Le Cafe (香港諾富特世紀酒店)

營業中

休息中

novotel century hong kong 的自助餐，我估應該有不少人都食過試過！ 只想分享一下， 若對食物要求唔高，以此價錢真係算抵食。Lunch Buffet 週末優惠為一位成人可帶一位小童免費，成人亦可享有85折優惠，成人折實連加一服務費價錢＄340.1， 免費小童需附原價加一服務費。2大2小計只是$725, 平均約$180一位。至於食物唔打算詳細講述， 因食物款式就唔算太多，但食物味道算是合格，起碼個人覺得唔難食（自己要求唔高）！純粹想簡單食餐自助餐，這裡可以考慮一下。

第一次試呢間酒店餐廳 距離灣仔地鐵站要行10分鐘左右 酒店附近都多零售店 尚算方便  行去銅鑼灣大約15分鐘左右  約朋友去呢度聚餐 位置都方便 食飽可以一齊行下街散下步 😋當日係星期日去  自助餐未開始已經有好多人喺門口排隊等入座👨‍👩‍👧‍👧開始時全場近乎滿座  食物方面 因為我比較鍾意熟食 但選擇無想象中咁多🦐炒蝦好大隻好鮮甜👍😁煙三文魚新鮮👏蛋糕🍰同甜品🍮款式比較多 ✔朱古力蛋糕好濃郁🍰🍫 果凍啫喱有好多果肉😊泡芙入口即溶😊

The food was tasty and fascinating.There were lots of seafood to choose from,which the buffet dinner suits seafood lovers.The environment of the restaurant is splendid and luxurious,which one could enjoy their meal there.The negative side of the buffet dinner was there were slight tweaks on the tuna,and the steak was way too dry,but these could be negligible as they aren't the spotlight of the dinner.Would definitely revisit for their buffet dinner.

一入自助餐被安排坐在最近取食物的坐座，而坐座與食物可能只相隔3個人的身位，感覺很不自在，而向職員要求換位，職員説沒有位可換，那不緊要。（希望酒店可以調整餐廳的位置，令食客坐得更舒服）在食物方面，比人感覺很小食物可選擇，一眼可以望完整個自助餐區，因為是魚做主題，所以我試了有魚的凍食和熱食，基本上熱食都是不熱的，還有點凍，凍食也略位普通，而其他食物也較為普通，款式又不多，我基本上試了所有熱食，真的非常非常普通。。。不是難食，但真的超級普通，最後我是吃廚師即埸煮的麵吃飽的。而海鮮便有最基本的長腳蟹腳，青口，凍蝦，螺。刺生方面有帶子，但洗得不乾淨，有黑色點點，和有比較特別和比較好吃的牡丹蝦。而甜品也略為普通，因為食物這樣的質素，也不會期望甜品有什麼驚喜，試了綠色的不知斑斕味還是綠茶味的蛋糕，也不是很記得了，還有幾個杯仔，最後還是菠蘿最好吃。總結，不是我對食物款式、餐廳環境有要求，但起碼酒店應該對自己有要求，因為場地問題，未夠提供更多食物的選擇，不要緊，但現在是食物又少，質素又差，如果質素好，我覺得食物少也無所謂，但現在是連最基本提供真的熱的熱食也不能做到。明白一分錢一分貨，但你連人均75折後$

【Novotel【花樣嚐鮮】晚市自助餐】每月一次嘅好西時間~ 今次揀左Novotel嘅海鮮buffet~ 除左有仼食生蠔同多款海鮮，仲有唔同類型嘅熱盤同甜品。重點係今次仲係以泰式作為主題。麵食有得食擔擔麵熱盤有泰式豬頸肉等 充滿泰國風味㗎食到最後又點少得甜品呢！ 有多款蛋糕揀♥️♥️📍 灣仔謝斐道238號香港諾富特世紀酒店LE CAFÉ咖啡廳

