Hungry Monkey (金朝陽中心二期 - Midtown)

營業中

休息中

警世文千祈唔好去銅鑼灣hungry monkey食飯……睇完戲諗住搵間開得夜啲嘅餐廳食飯見到open rice有間多好評又開到十一點嘅餐廳最夜可book嘅時間係10pm ，我就book 9:30pm啦去到餐廳已經9:40左右，咁我當自己walkin問經理仲入唔入得啦咁全場就得返近爐嘅吧台有四個位，我哋就照入座。坐咗一陣，我哋叫咗啲嘢食，然後就開始聽到啲砰砰聲啲噪音持續咗好耐，我就望過去發現個矮嘅廚師不停喺度掟嘢講緊係拎起個鏟整一整啲嘢食，然後就掟返落個鐵板度，仲掟爛咗隻碟最過份係 佢由洗手盤飛對鏟過嚟我哋面前塊鐵板度（距離附圖示意）如果佢有骨氣啲再大力少少，一定可以成功飛落我哋張枱度💩中途仲開大水喉洗嘢，然後彈咗啲洗碗水落嚟我哋碟御好燒度唔知啲人係咪覺得我哋阻收工，定係工作壓力大而情商低到咁啦。但你比得我入嚟都冇得say嫁啦，仲要喺open kitchen發老脾比個客睇？後尾我嘢都唔食，睥實佢睇佢表演掟嘢，佢先識收斂下冇再掟講返食物質素，一睇就知求其快炒兩嘢就上碟（由另一個高啲嘅廚師整）炒飯又凍又白雪雪又硬厚切牛舌入面係全生嘅，我朋友完全食唔到豬肉都可以唔熟到紅卜卜條友仲要笑笑口話冇曬

放工同同事係呢邊，突然想懷念一下去日本居酒屋嘅feel，就泥左銅鑼灣Hungry Monkey！首先嚟個青蘋果蟹籽沙律，勁大份+材料新鮮，清新爽口好開胃口!辣酒凍風螺，味道夠辣，好好食。唐揚南國鳳尾，個外層炸到金黃酥脆,大大份抵食。松葉蟹肉甲羅燒，個肉質鮮香，仲帶有啲蟹肉嘅甜味。日本原隻活帆立貝，好彈牙,淋咗少許汁,咸甜適中,令人回味無窮。清酒煮蜆，一上枱聞到酒香,不過蜆肉好肥美,簡單煮出就好入味,食完都忍唔住飲埋個清酒。明太子御好燒，一啖食落去,即時感受到明太子嘅鹹香味,襯住外脆內軟嘅麵糰,真係絕配!朱古力布朗尼，濃郁嘅朱古力味十年熟成梅酒 及 檸檬威士忌割水

又係Happy hour時間，同朋友仔又食又飲，係銅鑼灣見到呢間 酒吧 X 鐵板燒，都幾新穎。好，坐低睇下有咩好食先。頭盤沙律，酸酸甜甜漬蕃茄，開胃菜。螢光魷魚，油份不多，食落海水味超重，呢款魷魚細小，係富山縣縣魚。香煎鵝肝，肥美厚身，表面煎脆，咬落去裡面軟綿綿既，油脂感好豐厚。A5和牛坑腩，粉紅色嫩肉，紋理上面睇到既坑腩位，柔嫩有口感。日本原隻活帆立貝，用上乾蒜、生蒜，爆到好香，帆立貝新鮮爽甜。芫茜炒豚肉，個肉炒得唔錯，豚肉半肥瘦，爽身，芫茜炒後個清香留係個菜上面。松葉蟹肉海膽炒飯，個飯有絲絲蟹肉和粒粒海膽，炒得都多乾身。悠久之梅十年熟成梅酒，梅酒既甜度足，酒果清香，啱晒我呢啲唔飲啤酒的人。朱古力Brownie，最後食埋呢個朱古力味濃郁既Brownie，滿足！

