Khaotip Thai

營業中

休息中

行完山食到超正嘅泰國菜，假期喺大嶼山行山之後，落到逸東邨附近，只要過對面馬路第一排村屋仔，就會搵到呢間泰國菜館。之前淨係識喺東涌市中心搵食，估唔到係遠離市中心嘅地方，都有咁高質嘅餐廳。冬陰功真材實料，湯鍋入邊共有六隻大頭蝦，而且配料都好多海鮮，未到調校得相當好，唔會太辣或者太酸，好好飲，熱辣辣超正。食泰國嘢當然唔少得泰式炒金邊粉，呢個份量超大嘅Pad Thai真係好食，夠鑊氣而且金邊粉爽口。泰式拼盤係我嘅至愛。呢個拼盤好大份，有春卷、蝦餅、雞翼、以及厚切豬頸肉，非常好食，而且全部新鮮炸起！

I had lunch here. Ordered Tom yum noodles with sliced beef. I take away and brought it home and wow. I was happy. It tasted so good. Gonna come back again and try other dishes. They’re menu are all $50 between 11am-4pm. Worth checking out. I suggest you guys to try it. So glad to try it out.

地方細細，但五臟俱全，裝修新。疫情下有提供酒精搓手液比食客👍夠貼心首先黎左兩杯餐飲，但當日鋪頭無冰所以有提醒客人會無冰，可以選擇汽水。但係我地堅持試下佢地既泰式飲品，點知奶茶得微糖反而龍眼冰就正常整體黎講，食物質素同份量都超出預期，以$50一份午餐黎講真係好豐富，三個大胃王食到好飽好滿足。以後午餐想食泰菜都有得落黎買野食。下次會同朋友黎食晚餐再試下其他菜式，希望保持水準。

位於東涌下嶺皮村10號地舖的Khaotip Thai，主打正宗泰國菜，餐廳的老闆娘和廚師都是正宗泰國人，態度親切友善。用膳當天天氣炎熱，餐廳內只有風扇提供，但餐廳的職員十分體貼，把風扇風力調較大少許。餐廳的環境明亮，感覺舒適。餐廳提供午市套餐，五十元一客，還可以加五元要指定飲品。黃咖喱雞飯 - Yellow Curry Chicken with Rice黃咖喱大大碗，份量十足，男士吃也相當夠飽。黃咖喱不會太過辣，口感滑溜，朋友則嚐到頗濃厚的椰漿的味道。除了有雞肉，還有炆得頗入味的薯仔和洋蔥片。。泰式濕炒豬肉河Thai Fried Noodle with Pork in Gravy朋友則了一客泰式濕炒豬肉河，略嫌芡汁多了少許，不過份量也是相當多，十分抵食。芡汁底下的炒河相當香口，頗有鑊氣。。泰式龍眼冰 (左) - Thai Longan Ice 泰式奶茶 (右) - Thai Milk Tea用膳當天天氣炎熱，個人則愛較為清甜的濃眼冰。朋友的泰式奶茶，質感幼滑，味道也不錯。。串燒沙爹 - 雞肉 - $88Thai Satay - Chicken串燒沙爹還可選豬肉或牛肉串，今次則選了雞肉串

