Dazzling Cafe (皇室堡) (已結業)

難得放假 緊係要搵cafe hea下🥲但估唔到閒日呢間cafe都咁多人😂每次黎都要飲呢杯焦糖瑪奇朵🥰🥰上面啲爆谷好脆架😍😍皆因本人極愛焦糖 所以去邊都會簡焦糖既飲品🥰今次試左個小食 炸地瓜條雖然好好好好熱氣 但真係好好食😂😂食唔停口 係台灣既味道🥲而我今次既主菜就選擇左有小小似墨西哥🇲🇽既薄餅 佢有埋吞拿魚加salsa sauce😍😍本人係極中意食呢味餸 佢中間有埋芝士😍大讚😍😍最後緊係唔小得呢間主打既明太子意粉每次都要食🤪食極都唔厭 明太子意粉汁夠creamy 又掛到係意粉上面😍正呀🤪🤪不過當日實在太多人 成間cafe變到好嘈好嘈🥺略扣小小分🥺

最喜歡到銅鑼灣分店的Dazzling ，。因為可以坐窗邊看看銅鑼灣嘅街景，看著忙碌嘅街道，急速嘅行人步伐，嘆口咖啡，多放鬆。松露薯條$58 新鮮炸起，非常香口，好脆。點松露沙律醬好夾。冰白草莓巧摩卡拿鐵$48 （只有凍） strawberry white chocolate mocha朋友跟餐點了水果茶，我單點了我的最愛，杯的底部是士多啤梨果蓉，搞匀再飲，甜度剛剛好，有咖啡味不太苦，又有草莓🍓香。明太子意粉份量好多，每一條麵粉都掛滿明太子汁，好味。

呢間來自台灣既餐廳其實已經黎左香港好多年🇹🇼 小編係佢啱啱開嗰陣去過尖沙咀分店，今日就帶大家去銅鑼灣分店睇下佢質素有冇變😆 餐廳幾大間，座位寬敞得黎裝修同食物都好少女心💕 仲有好大既開放式飲品吧🍹 不過比較特別既係每人都要叫一杯飲品架～🌟 莓好時光蜜糖吐司 ($118)吐司不論賣相定味道都出色🍞🍓 麵包條沾滿蜜糖香氣甜甜地🍯 配埋草莓片、忌廉、雪糕球一齊食真係好滿足☺️ 值得一讚係雪糕球有粒粒果肉，亦唔會過甜😚 另外仲有馬卡龍同蜂巢做裝飾，啱曬鍾意打卡既大家呀😛🌟 和風BBQ豬排三明治 ($105)吉列豬排炸得鬆軟唔會乾😋 配埋沙拉醬同芝士無得輸🥪 麵包香脆得黎又鬆軟，即係外脆內軟口感😛 不過略嫌隔離既薯條太乾同硬左少少🤫🌟 冰薄荷巧克力 ($45)薄荷朱古力賣相好睇🍫 上面仲有好厚cream😍 不過要攪勻d先好飲～ 🌟 玫瑰荔枝氣泡飲($45)氣泡飲飲落似乳酸，荔枝味較淡 不過都飲到少少玫瑰味🌹*另收加一服務費味道：🌕🌕🌕🌖🌑環境：🌕🌕🌕🌖🌑價錢：🌕🌕🌕🌗🌑

呢間餐廳以前真係成日排長龍 不論尖沙咀定銅鑼灣鋪都成日要排隊 但原來而家已經唔同哂😑好前出名係女僕Cafe同埋入面會真係有台灣人做侍應 而家連侍應都唔多個😓唯一不變就係每人一定要叫一樣飲品🤷🏼‍♀️我到而家都唔明點解要咁餐廳得幾樣野算好食🤫其他都係一般明太子義大利麵🍝呢個係肯定好食既 可能d汁預先做好 次次食教係咁嘅味道松露薯條🍟以價錢來講 算係多松露 不過叫人比多d茄汁果陣 你要比小小耐性仲夏熱帶水果茶🍹呢個其實要讚下 熱既水果茶呢間真係好好飲 好濃好香 凍既就好普通 雖然呢間餐廳冇以前咁好 但希望唔好執笠啦 🙏🏻加油

