La Mer Restaurant & Lounge (已結業)

🇫🇷都有一段時間無食法國餐，今次試下黃長興開既法國菜，每道菜式都好精緻...環境都舒適❣💰$128 法式龍蝦濃湯 龍蝦味道香濃，但又唔會好膩。💰$198 法式燉雞腿🐔 雞肉好滑 好稚嫩👍🏻份量十足 足夠2-3人食💰$450 澳洲優質草飼肉眼 400g🐮牛魔王肥妹又食牛😳草飼肉眼肉質夠腍...仲利用迷你火爐保持牛既溫度，又唔會太熟 只係咁岩呢塊肥左小小😂💰$78 炒法國四季豆 (Side Dish)食左兩道份量十足既主菜，配上四季豆做Side Dish..味道清新 感覺剛剛好。💰$88 冰涼青檸杯我地兩個女仔食到攬住個肚，叫左個青檸調劑一下😌酸酸既青檸，正好為呢餐劃上完美既句號。😳 . #黃長興#LaMer #法國菜 ...……………………👱🏻‍♀肥妹小編.............................👇🏻地址👇🏻La Mer Restaurant & Lounge尖沙咀金馬倫道48號中國保險大廈1樓AB室 .

又係為左慶祝朋友生日 所以揀左間法國菜食我地一行4人放工大概7點幾就到環境好寫意 雖然不算太大但好relax既感覺先來個免費頭盤每次都不一樣 食完好開胃生蠔由店員介紹 法國入口 好爽口好有海水味青口好新鮮煮得好入味鵝肝配多士平時較少吃鵝肝這款竟然不錯 半生熟 肉質軟熟外邊又煎得香脆薯條都好出色炭燒美國牛配蕃茄蓉牛好juicy 肉質好煙韌 配上蕃茄特別清新開胃溫泉蛋卡邦尼長通粉好creamy但唔會係好漏既感覺食海鮮當然要配番支白酒非常高質的法國菜 仲有多款甜品一定會再黎試埋佢個tea set

作為相機食先的死港女，今日為左影相呃like追星去左黃長興的餐廳食個平平地的afternoon tea set。星就追唔到，但成個tea set賣相的確好靚，食物質素都不錯，價錢平均每人百幾蚊CP值都算幾高。 首先上的是英式鬆餅配杏桃果醬，果醬清甜，鬆餅非常鬆軟唔乾。飲品同朋友不約而同叫了Latte, 咖啡是一樣的，伴碟的曲奇卻不同，準確飲到奶味，咖啡香都有出來。第一層有兩款鹹點，左邊係芝士煙肉火腿多士，半溶芝士加上好香的火腿同煙肉夾在脆卜卜的麵包入面，口感甘香。右邊係迷你版的蝦沙律潛艇，麵包表面又係有少少脆，蝦同沙律的味道好夾，唔會過鹹，反而好香。第二層甜鹹點各一，左邊係煙三文魚忌廉法包，煙三文魚大大條，一啖居然食唔晒，入面的cream咬落去仲多都會吱出來，法包趁熱食仲好脆。右邊好特別，係爆炸糖檸檬撻，上面紫色的花係可食用花，金色的粒粒全部都係爆炸糖，配上檸檬餅，酸酸甜甜仲係個口入面霹靂啪啦，感覺新奇又有趣仲要好好食。第三層就全部都係甜點，Tiramisu蛋糕咖啡同朱古力味濃而不過甜，夾住海綿蛋糕味道啱啱好。法式貝殼蛋糕夠鬆軟，幾香牛油味。黃色的馬卡龍係檸檬口味，夾心為檸檬味crea

見網上咁多好評，決定去食個late lunch 兩點幾去到，已無set lunch 咁就打算A la carte ，點知好多都無。一個個身勁臭煙味，貌似manager 的人，好有禮貌咁話有部份食物呢個時間做唔到，咁我地就叫個afternoon tea set啦！(唔好意思，做飲食可唔可以唔好咁臭，佢真係口氣都有超勁煙味，好難忍受)，其實當時想走，但佢已倒左水，唔好意思走，但餐廳都有煙味啊！我都幾鍾意食afternoon tea set ，大大小小貴平都會食下。食左2x年下午茶，我唔係專業食家但都會食得出有無誠意。首先對一間French 餐廳，食物一定有d要求，savoury 唔得，咁甜品就要好食精緻。但好失望，兩樣都做唔到。叫杯cappuccino 都好失望，個樣唔得，你睇下隻杯，未飲就見到杯流曬漬飲完入面個杯好多漬，我想影相㗎，但佢收左。杯cappuccino 好差，cappuccino 應該係foamed milk/steamed milk/espresso 1:1:1，呢杯好明顯係奶同勁少咖啡，個面打到好核突。我係咪好好彩食唔到lunch 呢？Afternoon tea 個龍蝦包