為了慶祝2位家人生日, 全家一行6人到此STAYCATION. 昨晚享用過豐富又美味的花花自助晚餐, 但為了趕上泳池10點的場次, 所以今天就在8點前到此自助早餐. 取得座位後, 先繞場一週, 看看有什麼東西.    早餐雖然没有晚餐那麼豐富, 但款式也很多呢!  凍冰冰系列     水果&沙律 不就是菠蘿, 西瓜, 橙色蜜瓜, 還有原隻水果.    芝士區有2款粒粒芝士 3款YOGURT & 益力多 穀物 & 麵包區     自助早餐的麵包區提供烤爐為包包加熱. 印象中自助晚餐是没有包包烤爐嫁!  因為自助早餐的包點類是軟身系列, 烘烤後也不會太硬, 方便咀嚼.  方包配牛油& JAM真是美味的絶配.    熱辣辣系列   蛋檔  雞蛋有中有西  茶葉蛋 白烚蛋 煎蛋 炒蛋 淨蛋白有餡奄列  因為我們早早來到, 蛋檔不用排隊. 很快拉芝奄列到口了!     其他熱盤中西皆有    煙肉腸仔火腿焗豆雞扒薯角酥點 也有西多士   青菜炒麵炒飯燒賣肉鬆痴飯   還有暖胃的白粥  鍋邊提拱几款配料  自己最喜歡是鹹蛋. 但更希望餐廳有蔥花囉!  最後來一BLACK COFFEE. 享用過豐富

最鐘意食自助餐咩都可以食少少，一啲都唔會悶🤪 二訪灣仔Novotel酒店入面既buffet 都冇失望！我地係openrice book仲有75折，入去既時候都坐滿晒人～今次呢個主題同上次好唔同，今次好多食物都有三文魚同埋吞拿魚😍 唔計刺身嗰邊，今次仲有葱吞拿魚腩丼，鹽焗三文魚，鐵板香橙吞拿魚等等，試晒呢啲都好飽😆之後好似平時咁，第一round攞啲長腳蟹，蝦，唔同既海鮮食😎 然後食一塊牛扒，仲有即刻整嘅薄餅！想介紹返呢個手拉薄餅真係好好味😍 同埋少少熱食，就開始食甜品🤣有芝士撻！好飽😂

/𝑁𝑜𝑣𝑜𝑡𝑒𝑙🇭🇰/#sa灣仔篇➖➖➖<花樣嚐鮮自助餐🌺🍣>➖➖➖以前時不時都會同屋企人食唔同嘅自助餐疫情期間都冇點食過🤣最近想食番一次～揀左灣仔嘅Novotel ✨佢地由6月頭開始去到8月31日期間推出「花樣嚐鮮自助餐」以呑拿魚同三文魚為主題 用多種唔同嘅烹調方法製成唔同嘅菜式✨✨食用花都係佢地嘅主題整出唔同嘅前菜同甜品～🌟星期一至四$548 五至日$578 like 佢地嘅社交平台 仲有65折優惠➖➖➖🔹魚類/海鮮類🔹最受歡迎當然唔少得刺身🤣主要都係三文魚、呑拿魚、大蝦等因為屋企人唔點食刺身 所以無攞到不過望落去都夠新鮮同厚切 側邊都有多款壽司海鮮有青口、蟹腳、田螺同蝦 仲有生蠔反而我地係食海鮮多😛😛亦都食得最多最鍾意螺 都幾juicy 無食刺身食熟食多 包括有日式鹽燒三文魚頭、印式三文魚、三色堇血橙火炙鮪魚等等幾鍾意日式三文魚頭 幾入味 不過較零碎另外火炙鮪魚較咸🤣➖➖➖🔹肉類🔹除咗魚 都有雞、牛嗰啲幾鍾意食佢嘅roast beef 特別係個汁 肉味算重 但有啲乾～雞就淨係好少😆所以無食到！➖➖➖🔹日式🔹今次主題都係圍繞住魚 但除咗魚都有其他日式食物😛例如係素麵

係網上得知只要like 社交平台, 可享buffet 65折優惠, 於是週末前就book左呢間一家人食dinner buffet兼 同爸爸提早慶祝父親節。Dinner buffet 呢期做緊「花樣嚐鮮」, 即以吞拿魚、三文魚做主題, 創作出多款美食, 家人都喜歡食三文魚, 岩哂我地口味, 好期待!dinner buffet 晚上6:30開始, 6:15已被預先安排入座, 餐廳座位都很集中, 唔算坐得太迫。自助區已放好豐富食物, 最受歡迎就係即開生蠔, 新鮮, 味道唔腥。另一受歡迎就係冷盤海鮮, 有長腳蟹、翡翠螺、凍蝦、青口, 長腳蟹味道偏鹹左d, 螺同埋蝦都幾彈牙。冷盤仲有沙律吧, 為配合主題, 亦有供應煙三文魚、以紅菜頭醃過嘅煙三文魚, 色澤相比深色一點點, 味道更多一點清新, 有特色又好味, 可惜之後冇再refill, 只不停refill冇被醃製果款。另一焦點有鹽焗三文魚, 一整條三文魚被去骨拆肉, 試了少許, 但冇咩鹽焗味道, 只是一般熟透嘅三文魚, 口感鞋...酥炸三文魚, 味道偏鹹。刺身有專人做分配, 刺身都幾厚切, 赤蝦好肥美, 鮮甜彈牙。三文魚有魚味, 帆立貝大大粒夠鮮甜