星期日銅鑼灣都比較多人，今日黎到皇室堡搵到一間唔洗等位，裝修又好似幾靚既餐廳，就試下佢先。入到去成間餐廳都行少女風，枱櫈都有d公主feel，因為係台灣餐廳，所以播住既歌都係台灣歌。前菜叫左個柚子蜜雞翼，甜味好夠，每隻雞翼都大隻，外皮脆而且柚子味好香明太子義大利麵，明太子完全融化左落去，每啖都係濃濃明太子味，加上面頭既紫菜，更加增添左口感青醬奶油雞腿義大利麵，味道唔太鹹，而且雞腿都好大塊，唯獨乾左少少，肉質有d鞋餐飲係蜜桃柚香冰荼，好清新既味道，唔會太甜太濃，蜜桃味夠，行左一日街，飲一杯即刻精神晒！而另一杯係草莓奶茶，呢杯有驚喜！好靚而且草莓好多，全部都唔酸，清甜，而且好大杯

去到皇室堡食飯，好幾間都排長龍，得呢間可以直入仲有一半吉位，本身有啲不祥預感。之後果然中伏，坐低左，叫完野食先話最低消費必須要一杯野飲，野食唔計，我就覺得係明屈。食咁多年野都未試過食物唔計最低消費。之後叫左台式麻油雞麵同牛肉麵，雞面既面條煮到過曬龍，張住個口一pat pat, 雞肉鞋過鞋底，似煮咗超過一個鐘，牛肉麵就好彩正正常常。飲野就被逼叫左杯Espresso 同水果茶，espresso正常，仲有塊lotus餅，水果茶就過甜。埋單兩個人$312，人均$156。突然覺得茶木好食N倍又平啲。

呢間台灣嘅人氣Cafe係香港開左都有一段時間，行經銅鑼灣皇室堡，又見冇咩人排隊，就去試下啦🙂❣️佛羅倫斯花枝干貝麵$98干貝大大粒，味道鮮甜，而花枝彈牙有鮮味，配上有鑊氣嘅意粉，味道豐富❣️和風BBQ豬排三文治$105麵包烘過增加脆口嘅感覺，可惜豬排好似炸左好耐，非常硬，就算有BBQ醬同沙律醬都救唔番個味，唯有食隔離熱辣辣嘅薯條🍟🍴須加一服務費好味度：7.5（10分滿分）味道冇咩大驚喜，價錢都較高，反而下次想試甜品多d

食完午餐仲未夠喉， 突然諗起好耐冇食過dazzling cafe既麻糬窩夫。 立即起程！！好彩去到銅鑼灣店都駛排好耐隊。 相信食過既人都知道佢每款甜品都好靚好吸引， 完全令人選擇困難呀😫最後我地order左抹茶紅豆窩夫加麻糬， 外脆內軟加埋軟綿綿麻糬真係超好味呀～～ 店舖有要求每人要叫一個飲品， 由於我本人完全抗拒咖啡味既所以產品， 所以就叫左薄荷朱古力， 覺得有d太甜， 不過上面好大舊cream好合我心意🥰🥰🥰

今次食完飯想食甜品 行下行下見到Dazzling Cafe 見無咩人 所以就入左去食 由於我地食完晚飯 而且餐廳價錢亦唔平 所以原本我地打算Share食 點知佢規定每人一定要叫野飲 同最低消費意念完全唔同 感覺有啲迫你消費 而且因為我地原意係想食個甜品 但店員見到我地叫唔多野 態度都唔太友善 有啲失望先講飲品 兩杯飲品價錢都唔平 凍朱古力就比啲碎冰搞到比較淡 唔好飲 另一杯仲衰 只係樣貌好值得打卡 但上面所有浸到飲品同浸唔到飲品既都係淋既 超級失望至於甜品 理想值相對較高 熱辣辣嘅窩夫配上凍冰冰雪糕 雙重享受 而窩夫內就藏有煙韌珍珠 食落都唔錯

第一次去一間餐廳食嘢咩都無，吐司專門店🈚️吐司，上網睇評論介紹豬扒三文治好食打算試下，點知落單又話無🙄仲要每位客人一定要叫一杯飲品話係最低消費。真係唔想再黎幫襯

服務態度一個字"差", 想食餐飯竟然都要受氣？店員連一啲基本禮貌都無，如果一早有睇到啲差評，真係唔會嚟！成個用餐過程，啲食物係點都已經唔重要，因為未食已經一肚氣！

