Dazzling Cafe (皇室堡) (已結業)

原本一直都有聽過呢間cafe，想試左好耐但一直都未搵到時間去，見到佢搞緊優惠，我朋友又有七折，所以就去食下啦。 果日我地6點去到都已經好多人，我地叫左明太子意粉，黑松露薯條，同埋抹茶麻糬窩夫。個明太子意粉都幾足料，每條面都沾到明太子，唔錯唔錯。反而個薯條就比較失色，只係將啲黑松露醬點左上去，一pat pat 甘，又無咩味，好一般。最有驚喜係個窩夫，外脆，入面啲麻糬好煙韌，口感好好，抹茶味都食到，所以係幾好既一個甜品，我同朋友差啲想encore，只可惜太飽。 有7折計番每個人都好抵，但無折既話我可能會淨係因為個窩夫再去食。

同老公拍拖行緊皇室堡....見到呢間餐廳 , 見到入面坐位幾得意同梳化椅有咕𠱸 , 就決定同老公試下啦 ,  餐牌有好多款菜式 , 小食款式都好多 , 老公就叫明太子意粉.....我要青醬奶油雞腿意粉 ,  我略嫌個意粉醬杰左D , 食多幾啖就"漏"......原本驚唔夠飽叫左個雞翼 , 結果眼闊肚窄....同老公夾硬食晒雞翼.....味道同質素黎講 , 意粉....10分滿分比7分....雞翼比8分....飲品都8分啦

自從有左小寶寶 戒凍戒甜戒咖啡戒到個口冇晒味覺老公今日陪我產檢 睇到小寶寶應該心情好恩准我食一次甜食俾我開心下終於可以試哩間甜品精緻的Dazzling喇入場前服務員已講明每人必須要消費一杯野飲，即係話兩個人叫左兩份食物是不可以的，兩人均需要叫飲品各一杯如期中的味道缺點係面面的朱古力餅只有一塊原整旁邊的兩塊餅及兩支威化條只有半條橙汁明顯足料 點左最右邊 由上數到下 第3項 草莓🍓味一定要升級麻薯主角好靚 我老公唔明點解旁邊咁多款醬🤪價格合理每啖鬆餅的麻薯份量滿足到我兩人埋單二百五有找 （包加一服務費）唔知幾時再黎要卸貨之後先有得再諗唔建議同朋友邊食邊傾因為有限時（好似得個半鐘）

今日因為朋友中咗「 尋找蜜糖吐司代言人」身份證中指定英文字，所以我哋可以有7折優惠 咁耐冇食過都有啲掛住佢d意粉😚😚😚今日我地約咗7點，但係排到差唔多八點三前有位入去之前我地已經諗定食咩因為都排咗成個鐘😂😂 本身諗住叫嘅都有幾樣sold out 咗，可能因為今日已經最尾第二日？ 同埋我哋都算係最尾個幾枱客今日同平時一樣每人都要叫一杯野飲我哋就叫咗特濃朱古力冰沙焦糖牛奶冰沙西柚熱情果茶嘢食就叫咗黃金烏魚子蒜香意粉青醬奶油雞腿意粉黑松露薯條Buffalo chicken wings珍珠奶茶waffles所有叫咗嘅嘢都好好食🥰🥰🥰 包括嘢飲都係😚😚😚因為有7折嘅關係，所以最尾都係每人$160左右😋😋😋😋

朋友介紹話呢間台灣過江龍Dazzling Café有7週年特別活動，名字中左指定同音字就可以有折扣優惠，咁難得中左就要去試下啦。銅鑼灣分店餐廳較為簡約，尖沙咀就好粉嫩，每間都有唔同風格嘅打卡style呀👅🔸番茄明蝦意大利麵 (HK$118)除左甜品，主食都幾多選擇。我就揀左銅鑼灣限定嘅意大利麵啦，番茄汁酸酸甜甜好開胃，意大利麵硬軟適中。最驚喜嘅係明蝦超大舊而且厚肉，食落好彈牙呢。仲有羅納葉做點綴，更有香氣🍝🔸朱古力蕉響曲蜜糖吐司 (HK$98)原本糾結左好耐要士多啤梨味定係朱古力味好，最後都係揀左朱古力味。一上枱個個都望住，因為個size都幾大個的。吐司上面嘅朱古力雪糕大大球，仲有cream、焦糖香蕉等等，未食都已經好有滿足感啦。吐司其實食落唔會有好突出嘅蜜糖味，因為會配埋其他雪糕cream一齊食，2個人食其實都幾飽肚啦😁🔸極品可可沙冰 (HK$55)夏日炎炎就係要飲沙冰啦，朱古力呢杯上面配埋oreo好match呢。飲落凍冰冰好清涼，配吐司就最一流啦🥸🔸海鹽焦糖沙冰 (HK$58)另外仲叫左杯焦糖味沙冰，上面裝飾超多超足料，超邪惡呀。入口有焦糖同奶味嘅柔滑口感，呢杯比朱古力沙冰較甜呢😜

