Greyhound Café (ELEMENTS圓方) (已結業)

性價比高既平民海景餐廳❤️已經好多年無去Greyhound Cafe🤤以前好鍾意食佢最signature嘅泰式奶茶千層蛋糕☺️真係好好食。見佢喺尖沙咀K11 Musea開左，同埋見到有好多人推介話餐廳環境好好，可以望到海景。今日見天氣好好，就即刻約埋朋友去食！去到餐廳嘅環境果然冇令我失望真係忙到一個超級無敵嘅維港大海景，超relax☺️☺️加上未到lunch食飯時間，真係又靜又舒服。值得一讚係餐廳既職員全部都好有禮貌，已經又會主動加水，又會問我地食物口味啱唔啱食，非常值得一讚❤️❤️❤️講返餐廳既食物，我哋分別叫咗鮮蝦炒金邊粉同埋煙肉蘑菇白汁意大利麵😎鮮蝦炒金邊粉啲蝦好大隻🤤🤤配埋好彈牙嘅金邊粉，味道同賣相都滿分☝🏻☝🏻我仲加左錢要珍珠泰式奶茶！飲品都好有驚喜！珍珠好多，而且奶茶甜度剛剛好😮‍💨飲飲下突然之間真係好掛住泰國🥲希望盡快有得返家鄉🤣🤣朋友叫既煙肉蘑菇白汁意大利麵，都好足料！啲汁唔太漏，掛哂啲白汁喺意粉度，而且好大碟！食完已經好飽。不過由於太耐冇食過佢哋嘅泰式千層蛋糕所以我哋都決定叫埋甜品，因為餐廳環境實在太靚啦，真係唔捨得離開😂好彩件千層蛋糕同以前食嘅味道一樣，都係咁好食，又唔太甜☺️☺️☺️

📍 Greyhound Cafe #Greyhound#MFJ尖沙咀#MFJ泰國菜人均消費: HKD150圓方其實好多餐廳未食過，原因: 太貴🤡今日又去試Greyhound @greyhoundcafehk ！食過太古分店，十分Fusion的泰國菜！有泰式風味得來又配搭新穎！⭐️蒜香辣椒蟹肉意大利麵🍝$136本來午餐$118，要蟹肉意粉要加$18！鬼叫自己嘴饞🥴 是日沙律都是凱撒沙律，不過不失意粉乾身，但加上蒜香辣椒不但口感好，而且頗有鑊氣香味！蟹肉大大粒而且超級香，每啖都有好濃的蟹香味！⭐️泰式奶茶🧋點了杯泰式奶茶，雖然好甜，但的確又幾香滑可口！如果+$6仲有珍珠！$150一個午餐，貴了點，但算是幾不錢！地方大，不用等位，但有用餐時間限制，不過店員好有禮貌，價錢稍高，但幸好質素不錯#pasta #spaghetti #crabmeat #thaifood #mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography

每次去泰國旅行都一定要去Greyhound，喜歡餐廳型格，喜歡餐廳的食物。黑白主題的裝修，年青的侍應，親切的笑容，好有活力。這過江龍已經嚟咗香港好多年，本人亦去過唔少位於香港嘅Greyhound分店，依然十分喜歡。這次放假去到圓方亦唔例外，又嚟食lunch. 泰式豬肉丸湯河粉，穩穩陣陣，不過不失。可能由於人多關係，調味架需要提醒侍應才施施然拿過來。友人叫午餐，蘑菇餐湯只係得三份一碗🙄，而且係暖嘅😵‍💫。好想換，但都係費事。泰式雞肉炒金邊粉 - 味道唔錯，但係啲金邊粉超硬，真係頂唔順，中間仲好似生生哋，唯有請佢再煮過要求煮淋啲。其實呢啲基本野唔應該發生，唯有下次唔再嚟呢間啦。除咗因為食物，侍應冷冰冰的服務也是主要因素😓餐飲泰式凍奶茶仍然是我至愛😍