行下行下街肚仔餓想食少少野，就黎到皇室堡嘅Dazzling Café，係一間黎至台灣嘅人氣café。呢間分店環境好寬敞，空間感大，加上落地大玻璃窗嘅採光度高，坐入去食野心情都靚D。莓好時光蜜糖吐司 ＄118 Strawberry Time Honey Toast之前尖沙咀分店好多人排隊嘅時候已經食過佢地嘅甜品，當年嘅水準到而家黎食仍然係無失色！無睇佢咁大個麵包磚，就諗會唔會好乾，睇番面層嘅cream、士多啤梨、蜜糖同埋士多啤梨果醬，就會知道食落係唔會乾嘅，反而係剛剛好，唔會乾亦唔會好甜。中間嘅麵包被掏空再切成正方形一粒一粒，方便大家逐粒拮黎沾醬加士多啤梨食，好細心同時係呢個甜品嘅特色！同MENU一樣，都有兩枝朱古力捲捧同埋雲呢拿馬卡龍，圖片唔係只供參加，係可以講接近一樣，好欣賞！莓果滿天星 ＄58Berries Gypsophila夏天黎飲呢杯冰凍莓果沙冰飲，實在好適合。酸酸甜甜，莓果嘅味道士多啤梨比較特出，仲有藍莓紅莓加埋脆酪，好清新好解渴，面層嘅手指酥餅沾少少cream食，好夾！皮諾克天空 ＄58Cold Pinoko淨係睇佢嘅顏色就已經好靚好吸引，一杯飲品好清楚咁演繹左藍天白雲嘅

呢間真係幾推薦俾大家食 佢係無論小食主食甜品都係好味同好低食雞翼係炸過架 水牛城個汁夠辣 好惹味 ！意粉個帶子好大粒好juicy 最重要佢係煎過 好香！ 意粉軟硬度岩岩好！魯肉飯雖然未去到好好食 偏淡吾太夠味濃味啲會更好 但好大碗 佢啲肉同飯俾得絕對係吾孤寒 ！$78絕對係值 仲有蛋花湯暖胃同前菜木耳開胃！嘢飲叫左個pop pop 有顏值又好飲 啲餅乾係仲好脆！最後個甜品鬆餅都係脆架 馬卡龍都好有水準呢間絕對吾係誇張 而家價錢係算抵食係會有想食第二次既衝動架🌟

呢間cafe既朱古力產品同埋甜品都幾出名👍 因為宜家只可以日頭堂食 所以就唔叫甜品 只試佢既小食，主食同埋飲品小食甜蕃薯條 - 蕃薯選材合適 炸後依然有蕃薯既香甜 而且即叫即炸 出到枱仲熱辣辣 好味👍鹹酥拼盤 - 有3款不同口感既食物合拼 有鹽酥雞，花枝丸以及甜不辣😋 首先3樣食物同樣都係新鮮炸起 熱度一流👍 而我個人最欣賞鹽酥雞同埋甜不辣 雞炸完依然爆肉汁勁juicy 甜不辣既煙韌 配上台式醬汁 非常好味主食青醬奶油雞脾意粉 - 青醬濃度十分好 唔會好強烈既草青味 但就有香草既香味 而且香煎既雞脾肉肉質嫩滑 切好上碟 方便進食🤤明太子意粉 - 不吝嗇既明太子醬 香濃既明太子加入意粉永遠係最好既配搭🥰 每啖意粉有滿滿既明太子填滿你既嘴 非常滿足🤩飲品薄荷朱古力 - 薄荷朱古力我永遠都會驚d薄荷味會好強烈到好似牙膏味 但呢杯既薄荷入口清新自然 冇牙膏感 非常舒服 而且出名香濃軟滑既朱古力 甜度不算甜 並無肥膩感 好味👍

呢日突登約左個女仔朋友出街，帶佢去依間由餐廳裝修到食物都咁少女嘅cafe到食lunch就啱晒，我地兩個人，一人叫左一杯野飲、一份意粉，仲有一個甜品，我地試左佢嘅明太子意粉 (Mentaiko Spaghetti with Cream Sauce) $98，好多明太子，又好creamy，但味道略為鹹，甜品叫左一個窩夫，香草冰淇淋鬆餅 (Vanilla Ice cream Waffle) $85，個雪糕有好香濃嘅vanilla味，又唔太甜，但窩夫就似乎焗得有啲耐，有少少硬同深色，啲cream又太甜，所以都係一般般，反而飲品我就好推介，值得又黎試下，我今次就試左依個玫瑰荔枝氣泡飲 (Rose＆Lychee Soda) $45，好香玫瑰味，同荔枝味好夾，又有果肉，整體唔太甜，好好飲，朋友就叫左個鮮果葡萄柚氣泡飲(Grapefruit Soda) $45，酸酸甜甜，我試左一啖，都好好飲，好似好多野食咁，但其實食完又覺得啱啱好，可能我地好肚餓掛。