Lava Java 咖啡西餐廳 (已結業)

我地一早訂左位，因為睇相好似細細地，點知去到既時候，意外地大喎，之後個位都寬闊，食物先最令我地驚喜！！首先黎既係湯，都幾大碗下！紅湯就普通正常味道，野菌湯同平時飲既唔同，比較“杰”，但我鍾意！薯條都好脆下，我覺得合適點茄汁岩岩好，但朋友就落鹽食。最驚喜係個薯蓉好大碗又好食，我地一致認同好好食，賣相就一般啦😂！不過要彈一樣野，就係豬肋骨啲肉較硬，有待改善，但汁好味既。整體黎講不錯，可以推薦給朋友傾下計既好地方。

午餐想和好友遠離觀塘市中心的煩囂, 清靜一下, 於是來了這間cafe。環境真是一流, 有空間感, 簡潔, 清靜, 絕對是girls talk或文青來的好地方。木製的枱櫈, 地板, 加法白色牆, 光線, 都令人很舒服。餐湯是西蘭花忌廉湯, 味道清新而不膩, 不錯。餐包不過不失。這個特色芝士牛肉漢堡, 卻令人失望。雖然牛肉超厚, 是足份量的, 但卻很乾, 完全沒有肉汁, 咬下去每一口都是分離的, 沒有鮮味, 沒有牛味, 沒有滿足感, 超失望......薯條也是一般水平, 沒有特別。 $95加1, 買了這個餐, 真的想cash back。只能說這餐是買這個環境, 和好友在一個好的環境下聊天的時間。 

朋友知道我鍾意拉花，特意約我來這間食， 這裡在工廠區來，要落點眼力才不會走過，還有要左閃右避冷氣機滴水同剛放工的人群不過一上到樓，感覺寧靜，裝修風格以白色為主，木枱櫈，自然舒服餐單簡約設計，清晰易明我地最後點了兩個套餐：前菜：野菌忌廉湯 同煙三文魚凱撒沙律主菜：軟殼蟹南瓜汁闊條麵$198同美式豬肋骨（全份）$258加20蚊薄荷龍貓朱古力（熱）同24蚊手工水果茶 （熱）餐包一般野菌忌廉湯 ：creamy, 蘑菇味濃煙三文魚凱撒沙律：三文魚煙燻味重，沙律菜爽軟殼蟹南瓜汁闊條麵$198[真是影相之選，賣相好吸引，闊條麵彈牙，軟殼蟹脆，可惜南瓜汁很快凍，變成黏在一起美式豬肋骨（全份）$258[嘩！超大份，醃得入味好味，可惜肉好硬，好耐切加20蚊薄荷龍貓朱古力（熱）今次戲肉：真的好像龍貓，朱古力味濃、甜,好正[加24蚊手工水果茶 （熱）：用火煲著，陣陣果香飄來，正

觀塘工業區的餐廳其實有好多，見到呢間幾多好評就帶女朋友黎試下。芝士火鍋二人餐$368配雞肉，鮮蝦，法包粒，西蘭花，珍珠筍，車厘茄，薯條。芝士味不太濃，都幾細份，每點一樣食物都有厚厚的芝士包圍著。特別推介係雞肉，好鮮嫩，點埋芝士好邪惡意粉選一款墨汁配帆立貝扁意粉帆立貝勁大隻，意粉爽口彈牙，墨汁味濃。轉配特飲焦糖咖啡沙冰咖啡就飲得多，咖啡沙冰味道幾特別，上面有好多cream!!!玫瑰鮮奶咖啡玫瑰味都算重，有d甜。overall環境幾好的，都可以傾計。其實主打係咖啡，如果係黎飲野的話都唔錯既。