周六，去咗食個 lunch buffet，嚴重失望，大家切勿幫襯：1. 衞生差：Lunch buffet 有個即煮麵檔。餐廳提供過膠 menu 和黑色 marker, 請客人喺過膠 menu 上點餸。工作人員態度差，排我前面有一位長者，佢表示自己老花，menu 上嘅字太細，佢睇唔到，好有禮貌地請工作人員口述佢聽，有咩餸可以揀；但工作人員唔理，仲好晦氣咁不斷強調要對方畫落將過膠 menu 度點餸，甚至叫佢位長者自己攞張 menu 翻埋位睇清楚畫好先交俾佢落 order。其實當時無人龍，得兩個人排隊 （長者、我），我唔理解工作人員唔肯口述俾長者聽有咩餸嘅原因 （另，餸嘅選擇，得6項，唔多吖，口述唔會好浪費時間啫！）最恐怖嘅係，工作人員用夾食物嘅夾，夾住張過膠 menu, 係咁遞俾位長者迫佢填。個夾，係用黎夾煮麵嘅食材嘅 （麵、牛丸、蝦、菜），但工作人員用同一個夾，夾張過膠 menu。塊過膠 menu，明顯用過 N 次，上面有 marker 積、個個人都用手掂過，又油淋淋。工作人員用夾食物嘅夾去夾張過膠 menu, 係非常唔衞生嘅做法！之後，同一名工作人員，見有碗整好嘅麵放左好耐都無人客過黎

在open rice 訂座時寫有85折,但去到沒有,再翻紀錄,open rice的電郵回覆上標沒有優惠,ok,技不如人,只有照食.建議訂位後查清楚点了炸海鮮併盘,上菜時呆了,所有材料原个炸,連殼炸,如圖上炸蜆及青口,肯德基式海鮮点了黃咖哩啖啖蟹肉飯,實際是飯多加D蟹肉碎,非常失望点了和牛黃彊飯及三色迷你漢堡,沒特別驚喜用餐中途,服務員突然收走我的小碟,再放回新碟上,雖然我的碟未用過,但用餐時都會吹水,重用太不衛生,幸好我叫停,冇人受害

食哩間野真係開心大發現話說一家人去完梅窩玩渡個輪返離 有人話要食晏去7號碼頭間餐廳見佢冇開 睇op先知佢轉咁只限包場咁就就近入咗ifc搵野食 入面個電子水牌真係超垃圾全部咩店都淨係打個名同嘜頭 介紹圖都冇一張真係除咗啲街知巷聞嘅餐丁之外 真係L知佢食乜野估唔到中環嘅商場連個水牌都整到咁 不如唔好整😂咁就唯有自己街入去睇下有咩未食過就走去食第一間就係見到哩間 價錢又冇話貴到離晒大嫂啲野食又附合到3個人想要嘅又冇話掛大長龍 第二張就到我地喇但佢地翻枱入人真係有啲慢.. .門口望住就算翻好枱 都未有及時入人可能係人手問題 專登入客慢啲？終於入到去 睇下餐牌有乜吃一睇之下原來係泰式餐丁兩大個餐牌 揀到人心思思不過有點就係 明明係兩個餐牌點解要有重覆嘅野食？推銷策略？已經多選擇重要重覆睇 想食客坐耐啲？😂成個餐牌啲野食對於我哩個吃貨離講 差不多樣樣想吃好多食物嘅圖都好似好好食咁🤩我睇嘅第一個餐牌 一開波就有3個拼盤 一肉兩海鮮但冇奶油點晒3個 食唔晒浪費 咁就剔除兩款炸物拼盤揀咗唯一唔炸嘅海鮮拼盤另外有人最愛湯麵 就揀咁個牛肉米但有個問題就係佢想轉河粉 問我識唔識講要轉因為成場9成啲侍應都係西邊

【肥波去hightea系列】肥波每次假期都好想同波媽周圍去hightea，但呢排又減肥又要考試，少左好多時間陪媽媽。中秋之後有一日假，book左 mangotree，點之因為公眾假期當日無tea set!! 勁sad！所以最後決定轉場。超好彩去到greyhound有位，仲order到最後一set tea set!! Yeah!!!個tea set咸點多過甜點，波媽好喜歡。而我就叫左個泰式炒意粉🍝辣辣地幾惹味！而且海鮮份量好多，好足料！肥波姐夫就散叫叫左個豬頸肉配沙嗲醬+薄餅，豬頸肉份量又係超多，厚身，好juicy!最後仲叫左個薯條，粗薯條配三款醬，熱辣辣，好食！

今次食下午茶唔想只食甜，所以揀選了泰式，期望有新嘅體驗 由於唔太肚餓，三個人食一個 tea set 加一份沙律。沙律比想像中細，細到覺得唔係好值，好似只得兩片羅馬生菜。Tea set 包飲品，叫左奶茶同檸檬茶。如果想要 Bubbles 就加 $6。麻麻地，得個甜字。呢個就係個 tea set。少許炸物，重油味。串燒正常，唔吸引。最好食係個蛋糕同芒果糯米飯。假日人流唔多，用餐時間90分鐘。我哋唔夠90分鐘就離坐，所以唔知佢會唔會趕客走。招呼基本上係無，唔會幫你加水。如果下午茶的話，應該唔會再來。