🐂炭燒美國腹肉牛扒配薯條($178)牛扒叫左五成熟，廚師做到恰到好處，因為呢個牛肉既部位要處理得好並唔容易，仲好易會整到好鞋好韌好老，但廚師火喉就岩岩好，牛扒肉味頗濃，裡面肉質粉嫩，唔洗點醬都已經好好味👍🏻🍔招牌熟成牛肉漢堡（$158)Lunch set 叫咗呢個burger，麵包烘到好香，牛肉五成熟，咬落去嘅質感好似手打牛肉，肉質鮮嫩而且非常Juicy，配埋芝士番茄生菜同特調醬汁，估唔到佢可以做到好似burger專門店咁既水準👍🏻 旁邊灑左紫菜嘅薯條都幾香脆，整體出色，推介👍🏻另外set lunch 既starter配有牛油麵包及法式粟米濃湯/羊奶芝士撻，而升級推介可以+$58-68 轉煙三文魚凱撒沙律或龍蝦濃湯，兩個前菜都好好味，尤其龍蝦湯係勁濃龍蝦味，面頭仲要起泡，視覺效果一流👍🏻🍎 蘋果批伴雪糕（lunch set +$38)La Mer 既甜品一向都唔錯，就算係餐點嘅甜品都唔會做得馬虎，一個蘋果批蘋果味濃郁加上酸酸甜甜嘅果醬同雲呢拿雪糕，係一個happy ending😋

搭LIFT 到1樓,, 出LIFT 右轉, 唔知會唔會有人好似我咁被黃長興個廚具代言人招牌吸引左去, 差D入左人地個後門LEI一家三口來到食午餐午餐價格$98-$198,餐包,頭盤,主菜,餐飲真係冇諗過佢地會提供小童用具餐具可愛,餐碟係以泳池做主題小朋友見到好開心匙上有鯨魚,叉上有獅子餐包配黑松露牛油見到黑松露牛油上枱非常興奮6片面包3小碟牛油我竟然食左4塊2小碟餘下2塊1小碟由老公仔仔自己分頭盤:希臘沙津有紅洋蔥,青瓜,芝士,黑橄欖,蕃茄等材料口感清新特別,有別於普通沙津當然以上食材唔係個個都鐘意,可選擇蕃茄凍湯主菜:招牌熟成牛肉漢堡外型吸引,新鮮熱辣大大個既漢堡飽，需要分開兩層先放到入個口到呀好鐘意內裏既番茄醬汁加埋炒洋蔥酸甜又開胃, 小朋友都岩口味餐飲-咖啡心思位: D 奶係熱架仲有兩件朱古力曲奇,好好味

明星效應的吸引力下，我們一行四人去試試。位置非常方便位於尖沙咀。餐廳裝修以女性為主導，偏浪漫風格。食物賣相完全不吸引，感覺不到法國菜的精緻。味道亦很一般服務可以加以培訓，未夠細心及專業，有待改善

已經第二次過黎呢度lunch因為第一次被個burger吸引到 於是決定再要過黎食多次！個burger賣相好吸引 味道都好正脆脆地既包面 叫咗7成熟既牛肉而且薯條都好好食 好脆好有味讚呀！另外再叫咗份排5成熟既牛排 一啲都唔生 無咩血水怕生既我都食得到咬入口啲汁超正總括黎講 值得再去食呀

最美的 Lemon tart,最清香可口的百香果 macaroons 。各様食品都有水準。環境優美，服務專業。我們在La Mer 坐上兩個多小時，愉快傾談。下次會來試試午餐。

星期六係尖沙咀行到熱辣辣，就上網搵下抵食下午茶，個人覺得下午茶有層架配杯香濃咖啡係一件好relax既事，最後俾我地搵到一間評分頗高既餐廳！地點方便易搵，入到餐廳門口，裝修舒適又有格調，枱櫈各方面都好講究，後來先知係電視藝人主理既店鋪。我地打開menu,基本上都冇咩點㨂就叫左個二人下午茶，當然係我最鍾意既層架啦，另外再點左杯咖啡。層架來到，鳥籠外型設計十分特別，好靚，我同朋友不停影相，主要有鬆餅、特色三文治及各類甜點等，鬆餅好香牛油味，入口鬆軟，芝士包上佈滿香味濃郁的芝士，另外色彩繽紛的馬卡龍更是我的最愛，因為不會太甜，其餘食物的味道都十分出色。後來，我點的咖啡都送到了，香味四溢，我地一邊嘆咖啡，一邊食甜品，一邊傾偈，現場環境舒適，實在令人唔想離開呢！服務方面，店員都好好，有禮貌又細心，值得再幫趁的餐廳。

