Espresso Alchemy

營業中

休息中

今日想食panini做早餐不過唔係度度都有而且仲要係好食但見到呢間cafe有就去試下今次order咗煙肉芝士火雞panini 咬落去十分香脆而且好多餡口感好豐富而且一d都唔乾仲幾juicy有少少似食緊pizza咁而男朋友就order咗炸魚wrap一黎到見到都幾大碟炸魚整得剛剛好而且入面沙律菜好新鮮本身以為唔會太飽因為都只係菜同魚但比想像中飽仲order咗一杯mocha同milk chocolate 為今日嘅開始充滿能量

今日食左個early lunch, 11點半就到左，仲有好多位選擇, 呢度有落地大玻璃對住出面廣場的小花園環境都唔錯，但亦因為近門口，冷氣有d唔夠。點左煙鴨胸菠菜扁意粉同雜菌豬頸肉burger配芥末籽醬同朋友share；黎cafe就一定要點咖啡試下，因為覺得有d熱就點左ice mocha同ice cappuccino。先講下咖啡，咖啡味比較淡，而且偏酸，我同朋友都唔太喜歡酸的, 所以覺得一般。食物方面，煙鴨胸意粉個汁好淡，而且係闊既扁意粉汁唔夠味淨食意粉就會完全無味，要配埋煙鴨胸一齊食先好d。豬頸肉buger份量真係超大，而且勁厚係無可能夾住一啖咬的，雜菌主要係鮮冬菇同白本菇，菇味唔夠香，如果用磨菇味道會出d，於是件事就變得好分開，唔夾個burger。初初以為係平時食泰式細細片的豬頸肉，點知係非常厚切的豬頸肉扒，都好好味的非常爽口同重油脂，但burger個醬食唔太出芥末味就覺得只好普通既沙律醬。無比較無傷害，呢度食物都可以既，但當食過更好的就唔會再選擇呢度了。

附近做完野都成兩點，又唔想食唔係好夠飽既下午茶，見到呢度午餐供應到2:30，就坐低食啦！Lunch set 有好多款，沙律、三文治、burger 、意粉都有，總有一款岩。最後我叫左個好豐富既午餐鴨胸菠菜扁意粉鴨胸厚切，好嫩滑，唔會鞋晒，好好味！菠菜都幾多，加埋個汁食好creamy!藍梅合桃蛋糕蛋糕鬆軟，好香藍梅味，面頭有一粒粒既合桃，食落唔會油淋淋，應該唔係加左好多油。最後飲返杯抹茶latte 就完美啦！抺茶好濃好香，好好味，唯一不足係唔夠熱，如果呢樣都做好就無得彈啦！好滿足既一餐，食完繼續返工

今日本身諗住過嚟荃灣搵朋友,然後想飲杯咖啡就嚟咗如心廣場,佢入邊有免費泊車一小時,非常吸引我呢啲揸車的人餐廳環境非常唔錯，有落地玻璃商場外面，非常開揚座位就正正常常唔會太逼每次都會點我最愛嘅朱古力咖啡8/10👍朱古力咖啡算正常不過，咖啡味可以重一啲，朱古力亦都唔算好甜啊我呢啲唔鍾意食甜嘅人！賣相亦都比較靚菠菜忌廉雞肉長通粉：9/10👏我都比較長冇食菠菜忌廉汁，今次呢個菠菜嘅分量較多比較濃郁汁水唔會太稀，而且雞肉，煮得啱啱好唔會太柴，啱曬我鍾意食雞嘅人最後叫咗個甜品，抹茶忌廉卷甜度啱啱好，唔會太甜而且抹茶比較濃！

今早特登去這間coffee shop嘆番個靚靚早餐，去度餐廳已經差唔多坐滿，餐廳裝修光潔明亮，由於大玻璃關係，望住街外行人嘆番個早餐，特別寫意 ☕餐廳環境舒適，唔怪之得人氣一直高企👍Panini Avocado Tomato cheese牛油果/蕃茄/芝士三文治，牛油果份量都唔少，估唔到牛油果加蕃茄再加入芝士好match同有層次感，真心好好食😋配上了一杯熱Milk chocolate，劃花好靚，奶同朱古力比例剛剛好，超滑溜，不大甜👍Loaf-Blueberry bread -自家制，藍莓夾雜少少合桃，口感豐富，唔甜好適合要減肥人仕吃🤩

