Espuma (H8) (已易手) 新餐廳

和朋友用OpenRice app訂枱,第一次試吓，這間環境舒適，寛躺座位，枱與枱之間有足夠的距離，適合傾計嘅好地方，女生打咭必叫「棉花糖雪糕生果waffles 」用movenpick 雪糕，新鮮生果waffles 軟硬適中，牛肋條寛條麵，肉淋麵彈，而蟹撻和pizza就相對下遜色，另外洗手間環境比想像中有落差，服務員態度很好，耐性解釋餐牌上嘅食品，對餐牌也很熟釋，也很主動提出幫忙拍照，到食甜品的時候，還細心附上濕和乾紙巾以供備用

不吐不快，今日同個朋友食lunch慶祝生日，去到餐廳見到只有4-5成入座率，但門口侍應話只有90分鐘用餐時間，ok fine, 算！明明大把位但要安排坐兩人枱勁迫，我第一次問可否轉4人枱，回覆唔得！算！叫完嘢食，我地叫左好多嘢食，二人枱一定放唔晒！所以就再問多次可否轉4人轉，又話唔得，我問咁我同你經理講聲得唔得，之後先比我轉！我要強烈投訴黑色衫個位女經理，上完最後一樣菜就同我地講(態度一啲都唔好): 你地要叫埋甜品啦喎！我地最後食埋甜品後，佢叫我地埋單話差唔多夠鐘啦，當時我問佢可否坐多陣(注：當時入座率依然只有5成左右)，個位女經理態度差劣及不禮貌的回答：其他食客都想坐闊落啲，又話有人訂左位，當時下午3點，而且明明就無人嚟食！雖然食物好味，但服務態度差劣！極度需要再培訓！呀女經理，如果你咁唔想做飲食行業就不如轉行吧啦，西口西面，欠左你嗎？有單有證據，無屈你地餐廳！

本身諗住同男朋友開開心心咁食生日飯記得幾年前有係度食過飯覺得唔錯 先諗住帶男朋友過嚟食飯So far 員工服務幾好 好有禮貌 但食物質素真係唔太掂叫咗一個前菜八爪魚 但冇乜味 墊底嘅薯仔有啲生仲叫咗一份牛扒係3成熟 黎到熟度係冇問題 但煎得太乾 好難咬開 我個人認為最好食係啲配菜另外叫咗一個黑松露意大利飯 但啲飯有啲太生 太有咬口 我明白意大利飯係偏硬 但真係煮得硬得滯😅另外叫咗水果茶 但啲水果係切到細細粒咁 冇咩水果味 亦都冇咩特別但因為叫咗三樣野都唔太好食 所以就冇諗住叫甜品lu 同埋性價比低叫咗四樣野已經7百幾又唔值 都唔會有下次la

又揾到好嘢食 ，睇相已經夠吸引，唔單止賣相靚，味道仲一流👍🏻，份量好滿足，食食下都忍不住要叫埋個薄餅這個黑松露意大利飯真係不得了，見到已經食慾大增，口感豐富，黑松露好香，大大隻芝士啡菇，巴馬ham唔肥夠薄，飯煮得剛剛好，一粒粒有口感，不會過淋，整個配搭無得彈大大隻虎蝦，蛋黃夠香，份糧十足，白汁剛剛掛在每一條意粉上薄餅🍕薄薄的脆皮🫓，雞肉🐣嫩，芝士🧀香，食到停唔到口！好想試埋甜品，可是⋯⋯我已經十分十分滿足，肚子也裝不下東西了，下次要再嚟食呀！

呢間餐廳個廚師究竟係咪做過米芝連餐廳架，整啲嘢咁好食都有😭😭😭😭😭我要講左以下嘅食物先！呢個係豬黎嘅，不是牛，呢個真係好好味呀救命🆘😭😭😭個沙律菜好新鮮，舊肉好軟，又入味，好容易就折到骨，真係超正！薯條總係有總魔力會令你不停食😂😂😂但佢都炸得恰到好處，唔會over咗又或者未熟晒。到呢杯咖啡☕️！百利甜酒咖啡～我原本諗住叫啲未飲過既野，想試下伏，點知佢咁好飲🤭🤭🤭好有驚喜呀☺️☺️☺️呢杯熱既水果茶都唔錯，唔會好甜！到呢個棉花糖tiramisu 窩夫，賣相簡直係100分，打卡一流！味道就不過不失，我比較想佢出棉花糖tiramisu麻薯窩夫🧇我諗會更加好味😋但佢揀movenpick 既雪糕，我真係好欣賞😁極力推薦呢間餐廳，無論係打卡還是食物質素都係一流既！最岩黎慶生～服務都ok既！但廁所就真係搞唔掂，自問我都唔咪好肥，去個廁所都有困難，認真係有啲狹小嘅，乾淨程度係一般，所以食完野又急既就搵商場廁所吧。呢間餐廳計番既話一個人要二百幾蚊，如果當cafe既價錢當然係偏貴，但如果拎其他貴格少少餐廳黎比價錢又係ok既，我覺得食得開心，又享受既，俾貴少少又有冇所謂，最緊要佢係值果個價！😙