跟完大project終於可以約朋友見下面。環境氣氛唔錯，可以邊飲邊食鐵板燒，餐牌多種選擇先摸下酒杯底先悠久之梅十年屬成梅酒透心涼，重梅香味帶甜，飲多幾杯都得。冰凍蕃茄，酸甜又清甜螢光魷魚真係螢光色，下酒菜，咬落滑漏。鵝肝青蘋果 鵝肝外層煎到焦香，內裏creamy，好味。A5和牛賣相精緻，顏色粉嫩，和牛味香。燒帆立貝配上炸蒜香蔥，新鮮蒜油味重芫荽炒豚肉有驚喜， 配上洋蔥芫茜 一併炒，十分惹味松葉蟹肉海膽炒飯粒粒分明炒飯，食到飽飽

在與舊朋友相聚的午膳時光,我選擇了銅鑼灣的Hungry Monkey作為用餐地點。這間以鐵板燒見長的餐廳,不僅能品嚐到美味佳餚,更能好好與朋友敘舊,一舉兩得。用餐前,我們先品嚐了清新爽脆的沙律、溫暖醇厚的麵豉湯,以及別具層次的開胃小菜。沙律新鮮可口,配上清爽雅致的醬汁,味覺上帶來清新活潑的感受。小菜方面,爽酸適中的泡菜,為整個開胃前菜增添了不少亮點。轉入主菜,我們點選了Hungry Monkey的招牌菜式:厚燒牛舌、香蔥牛肉薄燒,以及明太子奄列和燒花魚。當鐵板劈啪作響時,陣陣誘人的香氣撲鼻而來,令人食慾大開。牛舌厚實而柔軟,入口即化,肉質鮮嫩多汁。香蔥牛肉鮮嫩多汁,帶有一絲清香。明太子奄列蓬鬆鹹香,與炒飯十分搭配。而燒花魚外酥內嫩,肉質細緻鮮美。我們選擇了柚子梳打和桃味梳打作為飲品。前者清新爽口,後者香甜可口,都為整個午餐增添了不少快感。總括而言,Hungry Monkey無論在食材新鮮度、烹飪手法,還是菜式搭配都做得非常出色,讓我們度過了一個美好的午餐時光。

位於銅鑼灣的 Hungry Monkey,是一家以鐵板燒為主打的特色餐廳。今天我們一行2人來到這裏,享受這裡的鐵板燒美饌。用餐開始,我們先品嘗了套餐中的前菜。清新爽脆的沙律,佐以爽口的醬汁,為味蕾帶來清新的開端 。香氣四溢的炒飯,飯粒分明,口感Q彈,是鐵板燒的絕佳配角。漬物酸甜適中,為整體增添層次。我們選擇飲用清新怡人的桃梳打,完美搭配鐵板燒的滋味。接下來,我們品嘗了兩道主菜。首先是厚燒牛舌,外焦里嫩的肉質,配上清新的香葱,口感柔軟鮮嫩,讓人回味無窮。另一道是香葱牛肉薄燒,入味十足的牛肉,外層略帶焦香,內裡卻依然多汁鮮美。除了主菜,我們還點了兩款創意小食。花魚一夜干外酥內軟,不似一般居酒屋的乾澀口感。明太子奄列蓬鬆柔滑,鹹香與蛋香完美融合,別具匠心。整體來說,Hungry Monkey 成功將鐵板燒的精髓展現得淋漓盡致,同時又注入了創意和創新,為食客呈現了一場嶄新的鐵板燒饗宴。

優惠2人餐（$508）*含兩杯飲料🥢青蘋果蟹籽沙律🥢南國鳳尾🥢辣酒凍風螺🥢牛舌薄燒🥢章魚御好燒🥢松葉蟹肉甲羅燒🥢A5和牛坑腩炒飯🥢朱古力炸彈🥃檸檬威士忌割水🥃梅干威士忌割水餐廳設吧枱和梳化位，略帶昏暗燈光配搭霓虹燈有置身日本居酒屋的感覺，舒適環境適合下班與朋友小酌。小食配菜偏香口濃味，非常適合配搭酒類飲品，人均$254即可享有沙律前菜小食主食至甜品，真係好滿足。環境又非常適合傾偈飲酒一定會回頭～