去開荃灣西又去附近的 Espresso Alchemy嘆杯咖啡食個晏先 ~~● 煙鴨胸配菠菜扁意粉 (HK$108)用了較粗身嘅菠菜扁意粉，質感柔韌有咬口又掛汁加入了菠菜平衡番煙鴨胸嘅膩感厚切又大粒嘅煙鴨胸，入口啖啖肉超滿足食完主菜梗係嘆番杯咖啡食件蛋糕 ~~● 自家製藍莓核桃蛋糕 (+HK$32) loaf cake 有香蕉 / 藍莓核桃 / 咖啡胡桃三款口味儍媽揀了愛吃的藍莓核桃蛋糕蛋榚帶點酸甜莓果味和香脆核桃的口感，滋味好食下次要試吓咖啡胡桃味先 ~~● Flat White (+HK$11)咖啡味偏 nutty，奶泡打得夠滑，好啱我的口味 ~~** 以上分享是以我的口味、體質和情況作出分享及感受，一試 / 合用與否請自行決定

食晏時間喺荃灣西，想飲杯靚咖啡☕️，用3秒時間諗一諗🤣，就決定嚟呢度開餐順便嘆番杯☕️😆呢度有多款 Lunch Set 可以揀，咁我揀咗 $108 嘅「煙鴨胸配菠菜扁意粉 Spinach Fettuccine with Duck Breast」，Lunch Set 包 Regular Size Single Origin Brew Coffee，加 $16 轉咗要一杯大 Long Black ☕️, 再加 $32 要「Homemade Loaf Cake Blueberry & Walnut」😆Long Black ☕️ 熱辣辣，大大杯，濃滑幾好飲😋「煙鴨胸配菠菜扁意粉」：煙鴨胸食得多，扁意粉都食得多，兩個拼埋一齊就好少食，幾特別🤩；煙鴨胸切成 bite-size 有好多件😋；扁意粉🍝煮得軟熟又creamy😋「藍莓🫐核桃蛋糕」：寫住「自家製」，仲真係見到同食到 藍莓🫐同埋 核桃😆

呢度雖然細細間，但都坐得舒服，本身對咖啡唔算太有追求，志在搵個地方坐低同朋友傾下計，叫咗個生酮黑竹碳蛋糕卷同Flat White, 估唔到個蛋糕卷俾到我好大驚喜，上面有少少金泊點綴已經覺得賣相精緻，食落個蛋糕好軟熟，內裏d cream 滑身好濃奶油味，因為太好食，所以好快食晒唔係好夠喉，而個Flat White 好香，雖然轉咗做oat milk, 都無影響佢嘅香同滑嘅程度，結果令我同朋友都坐到唔願走，值得再嚟！！

食過好多間Cafe嘅青醬意粉，通粉。始終都係覺得呢一間個味道最好😋😋足料，雞胸肉也很多，性價比十分高。雖然次次去到都好多人，但都唔需要等好耐就可以入座🥰🥰

呢間Café 食過無數次,我地之所以會再食,除左食物質素高之外,環境都5錯。而家食野都比較傾向健康,所以叫左set 青醬雞胸沙律。份量方面系多,雞胸肉好滑嫩又大舊, juicy, 沙律菜新鮮。最值得讚ge系個檸檬醋醬,酸甜清新,夏日炎炎,好開胃。第2樣就叫個主食 – 厚切意大利煙肉配卡邦尼意粉份量適中,兩個人食剛剛好,汁多,好creamy, 意粉吾會硬。煙肉肥瘦適中,厚切好有口感。而set dinner 配有一杯coffee, 最愛飲cappuccino, 加大左size都系加HKD16兩杯咖啡拉花都5同,拉得又靚,而奶同咖啡比例調得好好。如果諗5到食咩,真系可以來呢間試下架。