四個人食，一人一個lunch set share啱啱好！價錢都係普通cafe價，唔會特別貴份量都好足料😍😍同時做到每一樣既質素都好好食😋不過跟餐既蛋糕仔就有啲膩最後都係自己嗌左甜品食🫢3女一男食差啲食唔哂😂個人覺得個肋骨最正😋啲肉超級淋，又唔痴骨威靈頓三文魚都唔錯不過熱嘅三文魚配凍凍地嘅南瓜蓉有少少唔夾另外Pizza係薄皮超級脆😋😋之後嗰個唔記得咗咩麵撈埋溫泉蛋都好正同朋友聚會咁樣食啱啱好

尖沙咀厚福街真係美食林立 今日就同朋友嚟咗H8呢幢大廈嘅2樓嘅西班牙餐廳🍴由於事前訂咗位 所以都唔使點等可以直入 巴馬風乾火腿伴燒烤菇黑松露醬意大利飯呢個飯同Menu幅相有啲出入 不過味道都唔錯嘅😂 有兩條幼幼長長嘅Parma ham 成個飯嘅菇味好重 如果自己一個食會比較Heavy🙈西班牙辣肉腸配西西里魷魚辣茄汁長通粉賣相就係一碟普通嘅長通粉 Menu已經寫明係辣嘅🌶 但係辣得嚟其實唔係噴火嗰種 所以唔係太食得辣嘅朋友都唔使擔心🥰 整體味道都幾好 魷魚係一圈圈咁同長通粉交疊住心太軟麻糬窩夫配雪糕（半份）半份已經有四件窩夫🧇 窩夫拼湊起嚟就好似一個四葉草咁🍀 即叫即整嘅窩夫外脆內軟 而且入面係麻薯質地所以切落去都幾煙韌 再配埋雪糕咁食真係人生一大樂事😎 側邊仲有Brownie同埋Oreo 令口感再上一層整體嚟講 呢間餐廳環境都好啱閨蜜相聚 晚餐來講我覺得唔係太貴 平日Cafe都閑閑哋呢個價錢 但係食物質素唔一定咁好😮 呢間對我來講性價比都算高🤭 尤其係佢個甜品真係必叫架

第一次第一次試試西班牙菜，味道與西式菜差不多是日與朋友點了以下菜式：1.馬介休炸薯波由脆脆薯蓉製成的薯波，可以一口接一口咁食，唔油膩，但味道偏淡，感覺較普通2.鵝肝. 巴馬火腿.黑松露醬.芝士薯仔蛋餅店員尚未送上呢道菜時，已經聞到有濃濃蛋香和鵝肝香氣蛋餅的餡料豐富，食多了會有飽滯感。另外呢款蛋餅偏鹹，不知道是否添加了Parma ham 緣故 3. 黑松露醬炒鮮雜菌寬條麵是次最滿意這個意粉，黑松露香氣撲鼻，意粉煮至軟硬適中，很掛麵汁 4. Sangria (white wine)色彩繽紛又充滿水果香氣的白酒，易入口，很好渴

係幾靚又特別嘅西式餐廳，有不同特別食物款式，且大部分食得睇得！尤其推薦大家黎呢度慶祝生日添呀！黑松露醬芝士薯條 $78份量超大好抵！薯條熱辣辣香脆可口，點埋黑松露醬汁更加美味！正呀！鵝肝。巴馬火腿。黑松露醬。芝士薯仔蛋餅 $138聽個名好吸引，不過食落覺得麻麻。蛋餅都幾鞋口，價錢亦貴。除左舊鵝肝好食外，冇乜特別。不太推薦。鵝肝黑松露醬意大利麵 $128正常發揮嘅意大利麵！呢個價錢黎講有埋一大塊鵝肝，算幾抵！又幾好食！炸洋蔥拌溫泉蛋意大利飯 $128呢個飯係偏甜嘅，好重洋蔥嘅甜味，濕濕地嘅口感。我都幾中意嘅，覺得幾特別。不過甜嘅飯就未必個個接受到，要睇個人喜好！漁夫海鮮薄餅 $148好足料好多海鮮toppings 呀！係薄薄脆口嘅薄餅。我覺得幾好食！百利甜酒提拉米蘇窩夫(配棉花糖及雪糕) $128造型夠哂搶鏡！大大個粉紅棉花糖，下面仲有好多不同水果、窩夫、雪糕，又好食又好睇！店員仲可以幫手寫字同加蠟燭，係慶祝生日嘅好地方！