佛誕公眾假期當然又係我約我既BUDDY要出動去嘆茶既時間. 近排報紙MAGAZINE 都好多見到呢間星級餐廳, 所以今日我地都慕名而黎到食個TEA. 一出LIFT 果然係見到星呀~ HEHE!! 平時佢都算係有品味既ICON希望唔會令到我地失望啦!成個餐廳好COZY, 裝修都算好GRAND~ 真係有貴婦AFTERNOON TEA既氣派呀!我地叫左個SET FOR 2同埋2杯飲品. 我就叫左杯EARL GREY 而朋友就叫左杯LATTE. 一上枱真係要相機食先. 好靚呀! 有咸有甜件件都好吸引呀! 呢個SET 非常好樣樣都有2件咁我地一人一件唔洗你讓俾我, 我又讓番俾佢... 哈哈!! 無論係咸點或甜點都好樣樣都精緻,樣樣都好好味. 甜點好值得一讚既係全部都唔會太甜, 食落去唔會好滯. SCONE 係我最鐘意既, 中間仲要有提子乾非常吸引!咁既食物質素只需要咁既價錢, 真係香港地邊度搵呀!!! 仲要尖沙咀...OMG... 抵到我唔係好敢相信呀!

朋友食過話正的法国菜，緊係要去試啦，真係冇介绍錯，一試難忘小食雖然免費但好食法國入口生蠔價錢平又正洋蔥湯冇得頂龍蝦湯好濃，正大蝦意粉超彈牙甜品又靚又正環境舒適，多款餐酒

星期六去左High tea，地點揀左黃長興開的法國餐廳，其實一向都太鍾情食tea set，但見呢度唔貴，又係靚仔黃興開的，就順道陪朋友來朝聖一下。 Tea set$288/2人，計起每人百零蚊，坐得舒服又影下相，比其他餐廳，算係十分親民的價錢。雖然當日見唔到黃長興本人，但都同樣熱鬧，tea time差不多坐滿人。 Tea set係3層的鳥籠設計，最上層係迷你蝦包及法式火腿芝士士。芝士火腿餡的多士幾香芝士味。圓圓胖胖的蝦包有粒粒爽口的蝦肉配沙律醬，好食。 中層係煙三文魚包同埋opera cake。煙三文魚大大塊，opera cake有驚喜!!小小一件層次豐富，朱古力味夠濃但不過甜，質地幼滑。 最下層的馬卡龍，士多啤梨撻，貝殼蛋糕及鬆餅，甜點賣相頗不錯。馬卡龍無預期甜，反而幾好食，一洗甜到漏形象。士多啤梨香甜，貝殼蛋糕及鬆餅質感較硬，但唔太甜，所以都好食。 食甜品配上一杯英式奶茶或凍咖啡，一口奶茶一口甜點，是午後的最佳選擇。

與我最愛的媽媽食個afternoon tea真係好岩呢個holiday mood🙈當出面嘅tea set仲做緊$288一位 .呢間由黃長興開嘅法國菜 佢地嘅afternoon tea係$288兩位🙈🙈當然份量自然要expect細份少少 但我同媽媽黎食真係極度夠❤️.btw佢地嘅款式好似無定 每日都會就食材而定轉嫁～當日我就食到mini版沙律蝦潛艇堡🤩搽左蒜蓉再烘香左嘅包 配埋creamy爽甜蝦仔 真係超好味～另一款鹹點都非常唔錯 係燒香左嘅半溶芝士火腿多士～.甜點最驚喜係呢度有Madeleines 食落蛋糕鬆軟有陣陣檸香🍋嗚～～～.不過佢嘅scone牛油香略嫌唔夠😣食落梗係爭啲爭啲咁！Any肥 呢個價錢真係算非常唔錯 快啲帶母親黎食🤤Average黎講鹹點比甜點更加出色～份量如果當係下午茶就剛剛好💓影出黎好靚 而且性價比好高🤝🤝❤️..La Mer Restaurant & Lounge📌尖沙咀金馬倫道48號中國保險大廈1樓AB室

Headed by Stefan Wong Cheung Hing and designed by Mark Lui Song Tak, La Mer Restaurant & Lounge features “mingle of romance and dedication”. As much as it is beautifully described, it intrigued me to taste it out myself! Walking in the shop, the vibrant colors and settings gave us great pleasure to lay back and sit into our chairs next to the window. I had to say, the French onion soup (+$68) upgrade was BEST OF THE BEST! Trust me, it was yet the best onion soup I have ever tasted! Just loo