呢間Espresso Alchemy 係少數我會keep住encore嘅Cafe～幾個月冇嚟，水準依然keep到😌❤️牛油果碎蛋貝果配沙律Bagel煙韌嘅口感加埋唔同配搭嘅組合俘虜左唔少人，我都係其中一個😆外層焗到微微香脆，加埋豐富既餡料，好食又健康！😚沙律新鮮爽脆，有少少醋調味好開胃👍❤️藍莓合桃蛋糕店員會翻熱，蛋糕微暖，口感紮實濕潤，合桃香脆，唔錯😋⭐️Hot Rich Chocolate 雖然細杯啲但係非常濃郁！🙌🏻好香可可味，個人認為略甜咗啲啲～期間見到有個媽媽帶住個女嚟食野，佢哋坐坐下想加件蛋糕，店員仲專登拎部Visa卡機去媽媽既座位等媽媽唔使行嚟行去，又可以陪個女，非常貼心嘅服務👍💯#荃灣美食 #荃灣Cafe #espressoalchemy #牛油果蛋沙律bagel #藍莓合桃蛋糕

I opted for the $118 lunch set, which included panko-breaded fish wraps with Greek yogurt dressing and a cup of flat white. The fish wraps were simply amazing. The panko breading was so crisp, while the fish itself was tender and flaky. The creamy Greek yogurt dressing added a nice tangy note that balanced the richness of the fish perfectly.The flat white was also expertly crafted, with a rich and creamy texture and just the right amount of bold coffee flavor. It was clear that the baristas at E

早排去咗荃灣嗰邊做嘢，同事們帶咗我去呢間裝修幾舒服嘅Cafe 📍Espresso Alchemy。落地玻璃對住戶外，有日光照入嚟🌞，成個感覺都好Chill！見到都幾多外國人嚟幫襯，我諗啲咖啡應該都幾啱佢哋口味先咁多人買啦🤔！味道係唔錯嘅，平時飲開Ice Mocha嘅我都覺得杯Mocha係幾好飲👌🏻！分享吓我哋揀咗咩Lunch Set先👇🏻🍝厚切意大利煙肉配卡邦尼意粉 $102賣相睇落就普通啲，如果可以加啲Cheese Topping砌靚啲就更理想🙌🏻！不過口感同味道都Okay，卡邦尼依舊係飽肚同唔會太伏嘅選擇👌🏻。🥗青醬雞胸沙津配檸檬醋醬 $86同事們極推呢個🌟食得出係慢煮雞胸，口感真係好嫩滑，好好味！沙津嘅份量都好多添🥬！🍔烤雞菠蘿漢堡配檸檬乳酪醬及焗薯 $126呢個嗰雞肉就冇咁嫩滑，不過Burger嚟講都中規中距！🥪煙三文魚牛油果碎蛋蕃茄三文治 $82呢個真係賣相同擺盤都好靚😍，好IGable！不過擺得好Full，食落就好易跌到成枱都係菜🥬，要小心啲食！不過味道上都幾唔錯！So Far都坐得幾舒服，幾啱Lunch或者Tea Time同三五知己傾偈！不過對於九龍區居民就少啲特登入嚟荃

同事力推佢個雞肉所以lunch就嚟咗試～想講如果叫沙律有任何唔食嘅ingredients都可以落單嘅時候走咗佢，食得舒服又唔會浪費👍🏻👍🏻🤳🏻青醬雞肉長通粉❤️‍🔥份量好足 青醬質地同味道好舒服，同埋係每一塊肉／通粉到有沾到醬汁😋輕開胃又唔會食到你好滯個雞肉做得非常好 嫩滑又有啲口感💯而且雞肉同通粉比例4:6 唔會得幾舊肉❤️🤳🏻青醬雞胸沙律配檸檬醋醬❤️雞胸都煮得好嫩滑 檸檬醋醬帶微酸唔會好chur有唔同嘅沙律菜有種長身紅色嘅乾， 食落酸酸地我覺得幾特別🤣 不過要細細啖慢慢食應該易入口啲will revisit!! deserved for all the good comments !!

一入到餐廳見到佢嘅窗口位好似幾舒服咁樣點知我偏偏安排咗一個極度惡劣嘅位置😫係一個角落嘅位置基本上你唔係好見到個座位，佢嘅位置即係偏偏對住廚房，前面仲有一個職員永遠都係企喺前面，感覺十分不良好而且空間感超級細🤦🏻‍♀️好彩食物嘅質素係好食嘅！