同朋友係酒店住咗一晚，套票包自助餐早餐。有沙律吧丶乳酪，最意外係有廚師專製煎蛋奄列。入面揀咗磨菇芝士，新鮮製作出嚟係唔同啲。配搭鮮茄同腸，好似自組咗西式早餐。入面都有少量點心食，不過個人對燒賣就一般，酒樓燒賣會好食一啲。

吃自助餐很多時心中都有困擾，就是怎樣吃才容易歸本，甚至要吃得超越那你付出的價錢，但自己的胃又不大生性，往往又容納不到那麼多。坊間更有很多的自助餐攻略，說到攻略，來來去去又只是教著大家怎樣次序去吃，胃才容納得更多，各施各法又怎辦好呢。阿Q精神，我想通了一點，分享出來讓大家思想一下，以乎會幫到大家穿越你這個純粹只是心理上的關卡。就是你先去看看各大超級市場有點質素的魚生併盤或海鮮併盤之售價，才去吃你的自助餐。這天晚上女兒為賀偉大的父親節，與我提早來到湾仔諾富特世紀酒店 LeCafe咖啡廳，吃他們以花樣嚐鮮為主題的自助晚餐，以花入饌當然新鮮，單看他們的蛋糕設計，已飽眼腹了。食物方面，今次以鮪魚和三文魚為主角，丼飯，醬油漬鹽焗等為配搭，其他如蟹腳生蠔海蝦青口翡翠螺等也齊備，併合起來，與大超市買的併盤海鮮同一模樣。熟食也有很多款色選擇，例如鹽焗海蝦，鹽焗三文魚，清湯牛腩，豉椒青口等等等等也不能盡錄了，皆做得很有酒店水準。原來坊間某大超市的雜錦魚生和海鲜併盤，已賣上了三四佰多元一盒，看來我這晚吃進了肚的份量，已桌桌有餘了我所付出的價錢，基本上我的心理已給平衡了很多。畢竟，拆後只是三佰六十多元一位的自

無人覺得人年紀大左愈來愈想食少啲肉？黎緊👨🏻父親節又無乜idea食乜？咁Novotel Century Hong Kong 的花樣嚐鮮晚市自助餐✨就啱哂我心水。今次同屋企人嚟到位於灣仔同銅鑼灣中間的諾富特世紀酒店一嚐此自助餐，數數手指，對上一次到訪已經係多年前爸爸生日的時候，當時只係食午餐，已令人十分難忘。自助餐的主角是鮪魚和三文魚，以這兩款港人至愛的魚入饌炮製出不同的菜式，仲有其他海鮮菜式。熟食推薦的有原條鹽焗三文魚、鹽焗大蝦、辣酒煮螺、豉椒炒青口、燒牛肉等，質素都唔錯。後面中湯都係我每一次去自助餐必點的一環，我認為能夠飲酒店嘅中湯都可以試得出酒店所用嘅真材實料。另外，更用上本港「魚菜共生」有機種植法的食用花🌺點綴，以上的萬壽菊薯仔沙律，但是賣相已令人心花怒放。除了主菜，還有即開的生蠔和mövenpick雪糕，回本回本。刺身方面，除了有帶子、三文魚、吞拿魚及油甘魚之外，牡丹蝦又大又爽口！即開生蠔夠晒新鮮。令我最驚喜就係平日無乜特別的麵檔部分竟然有狗仔粉。🥺好懷念呀！湯底是有蝦米和冬菇，鮮味十足。配料方面仲有豬油渣選擇，加埋銀針粉，呢一度地道嘅街坊小菜諗唔到喺酒店竟然有得食。幸好家人提