午市套餐 $120套餐包了一份迷你凱薩沙律，另外包了一杯飲品，小編和同事都選了四季水果茶🍹一杯凍一杯熱～水果茶用香橙🍊、蘋果🍎和士多啤梨🍓沖調而成，酸酸甜甜，色彩繽紛👍🏻主菜分別選了明太子和黑松露義大利麵🍝 小編十分喜愛這道明太子意粉😋意粉上加了紫菜絲，麵條軟硬度適中，醬汁不膩，掛滿每條麵條☺️整體食物美味指數：9/10 （10分滿分）*用餐時間90分鐘，需加一服務費

於5月23號晚上8點00分於銅鑼灣分店吃晚飯。但該店職員服務超級差，不論樓面上的男女同事，落單當時有一名女職員態度和服務也是零分，再者另外一位男職員，也是一樣。整個過程，絕對不值埋單時的價錢。本人都係做飲食行業，明白 Dinner 時段係比較繁忙，而且人手不足，如果直接說出原因，而你地職員願意承認錯誤，有講對唔住或唔好意思既話，我會諒解及接受。但我係當晚完全感受唔到，反而覺得我煩。請問呢個就係你哋應有嘅服務態度？

講唔停可以話係呢間餐廳嘅專業打手🤪周圍嘅朋友都應該比我sell過呢間餐廳🤭因為佢真係好好好食😭 利申無收廣告費的～🥺明太子意大利麵 $98呢個必叫!!! 佢個汁creamy 得黎唔會太杰 所以食唒都唔會漏🥰仲要有好多一粒粒嘅明太子同洋蔥粒 口感滿分💯 之前食過黑松露嗰款都okay但係明太子實在係太出色 真係好推薦大家去試吓😝我家。牛肉麵 $108呢個牛肉麵都好正👍🏻👍🏻個湯頭好濃味 而牛肉都炆得好淋之餘份量唔少😆 覺得齋食意粉悶嘅話都幾推薦叫呢個💫Dazzling 和牛堡 $120呢個就相對普通🙈 牛肉唔係話好有油脂嗰種 不過調味都幾唔錯嘅🤟🏻另外 Menu上面話會辣 恕講唔停就食唔出啦😅Dazzling 鹽酥雞拼盤 $93呢個有晒鹽酥雞 甜不辣同炸墨魚丸🤩個鹽酥雞真係超級juicy 其他兩樣都好香口🤤經典巧克力鬆餅 $90 + 麻薯$15鬆餅真係做到外脆內軟😍 加埋麻薯煙煙韌韌咁好正😋仲夏熱帶水果茶 $52講唔停每次都係叫呢個🤣好欣賞佢個味道好天然 完全無化學味🤔 而且極大壺 點飲都飲唔晒 不過會想佢少甜啲🙆🏻‍♀️經典dazzling 可可 $45呢個係講唔停家姐嘅最愛 不過個人就覺

呢間Dazzling Cafe應該好多人都識，係來自台灣既超人氣甜點餐廳，最低消費每人一杯飲品（只限飲品，食物另計）❤︎服務：經過幾年既洗禮，兒家樓面員工變到得2個香港人跑全場，完全人手不足❤︎環境：好大，有分室內室外，但因為人手不足所以只係開左室內座位❤︎食物：蒜香意粉，珍珠麻薯窩夫，兩杯飲品黃金烏魚子蒜香意大利麵：超香蒜味，烏魚子炸到好香口👍🏻珍珠麻薯窩夫🧇煙煙銀銀好好食🤭就係為左呢個黎食薄荷朱古力可可，蜜桃冰茶

主要一嘗明太子意粉好creamy, 味道好好台式拼盆一定要order鹹酥雞好好食飲品order咗水果茶本身同侍應講要少甜但甜度原來無得揀 不過都ok最後食埋個麻薯waffle, 呢個無相像中咁wow整體唔錯除咗門口帶位個哥哥比較串之外

🇭🇰 Dazzling Cafe·呢間真係超耐冇食啦 上一次食應該已經係仲讀緊u嘅時候😂😂呢度啲嘢食其實唔貴 但係佢每人最低消費一杯嘢飲 而且我印象中佢啲飲品唔係特別好飲嘅 所以我次次黎都係飲果汁🙊🤣🤣·經典巧克力鬆餅$90 (麻糬+$15) l 松露薯條$58佢個麻糬鬆餅仲係咁好食🤤🤤尤其係今次我覺得佢入邊麻糬個比例超多 口感好好 不過佢個鬆餅就咁食我就覺得好似淡味咗少少🤔要搭埋佢個雪糕一啖擺入口先正啲😈佢個朱古力雪糕真係好濃 而且入邊仲有啲朱古力碎 我自己好鍾意😍😍之後我哋就嗌多咗一個松露薯條嚟一路傾偈一路食 佢嗰薯條都真係好好味 炸到好脆 而且好多松露😋·#rbyeat#rbycafe#rby尖沙咀 #rby銅鑼灣·📍銅鑼灣告士打道311號皇室堡3樓313-314號舖📍尖沙咀彌敦道100號The ONE 3樓22號舖

