Chop Chop 食神叉燒 (宏安道) (裝修中)

✨食神叉燒✨一直都好受附近返工人士歡迎，所以一到lunch hour就好多人等位🚶🏼‍♀️🚶🏻🚶🏻‍♂️唔想嘥時間等位，決定買返公司慢慢食，買到返公司仲熱辣辣🔥✴️叉燒切雞瀨粉✴️叉燒大概有4大件，件件都超厚身，仲幾重蜜糖甜味🍯肥瘦肉適中，但有啲位有筋比較難咬開，要用多啲時間先咬到～切雞都幾滑，有少少咸香味，但肉唔算太多🐓瀨粉食落都係滑嘟嘟，不過有啲散，成日彈到周圍都係🙈整體嚟講$65外賣加多$2係可以接受的，會再encore🤟🏻

外遊回港第一餐當然要吃些久違了的正宗港式美食身為北角街坊，最愛便是走到炮台山網紅餐廳半島冰室旁的Chop Chop食神叉燒環境較一般燒味店舒服及乾淨，適合跟朋友聚餐燒味出爐時間為中午12點及下午3點，鎮店榮師傅為前叉燒名店新桂香主廚，入行逾30載，對各式製法瞭如指掌霓虹燈、雞公館及地板等裝潢充滿香港味道，t打卡一流黯然銷魂飯的原創者、「功夫」中的戴龍師傅亦是食店顧問原隻燒鴨鵝髀米粉鵝皮燒得酥脆，色澤均勻，肥瘦適中雙拼湯粉的叉燒可向店員提出特別要求！第一刀每日限量供應，肉內帶筋，脂香而不膩豉油雞皮爽味甜，而且雞肉嫩滑，醃得入味湯粉可選米粉、瀨粉或河粉！加$10可配特飲

中午同同事一行三人前來共進午餐 唔洗等直接可以入 一坐低 叫咗個燒味飯雙拼 叉燒拼燒肉 5分鐘後就上菜 叉燒食落 好普通 同一般燒味飯質素差唔多 燒肉 件件塊皮都甩曬 食落有d 韌 同同事交換左雞 都係一般 骨比肉多果d位 所以我覺得一般般 而且價錢偏貴 $65 蚊雙拼燒味飯 仲要同唔識既人搭枱 我覺得我下次唔會再黎 總括而言 真係好一般 唔好抱咁大期望 份量都唔多 中午12點食完 3-4 點 就開始肚餓 環境都係一般般 坐得唔太舒服 而且店內 聲音好嘈 唔能夠和同事吹水 性價比不高 所以只能比中評 謝謝

今晚放工仲見到陽光，兩個人試下食神叉燒。見到佢有二人套餐，可以揀小菜同埋燒味雙拼，又有湯或嘢飲配，加埋白飯或湯粉，好似幾豐富，就揀咗個二人套餐。小菜都有好多款，我哋加咗$30要咗個椒鹽鮮魷。燒味雙拼我哋就揀咗叉燒同埋燒肉。如果你哋想食燒鵝嘅話，可以加$5轉燒鵝。可以揀湯或者飲品，我哋都揀咗湯。椒鹽鮮魷：正常發揮。粉漿唔會太厚，魷魚唔係好un，味道唔會太咸，有鮮味。叉燒：叫得做食神叉燒，對佢嘅叉燒好有期望，但點知得失望。完全冇窿邊。不過唔解鞋口既。燒肉：一睇個皮就見到做唔到爆皮。個皮係死實實嗰隻。中湯：清甜好味。湯瀨：其中一個澱粉質類，揀咗湯瀨。啲粉唔係碎濕濕嘅，個湯底有胡椒味，幾香。總結：- 叫得做食神叉燒，但今晚食咗兩個燒味都唔好食。失望。- 食左1/3先記得影相。

是咁的呢排因為工作關係 成日要問霞姨攞飯盒咁啱做嘢去到北角 電氣道 見到 食神叉燒 咁就上去順手攞個飯盒走係門口眼見環境乾淨企理 裝修又新 真係好想坐喺度食慢慢嘆吓 可惜不能係到等咁耐返到自己公司 一打開個飯合 燒味既香氣 芬香撲鼻 叉燒雖然唔係半肥瘦 但係一樣鮮嫩多汁 最緊要唔燶邊 太燶本人接受唔到 個叉燒汁鹹甜到適宜燒肉 皮脆 咬落去卜卜脆 肉質唔會柴皮 肉底唔會太鹹 （其他燒肉都會因為醃料醃得太重手 同冇處理過 食落去會太鹹）呢個霞姨嘅飯盒 值得一試👍

