GOCHISO (已結業)

這裹之前已經想試一下。因為我先生向我推介過明太子年糕pizza。我一向都十分喜歡吃pizza 和明太子。這個配搭十分特別，還加上年糕。我們還點了一個露荀蠔意粉和兩款小吃魷魚圈和香腸。名字不太記得了。先上的是小吃，有兩個醬叫我們沾來吃。蕃茄醬和黑松露醬。我和先生都比較愛吃黑松露醬，黑松露醬不太強烈，味道剛好。沾魷魚圈吃更帶出了香味。香腸我都好喜歡，沾茄醬會比較合適。而意粉都很好吃，軟硬度是比較硬身有咬口的意粉。而蠔也剛好不會過熟，軟綿綿的口感最後是期待的pizza ,果然沒有失望。薄薄的pizza 配上明太子加上年糕煙靭的口感。我們有加上黑胡椒和Tabasco 令味道更特出，沒加的和會是味道淡口一點。個人認為明太子份量再多一點可能較和更好。但這一餐已經非常滿足， 份量對二人來說我覺得有點多， 但我先生則覺得是適中。而且環境真的不錯。是聊天的好地方。

一行7人 食左佢好多野食！ 覺得只有薄餅值得推介！ 佢話有成12寸！ 一人一件 小小地正方形 好快都食哂！ 推介牛油果三文魚芝士味！ 哩3樣我最愛擺埋一齊 勁香口！ 相反叫左另一個有菇既既就麻麻地！ 叫左個蟹肉washibi飯！ 中伏 個味道好奇怪！佢套餐既小食都好mini啊 但食食下都幾飽 推介佢個甜品 抹茶薄餅！ 好鬆軟同香甜啊

朋友介紹的, 我到而家仲懷念緊當日食既薄餅香味同口感....黑松露鴨肝牛肝菌長PIZZA本身唔中意黑松露味, 覺得似機油, 但竟然, 係呢塊PIZZA上, 我覺得佢香! PIZZA既底好軟熟, 上面既餡料既油份, 加埋芝士同其他料材, 放入口, 又香, 又軟, 我覺得我可以食哂成份....掛住留戀黑松露, 芝士, 同面團既香氣, 都唔記得細味鴨肝同牛肝菌係邊度了呢個係我點既秘制炸雞, 中間既肉仲係好濕潤, 調味都好夠.估唔到呢個求其點既小食會咁好味西班牙海鮮飯味道比較淡口, 香料味唔夠,覺得一般

K11 行完街食咩好呢😂😂😂小編會suggest Gochiso ✌🏻✌🏻✌🏻✌🏻好好坐 傾計一流👍🏻頭盤 - baked mushroom with Parma Ham 呢個要食 d菇好多汁加上ham特別好食不過呢個好多地方都有 未算特別安格斯牛柳粒牛肝菌濃汁燴飯 ✌🏻✌🏻真系好似佢個名嘅講 個汁好濃牛柳好咬口 牛肝菌好香 個飯唔會好濕😂😂Pizza - Salmon and Avocado 🥑 pizza 🍕 食到我心心眼Salmon & Avocado嘅味系好夾Pizza 唔系好厚好厚個隻 正!!!!好多Avocado 如果可以多少少 salmon更perfect!!

聖誕節想食西餐，見聖誕Lunch Set有牛扒，又無咩人，所以諗住食個星誕大餐，但味道一般。#南瓜湯好飲，味道濃#巴拿火腿比較乾，好似放了好久#凱撒沙律幾好味，煙肉好大粒，我喜歡#西冷牛扒一般，比較乾#牛肝菌扁意粉都ok，夠味#cocktail 試了芒果及士多啤梨味，都幾好飲#西班牙式燉疍雲呢拿薑味雪糕及枺茶雪糕，有陣煙味，可能西班牙式，每個人喜好不同，我就不太喜歡

The signature Spanish rice is hard like eating stones, with No sauce at all. The steak we requested for medium, came cold and fully cooked inside, Won't say anything good about it!

