GOCHISO (已結業)

The Med Dining Tokyo Style在K11 行行上見到新餐廳 人流很多 環境不錯 食物價錢也不錯 吸引了我今次吃了😋秘製香辣炸雞翼配薯條 $48焗釀大磨菇 (帶子巴馬火腿) $78香烤年糕明太子 $73下次再吃其他，已想好要吃白酒蒸蜆肉青口😎

到了門口, 看到很多吉位, 但門口沒有職員招呼, 所以自己直接行入去找侍應安排坐位. 坐低先叫了兩杯水, 追了2次都沒有, 直到碟羅勒醬海老牛油果意粉已經上菜了,追第3次才肯給我兩杯水.一望碟煬, 賣相零分, 又細碟.見到以為有5隻蝦, 諗住有點安慰, 原來望真D, 只有半邊. 即是只有2.5隻蝦. 真的忍不住拿起手提影張相, 免得大家中伏.  意粉嚼口太硬, 食一啖是OK的, 食第3啖牙絞已經開始覺得攰.不論外觀, 味道, 材料, 烹飪技巧都比普遍茶餐廳差, $113一碟垃圾(未計加一)但都不是沒有可讚的地方, 餐廳環境闊落, 裝修簡單而別緻, 樓底高令人舒服.

星期四晚上相約了姊妹們一起吃生日飯，由於各有各忙，大家都很珍惜每次的生日飯局，今次就選了Gochiso，餐廳內的裝潢簡潔明亮，我們一行五人被安排入坐一個舒適寬敞的卡位。我們是晚點了以下幾款菜式：松葉蟹沙律，點這個沙律是因為它賣相很美，而且覺得材料豐富，結果不負眾望地清新又好吃，材料有主角蟹肉，配上多種新鮮雜菜、黃紅甜椒、黑橄欖、糖心蛋等，蟹肉比例不算少，沙律調味適中，令人吃得舒服又開胃。焗釀大蘑菇，這個菜以芝士配菠菜及帕馬臣火腿，分別釀入兩隻大蘑菇內，所以有兩種食法，個人比較喜歡芝士配菠菜，一刀切下，菇內的芝士隨即溢出，與菠菜是完美配搭，但略嫌碟邊的番茄醬有點尷尬，若能在拌碟的雜菜上灑少許意大利黑醋，在味道提升和視覺上應比番茄醬更好。牛油果三文魚薄餅（8寸），味道清新可口，餅底薄而脆，吃多件都不覺膩。拿破崙意粉，我們最初以為是香腸、蘑菇、甜椒、番茄、番茄醬汁、意粉的配搭，上菜後發現沒有預期的番茄和番茄醬汁，只見香腸片、大量芝士粉和略為乾身的意大利粉。芝士蠔帶子焗飯，不太記得這個菜名，只知材料有蠔、帶子，配上大量芝士和番茄醬的焗飯，惹味得來又不會過濃。粒粒西多士拌雪糕，這個甜品共有三個食

叫左個Set lunch，有前菜同野飲。前菜係一碟細細細份既沙律日，配既係酸酸地好似柚子味加黑胡椒咁既醬，好開胃。明太子年糕pizza - 主菜既選擇都算幾多下，睇到眼花繚亂，見到佢有recommend哩個pizza同埋未試過年糕同pizza既搭配，決定試一試。Pizza係8寸薄底，烤得好脆，邊邊有小小濃濃地。好香明太子味，年糕溶入左餅底，每一啖都好煙韌，但係偏咸左小小小。中意年糕既朋友值得一試抹茶soda - 第一次見到有抹茶soda，點都要試一試☺️抹茶味唔算好濃，加左糖。甜品 - 加$38有一個甜品，唔記得左叫咩名😥中間夾既係cream，但唔會好甜，隔離dberries,係雪凍左，口感好好，不過係超級酸

又貴，又硬又乾，個蝦spaghetti 仲要係recommended. 根本全部反叮，pizza 根本咬唔開， 唔使錢都唔食, 從來末評論過要特登login 黎評呢間野，懷疑連廚房都無，全部野反叮，已經硬曬