有一日塔塔只去完油街做文青，搵吓附近有乜嘢好食啦！下彈吓就見到一間門面好吸引寫住食神叉燒嘅舖頭，一於入去試上佢嘅小菜二人餐第一碟係叉燒豉油雞雙拼，個叉燒色烤焗到剛剛好，肉質緊實，入口即化。豉油雞望落同平時嘅油雞唔同，開頭仲問店員係咪比錯咗切雞我果然豉油味唔係好突出，反而咁樣會食到雞嘅鮮味。令人唔停嘴，配瀨粉一流。第二碟係豆腐火腩煲，火腩肉質地好腍身，配埋啲豆腐一齊煲，煲仔好有鑊氣，熱辣辣好開胃。啲火腩同豆腐都吸收咗啲湯汁，令湯汁更加濃郁好味。食埋啲白飯，真係一流嘅享受。總括而言，呢兩款菜式都好正，值得一試。叉燒豉油雞雙拼嘅兩款肉都好香濃，白飯殺手是也，令人回味無窮。總括來講，份量唔算好多，不過兩個人來講都算夠食，而且環境氣氛幾好，係一間幾特別嘅餐廳！叉燒絕對值得一試

服務態度差不在話下, 明明見到舖頭得兩枱客， 行入去話唔入得住要喺門口等, 等咗十分鐘終於頂唔順要走又試過, 成間舖頭得一台客,入去都一定要逼你打對面坐又試過， 嘢食落錯枱放咗響人哋嗰度一陣, 人哋喺度吹緊水未食， 兜口兜面同你換返就算， 雖然疫情減卻咗啫我都唔想中招㗎, 態度差唔講喇我諗受過嘅人都知㗎喇。 雖然喺附近返工,食呢間幾方便，但係都真係唔會再畀機會！！！！

尋日晩上嚟買外賣，發現鋪頭竟然有人包場，有十個八個人企係入面飲酒同食嘢，枱面也放了食物。由於我都係嚟買外賣，所以入去ordered左之後就行返出舖頭外面等。但是我發覺收銀個職員服務態度比平時好左好多，往時你落完order佢係無乜反應，唔多理你。但尋日態度好而且好attentive。返到屋企，打開盒梅頭叉燒，我呆左一呆，發覺唔單止質量比平時好，而且份量也比平時多一點，顏色及賣相都好吸引。唔係話佢地平時啲嘢食差，只係質量有時唔係太穩定，有幾次買翻屋企嘅叉燒又燶又硬，話唒係買梅頭，照計無理由會硬嘅啫！其實寫呢篇review只係想同有關人等反映下，包括呢間舖頭嘅老細同伙記。班伙記其實有心做係可以做得好，唔好因為有老细係度先至有質素有服務。至於做老细亦應該要做好佢地份工，要時時返來check下，make sure保持住質量，咁先至係做生意㗎嘛！

呢間餐廳聽就聽過好多次 但真係早幾日先第一次食😁 餐廳裝潢新潮 店內掛上大大個型格霓虹燈招牌 燒味由主廚榮師傅主理(師傅以前係叉燒名店新桂香做)✨  叉燒有燶邊嘅脢頭第一刀(即豬肩位)($120/例)🔪 軟腍度適中帶爽勁 不過個人更鍾意肥美啲嘅食神腩叉燒($120/例)😋 表面焦香咬落又有肉汁  晚市有小菜套餐可以叫餸食飯 試過以下菜式 椒鹽鮮魷: 薄薄一層炸皮 魷魚非常新鮮👏🏽麻辣雞煲: 雞肉惹味彈牙😻 辣度絕對係普遍香港人接受到嘅程度 xo醬西蘭花炒帶子  另外都食咗脆皮燒腩骨($130/例) 燒肉化皮卜卜脆 不過偏乾身同瘦少少🤏 整體嚟講 呢個價錢 呢個質素 絕對收貨🫡

food taste is fair level.chasiu do not have crispy dark edge, very bad.just a very normal meat.but cost you $85, without drinks.chasiu quanity is a bit small for that price.seat ok. air-con too big, force you to leave, it is a marketing strategy.why i come this is the peninsula 半島is queue too long, they just 60, 68$ much cheaper than this.nextime will go back 半島冰室。 thats why no one queue for you, bye wont come back.#food #hkfood #hongkongfood #hongkong #hongkongdessert #hongkongcrusine #omicron

食物：味道質感合格，份量過少環境：裝修不錯，冷氣風很猛，檯面紙巾，牙簽都吹得跌，怕凍者要著樽領衫，沒卡位不喜歡，店內音樂太大聲，太嘈。試食當日，每檯都係食完即走，唔會坐低慢慢歎茶。如果佢哋目的係唔好太舒適，想客食完快啲走翻多幾次檯，佢哋真係好成功。服務：非常一般，叫伙記俾多包糖，應左冇回頭。餐具：全用即棄餐具仲加包裝袋，個人十分討厭堂食即棄餐具，好唔環保。整體性價比：頗低個人係燒味控，又中意邊食邊睇片上網聽歌，可以講此店絕對唔係我口味，食後感係不會再光顧。

