HOKO Farm (已結業)

餐廳係灣仔區，地點幾方便，係正大馬路隔嚟，地鐵站出行五分鐘就到。環境其實幾“唔灣仔”，不過幾舒服輕鬆。除左木牆，仲有牆身油畫，畫功幾得意！餐包唔合格，凍既。不過鬆軟味道ok西冷牛扒炸薯角$128 (飲品要加錢)個人幾鍾意牛扒用木板上，感覺warm d。牛扒叫五成熟，幾大塊，有肉味肉汁。薯角炸得好脆。沙律幾新鮮，加埋沙律醋幾match！蕃茄大大隻好juicy!總括黎講，呢度唔係行高級路線，環境舒服，services都幾好！繁市中想relax下既好選擇！

入呢間餐廳完全係因為呢幅咁靚嘅壁畫，勁fancy! 同佢個名好襯！係親親農場既感覺！ 見到個芝士火鍋咁吸引，仲要只係138蚊！唔係唔試呀嘛？ 芝士嘅分量超多！而且呢隻芝士係我好喜歡吃嘅芝士好香好濃味！仲唔會覺得太溜。 最喜歡將麵包浸落去！個麵包吸曬啲芝士之後，軟淋淋咁樣好好食！旁邊嘅菇都好香，係用黑椒處理過既。 青口、蜆肉同埋帶子同芝士火鍋都幾夾！少少鹹鹹地反而帶出嗰個海鮮嘅鮮味！ 除咗麵包同埋海鮮，週邊擺啲青瓜、蕃茄、蘑菇可以中和返成個芝士火鍋，令成個口感都豐富左！本身黎個時見麵包唔係好多，有d怕會唔夠食，不過食食下又覺得好飽。我地差不多食晒成鍋芝士！好滿足！ 個芝士火鍋可以配西柚梳打，清清哋，又香又甜。

今天晚上來到 hoko 吃晚餐飯～窗口的設計好特別，帶點歐陸色的窗口，坐在窗邊卡位可以看到大馬路的風景呢～如果一個人食飯ge話，一定選望街景位～有點情調之餘又唔洗同人面對面搭台 ，好適合拿住本子來這邊喝咖啡坐坐呢^^水bar位置，仲有港式奶茶可以選擇～meun main set 點了香煎三文魚伴薯角 同埋一杯西柚梳打～先尼西柚汁梳打，酸酸甜甜 ，好開胃～仲有新降西柚tim～ 然後尼主菜～ 煎三文魚，配上菜沙律同薯角。放在木板上，份外別緻。不得不提，菜沙律除左黑醋之外仲有橄欖油>.< 超鐘意，唔係間間餐廳都有>.<!!  主角三文魚煎得好香 ^^ 仲有生甜ge蕃茄都係煮過ge～今餐好滿足～

今日終於離開九龍，去香港島覓食。位於灣仔－金鐘，軒尼詩道中港大廈地下的hoko farm.內外裝潢都有種歐陸風。個人建議坐卡位🙈空間感不錯，而且坐得比較舒服。點份all day breakfast 加杯特飲，可以享受慢活文化。黑松露雜菌意大利飯黑松露基本上配甚麼都好食😂意大利飯一向都是多汁，令飯變得爛，但hoko 整的飯的硬度剛剛好👍雜菌份量亦夠多，少少一碟都已經飽肚。另加梳打，諗左好耐最後決定要荔枝梳打。有原粒去核荔枝😳仲要幾甜，仲要打孖上。真係誠意之作。下次黎一定會點芝士火鍋！

其實經過呢間餐廳好多次，一路覺得環境幾舒服好適合兩到四個人坐埋一齊食飯傾計，因為係商業中心，次次見到都見到好多上班族喺度食野，今次終於有機會試。同男朋友襯佢唔係好多人既時間入咗去。一人叫一個套餐，男朋友叫咗個呢度好出名嘅全日早餐，而我就叫左一個芝士黑咖喱和牛漢堡飯同凍檸茶。其實本身自己比較鍾意食中餐，因為男朋友想食全日早餐，所以先專程來呢度食，等左大約15分鐘左右就開始上菜啦，當初餐牌見到黑咖喱飯，所謂既黑咖喱咖原來係日式咖喱，個咖喱無咩太特別，同一般食到既日式咖喱一樣，唔辣偏甜、仲帶小小果酸味，加埋芝士幾好配白飯，白飯都唔錯幾香軟。反而最驚喜既係個和牛漢堡，食過唔少牛肉漢堡，通常都好夠味，但就欠鮮味，感覺好罐頭，但佢里個好有牛肉味，唔會鞋口同埋好多肉汁，相當高質既一塊牛肉漢堡。成餐飯最失望既係凍檸茶，茶味唔夠，始終都係飲茶餐廳既最隱陣。至於女朋友個全日早餐，聽佢講就無咩特別，最貴就其實係黑松露炒蛋度，我都試左小小，整體不過不失，不過作為招牌菜黎講就有小小失望。

