Lava Java 咖啡西餐廳 (已結業)

一個人來到觀塘，特意來找一間餐廳，知道最近餐廳推出美美的拉花圖案，帶上相機來找找看。午餐的餐湯。熱辣辣的羅宋湯，內有滿滿的蔬菜和牛肉粒，非足料，相信應該是自家熬煮的，味道帶點甜酸，帶點微辣，入口惹味滿足。我最喜愛那香脆又熱的芝麻包，即烘的麵包脆卜卜，伴上牛油非常滋味。意式芝士焗雞排配意粉。大大塊雞排加上芝士焗製，肉質嫩滑不乾身，芝士味道咸香，焗得香口不單調。茄蓉煮得出色，滿滿鮮茄粒味道酸甜開胃，感覺非常健康。意粉彈牙不乾身，意粉不霉身非常欣賞。餐飲點上龍貓朱古力。美美的拉花圖案已經取勝，朱古力香甜不膩，滿足的午餐。

有單有據架：星期六陽光普照，相約朋友2點鐘到位於觀塘地鐵站附近既Lava Java食個late lunch. 點知朋友遲大到，要我自己喺廳餐食住等左1.5hr! 餐廳keep住人有食客，自己都覺得唔好意思，好在店員們都十分nice！唔好以為工廈環境一定殘舊，呢座王子大廈癡住HSBC,大堂、電梯、樓層不知幾新淨摩登。入到餐廳覺得好闊落，木系裝修有舒適暖感。再行入d原來仲有座位，呢處好陽猛開揚，令人好精神同心境平靜（如果唔係個環境舒服，我係唔會等朋友等足1.5hr!) 等左陣都肚餓，店員比左個只限星期六日及公眾假期既餐牌我，終是我叫左：《煙三文魚班尼迪蛋 $78》- 食班尼迪蛋最開心就係切開睇住蛋黃流出嗰刻！呢隻都唔例外～蛋上有一層色澤奶黃既蛋黃醬， 中間有咸度適中既煙三文魚，整體味道唔錯！抹茶鮮奶原來除左餐牌上既三眼仔、仲可以叫單眼仔同Keropi, 我對Keropi比較好奇所以點左：《Keropi 抹茶鮮奶 -跟餐$14》- 唔好以為會好甜，其實味道同鮮奶一樣～ 哈，幾健康。經過1小時40分鐘既等待，我個朋友終於到，我鬧完佢一輪之後我幫佢點左《韓燒芝士漢堡 $88》 ，因為我想食！-

多謝靚女4人幫，很有心為我慶祝生日！ 我們並非走到旺角、尖沙咀、銅鑼灣熱鬧的地區，選址位於觀塘工業區的樓上西餐廳 Lava Java 咖啡西餐廳！當我們踏入餐廳，就算只是工業大廈的一個單位也不細小，比預期大又闊落！看到餐牌封面，讓人一目了然知道供應什麼美食！供應：沙律、小食、漢堡、意粉、飯、主菜、甜品、咖啡...等。龍貓朱古力可升級至套餐店員們面帶笑容又有禮！ 女店員小心翼翼逐杯把熱飲送上，服務細心體貼，值得一讚！可是，這裡冷氣都幾勁！容易把食物吹凍！ 桌上已備有水、調味料、糖、餐紙及牙簽。 上食物次序：抹茶鮮奶 $28以三眼仔賣相，實在萌爆！ 入口濃厚抹茶清香微澀，質感濃稠不錯喝！龍貓朱古力 $36焦糖及薄荷兩款口味，套餐升級 +$20！店員悉心弄製的龍貓朱古力，可愛到她們也不捨得飲呢！火岩小食拼盤 $128包括：豬肉串、雞肉串、薯條、日式照燒汁雞翼，以正方形石板呈上，份量豐盛！肉香洋溢香噴噴！外層金黃色的雞翼入味卻不夠熟！ 我們也向店員反映！串燒肉味濃帶有香茅味，香口入味卻不夠熱，加上是雪藏肉的關係，肉質有點霉， 口感較為遜色，沙爹醬汁的確生色不少！炸薯條是厚切而炸至金黃色，香脆