炮台山唔知食乜好，梗係叫個frd揀啦。今次就一齊去做食神😂😂門面都行懷舊feel,都幾啱遊客打咭晏晝以燒味飯嚟講依個價錢又唔叫喎，咁我就叫咗滑蛋三寶飯（$58）三寶係有蝦，叉燒，同埋燒肉。每款大約有2-3舊左右，每舊都算大舊既滑蛋方面同一般既滑蛋蝦仁飯差唔多，都係咁滑😂😂叉燒同燒肉都唔會過鹹，成個飯都好夠味👍🏻餐具以獨立包裝為主，方便又衛生另外，食緊期間都見到有幾個人攞乳豬仔。睇過價錢都唔算好貴。有機會可以試吓

係北角收工後想食燒味飯，俾個餐廳既燈光吸引到，好似好好食咁。入到去嗌完個餐之後，好快就有，不過係外賣盒裝住，賣相一般，味道亦不驚艷。待應態度好麻麻。一個叉燒飯差唔多 $90一個，絕對係CP唔高，應該唔會再回頭。好食指數 : 7/10CP值 : 2/10回頭率 : 3/10價錢 : 8/10

💁‍♀️💁‍♂️12/12/2022, Dinner🍽話說都知道電影📽《食神》入面黯然銷魂飯既原創者💁戴龍師傅監制既食神叉燒喺炮台山開業多年，一直都未有機會嚟試吓，A先生今晚終於有機會嚟買份叉燒加餸🤩。電影入面既黯然銷魂飯就食到家燕姐流眼淚🥲，因為屋企已經煮好飯既關係😆，A先生就唔可以成份黯然銷魂飯買返屋企，唯有買半斤食神腩叉燒先試一試😋。🔆 食神腩叉燒（半斤$96，外賣盒另加$2）店員推薦既食神腩叉燒，用上五花腩製作，食落肥瘦相間，會更香口好食。買完拎到返屋企打開見到叉燒表面油潤帶有燶邊，雖然食既時候已經凍咗，但厚切既叉燒咬落依然鬆軟，帶有玫瑰露既香氣，五花腩食落都唔太肥，反而多點脂肪令到叉燒食落帶多點脂香。整體嚟講係好食既叉燒，如果堂食叉燒係熱食既話相信會更好食，係取價略為貴咗少少。🔆🔆🔆🔆🔆🔆🔆🔆🔆🔆🔆🔆🔆❤🙆‍♂️(A先生)整體食評：❤❤❤❤(4/5)❤🙆‍♀️(為食妙妙)整體食評：❤❤❤❤(4/5)👉🏻 食神腩叉燒好食，有機會試晒成個黯然銷魂飯睇吓會唔會食到流眼淚先🔆🔆🔆🔆🔆🔆🔆🔆🔆🔆🔆🔆🔆

真的是正正式式來到炮台山上班之後，才知道 AIA Tower 的周邊，係有咁多野食既。而且，有唔少幾有 gimmick 下，店名幾得意既食店，吸引人入去吃之餘，又可以給男男女女打卡用。這一次，我來到了一間名叫《食神叉燒》。簡單描述，就是一間時髦的燒臘店。所謂的黯然銷魂飯 (叉蛋飯) 就沒有試了，來兩次，都是食傳統野，燒味雙併飯。小店的裝修算是有少少特色。有時尚的所謂工業風，有少少的懷舊擺設，也有仿西式的物品。店內有一個飲品櫃，汽水、啤酒，甚至洋酒都齊全。只是，傳統斬大舊叉燒要配玉冰燒架嘛，沒有廣東燒酒，是一大敗筆。餐具的包裝也非常之精美。可是，大大間餐廳，堂食都用即棄餐具，有點兒不開心。第一次來，我點了叉油雞飯。叉燒，夠甜，麥芽糖落得足，吃起來有令人開心的脆口感。再者，這店是用梅頭肉來整叉燒的，肉質腍，肥瘦感均勻，是沒花假的好叉燒。豉油雞，皮爽，味道甜，而且雞肉嫩滑，水準幾好。燒味飯既份量亦是剛剛好，喜歡食燒味飯的我，感覺到小滿足。改日，我都係唔捨得食黯然銷魂飯。那就改一改的慣食的雙併，點了叉燒燒肉飯。叉燒好味道不再多說了。說燒肉，是正宗的燒腩仔部位，的確有幾層不同的層次感，而且燒肉皮