又到happy Friday，是時候吃好東西，這次選了Lava Java 咖啡西餐廳。餐廳內部設計優雅，附有吧枱，即使在午巿坐滿人的時候，也不算太吵鬧，是間適合聚會的餐廳。食物的價位屬於中高，基本上一個lunch set $100左右，這次我選了香煎豬扒配車打芝士汁跟薯菜。豬扒是薄款的，吃下去算入味，不會太硬，質感有點像豬頸肉。至於車打芝士汁就不太吃得到芝士味，有點膩，本人胃較弱，吃完之後整個下午也不太舒服。薯條似是精心製作，表面灑了調味粉，而非街外普遍只灑鹽的薯條。可惜調味粉不算惹味，幫不了薯條加分，而且薯條一上的時候就已經不脆了，為薯條大大減分。至於跟餐的伯爵奶茶，即使不下糖也有甜味，喝起來不算滑，茶味亦不算重，普普通通。總括來說，這間餐廳挺適合朋友聚會，但如果著重食物質素的話，這間就不是首選了，性價比一般。

星期六難得約到閨蜜出街~當然要搵個地方好好傾餐飽啦咁岩個日想去觀塘影下相就諗住係觀塘d工廠大廈搵野食之後就見到呢間LAVA JAVA有朱古力火鍋食 即刻心心眼連正餐都未食既我地都一於少理直接上去食甜品haha上到去我地都覺得餐廳佈置得好靚~我地簡左近窗邊諗住有日光可以影下相打卡haha成間餐廳比我地既感覺都係好文青feel同好清新，因為好多花草既佈置再配襯埋木制既枱凳。由於我地係未食正餐但又想食甜品既我地就決定叫左一個朱古力火鍋食住先~~一黎到當然要相機食先，甜品既擺位都好靚，搞到我地都掛住影相影完一輪先開動~~佢D朱古力唔算係好苦個種再加埋d甜品都唔會話甜到食唔落！個人覺得最好食既係窩夫同藍莓芝士蛋糕，就算唔點朱古力單食都好好食~~我自己本身唔太中意食馬卡龍因為怕佢太甜，但呢間既馬卡龍又Ok喎 唔會話甜到食一啖就想唔食店員既服務態度都好好~好友善 仲主動問我地要唔要幫我地合照haha係到食下又傾下計就同閨蜜過左一個開心既星期六中午~~下次有機會都會試埋其他野食！！

觀塘多好野食就唔洗講，有好多既咖啡店，西餐廳，中菜館，好多都係隱藏左係工業區裏面，但離地鐵站都係超近的。今日黎到王子大厦裏面揾野食，直情距離地鐵站兩分鐘，一入到咖啡店，感覺到家既感覺，因為全部以白色為主調，架上木製既家私，給人一種輕鬆既感覺🤗🤗🤗😊其實點解會揀哩間咖啡店，因為佢既圖案拉花咖啡吸引到呀，上網見啲咖啡好得意，有三眼仔呀，單眼仔，龍貓，真係諗到咩公仔佢都可以整到俾你，諗都唔使諗我梗係揀左Green tea latte 啦，，配上三眼仔嘅圖案，朋友就揀咗單眼仔同埋龍貓嘅圖案，嘢食方面我，哋叫咗炸魚薯條啦，番茄芝士海鮮意大利粉，Egg Benedict🤤🤤🤤🤤🤤啲咖啡除咗賣相得之外，仲有好濃嘅綠茶味🤗🤗🤗個炸魚薯條好出色，魚好大塊🤗🤗🤗🤗🤗

講到觀塘cafe,呢間一定會排頭幾位,所以我同朋友特登黎試.平日下晝都好多人,呢度光線充足,所以都幾舒服, 但"卡位"之間距離好近,會唔係太方便.去Cafe當然食all day,就咁睇佢唔算太驚為天人,不過all day有蜜瓜都係第一次見而且牛油都用唔同牌子,加埋法包,唔錯唔錯.但腸仔就有D油,不過不失由於想試下甜品,所以我地只係叫多左個日式照燒汁雞翼.先撇除味道如何,個份量相對黎講真係少左D,肉又少,所以真係超級唔飽,味道都幾日式,係好味的.搞左一輪,終於進入甜品階段,o係店員gei推薦之下我地叫左個apple crumble,嘴刁朋友絕對佢D果肉唔都新鮮,餅底都唔夠脆,無想像中咁好食,我就覺得玉桂味好香,不過餅底的確可以再好食D,起碼要脆先啦.我地仲叫多左個草莓迷你窩夫,外型上佢真係好高分,擺盤用左唔少心思,不過味道就未達標.D醬好似罐頭醬咁,士多啤梨又酸,連窩夫都太林,連我都唔覺得好食,咁就真係...算啦飲品我地都特登選擇有特別拉花gei飲品:薄荷龍貓朱古力~~一上台已經聞到清新gei薄荷味,入口朱古力味唔算非常濃,但都係可以接受gei範圍,薄荷味都唔係好突出我叫gei綿綿咖啡上