嗰日去食嘢已經過咗Lunch Hour，不過仲係好多人，加上餐廳入邊有一個Area冇開，大概等咗兩三張枱先入到去。餐廳裝修好靚，坐得舒服枱同枱之間唔會好迫，啱晒同朋友嚟傾偈。過咗lunch hour無得叫lunch set，我哋散嗌咗一個主食、一個甜品同兩杯飲品，因為呢個時段最低消費係每人一杯飲品，主食甜品唔當係最低消費。本來想試台灣野食，但咁啱好多都賣晒，最後叫咗青醬奶油雞腿意大利麵($98)、經典蜜糖吐司($88)、玫瑰荔枝氣泡飲($45)、仲夏熱帶水果茶($52)。青醬奶油雞腿意大利麵($98)青醬味好充足，每一啖意粉都充滿青醬奶油同埋蒜香味，不過份量有啲小。經典蜜糖吐司($88)甜品可以後上，蜜糖同吐司好夾，Cream唔會太甜，配埋雪糕一齊食非常推薦！玫瑰荔枝氣泡飲($45)、仲夏熱帶水果茶($52)玫瑰荔枝氣泡飲有啲太甜，乳酸味太重有少少似飲緊益力多，本身諗住飲啲Fresh啲嘅飲品，但整體太甜有啲失望水果茶用料足，仲可以自己慢慢倒出嚟，可以一邊傾偈一邊飲，打卡都好靚

⿻⿻ 𝘋𝘢𝘻𝘻𝘭𝘪𝘯𝘨 𝘊𝘢𝘧𝘦𓏲𓏱𓏭𓏭今次去咗dazzling cafe皇室堡嘅分店 呢間鋪開咗好耐今次係第一次去 最低消費 係每人一杯飲品鋪頭都幾大間下 係裝修係個種比較華麗好少女心嘅宮廷風格 都幾啱佢個名～試咗最出名嘅珍珠奶茶鬆餅 中間有球奶茶雪糕配埋鬆餅上面嘅珍珠夠像真 味道唔錯 不過cream都幾多 食完有啲漏 佢地嘅latte伴碟有塊lotus曲奇餅 一邊飲一邊食有陣焦糖味都唔錯 ₍ᐢ⸝⸝› ̫ ‹⸝⸝ᐢ₎試咗rose latte 玫瑰咖啡好多地方都有 配埋酒就真係少見 玫瑰嘅味道好溫和唔係糖精味 金莎榛子latte比較甜 幾似金莎朱古力嘅感覺𓏲𓏱𓏭𓏭Bubble Tea Waffle with marshmallows $90Rose latte with alcohol $45Hazelnut latte $45

朋友揀呢間餐廳食lunch, 我真係後悔無睇下openrice comment 就去左。一入門口男侍應Stxxxen已經好串咁話我未填紙或嘟安心，未坐低食野已感受到佢態度差。我估呢位侍應可能係老闆，唔憂做，我同朋友係坐左好耐都未叫食物，佢一行埋黎就話我地坐左成30分鐘都未叫野食，話佢地有限時個半鐘，然後超串咁話好啦我而家俾多半個鐘比你地啦，聽到佢咁既態度講野，我就話你洗唔洗態度咁差一行埋嚟就話我地坐左成30分鐘啫，我係想唔叫野食住，我唔需要你俾多時間我，然後佢bla bla bla， 仲大聲過我，一路走開時一路講話做好人變左做衰人。食完後有個女侍應行埋黎話我哋夠鐘，要走架喇，我話搵返個男侍應黎，要睇清楚佢個大名，男侍應埋到黎仲繼續大聲夾悪，話我地夠鐘，要走架喇，係咁趕我地走，其他枱客人都望住佢。呢間餐廳食物唔算好好食，價錢又唔平，5歲小朋友以上都要規定叫一杯飲品，服務態度咁差，消費仲要受氣，未去過既人，諗清楚係咪想受氣先好去。

今日去銅鑼灣行街街，去到皇室堡見到有間 Dazzling Cafe, 因為之前未試過，所以姑且一試。今次係食 lunch.店舖食物種類 ok, 可能主打甜品，所以西式午餐主要得義（意）大利粉。而飲品款式都多，我就不幸地點了熱果茶，外表雖然好靚，但杯飲品真是太太太太太甜了，超頂級好很難飲。此外，主食我點了花支干貝麵，雖然食店將黑椒落得重手咗，整碟粉偏辣，但其實味道係 ok，只是杯果茶嚴重影響心情，攪到食落冇心情 。服務方面，店員勤奮清碟快手，但有一男店員怪怪的，講嘢好大聲又粗魯（不是對我講嘢），其實佢同其他同事或顧客講嘢係唔洗太大聲。