上個月原本應該飛咗去泰國，疫症關系，泰遊冇咗，為咗俾驚喜朋友，搜索到open rice呢間隱世冇咩人發現嘅泰菜餐廳，好好彌補朋友嘅生日泰遊餐廳位置唔近地鐵站，所以我哋選咗搭藍的過去$22蚊收費，直到餐廳門口，有世外桃源感覺，似燒烤場路徑咁，附近植物、矮屋為主一入餐廳，就有種去咗泰國遊行感覺，最舒服感系見到一張張竹藤椅職員好熱情咁問坐室內定室外，由於晚上較清涼關係我們選擇了室外，職員細心借蚊怕水使用而我哋兩個女生選菜單，整整11頁Menu，睇到懷疑人生，哈哈，連魚都已有6-8種的吃法，太誇張！-鳳爪沙律$80比平時外而嘅鳳爪沙律更酸更辣，我就非常鐘意佢沙漠內加咗青瓜絲、紅蘿蔔絲、仲有洋蔥絲，幾種口感加埋十分消爽開胃，作為前菜冇得輸-燒豬頸肉配椒汁 $88好香嘅炭燒哋，豬頸肉肉質實得嚟唔韌，又唔會過原，有淡淡嘅炭香，個汁系最鐘意嘅地方，應該系自己配製，因出面食豬頸肉配嘅醬汁好多時都店家調製，呢個汁嘅未似沙嗲、唔辣、帶甜味，同其他肉類襯搭可能都唔錯-酸甜魚 $188平時出街食泰菜魚類最多2-4款內，呢到睇到啞晒，最少6-8種寫法，揀咁個平時唔常見嘅酸甜魚，食落味道似江蘇菜「原條糖醋松鼠魚」咁

Khaotip Thai係一間喺村屋地下嘅泰菜店，雖然位置比較偏僻，裝修亦比較簡單，但全店由廚師到侍應都係泰國人，加上餐廳有一半位置都係室外同埋食客比村口其他食店少，感覺好似去左清邁或者柬埔寨旅行咁，好relax。餐廳入面只係開左一半冷氣，但有多部座地風扇，雖然冇冷氣凍嘅感覺，不過坐落都唔會熱。由於餐廳始終喺郊外地方，唔多唔少都會有蚊，所以餐廳除左例牌有酒精搓手液之外，亦有蚊怕水提供，非常貼心。一般嘅泰式小食、咖哩、海鮮、蔬菜、飯麵、甜品同飲品都有，價錢雖然唔見得特別平，但份量就好足比出面多，不過留意返想食蟹都要早一日訂。同埋可能村屋泰菜店平時少人食，食材未必入太多，所以見餐牌雖然冇生蝦，但我就見倒有人食，估計哩類新鮮野都係要預早訂先有。椰青($38)椰青雖然唔算好甜，但好抵飲，普通泰式特飲$30/杯，椰青都係貴$8。椰青飲落只係少少涼，如果想凍啲可以叫侍應俾杯冰。椰青肉唔太硬，好易挖，飲完我地食晒成個椰青肉。龍眼冰($30)龍眼冰夠冰凍，而家天氣咁熱飲返啖勁透心涼，龍眼冰味道偏甜，入面都幾多龍眼肉。泰式凍咖啡($30)如果唔怕訓唔著，哩杯泰式凍咖啡係必點。平時泰菜店泰式奶茶就多，但泰

五一黃金週，去完東薈城行街shopping，就嚟到Khaotip Thai食晚飯！泰式冬蔭功（細）$80好大隻蝦！餐廳預先去咗蝦頭，夠曬細心！湯底夠酸夠辣，加上大量秀珍菇，車厘茄、泰式香料等，好正！泰式燒魷魚 $80魷魚爽口彈牙，又夠鮮味，加上泰式辣醬，唔錯！串燒沙爹 $88我哋選擇咗豬、牛、雞，各兩串！每款都燒得剛好，加少許沙爹醬，更美味！燒豬頸肉配椒汁 $88豬頸肉燒至金黃色，肉質保持嫩滑，點少少泰式醬汁，好滋味！泰式炒通菜 $65通菜炒得岩岩好，夠辣夠惹味，正！龍眼冰 $30清清甜甜的，食泰國菜必備！凍檸茶 $30餐廳用泰式茶底，有泰國味道，有驚喜！

