋友一同4人去食呢間餐廳，我係為咗個松露野菌意粉而黎既🤫聽人講話好好味，所以我點左個松露野菌意粉、卡邦尼意粉、大蝦海鮮飯、燒春雞、松露酥皮卷、松露薯蓉、芝士焗肉醬意粉、青瓜沙律、同四杯野飲。唔好以為叫左好多野食，其實只係啲野食份量少到喊😪尤其個海鮮飯🗣少過我喂我隻狗果餐～仲要$138，大佬呀～仲要唔出色，啲飯煮太耐好林☹️不過，個松露意粉真心讚，好食既～意粉質感好好～煮得剛剛好～💋讚一個🗣飲料一般～啲名改到天花龍鳳😂咪又係普普通通～🤷🏻‍♀️

路過見到，想搵個舒服d ge位食飯同朋友吹水。環境幾好，較寬敞。我見門口寫住限時2小時，不過我地好似過左2小時都無被趕走。呢個係牛油果軟腳蟹飯卷，好味，軟腳蟹會脆脆地，見有人話夾落去會散，我同朋友又無啊。呢個推介；)帆立貝車海老意大利飯，正常水平，無話特別好味or難食。黑松露野菌忌廉意粉，黑松露味好香，菇都好多，唔知係5係落重手左，食到有d咸。呢兩個係後來再叫ge小食，都好味，但唔記得叫咩名😂就係一個蜜糖雞翼and豆腐。最後結脹係440,叫左咁多嘢食，我覺得都好抵，無叫飲品，因為有水供應。

某日與友人蕩到將軍澳，兩人見到一西日式餐廳，隨意在此吃個午餐。葡萄酒煮大蜆意大利粉只是一碟極其普通的蒜香意大利粉，所謂的大蜆殼大肉少，獨欠酒香，老實說，落不落葡萄酒都沒有分別。對於這碟意粉的評價，我們都覺得僅屬中等水平。煙豚腩卡邦尼意粉的豚腩頗香，比起一般煙肉脂位較多吃下亦沒那麼乾。意粉軟硬適中，趁著卡邦尼汁和蘑菇，這個還好。焦糖泡沫咖啡是個驚喜，焦糖的甜遇上咖啡的香，從未想過兩者是這麼夾的！這杯咖啡很大杯，兩個人喝剛剛好。意粉的份量不算多，加一大杯咖啡還才算略夠圓滿。

將軍澳中心裝修左咁耐都未試過黎食野，今晚行開Popcorn就過嚟睇吓。原來Cherry Tokyo Cafe係屬於Lubuds group旗下的餐廳。迷你焗田螺個表面焗到有少少焦👍🏻未試第一口已經聞到陣陣田螺香氣，食落口仲有微微帶有咖喱味的薯蓉，令我胃口大開！碗碟都好精緻，每隻花紋都不一樣，好有手作瓷器的feel~Order咗一個舞茸野菌濃湯，味道濃郁，野菌味道清新，在冬天飲一個熱辣辣的湯又幾令人滿足。野菌味道濃郁，夠creamy，加上些少香草，令到濃湯更香。我們兩個人分享剛剛好，不會太膩。野菌黑松露忌廉意粉，真係落足料，有好多野菌，食落去第一個感覺就係滿口的黑松露香味。野菌爽脆，不會太腍，仍然保持口感。意粉炒得很香，味道完全滲入意粉之中，真係好吸引你再食第二啖～北海道帆立貝車海老意大利飯，聽個名就知犀利🤣燒蝦好大隻，好香口，仲有兩粒大size的帆立貝，d飯咬落好有嚼勁。意大利飯金黃色的，沾滿了醬汁，啖啖海鮮鮮味，忌廉味濃郁，香滑。我們也加配了一個Pudding ，很香滑。而且上面的木糠讓pudding更有口感，吃過後非常滿足。飲品方面叫左一杯櫻桃朱古力咖啡，是mocha加上櫻桃果醬，

要知道在將軍澳覓食是多麼的困難！每個地方都人山人海，而且食肆不足，再加上是星期六，就是難上加難！幸好的是我與朋友過了晚上8:30才吃晚飯，來到這間餐廳竟然不用排隊！餐廳有很多不同種類的日式菜，而且餐牌設計也挺吸引。蟹籽青瓜沙律沙律份量適中，略嫌太多沙律醬，完全地掩蓋了青瓜及蟹籽的味道，令整體質感比較濕，未能突顯出青瓜的爽脆口感青芥末軟殼蟹漢堡這個份量是頗大的！我們就算一起吃也覺得很多！最特別的是它用了這個青芥末醬，令整個漢堡的味道昇華，青芥末醬有微微刺鼻的感覺，但不至於會流眼淚或攻鼻，而軟殼蟹也是即炸，口感鬆脆，而且炸粉不會過多，薯條也是我最愛的粗薯條！墨汁海鮮意大利飯上菜時已嗅到陣陣洋蔥香味，又是一個會令你儀容盡失的菜式！只要少少一口就會令你整個嘴唇及牙齒染上了黑色，令人發笑！海鮮應該是用雪藏的材料，所以沒有太大的鮮味，而這個意大利飯的軟硬度適中，再加上洋蔥，令口感更豐富，墨汁的味道不是太濃郁一口麵包布甸配牛乳軟雪糕這個是每檯必點的甜品！我們等了15分鐘。整體賣相頗吸引，但麵包布甸稍為燶了一點。麵包布甸的質感不像外間般軟身，這個感覺是半吐司半布甸的狀態，但香味撲鼻，牛乳軟雪糕的牛乳味

