Green Thai

營業中

休息中

今日第一次去食，唔知間嘢枱面無糖無餐具無魚露，食食下先發現，問個員工攞，點知嗰位員工係我後面大聲講‘一次講丫嘛’，驚死我聽唔到咁，之後係另一位員工攞比我哋，呢位員工態度相對好好多，我想同嗰位員工講，如果你唔想serve 客你可以同公司反映放返啲咁基本嘅嘢係枱面，而唔係對住啲客發脾氣，我都唔想下下受你面色攞嘢。晏晝落場唔出聲，熄燈趕客，如果你同我哋講幾點落場，我哋會識得走，唔使用啲咁嘅手法比人受。啲嘢又唔好食，以後唔會再去

位於大本型商場,環境近玻璃會望到海景,唔一定去海港城,大本型部分餐廳都望到海景我有時lunch都會食依間,廚房係泰國人主理。大多數嘅午餐我都食過我比較鍾意佢個泰式咖喱有得揀黃/綠/紅咖哩🍛除咗紅咖哩,黃綠都試過果然係泰國人主理,因為青咖喱正宗一定係有無花果👍🏻配豬扒/雞扒/魚柳我覺得豬扒有少少乾多數會叫雞扒🐥魚柳就未叫過之後可以配白飯或鬆餅因為我lunch好少食飯🍚所以我多數叫鬆餅佢個鬆餅都幾鬆化用黎吸d咖哩汁一流

食佢新出既飛碟早餐，叫左腿蛋芝士飛碟。一打開個包見到隻蛋係咁靚個人即刻開心晒。整得剛剛好 少少流心feel雖然味道係吞拿魚飛碟好食啲🤣，呢個正常味道。星期六食早餐餐廳人少少坐得好舒服。

正正中午食飯時間，所以呢間餐廳都特別多人。由於食飯時間趕急，職員仲好好話比我地知下次可以打電話落定單之後過黎食，因為製作需時又多人食，真係好貼心服，埋單時仲會收集客人意見，讚。泰式咖哩(有唔同級數的咖哩)豬扒青泰式咖哩+油鬆餅(比較辣)唔點食辣ge我都可以接受到。豬扒無骨，容易食一咬放能分開。配菜仲有綠色食品，但最特別有茄子，雖然外觀唔太靚但最緊要味道。雞扒黃泰式咖哩+油鬆餅(好小辣)雞扒好嫩滑，相反黃泰式咖哩的配菜則用霖霖的薯仔，如果配飯食一流。可能係因為唔同色的咖哩，故配料都有所不同。但最重點係油鬆餅，喜歡食餅類的朋友仔不妨試下，餅來到熱，新鮮出爐，再點啲咖哩好似置身於泰國食緊當地美食，餅唔會好難撕開。

在這所謂油塘最大商場裏面, 食肆數量真的一隻手指也數完, 甚至我覺得不比隔離鯉魚門商場吸引, 如果要在油塘吃泰國菜, 有街頭風味而又相對便宜的當然是塘意, 如果想坐得舒服一點則是Green Thai. 價錢相距甚遠, 一碟豬手飯或者濕炒河, 動輒要七十多元, 當然油塘人的消費能力也越來越高, 也是因為海旁的私樓原故, 至於份量還可以, 再加上飯後甜品, 是可以填飽肚子的, 性價比一般, 但不至令人卻步.豬手飯和濕炒河的濃汁味道差不多, 分不開這是芡汁還是醬汁, 味道不會太鹹, 但滷水不似滷水味, 豉汁也不似豉汁味, 不難入口但同樣不易辨悉就是. 河粉和飯的口感偏實, 對於淋上大量醬汁的情況來說是正確做法, 沒有糊化. 豬手肉，口感偏實, 而且不少皮肉分離, 海鮮沒有雪味但是也沒太多鮮味, 整體味道較為平淡之餘, 主要靠濕醬提味, 果然只能填飽肚子, 唯有說這就是這商場的存在價值, 七層高大而無當, 和這店一樣, 只是為提供基本需要就是.