Lunch set 有磨菇湯， 本來是大家至愛， 但是凍的， 非常失望！雞肉金邊粉...雞肉又乾又鞋！Ordered milk tea, 嚟咗杯西式奶茶. 原來要特別叫thai 式， 但落單又唔問個客要邊款!唔會再幫襯！

泰式三層tea set + 飲品2杯 $298 for two☕️​第1層有：泰式青木瓜沙律，三文魚配泰式辣汁，牛柳粒配香蒜汁​全部都酸酸甜甜好開胃😋 牛柳粒可以一啖擺入口 唔會韌 好食👍​​第2層有：千層蛋糕，芒果糯米飯，椰子紅寶石杯，朱古力布朗尼​全部甜度適中，唔會食到好漏😋​​第3層有：雞翼，粟米蟹肉餅，豬柳串燒，沙嗲雞柳串，炸蝦配魚餅球，蟹肉春卷，炸魷魚，沙律​附送幾款泰式醬，點黎食都幾清新​串燒幾好味👍 份量都唔算少啊​​味道👅👅👅👅​抵食🤑🤑🤑🤑​環璄⭐️⭐️⭐️⭐️​服務👍🏻👍🏻👍🏻👍🏻​番兜🍉🍉🍉🍉​(最高分x5）​​

話說之前已經食過這間店的午餐和晚餐好幾次，今次剛好在圓方見到佢有下午茶set,就想試吓。特色「泰滋味」下午茶$298好吸引的三層架，有鹹味和甜味😋最頂個層是比夠清新，有沙律菜、煙三文魚、一口牛🙂第二層開始食甜野！千層蛋糕、特濃朱古力蛋糕、迷你芒果糯米飯幾特別，一口食晒！配埋杯冰凍椰青汁，可以中和吓啲甜品👍🏻最低層是串燒和炸物，有3款醬汁配搭，唔錯唔錯😁其實整體食物質素和環境都幾舒適，唯獨是點餐時叫埋兩杯鮮奶咖啡的餐飲，等咗好耐都未有嘢飲，當忍唔住問服務員時，佢先話無晒鮮奶，要轉茶類飲品🙁講真星期六這個時段都唔多客，咁早無晒奶都算，最匪夷所思點解要客問先講😠最後叫咗杯大吉嶺茶，用茶壺上，倒出嚟是藍色的，個味好怪，飲咗一口就無再飲😫

it’s always a pleasant dining experience at greyhound but for some reason the food at this branch was not as good this timethe braised beef noodle soup was bland, the mushroom soup was overly salty; the pad thai was simply too dry; the chicken (from the pad thai) was overcooked and the crepe cake was too dense

今日我哋三個人到Element食飯，平時在又一城都有食過，今次就在圓方再食過。我哋每次都會叫的是咖喱和naan。這個咖喱不辣，我最喜歡吃。另外叫的是金邊粉和沙嗲。記得要留肚食椰子千層蛋糕，入面真的有椰子肉，上面的餅乾都好好食。

為了慶祝有人入到大學，便出嚟食吓飯輕鬆一下，因假期好多停車場都會爆滿，所以選了來Element食嘢，因為依度多停車位。大家都知啦,Element嘅食店都比較高尚, 精心挑選之下, 揀到依間中檔有不錯嘅餐廳。四個人選了6款菜式，1）沙嗲豬頸肉 、2）脆炸粟米蟹肉餅、3）香煎牛柳粒配香草汁、4）酥炸雞件、5）泰式河蝦冬陰功湯河粉、6）鮮蝦炒金邊粉。逐一介紹：沙嗲豬頸肉不過不失好味；粟米蟹餅，有粟米的甜、蟹肉的鮮，夾埋酸甜醬，非常嘢味；香草汁的酸味配鮮嫩的牛肉粒，絕配；酥炸雞件還發現有炸蝦，雞肉鮮嫩外脆內滑；炒金邊粉冇乜驚喜都好味不過比較辣；冬陰功湯河有啲失色，冬陰功湯底不夠香不夠辣不夠濃、但隻蝦都好大隻；除了冬陰功湯令人失望，其他菜式都好味！環境比較暗，服務還可以，所有員工只懂英語!

叫咗杯Mango Skate 同海南雞飯，mango skate 好快就上枱但碟海南雞飯足足等左40分鐘到冇嚟，最後好嬲咁取消個飯走人。係咪因為叫得少嘢食唔做我生意！🤬