是晚探探表姐，老實說很少踏足將軍澳區，偶爾與朋友聚聚才會來。😅將軍澳中心鄰近港鐵站，地理位置頗方便。表姐說這間西日餐廳頗骨子，於是順應一下同佢試試。餐廳食物飲品均琳琅滿目，飯意粉丼物主菜甜品集結於一身。蕃茄黑豚焗飯 - 送上時香氣撲鼻。飯粒軟綿綿，索滿濃而不稠的蕃茄汁，夠味美！黑豚熱辣辣，肉質鬆軟結實，不顯滯！葡萄酒煮大蜆意粉 - 配對得宜，意粉雖則掛汁不太強，但入口彈牙煙韌。蜆肉清甜沒有沙，搭上酸味味的車厘茄，酸甜交集，食慾大增。一口麵包布甸配宇治抹茶軟雪糕 - 麵包烤得金黃，體積的骰，一啖KO。質感軟綿，撒下微微糖霜及抹茶粉，故入口帶甜。抹茶雪糕挺身不易溶，甘味不太重但質地都帶滑身！法式焦糖燉蛋泡沫咖啡 - 面層是熟悉的焦糖燉蛋，入口脆而帶點微微焦香，弄到一口泡沫！咖啡挺順滑且苦而不澀，不錯！

我住左將軍澳十年有多，好多時去幫襯將中的餐廳。見到將中重開，又有咁多新開餐廳，當然要去試下。蕃茄焗黑豚肉飯套餐包蒜蓉多士及餐湯，和一杯荔枝紅茶。我不喜歡紅茶，減十元正價叫－杯鮮奶咖啡。這套餐食物質素比一般快餐好得多,價錢不太貴，值得一試。

呢間日式西餐廳開左係屋企樓下一段時間 終於有時間去上下啦中午既時候有lunch set選擇 有蒜蓉包 餐湯 同個main 仲包一杯冰茶 可以加錢轉飲其他野 價錢都唔好貴餐湯沒有什麼特別 但蒜蓉包就很有驚喜 好香指既蒜蓉咪 麵包脆而鬆軟我見到鋪頭既咖啡話係用陳豪既咖啡 我就叫杯試試 的確不錯的 完勝一些連鎖式咖啡店到主菜了 大約等了十五分鐘度 賣相不錯 看起來好似份量好少 其實都飽肚的 很多的豚肉鋪滿成個飯 能夠讓你一啖飯一啖肉 這個蕃茄局黑豚肉飯絕對不會失望

朋友女兒出國讀書，跟她餞行，由於大家都住將軍澳，而且見這間食評不錯，所以選擇到這間餐廳試試。等位等了一會一個高大帶眼鏡男仔帶我們入座，但我們是要夾於中間，左右枱都有其他客人，但眼見至少有三四張4人枱可供客人坐，於是我客氣的要求坐較邊位，不想被夾於中間，那個帶眼鏡男仔即刻黑臉顕得不情願的才讓我坐，我心情感覺真的不好，即時對他們的服務態度扣了分。坐下後我們點了蟹籽靑瓜沙律，分量與味道正常。葡萄酒煮大蜆，汁味偏紅及濃，但見到隔離枱的顏色又比我們的淺，有點蓋過了蜆的鮮味，不過最重要是上枱時食物溫度已不太熱，所以為免變腥，我們唯有快快的把它吃掉。牛油果軟殻蟹反卷，第一口咬落炸粉頗厚因為吃到D粉仍是漿漿地，味道偏淡。之後再吃黑松露野菌忌廉意粉，只是不過不失，正常味道。最後再吃迷你丼，反而這個不錯魚生都屬於新鮮的。本來我們還想點其他甜品的，但由於感覺以上食物不是特別好吃，所以冇乜信心，最後唯有轉去其他地方吃甜品。

新年繼續出街食飯，今日係會所打完保齡，就去附近商場行下街再去食晚飯啦。今日都算早，6點鬆D小朋友就話要食啦；本來仔仔係想去將軍澳中心間日本野睇下，佢係想食串燒果D的。但果間日本野都係勁多人，同美中鴨子一樣，門口堆滿人的；見Cherry今日冇乜人，重有吉枱就即時行入去坐底先。冇小朋友鍾意既Pizza，但見到有個迷你漢堡；小朋友就即點啦。一開始點左個迷你漢堡，一個田螺，一個意粉，一個飯同一個炸魚薯條；2大2小食，點知小朋友話意粉好味，要叫多個。最後係就係食得晒，但係真係飽到漏丫。迷你田螺，真係好迷你，得4粒，但幾好味喎迷你漢堡又係真係好好迷你的，大約係BB手仔咁既Size，勁可愛；見小朋友食得快，應該都幾好味的。迷你田螺同漢堡，如果係Tea就Good Fit啦。黑松露芝士意粉，2個小朋友都鍾意食，話要再叫；不過呢，第二碟黎到小朋友話第一碟好味D囉。可能一開始肚餓，所以好食D炸雞咖哩飯，依個真係冇乜特別，炸雞份量重有D少，重有咖哩汁都係偏少的。所以小朋友一人夾左件炸雞，少少飯，因為唔夠咖喱，雞又唔係好夠，佢地就直接放棄要再叫黑松露芝士意粉，咖哩飯留比大人喎。炸魚薯條，炸魚有D太咸；薯條好味。