Espuma 回帶篇同3位好友一齊諗去邊食，又想坐得耐，又想打下卡咁，一search 之下發現Espuma無論location 同食物貌相都幾好！於是就一於決定去依到食啦😆 記著可以電話訂座,預訂後不用等多久便能安排入座,用餐限 時個半鐘。是日點了openrice 多人推介的幾款食物:西班牙火腿菠菜奄列 捧上來時熱辣辣咁出晒煙，好香蛋味。切下去都覺得好鬆軟,但一食落就發現蛋太多，而且薯仔太少……如果話係奄列係好足料既，但係話西班牙奄列既話就差好遠了。因為後者至在蛋皮與薯仔層層交疊的融合，這裡只有太飽滯太多雞蛋,失去平衡。 而菠菜太少、火腿太碎，整個蛋餅只有蛋, 沒有其他材料的香味。海鮮西班牙炒飯 海鮮材料很豐富，有青口，蜆肉同埋蝦等，但飯粒略嫌有點硬，形狀亦比常見米飯大顆 ，不是想像中好吃。西班牙薄餅 呢隻薄餅屬於好薄好脆，如果鐘意厚批既朋友就未必會鍾意，但我自己就好ok!😆個底焗得卜卜脆,加上有好足料既cheese, d cheese拉極都有😍口感十足!再加上波菜獨特的味道 ,而且個醬汁很 ,味道很豐富！好正！水果茶水果清清甜甜，同茶十分搭合！暖住飲更是一流！😆

-同朋友約左喺尖沙咀食飯，兩個女仔想搵間可以坐耐啲嘅餐廳，我立即諗到哩間餐廳😌-喺Openrice訂定枱，上到去就可以立即坐定定點菜🥳 我每次去都一定叫黑松露薯條🥰 份量超多，薯條即叫即炸，黑松露醬勁香濃，就算3-4人食都冇問題💕-叫左個芒果牛油果蝦肉沙律🥗 沙律賣相好靚，入面都好足料，我朋友都讚不絕口🍤-米意粉口感都幾特別，不過略帶乾身，鐘意食開creamy口感嘅可能未必適合🙈 不過我覺得一試無妨，佢哋其他意粉都有保證❤️-飲品方面都有幾多選擇，酒精同非酒精類都有，我叫左mojito ，價錢都算合理🤍-兩個女仔，靜靜哋想傾吓偈，哩度真係坐得幾舒服🥰 侍應有禮貌，會不時主動斟水，加分🌈

外賣for team lunch 廿幾個餐 遲左成粒半鐘先哂d餐之後食物質素呢 有相為証全部都煎都黑色一舊碳咁囉 人均百幾蚊買難受豬扒當牛扒 口感食香口膠咁 勁難咬 其實做唔切就唔好接單啦 我地都早幾日落單 都知要預時間俾你地準備俾d咁ge 野我地？ 要係度share 費事人地都中伏！

生日嚟咗呢間食,book咗夜晚7：30,2樓全層,唔算好多人,地方都企理,唔係好肚餓,兩個人叫咗3個餸.同埋自備生日蛋糕.芒果牛油果沙律-真係有芒果同埋牛油果. 好食炸馬介休薯仔球-都幾好食,但唔係好西班牙.燒肉眼扒,都幾好食,跟薯條,都有d蔬菜喺牛扒個底度亦都全部食曬.有水供應,所以冇叫嘢飲.蛋糕都會預備好先攞出嚟畀你,切餅費60都算經濟.下次要試啲地道啲嘅菜,燒乳豬,紅蝦,總括嚟講都還可以.都唔錯

午餐先上的餐湯是磨菇湯。雖不是我喝過最好的磨菇湯但也算是好的頭幾位，菇味十分濃烈。蛋黃汁煙肉意大利麵，卡邦尼的汁較稀和較少。薄荷朱古力咖啡，顏色漂亮。試了一口，薄荷味和咖啡味都很啖，像喝朱古力。朱古力榛子瑪奇朵十分有驚喜!那畫花超靚。

主要吃西班牙菜～雖然不算很正宗～但相對價格比較相宜🙈🙈 座位寬敞，坐得舒服，適合朋友聚會🎊👉🏻Bacalhau Croquettes 馬介休炸薯波 $108外層炸得香脆不油，包在裡面的薯蓉夾著肉碎及帶點咸香的馬介休，中間還包住溶化芝士～微拉絲🧀不錯吃🥰👉🏻Super Green Salad 香芒牛油果蝦沙律 $128蝦預先煎香再放上面，不算很彈牙，還可以，沙律汁酸酸甜甜滿開胃，只是對愛菜的我來說，沙律菜略嫌不足😜😜👉🏻X.O. Mussels in Cream Sauce XO醬煮青配白酒忌廉汁$138青口很大隻😍厚肉！～雖然吃不出XO醬的味道，但忌廉汁香濃，配著附送的蒜蓉多士，好吃🤤❤️👉🏻Grilled Beef Short Ribs 香烤牛肋骨配薯條$368很大一份～適合3-4人享用，牛肋肉已烤到完全骨肉分離，肉質雖不算嫩但夠軟稔，能輕鬆咬開，而且肉味滿濃，可惜有點烤過火，有些地方變成黑燋面，但整體𣎴錯☺️👉🏻Lava Diva 流心軟芝士麻糬厚鬆餅 $128這裡的招牌甜品～即點即烤，要等30分鐘左右，外觀非常IGable~一切開那軟綿綿的pancake，裡頭的cheese sauc