假日去左油塘行山，行完返到黎大本營搵晚餐食就食左呢間泰國菜，味道基本上都幾好，但上菜速度可能爆場關係特別慢，叫左4碟野但平均每10分鐘上一碟餸！油鬆餅 $34就係喺餐廳嘅櫥窗見到廚師親自整啲薄餅，令到我特別想食，口感非常鬆脆。泰式青咖哩 牛 $88整體上泰式青咖哩個醬汁調味得非常好食，但千祈唔好叫牛，因為非常之難咬，好似咬緊香口膠，醬汁90分，牛0分。馬拉盞炒芥蘭 $7070蚊既份量略嫌佢有點細碟，但係整體味道都唔錯，馬拉盞好惹味！香辣肉碎炒河粉 $88見到呢間餐廳嘅炒粉麵飯都比較大碟，所以幾抵食， 炒河都炒得份外有鍋氣，唔錯。晚市收加一服務費，就泰國菜價錢都叫合理仲有坐咗喺餐廳出面，算係商場一部分，冇乜冷氣嘅地方，夏天呢個時候真係有啲熱。

經過好幾次，但一直冇試到因為外面睇落幾高級，點知琴日心思思試左下，有驚喜。首先講下個薄餅，應該係佢地個生招牌，熱辣辣，又鬆化，值得食。然後叫左個黃咖哩，甜甜地，唔係好辣，點薄餅一流！之後叫左個冬陰公湯，唔食得辣嘅朋友可以叫少辣，味道都好正常，不過冇泰國咁濃，可能適合本地人。仲叫左串燒同海南雞，味道相當唔錯，除左飛天通菜唔夠熱，其他都冇得彈！講到服務，waiters都幾專業，定時定候過黎加茶水，又會問下食物品質，基本上都有求必應。比果間乜乜牛好多，舉成分鐘手都冇人理。

最近生日去試下油塘唯一一間泰國菜，見到門口有個印度師傅，手勢都唔錯。然後入到去燈光比較暗但幾有氣氛。同個waiter傾左一陣計，原來後廚都是泰國人，唔怪得味道幾正宗。環境一流，比去9龍城食果D乾淨得多。住左係油塘咁年，黎區真係好少好野食。食完真心好食，下次會再黎～

-Lunch set🌟馬來咖哩牛腩（配白飯/油鬆餅）$73 (8/10)咖哩汁好香濃 啲牛腩超級淋 入口即溶 喺玻璃窗見到印度師傅喺到整油鬆餅 食落口果然唔同 成個油鬆餅表面好酥脆 入面竟然又鬆軟又有層次 🤤-🌟泰式豬手飯$68 (7.5/10)豬手嘅份量十分足 已經叫咗少飯 但係都好多飯 豬手煮到好淋好軟 入口即溶 滿滿嘅骨膠原好正😉-🌟泰式蝦餅（套餐追加小食）+$15 （7/10）蝦餅炸得好香脆 蝦肉都好彈牙爽口 配埋甜酸醬更加好食😚-🌟酸辣無骨鳳爪 （套餐追加小食）+$15 （7/10）泰式鳳爪口感爽脆 酸酸辣辣 超級開胃✨套餐免費送熱飲 小編就加咗$5要馬來拉茶 比起普通奶茶更加香滑 不過拉茶用煉奶沖 就比普通奶茶更加甜 建議大家要叫少甜🤣-總分：7.5/10間餐廳環境都好靚 最後竟然有免費甜品送 檸檬果凍 口感似檸檬愛玉 酸酸甜甜 可以解咗啲油膩感😋

睇過其他食評都好十五十六，但始終母親節同兩老想試吓其他嘢，睇呢間都岩一家人食就決定試吓～～叫左個套餐有：咖哩蟹+小拼盤+蒜片牛柳粒+飛天通菜+泰式炒金邊粉+兩客甜品+兩杰飲品另叫左：小食拼盤、串燒、菠蘿炒飯、蝦刺身、烤薄餅、油酥餅飲品有：龍眼水、星夏啤酒、芒果椰汁冰、紅豆椰汁冰、藍蝶荔枝冰以上所有我地都好滿意，呢間我一定會再食