行過銅鑼灣見到呢間舖頭好吸引，同埋而家有個二人餐推介$508 睇落幾抵，所以都試一試。前菜青蘋果蟹籽沙律，蘋果清甜加上蟹籽口感豐富，好開胃！唐揚南國鳳尾，即係炸雞尾，油脂豐富，越咀嚼越香，佐酒不錯。辣酒凍風螺，辣度剛好，酒味香濃，加上彈牙螺肉好惹味。牛舌薄燒，肉質嫩滑，加上炸蒜同埋青蔥，好夠味！章魚御好燒，表皮焦香，醬汁味道突出，足料章魚，口感彈牙，再加埋啲海苔絲或者紅薑絲，味道更鮮明突出。松葉望肉甲羅燒，蟹膏上面好多蟹肉配，味道幾濃郁，夾埋清甜爽脆嘅青瓜一齊食，剛剛好。A5和牛坑腩炒飯，鐵板燒嘅炒飯永遠最吸引，炒到粒粒米都焦香，配上和牛腩肉，肉味道香濃。甜品都有心思，朱古力炸彈，中間有流心嘅朱古力，不太甜。套餐份量足夠，銅鑼灣地舖價錢好合理呢，仲有啲里數嘅優惠，正！

餐廳於登龍街內, 牆上酒樽與霓虹燈佈置下非常搶眼.主打創意鐵板料理及風味酒肴.更有吧檯座位可讓食客們看到廚師們即席烹調.環境不算大,但氣氛很不錯~🔸檸檬威士忌割水($58)🔸梅干威士忌割水($68)🔸OpenRice 訂位優惠2人餐($508)✨▫️青蘋果蟹籽沙律▫️唐揚南國鳳尾▫️辣酒凍風螺▫️牛舌薄燒▫️章魚御好燒▫️松葉蟹肉甲羅燒▫️A5和牛坑腩炒飯 ▫️朱古力炸彈坐於吧枱位置大部份食物都由廚師即席烹煮,新鮮熱辣.每款小食偏向香口又惹味,都非常好送酒. 【辣酒凍風螺】香香辣辣,咬落肉質有彈性.最愛【牛舌薄燒】上枱已飄來蔥蒜香氣,有咬口又爽彈,加上香濃醬汁格外出色! 【 A5和牛坑腩炒飯】飯粒分明又香口,A5和牛軟稔有油香,與飽滿米飯融合. 【 朱古力炸彈】即叫即炸,內餡湧出,甜甜地脆卜卜~吃著吃著兩個多小時,似乎同場客人都不願離開.暗黑氛圍加上貼地套餐又可賺里數,跟朋友傾談小酌一番也很不錯~

位於銅鑼灣登龍街人氣鐵板居酒屋「Hungry Monkey」，最有名氣的是大阪名物御好燒，坐吧枱的就會睇到師傅席前炮製，餐廳另有多款特色日式美食，例如辣酒凍風螺、A5和牛坑腩、酥炸雞心、A5和牛脂炒飯、朱古力炸彈等等，都是店家推介的，而且價錢相當相宜👍👍▪️蕃茄蒜子沙律 $ 28先嚟個清新前菜，蕃茄清甜配合蒜子醋汁，味蕾瞬間打開▪️辣酒凍風螺 $ 68凍風螺冰冰涼，夏日炎炎凍食非常開胃，東風螺肉爽口彈牙，配上辣酒汁香香辣辣，相當惹味▪️豆芽韭菜花炒砂肝筋 $ 78芽菜配上各式各樣食材，亦是御好燒最佳拍檔，芽菜韭菜花好爽口配上爽脆的砂肝筋，炒得好香口▪️A5和牛坑腩 $ 168牛肉質素高質，牛坑腩肉半肥瘦，師傅燒紙七成熟，軟腍可口，入口油脂滿滿，沾上燒汁更加美味▪️吉列多春魚 $ 58送酒佳品，吉列脆厚薄適中，配合多春魚炸至酥脆，點埋他他醬汁，更加滋味▪️酥炸雞心 $ 68第一次食酥炸雞心，爽口得來又帶一點軟腍，幾特別味道唔錯▪️A5和牛脂炒飯 $ 128必食推介，炒飯炒得非常香口，飯粒粒粒分明，吸收了牛油脂，配合香蔥及其他配菜，非常好食的一個炒飯▪️明太子御好燒 $ 178正宗關西風御好燒（又稱大阪燒