759，吉野家消失了，見到有這家新店，而且每次都人龍一大條。今日誠意十二時來，不需等，直入。本人是漢堡包迷（but hugely anti McDonald), 所以點了和牛漢堡包。五分鐘後，已經上菜，心知不妙⋯⋯先嚐嚐薯條，熱辣辣，外面脆，內面軟，好味。一看漢堡扒，便潰不成軍。不是烤，不是煎，似是油炸。（當然如果是煎，便煎過火了。）我個人口味，認為扒必要烤，較香較不油膩。又如果牛扒有質素，煎得有技巧鎖住肉汁，也是可以的。但這扒太乾了，完全沒有牛肉味，和牛與否，也不重要，是一種浪費。醬汁完全欠奉。如果牛肉有汁有味，這不會是問題。後來做一做research，確認了我心中的疑惑，知道了它背後的集團，所以完全不驚訝為什麼會如此差勁。如果一早知道，恐防不試也不會試。

到添馬公園拍個靚照後，走著走著看見這間相當有田園氣息的HOKO Farm，便走進了特別的小餐廳。很久沒有嚐過all day breakfast了，聽過這些的炒蛋很有名，配上黑松露的確有一番風味。濃味的煙肉配上雜菜沙律是一種享受，再加上我最愛的牛角包，太幸福了。友人點了這個芝士和牛漢堡飯，味道超香。我本來不太喜好咖哩，但這個也不錯不錯。厚厚的漢堡配上濃郁的芝士香，加上飯粒的質感，美味！最後加分的Tiffany blue錦上添花。

喺灣仔附近返工，基本上灣仔好多餐廳都已經食過晒，今次朋友介紹去太古廣場嗰邊試吓新嘢餐包好軟熟，第一印象不錯主菜黎喇，叫咗個黑松露雜菌意大利飯，雜菌汁好濃郁，意大利飯亦都好飽滿，好惹味，份量亦都唔少，好飽肚最後加埋杯藍莓特飲，味道唔會似出邊咁好似藥水味，亦都唔太甜，不錯整體印象不錯，價錢亦唔算貴

位於灣仔的HOKO Farm, 地理位置都尚算方便, 係金鐘或者中環站行過去都係十分鐘, 星期五夜晚都唔算多人, 唔想等位既朋友可以考慮下~荔枝梳打: 酸酸甜甜, 味道唔算太濃凍朱古力: 好足料, 好濃郁既朱古力味美國西冷牛扒伴炸薯角: 唔算好Juicy, 但肉質鬆軟唔韌, 值得一試!大啡菇和牛漢堡伴炸薯角 除左大啡菇同和牛, 仲有芝士, 煙肉同生菜. 厚身到無可能一啖食得晒, 所以Waiter好貼心咁俾埋把刀我地.

灣仔頭最近開左間All-Day Breakfast的餐廳，星期五晚唔知食咩好，就由灣仔尾行去灣仔頭搵食，真係好腳骨力架姐先上餐包，熱熱地，加埋牛油半溶係包入面，好香！荔枝梳打，唔算太甜，入面重有兩三粒荔枝肉。酸酸甜甜，配肉類食品時都幾清爽凍朱古力都算幾高質，朱古力味幾濃，夠哂香。配上面頭既奶油，入落口都幾滑幾香。唔錯Burger size夠厚身，麵包烘得熱辣辣。大啡菇勁厚身，而且都幾多汁下，口感好軟。和牛漢堡都係厚身，好多好多汁，香料味幾吊味。炸薯角幾香，配上有肉汁的醬汁去食，另有一番風味西冷自動幫我決定左幾成熟，上台時大約7-8成熟。肉汁唔算話好多，但係肉質都幾鬆軟，咬落口唔會好多筋或者渣，肉味都唔錯。西冷部份地方較肥，有D地方較瘦，可以一塊西冷食到兩種口感，相當唔錯！埋單都係每人130蚊左右，以灣地金鐘地段黎講，食呢個晚餐絕對唔貴。