琴晚大約9點黎到呢間餐廳食飯 唔洗等位 地方尚算闊絡 南瓜湯同磨菇湯味道都好濃郁 好好味 好香Pizza夠脆夠芝士 好味意粉味道普通 不過不失甜品燉蛋好脆好creamy 推薦 三人食二人餐剛剛好

我哋一行八人嚟咗呢間新開嘅日式x地中海餐廳，叫咗好多嘢食😝😝自家製意大利風薄切鮭魚牛油果🐟 $53; 8/10🍴呢個頭盤都幾開胃😝三文魚唔會話太薄加埋牛油果沙律汁酸酸甜甜幾好食👌芝士帕爾馬火腿西班牙薯蓉球🧀🍟$48；7.5/10🍴熱氣小小嘅頭盤個人就麻麻哋薯仔不過點埋芥末蜜糖醬成個感覺就冇咁膩🍠巨型和牛肉丸番茄扁意粉🍅🍗$138; 7.5/10🍴個人應為呢度嘅意粉做得比pizza出色得多啦🍝扁意粉煮得彈牙👌番茄味香濃🍅 牛肉丸唔會太乾身🍖鮮波士頓龍蝦扁意粉🦀🍝$178; 8/10🍴大大隻龍蝦😌雖然多人分享嘅話其實肉就唔係咁多不過都尚算鮮甜爽口🦀呢個意粉個汁都非常之惹味😝山葵松葉蟹肉意大利燴飯🍚$88; 8.5/10🍴呢個risotto 係成餐飯最驚喜的一道菜😱😱估唔到wasabi配飯係一個咁夾嘅組合🍚😝wasabi未唔算太濃唔會好攻鼻，加埋入燴飯非常之creamy😌risotto煮得剛剛好有嚼勁唔會太淋😻焗釀大蘑菇 (帶子帕爾馬火腿，芝士菠菜) 🧀$78; 8/10🍴鍾意食開portobello mushroom嘅人一定要試😌大大粒蘑菇再加埋半溶芝士好難唔好食😝西班牙海鮮炒飯🇪🇸🐚$1

星期六晚係尖沙咀食飯，等位在所難免~ 等了大約15分鐘，終於有位啦~ 我地點左一個$488既套餐，選了和風牛小排鮮豆沙律，地中海小食併盤(煙三文魚，蕃茄配芝士，南瓜，巴拿馬火腿配蜜瓜，牛，餅乾配醬)，特濃南瓜粟米忌廉湯，和風蒜香白酒汁蜆肉意粉，山葵松葉蟹肉意大利燴飯，法式雜莓班戟卷伴雪糕，魔法黑白朱古力球&抹茶梳打~ 沙律既牛食落口覺得幾滑，而且沙律帶少少酸味，很開胃~小食併盤既牛比沙律的差，有d(鞋)口， 併盤內既蜜瓜好甜&新鮮，而南瓜則甜而不膩; 餅乾配唔知咩野醬幾好食~ 南瓜忌廉湯入口好滑，而且南瓜味濃~ 意粉味道則一般，白酒味重左d，意粉唔夠彈牙~意大利燴飯味道幾特別，有d似食緊壽司，飯中帶有山葵味但又唔算太辣，配埋蟹肉&魷魚食落都幾有質感~ 班戟入口都幾有蛋味，而且班戟整得唔算厚，食落口有軟綿綿既感覺，同雜莓配搭非常合適~ 而朱古力球在視覺上真係唔錯，加上熱的朱古力醬後，朱古力球會漸漸熔化，但食落口只食到甜甜的白朱古力或者粟米片，味道偏甜~抹茶梳打未黎既時候，有d驚杯飲品會中伏，但好彩飲落去抹茶味幾濃，配梳打味又唔算太怪，味道都唔差~ 依家餐廳既裝修及食物質素都唔差，值得一試