疫情影響下，復活節同五一黃金周都無得外遊。所以呢排都係食外國菜，今日去開東涌行吓呼吸新鮮空氣，去到下嶺皮村見到有間泰國餐廳，裝修簡樸，店員係泰國人，食物肯定正宗，一於去食。【椰青$38】呢幾日天氣炎熱，飲個椰青消暑就啱晒。椰青好大個，啖啖清涼新鮮椰青水，好舒心。【椰汁雞湯$80】酸中帶甜，材料除咗雞肉仲有菇、番茄。雞肉都幾多，足料。如果個湯再多啲椰香味就更加好。【香茅燒魚$188】好大條魚呀～魚肉鮮滑，塞咗香茅燒出嚟，啲魚肉多咗一份清香。想食濃味啲可以蕉泰式醬汁，酸酸辣辣又有另一番風味。【綠咖喱(豬)$80】啲豬肉又幾軟腍，同椰汁雞湯一樣咁足料。青咖喱辣度啱啱好，夠惹味，啲泰國風味出晒嚟。用鬆軟可口嘅【蒜蓉包$28】蘸綠咖哩食，好味道。【蒜蓉胡椒蝦$80】蝦新鮮爽口，落咗好多熟蒜蓉，食起嚟好香口。最後就係去泰國必食嘅【芒果糯米飯$58】。芒果香甜juicy，糯米口感軟糯，份量多，食完好飽肚，好滿足。

📍 小泰皇食府Khaotip Thai (東涌)東涌下嶺皮村10號地舖（🚌東涌市中心再轉巴士5分鐘抵達）.-🐸5 1黃金週去左香港旅行，到訪由泰國人主理餐廳食泰菜，侍應同主廚都是泰國人，餐廳有室內室外，裝潢幾有泰國氣氛。去完大澳梅窩嘅朋友或者走入黎行下outlet,食下泰菜也不錯！總括佢嘅味道唔會太濃，唔會辣！.中午時分去食發現全店爆滿，主要係佢嘅lunch set好抵，$50 包飲品！😍.我地兩人就order左以下食物，都算大份。-炸蝦餅$80🦐-芒果糯米飯$58 （有白糯米紫糯米，煙煙銀銀，芒果都幾大份）-🐟甜酸魚$188（點酸魚睇得出都俾心機，即叫即做，大概有6、7塊炸魚，外脆內軟配甜酸醬加車厘茄同菠蘿，幾開胃）-🐓鳳爪沙律$80（唔會太酸唔會太辣，爽口彈牙）-冬陰功肥牛湯河$50（唔會太酸辣，濃郁冬陰公味）.如果要食蟹需要提早一日預訂！人均消費：$50-200 .

難得假期同埋天氣好咗，早幾日去咗東涌商場行下，同埋知道下嶺皮村有間泰國餐廳都好味就走去試下，最緊要知道餐廳嘅廚房、侍應全部都係泰國人，相信一定食到正宗泰國風味。一入到去餐廳發覺個環境完全同去咗泰國咁冇分別，無論氣氛、音樂、裝修、擺設等都仿似置身泰國嘅曼谷。我哋叫咗串燒沙嗲、泰式燒魷魚、蝦膏炒飯、銀絲蝦鍋、濕炒豬肉牛河、椰青。串燒有六串，牛豬羊各2串，全部都燒得好入味同埋好甘香，點埋個正宗泰國沙嗲醬，小食必選之點。另外泰式燒魷魚食得出搽咗秘製燒汁先去燒，而且隻魷魚就好大隻，一定要試。蝦膏炒飯就食得出係傳統泰國煮法，除蝦膏外入面有提子乾，同埋一啲碎肉粒，而旁邊亦都有啲特製香腸、蛋同青瓜等等配料。銀絲蝦鍋入面嘅粉絲超多，索曬入面嘅醬汁 超好味，而且蝦有6隻都幾抵食。而濕炒豬肉牛河 就不過不失，但係就炒得好有鑊氣。要提提大家過椰青一定要試，因為入面D椰青汁真係超清甜 ，特別天熱嘅時候，必飲之選。最後，甜品我哋叫咗芒果糯米飯，芒果好多，原隻上，糯米飯 好qq而且紫糯米甜度適中。今餐食到超滿足，正！