🔹️ 冬蔭海鮮湯烏冬 配凍檸茶 $69餐廳的座位坐得很舒服 裝潢也帶有東南亞風情 🏝但食物質素則比較像街坊茶餐廳🤣不出所料 這碗冬蔭海鮮湯烏冬的配料吃起來是很普通的急凍貨烏冬應該是普通包裝的烏冬 而湯底辣度比較溫和配合香港人的口味另一個優點是份量頗大 夠飽足感

今次又嚟到油塘的Green Thai食泰國菜， 見佢Lunch有套餐都比較抵，鐘意海南雞嘅我， 入咗去梗係必食佢嘅海南雞飯啦😆本人覺得海南雞飯麻麻地， 其實食落都有雞味嘅， 只不過覺得佢偏向白切雞嘅味道多啲😩 基本上佢比嘅肉都比較嫩滑， 都好少雞胸位， 所以都值得讚~ 不過唔係我心目中完美嘅海南雞味😂另外叫咗個馬來海鮮喇沙， 69蚊嚟講有海鮮我覺得都算平， 海鮮都唔算少， 而且喇沙都算係重口味， 個人覺得都唔錯👍🏼另外，我哋加咗一份泰式炸魚餅做小食， 如圖所示得一塊， 14蚊有啲孤寒😂 而且我覺得佢似素食魚餅多啲.... 食落勁有平時素食的大豆味😂😂😂雖然唔知佢平時其他單叫嘅泰國菜好唔好食， 搵日都可以試下😂#泰國菜 #泰國 #thaifood #thailand ##thai #油塘美食 #海南鶏飯 #海南雞飯 #雞飯 #喇沙 #香港特色 #香港美食指南 #香港美食 #食好d食平d #食評 #食好西 #食好d #黃怪獸自家製 #黃怪獸覓食 #foodie #foodblogger #followforfollowback #foodiehk #hk #hkfood #hkfoodie

專程前往三家村行下，午餐時段係大本營搵食，路過見到門口餐牌寫明正宗泰國人煮理，而廚窗又見到有外藉廚師係到整油鬆餅，同埋不斷有人入內幫襯，心諗應該唔會太差泰式海南雞飯 $69 （送飲品）海南雞尚算嫩滑，不過略多肥膏，雞隻份量多，油飯香仲好大碗，不過送既湯味精太重馬來咖啡牛腩油鬆餅 $69（送飲品）咖哩汁香濃帶點甜味，油鬆餅即製所以香脆熱辣辣，沾上咖哩汁食而且牛腩炆得好淋好入味 不過只得四件牛腩一件薯仔，略微少了點

假日係大本型食lunch係好多人，特別係這間，所以每次都會早D來等位，好彩今次只等了10分鐘就可以入座每次必食：泰式辣椒肉碎蛋飯雖然只有一隻荷包蛋和肉碎，但肉碎味道帶點辣，好開胃，正！更有甜品和冷/熱飲品，只是六十幾，其實都幾抵

想近近地食泰國菜, 搵左呢間座位闊落舒服既餐廳。大蝦炸蝦餅 $80 外脆內軟，肉質彈牙, 食個陣仲熱辣辣泰式肉碎生菜包（豬）$78 泰國餐廳必點菜式, 份量ok, 好清新既香料味，肉碎偏酸, 香濃, 但唔會太鹹。酸酸辣辣好開胃。明爐蒸烏頭 $168味道偏淡, 如果湯底更濃味好會D,海鮮濕炒河 $88炒得均勻同黏有醬汁, 好入味。香燒豬頸肉 $78惹味焦香, 肉質比較林(我比較鐘意, 因為好怕食到好硬既豬頸肉)辣椒肉碎炒飯 $80呢個肉碎比肉碎生菜包辣D, 但係惹咪好多。