懶洋洋的週六，下午3時正才吃了第一餐。狂了半天正在想還要不要吃晚餐的我們就被門口甜品MENU上的白朱古力球吸引了進去。其實餐廳裡的裝修也是我們選擇的原因之一，天花中央有一些很亮眼的酒瓶裝飾，餐桌上也有一些小蠟燭作擺設。雖然是週六晚上，但我們兩人仍能獨享一張4人桌，讓我們有足夠空間擺放手上的戰利品。不是很餓的我們點了一個小的三文魚牛油果PIZZA，size剛好能分成4塊。三文魚的香味非常突出，配合了牛油果的香滑讓我們吃得很開胃，喚醒了食慾。朋友點了一杯mango mojito，芒果味有點不太明顯，喝下去整個喉嚨充滿了薄荷味和涼快感。甜品我們當然點了我們進來的目的白巧克力球。白巧克力球上枱時waiter會先讓我們拍照再淋上巧克力醬。巧克力球外殼不會完全被融化，會分裂成白巧克力片。巧克力球內心是Vanilla ice cream、草莓和一些像早餐脆片的巧克力脆脆。雪糕混合脆脆的味道非常討好，不會太甜膩。

來到尖沙咀覓食，K11是不錯的選擇，貪其比其他周遭大型商場少人，而且室內環境不錯。第一次到Gochiso，見主打日式西餐，另外剛剛在旺角也開了分店，心想應該不錯吃吧！餐廳環境不俗，燈光充足，抬頭看到每枱上的燈罩是由數個紅酒杯合併而成；餐廳中央的大型天花燈由50多個不同牌子的空酒瓶併合，很有時尚感，同時亦增加了餐廳空間感。餐廳的drink menu的選擇繁多，價錢確實便宜，有酒精成份的只不過是$40，但味道真的不行 Mango mojito 份量不少，也能看到數片薄荷葉，底部亦有一定數量的芒果粒糖漿。可是，味道不甜不苦不酸，可以用完全沒有味道來形容。幸好，跟餐廳男經理反映後，他免費加了one shot white rum，味道即時提升，但也不到上佳之作。值得一提的是經理笑容十足，亦主動改善，讚！Sparkling kiwi mojito味道亦強差人意，白酒味淡，kiwi syrup下得太多，化學味道重，溫度溫溫的，像是新手製作。建議在此餐廳order bottled drinks會比較穩陣。雖然飲品不濟，但食物味道總算不俗。頭盤的nice style crab snow salad大大

東亞信用卡二人餐優惠前菜: 日式三文魚多士(沙律醬太多吃不出三文魚的味道), 煙三文魚(沒有太咸), 蜜瓜火腿, 西班牙Tapas 青瓜蕃茄夠開胃。凱薩沙律有驚好，芝士分佈得平均，味道又不濃，淡淡的好開胃。栗米忌廉湯好甜，栗米味濃郁！香辣薄餅，不夠辣，不過很脆，味道較淡西班牙墨魚汁炒飯，乾身又夠墨汁，蝦煎得夠香又新鮮甜點有點失望，綠茶班班戟是夠薄但只有苦澀的綠茶味道，也沒有班戟的蛋香。。。另外的焦糖蘋果，刀工細膩，味道清甜，餅底有點厚又沒甚麼吉士。但總括來說是不錯的。

有時候天氣熱真係唔想離開地鐵站同商場，加上今日無啦啦落大雨😨所以相約番半日嘅老公去K11搵食😁行左地下幾間都唔啱心水，一係就好多人上高d見到呢間老公二話不說就拎定位先剛好門口有張二人枱，唔洗等👍🏻呢到價錢比較中等我地叫左一個沙律一個pizza一個意粉第一個上枱就係唔洗煮嘅巴馬火腿配水牛芝士😋😋😋我同老公最愛呀加埋火箭菜食勁正$58 不過好細碟大約四塊火腿 火腿好香唔會死咸水牛芝士好細粒好淡，火箭菜就夠新鮮因為火腿夠味店方只係加左橄欖油就已經好好味，第一次無加黑醋我都覺得正👍🏻👍🏻等左十幾分鐘都見無主食上枱，我地兩個都周圍望，都幾爆場店員都好忙。。。所以我無吹單不過有個店員可能見我地周圍望，自動幫我地追order 仲話pizza仲有一分鐘ok好主動！👍🏻結果真係1分鐘上枱😍😍😍我地點左個細照燒雞pizza $73 有芝士有燒汁個皮烤得好脆，雖然有d黑左，不過味道沒有問題如果雞肉同汁多d就更好啦好快意粉都到左大蝦牛油果羅勒意粉 $113 味道好香呀羅勒同香草好似都一樣好香加左牛油果多一份creamy口感大蝦都好有口感👍🏻👍🏻👍🏻👍🏻食到一條不留