朋友住東涌💓一行四人去左新開既泰國🇹🇭餐廳食晚飯，環境格調都比市區的泰國餐廳更開揚更舒服，滿滿的泰國風情，有室內同室外，今日既天氣完全適合座室外🥳四人同行點左好多野食❤️🎈泰式紅咖哩，比黃咖哩辣一點，有濃濃的咖哩味道，再加入椰汁令味道更香濃，茄子吸飽左紅咖哩湯汁，太棒了，去骨雞腿肉又滑又鮮甜❤️好餸飯呀😋😋🎈香蒜炸雞翼，誘人的蒜味撲，不禁令人想即刻咬下去，炸雞翼香脆可口，雞肉炸得又香又嫩，刷上大量既炸蒜灑上面，脆卜卜，好香好好食😋🎈蝦餅皮蛋， 沒想到意外地好食，拌泰式雞醬同食，蝦餅蓋了糖心皮蛋，減低了炸物既油膩🤪香口酥脆的泰式炸蝦餅配上皮蛋，令口感更豐富。🎈燒牛肉，大概有九成熟吧，新鮮燒起既牛肉，香嫩可口，味道濃郁，夠鬆化，配上香濃惹味的醬汁泰味濃濃的呢😜😜🎈泰式明爐烏頭😝新鮮既烏頭，大大條，厚肉到不得了，配搭香茅、 南薑、辣椒、及青檸等材料煮成的，味道有點像酸辣魚湯， 但湯底係更加清甜惹味，令人食指大動😍😍🎈 泰式凍檸茶，泰式紅茶比一般茶餐廳既茶底更加好飲😝😝 冰涼爽口，超級解渴🤩🤩

同屋企人喺東涌行完山⛰，隨便喺下巔皮村口搵咗間泰國餐廳食個飯，雖然只係小店，但估唔到咁多人，好多人行完山都嚟食。不過小店都有做足防疫措施。呢度有室外同室內，不過驚夜晚多蚊都係坐番入面。呢度應該係正宗泰國人開㗎，連侍應都係泰國人。打開餐牌好似樣樣都好吸引，全部都好想食，可能行完山個人特別肚餓。燒豬頸肉配椒汁燒得好香，豬頸肉爽口，配埋椒汁同埋生菜卷埋一齊食都有泰式風味。生菜新鮮爽脆。香炸蝦餅即製，見到金黃色外表，未食都已經知好味啦，果然食落熱辣辣，又香又脆，蝦肉爽口彈牙。泰式燒魷魚，啲魷魚好新鮮，不過如果燒得再耐啲會更加好味。椰青焗海鮮飯，原個椰青上🧉，夠晒睇頭，上檯時已經聞到陣陣椰香味。個飯都唔細架，材料好豐富，面頭有腰果，食落更香脆。泰式炒通菜，因為見餐廳寫住泰式，特別問下個職員會唔會好辣，個職員明明話唔辣，不過食落都幾辣，對於泰國人嚟講其實呢啲都算辣架啦🌶，大家自己衡量下啦。但係炒得好香好惹味，仲有啲麵豉香。最後甜品係必食嘅正宗泰國芒果🥭糯米飯，mix埋白糯米同黑糯米，啲飯暖笠笠，煙煙韌韌，好香椰漿味。🥥今日行完山⛰燃燒嘅脂坊又毀於一旦啦🙈！下星期再努力吧！💪