有酒吧枱同圓枱，播嘅音樂多元化氣氛好好，有客人會專登想對住鐵板前面食嘢，坐得幾舒服😌🪄厚燒牛舌lunch set新鮮牛脷只需要加少少鹽同胡椒，成塊牛扒咁厚🤣食落唔會韌容易咬，牛味亦都好濃，隨餐附上沙律，炒飯，積物，湯，汽水🪄 章魚御好燒 lunch set 日式鐵板燒其中一個最想食就係呢個御好燒，其實同平日吃的大阪燒沒大分別，內餡都是章魚🐙菜絲為主，混埋沙拉醬燒汁，重點仲落埋啲木魚乾同紫菜，燒到邊邊有嘅脆口，飽肚又好食，隨餐附上沙律，積物，湯，汽水🪄香煎羊架羊架脂肪比例不錯，燒嘅時間處理得好好，僅僅熟唔會老好多肉汁，配埋個芥末好惹味，佐酒一流🪄磯煮鮑魚鮑魚煮好後急凍將肉汁鎖住，食嘅時候都依然多汁鮮嫩😛唔使蘸醬汁都好夠味，鮑魚嘅原味道係最好🪄 鐵板活北寄貝 舒次做法將北寄貝配上葱同蒜香燒，新鮮彈牙完全唔韌，切成一小塊好貼心，易入口又鮮甜，果然配咗舊新鮮就乜都好食😎🪄梅子HighBall威士忌再加梅酒嘅味道都好夾，食咗咁多惹味嘅嘢要飲番啖酒好爽🚩 Hungry Monkey (金朝陽中心二期 - Midtown) (銅鑼灣)銅鑼灣登龍街1-29號金朝陽中心二期 - Midtown地下B號舖

呢間係銅鑼灣登龍街嘅Hungry Monkey走型格風~大大個🐒霓虹招牌遠遠都見到🌈😆吧枱位可以望住廚師以鐵板製作唔同菜式✨ Lunch Set 最平HKD58起（例如雞扒） Set已經包埋沙律、炒飯、漬物、湯 同 汽水～性價比超高！！估唔到銅鑼灣星期六仲有咁抵嘅Lunch Set✨❤️✻ 章魚御好燒 Lunch Set HKD108御好燒賣相吸引 幾厚身而且口感鬆軟～有章魚🐙菜絲 木魚乾 紫菜等等 配上佢秘製嘅醬汁好好食😋❤️✻厚燒牛舌Lunch Set HKD128厚燒牛舌果然好厚身！！口感一啲都唔韌好易咬😋 份量都好多仲好juicy~~yumyum✨我哋另外散叫咗：✻香煎羊架HKD98香煎羊架煎得好香🥰肥瘦適中‼️ 配埋個芥末非常惹味～ ✻南非鮑魚 HKD98鮑魚彈牙仲好多汁～ 賣相吸引 師傅已經幫我哋切件好方便食💕✻ 鐵板活北寄貝 HKD108北寄貝配上葱同蒜好match～北寄貝非常新鮮彈牙仲好鮮甜!✻梅子HighBall HKD68Lunch set包咗汔水 不過去到居酒屋都係忍唔住另外叫杯酒😆威士忌加梅酒嘅味道酸酸甜甜～酒味唔算好濃易入口 都啱女仔飲😽