黎到K11諗住睇下有咩食，見到呢間餐廳環境不錯，價錢又合理就試下啦。一入到去就覺得冷氣好凍，我承認我無帶外套，呢樣就唔怪得人。我地2個人就叫左1個前菜，2個飯同2個甜品～塞哥維亞風帕爾瑪火腿焗蘑菇講真每次影食物相，我都影得好認真。因為食物講求色。香。味，我覺得食物賣相都係好重要。但大家一睇個前菜就會發現真係好hea ，而且好多水，並不是真係焗完果種效果。😑幸好火腿同蘑菇味道幾夾，所以味道算好食。烤雞扒蕃茄意大利燴飯呢個飯敗筆嘅地方係飯太濕，而且並唔係用整risotto 嘅意大利米😓沒有煙韌黏稠嘅口感，只係覺得好腍。。。西班牙海鮮飯呢個飯賣相算係最好，我地都係睇到隔離枱上菜時幾吸引而點。味道都幾惹味，海鮮都多，算幫間餐廳挽回一點分數~~點解我一開始就係文中寫佢冷氣好凍呢？因為呢3道菜係差幾分鐘輪流上菜，我地食得唔算慢，但食到一半d飯都俾冷氣吹凍晒，真係唔想食。而且張枱唔係好夠位，侍應都無主動幫忙，要我地俾番個餐具籃佢，再自己慢慢執番d位。。。如果佢捧住好多野好忙我都能夠體諒，如果你係茶記我都能夠理解，但係一間正常嘅西餐廳，應有嘅服務還是需要吧😓之後就上甜品，男朋友好鍾意食蘋果整嘅甜品，見

今晚約左3位好耐無見既舊同事食飯,WALKIN入,不過佢話要過一半人數先可以入座,由於有兩位同事仲未到所以都等左半個鐘,到齊果時由於入面已經FULL左所以要等,不過下一張就係我地,最後等多半個鐘就入到去座位都算闊落,叫左幾個送,侍應都幾有禮貌~首先係呢個尼斯風松葉蟹沙律,都幾多蟹肉既,沙律汁酸酸地幾開胃,隻蛋唔係烚蛋又加左分~之後係西班牙凍肉拚盆,一黎到O左咀,個樣同MENU差咁D喎,D三文魚勁細塊...好彩味道還可以,個牛肉都幾有肉味,火腿既咸香就俾蜜瓜蓋左...至於個包就....食落肚就無左LU~~~~~跟住係墨汁意粉,呢個炒得幾香,又大碟,仲有好多魷魚,味道幾好但到個雞扒蓄茄意大利飯黎就有勁大既對比,好細碟...每人兩匙就無...雞扒好乾,個飯就濕左少少,同埋淋左D,正常蓄茄味叫左兩個PIZZA,不過都好似燶左D...一個係明太子年糕PIZZA,一個係四色芝士PIZZA.明太子MENU話辣既我食落一D都唔覺,不過年糕幾好咬口,加埋明太子既咸香都幾OK~四色芝士PIZZA都好香,芝士都足料,再配埋個蜜糖黎食,咸咸甜甜咁都幾惹味~ 兩個PIZZA個底都唔錯,似面包咁鬆軟得黎又脆脆地,

My friend and I ordered 2 lunch sets. The main courses were paella and teriyaki chicken pizza. The lunch set came with salad and drinks.The paella was pretty bad. The rice was so dry that it's like it's been baked for hours. There were some mussels, clams and shrimps on top. It didn't really taste like paella at all. The teriyaki chicken pizza looked nice but it's not crusty and it's way too salty. I almost wanted to return it but I thought it's only $60 odd dollars so didn't bother to re