情人節食好D，就揀左呢間一齊慶祝一下呢間都算係價格比較貴嘅一個午餐，不過因為個餐廳裝橫，食物質素都不錯，所以喜慶節日先會去我地一行六人就梗係嗌幾個餐開心share啦佢餐前都有餐湯俾我地揀，連埋個餐包，個餐包都暖嘅窩心👍🏻主菜我哋就揀咗豬扒，意大利雲吞，龍利柳同burger豬扒大大份仲有兩件，而且又厚切，以為佢會鞋，但又唔係龍利柳依然保持水準，意大利雲吞就每次黎都基本上會叫，唔好睇佢細細粒得五粒，其實係OK夠飽，因為食多幾粒係好漏😛整體來講都算唔錯

過完個長假，又正值係新年，未有好多餐廳開，我地成13個人就去咗呢間食開年飯。好耐之前已經黎過，印象中貴但好普通，希望唔會令我失望。佢一個餐未計任何嘢都已經95元。前菜有一個湯，一個餐包，正常味道。我叫嘅係呢個牛肉漢堡，有泡菜呢下幾好笑，好唔夾下。薯條都算係咁，還可以。但個包就真係差啲，牛肉係好乾，無計，包本身好普通。呢個係其中一個同事叫嘅鴨腿，呢個算係煮得ok，夠味同夠淋，上枱個陣都暖。薯蓉都可以。不過份量就真係少左啲。伯爵奶茶好甜，完全無另外落糖。服務算係咁，我地要張大枱，都好快處理到。

小姐未食過古古力火鍋.. 帶佢來試下.. 約埋朋友一齊拜年 tea! 古力醬由頭到尾都熱的！👍🏻 古古力火鍋配料的蛋糕🍰 好好食.. 我無點古力醬都幾乎食曬！ 洛神花茶 勁好味 好足料！ 三文魚抄蛋厚toast 小姐食哂！ 呢度環境闊落 乾淨 好啱帶小朋友來 tea 呀！

好少有機會平日放假,約左好姐妹去觀塘上DIY class。要整幾粒鐘,梗係飽左個肚先去。係openice比佢嘅三眼仔同龍貓飲品吸引住,就即刻book位。去到嘅時候現場都半滿,啲枱都擺得幾鬆動唔會被迫聽隔離枱嘅對話,餐桌上有玻璃樽水可以自己fill。嗌左set lunch,餐湯當日係粟米湯,唔太特別,包應該都係交貨黎。飲品揀左一杯龍貓薄荷朱古力同三眼仔Matcha Latte...算係跟餐加錢轉嘅特飲。見到其他食客個Burger好靚就揀左再搭一客豬扒意粉(無記錯可以揀配飯)。唔計餐湯飲品最先到,梗係相機飲先。實物都幾可愛,不過好細杯。睇相覺得係大咖啡杯但直徑同餐包size差不多。朋友嘅薄荷朱古力飲落薄荷味都幾香,唔太甜比想像中好。而Matcha Latte好重茶粉飲到底仲好綠色,朋友話味澀不過我自己就覺得ok...因為我鐘意飲濃茶。兩杯飲料都唔算"得個樣",但如果諗住淨嗌杯野慢慢飲黎傾計就可能要再order啦!之後到意粉,薄身豬扒兩大塊。一塊淋身啲可能位置不同,不過朋友鐘意食另一塊多啲。汁多,意粉亦已調味so far so good.仲有有啲伴碟沙律菜。Burger配有大大碟粗薯片,一上