平時好喜歡周圍試新餐廳，行過見到呢間西餐廳Meun好特別，而且環境不錯，所以一於入去試試～這裡的食物主要以意大利菜為主，但部份菜式就Crossover其他國家的食材，很特別！菜單可以單點，也設有2人及3人餐，價錢合理～特濃南瓜粟米忌廉湯先來一客餐湯，特濃南瓜粟米忌廉湯有滿滿的南瓜清甜味，質感特厚有口感，中間混合不少粟米粒，也是十分有口感！Matcha Frozen這杯抹茶沙冰的抹茶味適中，上面有滑滑的忌廉，混合一起飲用很滑很Creamy，淡淡的抹茶不會太苦澀！這份前菜小食有3款食物，分別是秘製炸雞肉塊、鯷魚薯茸及意式薄切三文魚忌廉芝士卷！鯷魚薯茸薯茸中不只有薯茸，還有粒粒的薯仔，上面加上蟹子及其他配料，中間混合了鯷魚碎，味道鮮香，不會過咸，而且整體加埋口感十足！秘製炸雞肉塊炸雞肉塊炸至黃金香脆，外脆內軟，雞肉質地比較鮮嫩有口感，而炸皮不會太厚身，好惹味！意式薄切三文魚忌廉芝士卷 這個三文魚卷中間包了一粒芝士，上面加上了蟹子等，三文魚跟芝士是兩款大有不同的食材，想不到加起味道很特別，中間還夾了一片酸瓜，可以中和芝士的酥味！100%牛肉蕃茄肉醬扁意粉這份是非一般的肉醬意粉，比一般的肉醬意粉

不嬲同男朋友都好中意黎食飯，但因為太多人排隊，今日禮拜三晚booking都full左！但好彩去到都仲有位！次次都encore南瓜湯，照燒雞pizza同明太子意粉！食到飽飽

早前來K11逛街時已經留意到這間「GOCHISO」，餐廳以地中海Fusion菜作賣點，這天有空就來試試。先上來的是兩個餐湯，蘑菇忌廉湯和法式芝士洋蔥湯，忌廉湯質感稠濃，但沒有那份讓人甜膩的味道，取而代之的則是濃郁的菇香，令人為之一振！另外的則是我甚為推薦的芝士洋蔥湯，將芝士放在烤香的吐司上再烤焙一下，邪惡的芝士變得極之香濃，唯一讓人可惜的是酥脆的吐司很快就會吸取了湯汁變得軟腍，可幸的是洋蔥湯香氣誘人，豐富了味道，為它扳回一城。小食是我的心肝，所以很多時在餐牌中看到有小食，我都會投以萬分注目，這次也點了幾款。炸魷魚圈配黑松露醬，外皮酥脆的炸魷魚圈，魷魚一點也不會韌，反而非常軟腍，而黑松露本是一種很搶味的食材，可這個醬卻不會喧賓奪主，為食物添加香味之餘，也更能吃到食物本來的鮮味。過往看美女廚房，看到嘉賓們用橙肉入饌，很易會做出垃圾味，起初我也怕會這樣，還好來到的還是鮮橙肉，香草雞肉吸收了橙汁反而顯得香甜，加上香草味，變得香味可口。對比起來，蝦牛油果多士反而顯得普通起來，多士也算烤得脆口，牛油果蓉亦很厚，入口有著芥未香但不會有辣味，只是觀感上和味道都不夠多元，有點失色。蠔情逸致，最近愛上了這

K11係一個充滿藝術的商場，成日都會有唔同的藝術展品，而入面D餐廳裝飾都特別過人，GOCHISO就係其中一間，一踏入鋪頭，令人眼前一亮點解眼前一亮? 因為整間餐廳用上好多不同的玻璃瓶做燈罩，既環保又特別GOCHISO係日本地中海FUSION餐廳，係日本都有多間分店，見到MENU底部話可以用和民卡，先知道原來餐廳係屬於和民集團喔，2人餐好抵食，好有和民D套餐影子MATCHA FROZEN ($53)用上小山園抹茶，果然不同凡響，就算加左冰之後，抹茶味仍然突出，飲落味道唔太甜Apple Tango English Tea ($38)果茶蘋果味突出法式芝士洋蔥湯 ($48)、蘑菇忌廉湯 ($38)法式芝士洋蔥湯做得好出色，面層有一大片溶芝士，湯夠焦糖，洋蔥十分甜，蘑菇忌廉湯好CREAMY，除左蘑菇仲有其他菌類蝦牛油果法包多士 ($38)、意式炸魷魚圈配黑松露醬 ($48)、鮮橙香草雞肉片 ($38)我地自己做左個小食拼盤出黎，每款的配搭都好獨特，多士同炸魷魚較香口，牛油果同黑松露醬都有效令食物無咁熱氣，而且味道更錦上添花，鮮橙香草雞肉片雞肉唔鞋，如果用橙做成汁會更好火焰芝士焗生蠔 ($98)