今日去金鐘Pacific place shopping . 感覺金鐘餐廳唔係太多選擇，所以走去灣仔碰碰運氣，沿途經過hoko farm . 非常有驚喜，又抵食又好味，選擇又多。點了一杯cappuccino, 味道香濃，配上大蝦雞扒，及甜品雪榚waffle . 絕配。 雖然係下午茶，但係分糧一點都唔細，賣相非常漂亮而味道當然夠鲜夠甜

Decided to come here after work for a quick date night with the wife as we walked past a few times and wanted to try it out. When we got there, there were only a few other diners and it was quite quiet. Seems like the place might do most of their business during lunch or weekends. It was comfortable and cozy for our meal and the restaurant is nicely decorated. Ambiance gets a 8/10. We decided to get the prawn/chicken platter and also the burger. The platter was just okay. The plate as a whole w

響灣仔返工返左幾年，Lunch好多野都試過晒，呢間hoko farm唔係響食肆區，響大街嘅一旁，坐巴士成日經過，今日就試下！有tea set又有lunch set餐包軟熟！有粒粒麥香！我哋share左一個松露雜菌意大利飯同burger~和牛漢堡配薯角，漢堡排分量十足，牛味重，上邊一隻半熟太陽蛋震震下好得意，食落口感豐富，薯角稍稍太熟，偏乾，但都好香口。松露雜菌意大利飯，好多菇而且松露味好香，意大利飯不會太硬易入口，雖然不是太正宗意大利那一種，但只係68元算是超值！我哋叫多咗一個下午茶棉花糖朱古力多士做甜品！好多士上面鋪滿燒焦嘅棉花糖，入口甜滑，半溶感覺令人滿足！呢度係灣仔同金鐘中間自成一角，比較少人飯市等位不算耐，所以lunch 又多一個好選擇了！

大啡菇和牛漢堡伴炸薯角以往說起3.6牛乳炒蛋，北海道牧場餐廳總是腦海裡最先出現的名字。不過踏入2016年，在灣仔裡出現了其副線餐廳HOKO Farm，除了牆身滿佈卡通動物圖畫外，食物雖然與主線餐廳截然不同，唯主打的炒滑蛋依舊用上了北海道3.6牛乳。這夜終於與我家那位來到HOKO Farm，雖然餐廳算是在灣仔區，但在金鐘站走過來會近一點。點好餐後，店員先奉上餐包，拿上手仍有暖暖的感覺，口感也夠鬆軟，不錯。全日早餐 $88只有餐牌有All Day Breakfast，我家那位十之八九便雙眼發光，其他食品完全是看不上眼。3.6牛乳炒蛋遇上黑松露，蛋香幼滑之中添上一陣菇菌的清香，味道不錯。全日早餐還有煙三文魚、煙火腿、煙肉及炒雜菌等，份量倒是豐富。熱朱古力 $12跟餐可以優惠價追加飲品，這是我家那位選配的熱朱古力呢。大啡菇和牛漢堡伴炸薯角 $98當我家那位鍾情All Day Breakfast的時候，至於我嘛，卻是迷上用刀叉吃漢堡。大啡菇的香濃菇汁與澳州和牛的肉香相當誘人，與烤得香脆的麵包及芝士與煙肉同吃，味道倍感滋味。熱辣辣的薯角吃出薯肉滿滿，香口無比！Mocha $18咖啡與朱古力的平衡算

放工同朋友嚟食飯，平日無乜人，好快有位！舖頭好光猛新淨。牆上面仲有啲綠色嘅草，感覺幾舒服。侍應好好人，有禮貌。一點完餐仲自動同我地講自家整面包可以無限refill添！我叫咗個portobello 和牛漢堡，朋友就叫咗大蝦雞扒餐，兩個餐都跟炸薯角的。賣相兩個餐都好得。我個漢堡仲要好正添！正宗portobello mushroom，唔係搵大粒啲嘅冬菇嚟扮係portobello，和牛好多肉汁，而且好肥美，唔會好似有啲地方會煎都好乾。啲炸薯角都好唔錯呀！相比之下，朋友嘅大蝦就遜色咗啲喇。因為佢隻蝦同埋雞扒都比較細，佢話嗰晚返到去要再食多個杯面先夠飽呢。我覺得整體都唔錯，唯一美中不足就係如果隻蝦大啲就好喇