新年前在將軍澳附近商場辦年貨，午餐時間走入［將軍澳中心］，來到了這間開在商場中央的開放式日式餐廳，嶄新的桌椅佈置得整潔舒適，環境寬敞，燈光明亮，客人不多，可以即到即坐。餐廳只是用攔腰高的木柵欄在商場中央圍了一個圈，客人在外都可以將餐廳內的景象一覽無遺。坐定後，見到桌上的餐紙墊，上面羅列了餐廳所屬 LUBUDS 集團旗下的所有十幾間餐廳的名稱和地址。這是給我的第一個驚喜－－原來這間餐廳屬於一個有相當規模的集團所有，在銅鑼灣、尖沙咀、沙田、將軍澳、屯門等區都有西式餐廳，分別主理意、法、日、越不同風味的特色菜肴，包括［鮨穴］［天穴］［穴藏］［1601］等等，來頭不小😮。今年已經是他們集團邁進的第12個周年，也算是有點歷史了。［將軍澳中心］的這間［Cheery Tokyo Cafe］是去年底才開業的，夠新！試新餐廳正是我的興趣所在。😉了解了餐廳的背景之後，自然對它所供應的食物產生了一種期待……菜單非常簡單，圖文並茂，可以看圖點餐。正值午餐時間段，Lunch set 有些也只是百元之內，價格親民。點了［吉列黑豚漢堡］Lunch set HK$ 78 另收加一，跟餐送［蒜蓉餐包 + 餐湯 + 飲品

Cherry 開左一排,日日都爆晒,門口企滿晒人等位。今日晏晏地見人潮散左就試下啦。睇睇餐牌,叫左2個前菜1)慢煮麵豉牛脷,牛脷慢煮4個鐘,香煎後外脆內軟,牛味超濃,入口即溶,但係肉質唔會梅晒,味道幾好,有陣咸香味,雖然得4舊,但超推。2)松茸野菌酥皮卷,呢個上檯時超熱, 酥皮好脆,但係好油,內餡好咸,黑松露味道太濃,蓋晒所有味道,整個菜只食到咸,脆,黑松露味道, 唔推。2個主菜3)北海道帆立貝車海老意大利飯,帆立貝煎得好,外脆裡面剛熟,而且有甜味,大蝦肉質爽口鮮甜,但飯粒唔夠硬,味道唔特出,而且份量好少,成個飯最特出既就只係海鮮, 呢個可試可不試。4)芥末籽醬牛肉芝士漢堡,麵包唔會乾,軟熟,牛肉漢堡扒有d散,但肉味都ok, 唔算好乾,但食唔出芥末籽醬味道,醬好淡同唔夠,薯條夠熱,脆,味道ok唔會太燶2杯飲品,每一個主菜飲品可減10蚊,都幾抵5)自家製檸檬特飲,呢個飲左一陣先記得影相, 味道普通,唔特別,而且賣相真係差,好似茶餐廳凍檸水6)紫薯鮮奶,呢個真心推介, 夠熱,超滑,濃味紫薯,好似飲緊個甜品咁呀,成杯粉紫色,加晒分另外值得一讚既係每一個店員非常有禮貌, 令顧客有一個愉快既心情

今日又試下新餐廳，將軍澳中心既新餐廳有排試。今日就試左呢間食日本同西式野既Cherry。其實價錢就真係同一般餐廳都差唔多，每道菜都$6x-$8x，但間餐廳就開正喺商場既中間，會不斷俾行過既人望住你食，講真真係會食得無咁自在。menu上面既選擇都好多，經過一輪討論，我地叫左黑松露忌廉意粉，蟹籽青瓜沙律，牛油果軟殻蟹反卷，明太子雞翼，一杯焦糖燉蛋泡沫咖啡同宇治抹茶鮮奶。沙律都真係同一般既無分別，$48份量真係好少。呢個反卷個味道唔錯，軟殻蟹仲係好脆，但個反卷一夾就散哂，包得好唔實，食到天一半地一半。雞翼外面炸到金黃色，熱辣辣，入面釀左啲明太子，隻隻都脹卜卜。意粉聞落就好香，但食落我就覺得個汁唔夠滑身，好似仲有啲粉既感覺。我嗰杯creme brûlée cappuccino 好香濃既咖啡味，飲落有甜甜既焦糖味，可以入黎飲杯咖啡都唔錯。得閒試下新野，都係幾開心既，下次就想試下甜品多啲。