爸媽從日本旅遊回港不久便輪到我又向日本出發, 故近排大家坐埋一起吃飯的時間也很少, 真的覺得自己有點不孝, 所以回港不久便馬上帶老爸吃他最喜歡的羊肉。一向都幾鍾意潛入工業大廈覓食, 但原來已有一段時間沒有走進這些地方, 的確很期待。一出升降機門轉個小彎便找到餐廳, 它比我之前所到訪過的工業大廈餐店光猛很多, 淺啡木地板和木傢俱配白色牆身, 還擺放了不少植物作為裝飾, 令人感覺很舒服明亮。分兩個用膳區, 近門口設有約五張四人枱, 一行吧枱, 旁邊放了甜品凍櫃; 再走入一點, 預設多張四至六人枱, 還有一排長沙發的四人枱, 枱與枱之間隔離甚多, 既不會騷擾到別人, 亦沒有壓迫感, 坐得舒適自在。安坐後便馬上細閱餐牌, 分飲品和食物兩份。食物餐牌附有的圖片不多, 但分門別類編寫, 相當清晰, 包括有自選沙律、湯類、小食、漢堡/三文治、意大利粉、飯類、主菜和甜品, 還可升級至套餐, 有指定的頭盤、湯、沙律和甜品配搭, 加$25可在當中選一款、$45有兩款、$65可選三款, 想再豐富一點便加$85要齊四款, 而升級套餐還附送咖啡或茶一杯, 還可以半價優惠升級飲品。計落比逐一單點抵食得多, 一於同

二人世間 想坐坐Cafe 談談天在openrice 尋找觀塘工廠區 Cafe 呢間評價好 便嚐一嚐Meun是散叫的 可加錢轉餐飲品款式較多 令到我有選擇困難症呢煙三文魚凱撒沙律新鮮的生菜配上凱撒醬 芝士粉 麵包粒清新的味道 麵包粒脆脆的 每啖食落都好特別 麵包脆 生菜又脆非常開胃的菜色 令至我想再Order頭盤 一口法式田螺焗酥盒酥皮鬆化 入邊大大粒螺 好正上面有少少芝士 配上汁羅宋湯（左上角）清清地 不太濃郁的羅宋湯有蕃茄味同蔬菜的味道野菌忌廉湯（右上角）非常濃郁的野菌味每啖都食到粒粒菌忌廉味已被野菌蓋上配上麵包 一啖包一啖湯飲完湯已經有7成飽 份量都幾多自選配搭 $228安格斯肉眼扒 美式豬肋骨肉眼扒5成熟 （最上）覺得扒偏肥 脂肪比率不均勻蒜蓉醬另上 食時才放醬食整體來說肉眼扒都好軟屬肉質好juicy豬肋骨（最下）香噴噴的醬汁味 BBQ醬甜甜的 很入味 肉質夠淋整得剛剛好 不會痴骨香蒜鮮蝦意大利粉 $128意粉比較乾身 配上蒜的搭配很夾肉質彈牙的鮮蝦 蒜香味好濃 非常適合我這些喜歡蒜的人可以問職員拎黑醋 非常精緻門口一入就係甜品櫃非常之期待 終於到甜品環節是日甜品 芝士蛋糕一開始

今日約了好友在觀塘聚餐，觀塘最有名的是｢吃在工廈」，尋尋覓覓當中，找到具優雅格調的小火山cafe <Lava Java>。餐廳環境很清悠，餐枱之間的隔離很寬闊，我們坐得很舒適，也不易聽到在旁食客的聲線。我頗喜歡呈鑽石型的吊燈和白磚砌成的牆身，提高了餐廳的光亮度，更容易欣賞到食物的外觀和美感! 看看餐牌，菜式選擇豐盛，我喜歡主菜可以單點或升級至套餐。我跟友人也是｢為食鬼」，除了點選主菜: 安格斯肉眼扒和軟殼蟹南瓜汁扁意粉外，我們也升級至套餐 (加$85選配4款side dishes): 野菌忌廉湯、一口法式田螺焗酥盒、芝麻三文魚及胡麻醬田園沙律。芝麻三文魚+胡麻醬田園沙律芝麻三文魚的新奇配搭非常有趣，肥美、新鮮的三文魚刺身被香濃的芝麻包裹著，外脆內腍的口感很特別，配上蜜糖末子醬，香甜滋味，令人回味! 胡麻醬田園沙律的胡麻醬是分開送上，食客可以自己調節胡麻醬的份量，我最喜愛芝麻的濃甜配上青翠的青瓜，絕對無得頂! 一口法式田螺焗酥盒一口法式田螺外表平平無奇，但吃下去郤有大大驚喜。田螺被層層酥皮包裹著，焗到香酥可口，酥皮滿滿牛油香，配上表面的沙律醬，真的非常邪惡! 野菌忌廉湯野