放工後和同事去左觀塘附近的工廈食野，吹下水講下老闆壞話釋放下負能量！！去到餐廳見到menu有個係食芝士火鍋~望落幾吸引！而且價錢都幾合理。再加上同事想食！！咁多因素唔係唔食呀嘛！！我地轉左做黑松露芝士鍋，放左黑松露既芝士鍋更為吸引！個火鍋已經配好哂料，食材都係健康為主的！！我幾欣賞！！我最鐘意就係份薯條and雞扒，本身已經好惹味，再加上有松露芝士既加持，真係無得頂~這款芝士鍋食落唔會膩既感覺！真的不錯，食多幾件都仲有再想食既感覺。個餐仲有一款意粉可以叫，我就選擇左香辣蝦乾闊條麵配大蝦，食起上黎幾惹味，辣既程度剛剛好，闊條麵食落有咬口！！個餐仲有2杯飲品跟，算係幾抵食。

冬天打邊爐是常識吧 但係呢種用芝士嚟打邊爐嘅芝士火鍋我就未食過 其實係香港都興咗好幾年 但係一直冇芝士愛好者同我一齊去食 今日終於可以有啦 呢個芝士火鍋係觀塘嘅商業大廈 七點鐘嚟到冇乜人 非繁忙時間 坐得好舒服 呢間cafe嘅設計用咗好多木 感覺好文青 叫咗個芝士火鍋套餐 佢會有一盤芝士醬下面用個火爐仔熱住 不過食落都好似微暖 唔係太熱 我哋仲加咗38蚊加黑松露醬添 本身仲有鮮蝦 法包粒 雞肉 車厘茄 珍珠筍 薯條同西蘭花 我哋仲加錢加咗火腿粒 喺呢度嘅推薦食物 佢用個精致嘅叉仔將食材差住然後點落芝士火鍋醬入面幫佢沖涼 返上嚟有拉絲嘅效果 就可以放落口 芝士味唔係好濃但係同時食到食材嘅鮮味 個人推介係雞肉雞肉嫩滑而且好入味 配埋芝士一流 仲有車厘茄 估唔到配芝士都咁夾 本身已經好清甜微酸再加埋芝士好正 跟餐仲有一個意粉 我哋就揀咗墨汁帆立貝配扁意粉 墨汁超濃厚 食到成個嘴都烏卒卒好好笑 帆立貝好厚身大隻 而且煎到外脆內軟 仲有好juicy嘅感覺 食到停唔到口 加錢仲可以轉特飲 我哋就飲咗盆栽朱古力同埋龍貓薄荷朱古力 龍貓造型超卡哇伊 少女心爆發 飲落有淡淡嘅薄荷味冬天飲啱曬 而盆栽朱古

天氣寒冷，最啱食芝士火鍋. 所以早前便去了位於觀塘的 Lava Java 食飯. 我地為了芝士火鍋而來, 所以選了芝士火鍋二人餐，當中包括芝士火鍋，意粉三選一， 選了墨汁配帆立貝扁意粉，飲品兩杯，我選了earl grey tea latte ，價錢$368。芝士火鍋配有雞肉, 鮮蝦, 法包粒, 西蘭花, 珍珠筍, 車厘茄，薯條。 叧外，我地加錢配火腿，想試埋黑松露芝士火鍋, 所以也加了錢. 店員先奉上墨汁配帆立貝扁意粉. 帆立貝有三隻, 肉質唔會太硬和乾身. 意粉軟硬適中, 墨汁味道幾濃郁, 味道調教不錯. 芝士火鍋上枱. 賣相精緻. 我地先食原味. 芝士味道唔係好濃味, 但幾滑身, 食材沾滿了芝士, 多了一份芝士味道, 雙重口感. 之後就自行加入黑松露, 份量多少, 客人可以因應自己喜好而加. 混入黑松露後, 多一份黑松露的香味. 兩種食法我也鍾意. 最後, 飲番一杯伯爵奶茶. 平日較少飲伯爵味的奶茶, 估唔到幾好飲.