依度裝修有特色，好多玻璃瓶係燈，有點fell又xmas佈置。今日急轉凍，先一人一個湯，暖下先。法式芝士洋蔥湯同蘑菇忌廉湯。法式芝士洋蔥湯，芝士味同洋蔥味共同存在，無話邊個重。如果真係要講既，我覺得洋蔥少少味既，芝士味易入口，有件大麵包係湯上，得意。蘑菇忌廉湯就cream dd，有點日本風。都幾多蘑菇，味少少青香味，有少少野咬到咁，都ok！配住食3個小食，先嚟蝦牛油果法包多士，蝦多士見得多，都食多！但蝦配牛油果就新嘗試。本身牛油果帶有肉味咁，再食埋蝦吊一吊微蝦味，再有芥末味。再有咬感彈一彈，nice！鮮橙香草雞肉片，好清新帶點夏子味道，橙既汁幾開胃同埋過一過之前覺得多士既油一油感覺。清新返後就食更濃味既野食啦，意式炸魷魚圈配黑松露醬，好野味。炸粉都可以，魷魚圈份量都夠過口引，唔會橡膠咁難咬。羅勒醬鮭魚牛油果 Salmon & Avocado with Pesto Sauce 8"又有牛油果出現啦，其實佢係好飽肚既水果，又好特別似食肉類，我地幾喜愛！配三文魚有個好處係增加油份感，油而不太過份，始終魚既油食落比肉既油健康d咁？pizza底都做得可以，下次可以食下其他款。餐廳做混合菜，少不了一

這晚和朋友聚會，選了一間同事之前大讚的餐廳，氣氛很好，是個適合聊天的地方，食物水準也不錯。首先是洋蔥湯，熱辣辣新鮮焗起，上面有麵包和芝士，味道溫和，芝士拉絲頭盤有蝦牛油果法包多士,脆脆的多士和香軟的牛油果加上蝦，是我會喜歡的配搭鮮橙香草雞肉片，酸酸甜甜，意式炸魷魚圈配黑松露醬，外脆內軟，加上黑松露更有風味。羅勒醬鮭魚牛油果pizza, 又是我喜歡的牛油果，鮭魚咸香，pizza 夠薄脆和風蒜香白酒汁蜆肉意粉 ，蒜香濃郁，還有很多蜆肉,意粉彈牙生蠔配柚子啫哩沒想到柚子和生蠔是那麼夾，jelly清新又滑，生蠔肥美，甜品是魔法黑朱古力球，淋上醬汁便會看見內裏乾坤，是雪糕和水果，好玩又美味，雪糕和粟米片的配搭真是不會出錯而我們點的飲品有Apple Tango English Tea，蘋果味很香Matcha Frozen不會很澀，仍有抹茶香，而且很大一杯