觀塘眾多工廈中既餐廳多數以西餐居多，而且好易中伏經同事推介，今次呢間cafe既裝修走morden路線，空間感十足，環境舒適，服務尚算殷勤是日餐湯揀選羅宋湯，酸辣度適中，芝麻餐包夠軟熟，不過不失。燒雞紅菜頭意大利飯有新意，雞肉厚實，用紅菜頭汁溶入米飯中，雖然很健康但味道極淡連燒雞塊亦然幸好另一款香煎龍利柳配薯條挽回分數，魚肉雪白嫩滑，味道醃得剛好。不過略嫌薯條炸得過油膩所以有少少腍食物整體黎講不是款款好味，仍有可進步既空間。

中意同朋友搵野食既我都幾中意發掘小店，小店既出品通常都無咁單一，有D新意，而且遇上有Heart既小店仲會令人覺得好窩心同有驚喜，好似呢間係觀塘工廈入面既西餐廳就真係令我同朋友個晚食得開心又滿足啦！觀塘出哂名多工廈Café，呢間係王子大廈入面既café係地理位置上算好方便，一出觀塘地鐵站B出口直行到巧明街右轉就到，易搵之餘行五分鐘都唔洗，岩哂好似我呢D懶鬼。我同朋友睇完Menu真係心思思好多樣野都想嗌，但又好怕會眼闊肚窄，最後我地兩個女人叫左兩個主菜同兩個甜品share黎食。龍貓朱古力 (薄荷) $36 or 跟餐 +20見到有呢款期限供應既龍貓朱古力，係星期一至六既2:30-9:30pm供應，咁岩我地去食飯個陣可以叫，我呢個龍貓Fans諗都唔洗諗就決定要叫返杯黎飲！實物同Menu上面張相一樣可愛到爆！影相打卡一流，我影左勁多張先肯收手！呢款朱古力有薄荷或者焦糖口味可以揀， 唔想太甜，加上係Waiter推介之下就揀左薄荷味。本身我雖然唔太好薄荷，但呢款朱古力既薄荷好自然，唔會太搶太攻鼻，而且朱古力味都夠濃郁，飲落好舒服！軟殼蟹南瓜汁扁意粉 $118炸軟殼蟹原隻上碟，配合黃金色既南瓜汁意粉

又是Happy Friday了，我們幾人下班後來到官塘吃晚飯。 餐廳位於工廠區内的王子大厦裡的樓上，離我公司不遠。之前，朋友聽說好吃便過來試試。  室內環境清雅， 光線柔和，有兩邊格開，不會人多時太過吵鬧， 讓人覺得忘掉煩憂。    可能是晚上剛下班沒多久， 沒有太多人， 無需等位便安排入坐。 當我們走的時候已坐滿人。自選沙律-沙律醬也是自選的-蜂蜜柚子HK$59.00。 在加上額外的材料, 依我們的喜好，另加煙三魚, 鮮蝦, 烤雞, 軟殼蟹和蟹子， 每樣額外的材料為$12.00。 每樣材料雖然不多，但是勝在材料種類豐富，因為, 都是自已喜歡的, 配上開胃的柚子蜜, 味道清新。  沙律菜挺身，煙三文魚， 鮮蝦，蟹子都超新鮮， 完全沒有腥味。 賣相不錯， 一看便想吃。  火山小食拼盤-豬肉串，雞肉串， 薯條， 日式照燒汁雞翼，有兩個雞翼剛開始不太熟， 只好退回給餐廳再翻熱， 但服務員有禮貌，讓我感覺好了很多。雞翼皮滑，口感一般， 好像剛熟。豬肉串和雞肉串份量好小，烤得很透，如果份量大些會較好， 因為, 烤肉串很快便泠了。 非常影響味道。 法式燒春雞-Menu上列明, 要等二三十