疫情下gym room 吾開，唯有行山補數，可能好多香港人同我一樣，所以復活節長假期郊遊人多過旺角。由東涌行左四個多小時到大澳，之後搭巴士往返下嶺皮村，就決定在村內食泰國菜，好友是東涌人，推薦了Khaotip Thail 餐廳分為戶外、室內，樓底也高， 空間感絕對是無得比。疫情下全港食店的枱至小要保持1.5 米距離，餐廳當然提供了酒精搓手液、量體溫等設施，令客人食得更放心。 餐廳老闆和大廚也是泰國人，可以煮出一手正宗泰菜是理所當然的事。細看餐牌菜色選擇十分之多、食物價錢和市區比較差不多。行完幾粒鐘特別餓，我地決定今餐呢要大吃特吃。 先飲碗 $80 暖下胃鮮艷的橙紅色令人食慾大增， 材料滿滿，有蝦、秀珍菇、番茄、香茅和其他香草等，質感比一般的冬陰公更見管，味道香濃、又酸又辣，超醒胃。燒大蝦 $188大蝦雖不以及越南虎蝦大隻， 但身形也絕對不小， 蝦身切開小許，瓖入蒜蓉和泰式醬汁，每一口除了鮮味外，也吃得出泰國地度風味、別浪費了蝦頭內的蝦膏，味道甘香可口；蝦肉新鮮爽脆， 有點貴但值得。   泰式炒通菜 $65正宗泰國口味，以蒜蓉、麵豉 、辣椒等炒，食落帶小小汁，味道不會過份重口味。 食泰

經朋友介紹喺Khaoyip Thai午餐聚舊，因為我地二個都係泰國野愛好者。呢度係泰國人開設，成間都係泰國人打理，食物質素有想當保證。我地坐左好耐傾計，所以叫左不少小食。必選泰式雜錦拼盤和串燒沙嗲。我地仲叫左蒜蓉胡椒蝦。當待應送上拼盤，嘩！分量真是多得不得了,包括春卷,雞翼,蝦餅同埋豬頸肉.四款都好好味,春卷和蝦餅很脆口, 雞翼微燶,超惹味， 超薄嘅豬頸肉非常入味。串燒沙嗲有豬牛雞三款味道，可以每款二串。我較喜食牛和豬肉。加上秘製醬汁好食到😋😋😋蒜蓉胡椒蝦，啲蝦好貼心甘已經起晒殼，又係熱辣辣炸起，下面鋪滿大量炸蒜，好夠味。當然泰式金邊粉係唔少得，酸酸甜甜蝦好開胃， 份量都好多。飲品係三色冰，青檸梳打， 同叫左個椰青。飲完個椰青好清涼同埋入邊啲肉好滑。今餐食到我哋都捧住滿滿嘅滿足離開， 個人應為呢間野食物價勝比高。價錢唔貴，分量算多，食物上枱熱辣辣。 最後朋友告知原來呢間店係新開二個月，而家經濟環境差之下，我覺得應該要大力支持用心經營嘅店舖。佢哋啲午餐都好抵㗎

放假無所事事，好友相約去食午餐兼游車河，好友知我呢排真係好怕去人多的地方， 於是搵到一間位於東涌環境舒服的泰國菜館, 見今日風和日麗，感覺舒服，於是坐室外抖抖氣打開餐牌，都幾多嘢食選擇，天氣有點熱點個開胃沙律食下先，青木瓜沙律就至醒神，青木瓜爽口，仲有大大隻蝦伴菜，配埋酸味味的泰式汁，十分惹味青咖喱雞，做得出色，微辣的青咖喱， 什有泰國風味，雖然係雞柳，但雞肉嫩滑，配菜有泰國小茄子和豆，食得健康有益食咖喱又點少得蒜蓉包，大大塊的蒜蓉包上面灑滿美味蒜蓉，將麵包浸入咖喱汁內，充滿綠咖喱香味的蒜蓉包，食落又有另一番滋味貌似全熟的燒牛肉，食落一點也不韌，肉質柔軟，充滿牛肉味最後嚟個燒大蝦，玫瑰花形的紅蘿蔔，很吸睛，燒得香口的大蝦灑上蒜蓉，更惹味，蝦肉煙韌彈牙很喜歡尼度的舒服嘅環境加上店員殷勤招待，值得再次幫襯