朋友係K11開左Popup Store🎊恭賀完，就順便係K11開餐囉～朋友推介位於2樓的西餐廳，於是去望一望餐牌，價錢都唔叫貴，於是就入座試一試！餐廳裝修得好有特色，一排排酒樽燈💡十分吸晴！叫左兩款湯：蘑菇忌廉湯同芝士洋蔥湯🍲蘑菇忌廉湯，蘑菇超足料，忌廉湯仲好creamy添！芝士洋蔥湯超好味！芝士拉到長一長，同洋蔥湯超夾，不過小妹男朋友就覺得重口味左少少🤷🏻‍♀️另外仲叫左小食，分別係秘製炸雞肉塊、蝦牛油果法包多士 同焗醸帶子大蘑菇！炸雞超juicy，而且仲熱辣辣👍🏻而牛油果多士，連唔好牛油果嘅小妹，都成塊KO!牛油果爐過之後，感覺有d似牛油，比較易令人接受👍🏻👍🏻 焗大蘑菇一向係無敵穩陣選擇，而哩間餐廳用帶子一齊焗，食落去，更有口感👍🏻蠔係男朋友最愛，所以叫左焗蠔試一試，同傳統焗蠔有d唔同，哩間餐廳焗蠔加了紫菜，食落去，反而更fresh，而且好香👍🏻無飯不歡嘅男朋友叫左個細嘅西班牙風海鮮飯，超足料！！！青口、魷魚、蜆同蝦，絕對係超值之選！而飯吸收左海鮮嘅精華，令飯好香！！男朋友醫定肚，就到小妹醫肚！小妹愛甜，當然要叫甜品啦！荷蘭鬆餅，蕃薯焦糖口味再配雪糕！！鬆餅超軟綿綿，好好味，而且唔

同朋友收工岀黎食個飯，約左係大家都方便嘅尖沙咀食 每次行K11都比GOCHISO嘅酒瓶天花吸引住，真係好fancy，所以今次就揀左食呢間吶。呢到係主打和風洋食嘅 Fushion菜～坐低飲杯野relax下先。左邊係朋友點的熱飲 Choco Fun English Tea，我就點左 Coffee Caramel Frozen 提提神餐湯係推薦嘅特濃南瓜粟米忌廉湯秋天飲一碗暖湯感覺好幸福～南瓜粟米味好濃好香甜，加左啲豆豆又幾好味見到有期間限定 seasonal seafood，呢個生蠔配柚子啫哩幾特色生蠔新鮮大隻，咖啡色一粒粒果啲就係柚子啫哩，食落酸酸甜甜好開胃自選小食拼盤，有炸雞、焗釀帶子大蘑菇同蝦牛油果法包多士。炸雞熱騰騰炸起，外邊脆卜卜不過入面啲雞肉仲係好嫩滑！脆卜卜嘅法包多士都好好味，個醬加牛油果 perfect match嗌左兩個主菜 share～ Margherita pizza 好香阿！自家製pizza 餅底果然係唔同啲呢，唔會好油，食落乾食脆口另一個係西班牙風海鮮飯，有幾款唔同嘅海鮮舖滿晒用鐵鍋上菜可以keep住飯嘅溫度～抵讚雖然已經食到超級滿足，但都留返小小個胃食甜品！呢到

又到每個星期最難捱既星期一🤦🏻‍♀️ 收左工唔係唔去食餐好既慰勞下自己丫麻🤷🏻‍♀️ 今日咁岩同大佬係尖沙咀一齊收6點，又唔想翻屋企煮飯，就決定係尖沙咀食野，去左k11睇下有咩好食，上到2樓見到呢間GOCHISO d裝修幾靚，meun又幾吸引，大佬就話食呢間。 入到餐廳感覺都幾舒服，環境有格調，最中意呢個酒樽燈。座位都算好多，閒日應該wall in 都會有位，6點9去到得幾枱，到左7點半個d位都坐左7-8成。大佬乍型話我整比佢個lunchbox太少飯搞到佢好肚餓，所以要嗌dinner set話多d野食😂湯我地揀左一個法式洋蔥湯一個磨菇湯，洋蔥湯入面有一絲絲既洋蔥，上面浸住左一塊林曬既麵包，個湯好清，帶d甜味，大佬表示好欣賞。至於磨菇湯，好香濃，偏稠身，但絕對唔係好似pizzahut個種開粉既口感，我個人就偏好磨茹湯多d😍🍄頭盤可以有三款，左手邊個個係蝦牛油果法包多士，相信大部人都會估佢個醬係牛油果醬，錯錯錯，係wasabi醬🤣 但係一d都唔攻鼻的，有兩三粒大蝦肉係多士面，底層既多士烘得好脆，食落好有口感。右手邊個個係香橙雞肉片，係冷盤黎既，雞肉係用雞脾部份做所以唔會嚡，雪凍左既關係肉質係偏