LAVA JAVA位於觀塘B出口附近的王子大廈5樓B室，別以為觀塘區便是工廈、隨便、沒什麼講究，這正正相反……雖然只是佔了一個B室，但地方寬敞非常舒適，目測佔地起碼逾一千五百呎。觀塘區在晚上一向比較少人流，但餐廳仍能保持座位數約半滿，而且有不少booking，質素也看似有保證。裝潢感覺Contemporary，整體十分潔淨，與「觀塘區」這形象有明顯對比，甚至比起不少於市區的咖啡室更有品味。法式一口田螺酥盒: 簡單來說便是酥皮上放了一顆新鮮而爽口彈牙的田螺。酥皮香脆熱騰騰，牛油味道濃厚，光吃也不感單調。美國安格斯牛扒: 點了medium熟度，牛扒以鹽和黑椒調味，表面煎至香脆，邊位有著很重的油脂感，光看已感美味。中間的紅肉絕不帶任何腥味，反之，其實半生熟更能帶出牛扒的鮮味。由於品質甚優，不需擔心太生，這牛扒的肉味相當濃郁啊!ps: 份量非常的大，還有相當多薯菜，我也吃不完。Oreo曲奇奶凍: 吃完較膩的主菜後，幸好此奶凍不會太甜，奶凍質感幼滑，帶淡淡牛乳香，甜度剛好。最後以一杯熱檸茶作此夜的Closing。

會下雨的星期六，不適宜戶外活動，窩夫與蝦子餅選擇觀塘工廈遊。月前抽到由TPAGES送出的lava java抹茶鮮奶禮劵，終於可以用了。lava java位於開源道71號王子大廈，大廈的大堂和電梯都翻新了，完全不像工廠大廈。星期六的中午時份，食客不太多，一進去已經愛上了lava java的空間感。選擇了窗邊的桌子，面向窗子坐下來，窗外雖然不是甚麼美景，但也算開揚，感覺很舒服。餐廳逢星期六及假期提供多款all day set ，價錢由28元至88元不等。跟餐的普通熱咖啡水準不俗。香蒜藍青口意粉($78)上桌已經香氣撲鼻，賣相很美，香蒜意粉的蒜香味一流，帶微辣，旁邊的藍青口稍嫌味道較淡。炸魚薯條($88)的賣相也非常好，不是傳統的英式炸魚，吉列炸魚又是另一種口感，做到不油膩香脆好吃，魚柳很大塊很厚肉，水準之作。原價28元的免費抹茶鮮奶壓軸出場，一定是相機飲先啦！抹茶鮮奶的抹茶味香濃，奶的比例較小。

媽媽係意大利飯控比我發現觀塘依間cafe有我想試既龍貓朱古力同埋媽媽鍾意食既意大利飯所以同媽媽黎左食由於係工廠大廈，所以地方都幾大唔覺得檯貼檯咁我地點左「牛肝菌意大利飯配燒雞」 $148燒雞皮薄唔油，肉好厚牛肝菌切成一片片拌入飯一齊煮飯好香而唔膩 另外+$45 有「野菌忌廉湯」 +「芝士蛋糕」（原價$38）而「龍貓朱古力」就係套餐升級 +$20野菌忌廉湯好足料好香濃而且夠熱，忌廉湯夠熱係好飲好多，好好飲芝士蛋糕可能雪耐左，如果再軟身少少就好啦「龍貓朱古力」小妹選擇左薄荷味個龍貓畫花整得好靚，盡現廚師心思我地影相都影左好耐飲左幾啖都唔捨得拌勻佢香草焗三文魚柳 $178+$45 野菌忌廉湯 +鮮奶咖啡 （原價$28）因為我同媽媽係share食，剛才那個係飯所以依個選擇左配薯蓉薯蓉好滑又唔溜媽媽對個薯蓉讚口不絕差唔多四分三都係佢食晒，哈三文魚柳切開唔易鬆散上面有啲麵包糠，增加食果時口感依個餐我地都有另外加錢配湯同野飲一人一個湯開心啲嘛火山熔岩蛋糕 $52同芝士蛋糕一樣，碟旁一樣都寫左餐廳名字兩個碟上的名字寫得好近似證明廚師都寫到好熟練心太軟唔算太甜，配埋雲呢拿雪糕食岩岩好