香港食到大阪燒嘅地方唔多，有時想食就會去銅鑼灣 Hungry Monkey今次去見到佢哋有二人餐，抵食之餘又可以儲 Asia Miles，即刻 order一份本身套餐冇包嘢飲，但嚟呢啲居酒屋feel嘅餐廳，點都要叫返杯辣酒東風螺-好中式嘅前菜，東風螺煮到好入味，辣度唔算勁，一般人都接受到，辣嘅食物真係越食越過癮青蘋果蟹籽沙律-食蟹籽沙律就勾起食日本菜嘅回憶，但佢唔係用青瓜絲，改用青蘋果絲，一樣咁爽口，但就多咗一份酸甜，開胃好食唐陽南國鳳尾-亦即係炸雞尾，用炸嘅方式好處係可以逼走雞尾嘅油粉，食落油膩感冇咁重，炸漿都好薄，咬落好脆口，送酒一流牛舌薄燒-用高溫嘅鐵板煎香薄切牛舌，再灑上蔥花同炸蒜，雖然係薄切牛舌，但脂肪感一樣爆燈，而且一啲都唔韌，應該係選用最靚嘅牛舌芯部份松葉蟹肉甲羅燒-甲羅燒通常都只係有蟹膏，今次混合埋蟹肉，口感更加豐富，而且配青瓜片一齊食，感覺更清新主角大阪燒上枱，裏面混合咗章魚粒，睇住師傅慢慢煎脆兩邊，再配上燒汁沙律醬木魚絲等，視覺享受已經滿分。入口表面嘅香脆同入邊嘅濕潤都做得非常平衡，可以自由加啲紅薑絲或者紫菜絲，變化出唔同嘅食法A5和牛坑腩炒飯-首先將和牛坑腩薄切，

Hungry Monkey (金朝陽中心二期 - Midtown) (銅鑼灣)銅鑼灣登龍街1-29號金朝陽中心二期 - Midtown地下B號舖事先透過OpenRice預訂,可以享用$508的二人套餐,既物超所值又能品嘗到豐富多樣的日式料理。首先上的是「青蘋果蟹籽沙律」,新鮮的蟹籽和酸甜的青蘋果碎相互映襯,再加上清脆的生菜葉,整個前菜既爽口又滋味十足。接著是「南國鳳尾」,酥脆的雞尾配上香辣醬汁,開胃又帶點小辣,令人食指大動。接下來的「辣酒凍風螺」,酒香與辣味完美融合,肉質鮮嫩彈牙,是一道不可多得的絕品。「牛舌薄燒」以薄薄的牛舌肉片製作,口感柔軟細膩,加上獨特的醬汁調味,讓簡單的牛舌菜餚變得格外出色。「草魚御好燒」是一道創意十足的日式煎餅,外酥內軟,配上各式配料令人忍不住一口接一口。「松葉蟹肉甲羅燒」則是以整隻螃蟹殼烹調,蟹肉鮮美多汁,與微鹹的味噌醬汁相得益彰。最後的主菜「A5和牛坑腩炒飯」,用料十足,和牛肉質鮮嫩多汁,與飽滿的米飯完美融合。甜品「朱古力炸彈」外酥內軟,充滿濃郁的朱古力餡料,為整頓豐富的日式料理劃上完美句號。另外,套餐還包括兩隻「日本原隻活帆立貝」,新鮮彈牙,以及一杯清爽

沙律、炒飯、漬物、湯：沙律菜，非常新鮮配搭胡麻豆腐非常適合依家天氣。伊比利亞豬：師傅把豬肉煎到表面金黃裏面保持肉汁，然後切條方便一口食用。A5和牛脂炒飯：師傅先把和牛脂肪出油，再把飯放入去炒香，炒飯充分吸收和牛油脂，入口滿滿和牛脂香。唐揚豆池魚：池魚大細適中，剛好一口食用，加上師傅炸到外脆內嫩，可惜是中間有骨，否則就可以一口一條吃得更加爽快。芝士蛋奄列：這比較像芝士玉子燒，外層蛋皮師傅煮得剛剛好好，口感中間芝士流心拉絲，入口滿滿蛋香及芝士香，完全食到停唔到口。