夏天熱辣辣想食d透心涼食物，海鮮迷可以一次過食多種貴價海鮮最抵食緊係去食海鮮自助餐，上網搵到間近我公司嘅酒店，放工即刻同同事去食la今期Novotel酒店主題係【花樣嚐鮮】晚市自助餐，以鮪魚(吞拿魚)及三文魚做主打配搭出多款特色菜，更有即開即食法國生蠔及有機食用花配襯出多款前菜及甜品我食自助餐專攻貴價食品，回本丫嘛^^ 首先梗係要食法國生蠔、再食刺身、之後海鮮。即開即食法國生蠔肉質爽口，海水味重、味道偏鹹，啱哂鐘意海水味重嘅朋友仔。我刺身就食咗大大粒厚切帆立貝、刺身蝦及厚切三文魚，刺身都係厚切，一d都唔孤寒，連蝦都係大大隻好好肉，細食D朋友仔真係食完刺身都飽飽地。講番先刺身鮮甜，厚切關係食落好滿足，成個口都係超鮮味道！松葉蟹腳同青口都係我推介之一，蟹腳啖啖肉，又係重海水味，滴幾滴檸檬汁更鮮，平時蟹腳比較貴，果晚食咗10幾隻蟹腳(拿！又回本la^^)另外青口帶少少甜好彈牙。主題之一三文魚當然有好幾款菜式，當中鹽焗原條三文魚係酒店主打菜式之一，Venus都有食，不過覺得鹽焗味唔太出，可以再咸d。試埋鹽焗三文魚腩及印度香料三文魚，前者較香口，後者印度香料味好出，我覺得印度式煮法好味d鮪魚菜式

<花樣嚐鮮自助晚餐>星期至四 成人每位548 蚊今次黎到 novotel呢間 le cafe試試佢新出既自助餐 花樣嚐鮮 以吞拿魚同三文魚做主角整出唔到菜式 鹽焗三文魚 ,.香葱拖羅丼， 鮪魚他他，血燈花炙鮪魚 🐟海鮮有 生蝦 凍蝦 清甜既松葉蟹腳 爽口青口 彈牙翡翠螺同唔同既刺身 🦀🦐好似油甘魚 牡丹蝦 吞拿魚 帶子等等 仲有法國生蠔 海水味濃 👍🏻熟食有好多選擇 好似牛扒 咖哩魚 雞 烤羊肉 . 鹽焗三文魚 🐟豬柳 帶子三文魚炒飯 仲有吞拿魚牛油果 pizza 焗蠔🔥 等等 應有盡有 甜品有抹茶， 百爵茶慕絲蛋糕， 🍰玫瑰果凍 仲有 movenpick雪糕😍🍦 有朱古力 雲尼拿仲有士多啤梨味 此外 仲有朱古力噴泉 芝士 tart 雪糕糯米滋等等 應有盡有👍🏻#自助餐 #吞拿魚 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~L

好耐無食自助餐啦!今晚黎到Le Café，6月至8月晚市自助餐主題係【花樣嚐鮮】，而家只需讚好社交平台專頁 或 追蹤社交平台，即可尊享65折優惠，折左之後價錢好抵食! 值得再ENCORE!自助餐以「花」為主題，融入多款菜式，好似置身花花世界享用美食咁，影相打卡一流~有專人即開生蠔，細細隻口感爽脆。海鮮有松葉蟹腳、凍蝦、青口、翡翠螺等，推介鮮甜爽滑既凍蝦同肥美彈牙既翡翠螺。刺身方面都有唔少選擇，推介帶子，大大粒鮮嫩甘甜；呑拿魚軟滑無筋、魚味濃。熱葷不停REFILL，值得一讚，推介印式烤三文魚，嫩滑清香口感豐富；青咖哩雞濃香嫩滑夠入味；牛咖哩燉煮得柔軟，入口即化；原條蒸魚味道鮮美口感佳；燒四川香辣豬小腿啖啖肉，鬆化香口唔會韌。沙律選擇頗多，推介紫衣甘蘭燕麥木瓜沙律，口感豐富。甜品方面亦有好多選擇，估唔到竟然有榴槤蛋糕!味道好有驚喜，食落有絲絲榴槤肉，蛋糕鬆軟綿密又香甜，正~推介日式芝士撻，撻皮酥脆，流心芝士好香滑；班蘭蛋糕軟綿香甜唔會膩。仲可以無限享用四款Mövenpick雪糕，今晚真係勁滿足!