L'Eclipse (已結業)

專登請假出街散心,順便食一個食評不俗的lunch buffet,可惜此餐實在強差人意。先說環境,地方細,樓底高矮,食物少。再講食物,沙津菜一碗一碗地放寒寒酸酸咁,菜又黃又唔新鮮。至於有人讚過的鴨肝醬,則不合口味,很似燒味。海鮮有無味的花螺和超咸的青口,只有海蝦正常。蠔要星期六日才有,剌身有筋不新鮮。燒西冷,未切時得一雙拳頭咁大,切埋分得兩片肉片,熱食通常都是丸子之類,好彩有即製蒸魚可食,食了一句鐘已發覺無野可食,唯有食甜品,雪糕是H字頭,品質有保證,但一開始放的,有四筒只有一筒新,其餘都是開左沒了一半,咁都算,我一“畢”新個筒雪糕竟是溶的,再問職員,原來那雪櫃壞了,天啊,溶了的雪糕都可給客人食。有朱古力噴泉，但驚見棉花糖上有蚊屍！！即刻唔敢食！其餘糕點真係美心西餅都好過佢,最後只有一肚氣離開。

適逢生日，與朋友到這餐廳嚐試它的自助晚餐，算是不過不失吧。在冷盤前，先說主菜，自助餐的主菜？沒錯。這裏的自助晚餐原來預留了四款食物是限量供應的，每人限叫兩款。幸好今次是兩人同行，所以可以品嚐全部四款美食。首先有牛扒及鱈魚，雖然侍應沒問到牛扒要多少成熟，但出來的效果也很好，夠腍，也有香香的牛味。而鱈魚就非常之夠滑，也夠香。不錯。另外兩款的主菜是羊扒及燕窩布甸（其實這味食品是甜的）。羊扒不會很羶，也夠腍。而燕窩布甸也不錯，少少的燕窩與甜甜的鮮奶布甸都很夾。說回冷盤了，很開心見到久遺了的生蠔，這裏的生蠔分別有澳洲及美國的，自己也配了青口一起吃。可惜的是生蠔不夠鮮，還有些有少許沙。青口就不過不失而已。另外當然也有龍蝦、蝦及螺啦。可能因為冰凍的能力太高，所以不能品嚐得很清楚食品的味道。少不了的當然也有魚生及壽司啦，雖然日本食品現在要有些防範，但來到這裏也真的不能不吃一點呢！魚生是不過不失的，三文魚最好，味道夠濃。但壽司就一般了，飯有點鬆，不合格。不過也很喜歡這裏的鵝肝，再配合不同的芝士，與餅乾一起吃，味道很好。到熱葷，最欣賞的是這個芝士蟹肉，少少的份量，但味道十足，芝士及蟹肉的味道配合得非常之好

星期日Lunch Buffet $238，最近做promote只要信用咭最後4個位有「1865」其中一個數字就可享75折!同行長者有優惠只需$168，都幾抵食﹗食物有﹕蒸魚--自選半條魚蒸，蒸好有人送上枱，可以自己完整吃一碟魚，不像其它buffet吃蒸魚時大家各自把魚切爛瓜分吃。魚生、壽司海產--生蠔/蝦/青口/龍蝦仔/琵琶蝦沙律--有12種疏菜，可請侍應幫忙撈，比自己弄的美觀 ^^" (我媽愛吃凱撒沙律，她最少吃了3碟)麵包--約4款麵包+千層酥+鬆餅，其中牛角飽和一種塗了芝士醬的黑麵包烘過後非常好吃!!熱葷西式約有6-8款，有一個名字好像叫焗蜜糖蕃薯的，意外地好吃﹗中式有燒味2款(家人說叉燒靚)、蒸飽點2款、自選材料的粉麵/粥(粥不好吃而且太大碗了﹗)藥膳料理(太飽沒試)印度薄餅像比得包，不是鬆軟那種，不試也罷，反而旁邊的「青瓜乳酪」好吃﹗咖喱有雞/牛/豆3款，咖喱雞不好吃，咖喱豆ok，家人說咖喱牛最好蛋糕種類非常~~~~少﹗只有麵包布丁、marble cheese cake好吃，玻璃瓶盛載的花生朱古力粒粒幾好，有班㦸機，按掣一下，等一會就會自動跌出兩塊班㦸，幾得意﹗雪糕有4款(2

一個午餐有齊多國美食,不是難得要每樣都取得水準可見一班..粥、麵、意粉較為大眾化、三文魚每次取貨也很肥美最愛蒸魚,每次叫每次蒸,熟度剛好甜品就大愛咖啡西梅cake好掂,讚!而即磨咖啡,油份剛好..比一般其它buffet還要好'我有少少鍾意咗佢'服務細心,埋單約$200.餘元一位合理!

老公訂左，同爸爸媽媽一齊食左個好正既birthday buffet dinner! 坐低見到有張 Menu，以為要再加錢，原來係唔使錢，每人可選兩個 "main dish"，同埋一款 souffle!! 正呀!我點左燕窩墩蛋同埋波菜芝士帶子。雖然個樣唔多靚，但係都唔錯，細細件，大家可以繼續再戰 buffet~ 我覺得個墩蛋炖得都幾好味!跟住就轉食冷盤，食左好多好多蠔。d 蠔都算幾新鮮，個肚都幾飽滿，而且大家都好守秩序，唔係好使等就已經有得食。要讚既就係有專人企係 oyster bar 後面，不停咁 fill 貨，變左唔使好似其他 buffet 咁，一有蠔出就一窩蜂咁去拎!Oysters 有兩款揀，有 US 同 Australia. 我自己覺得 Australia 好似鮮味d。食完生蠔，就再食 Sashimi。Sashimi 唔係太多 choice，同其他 hotel 一樣，都係有王牌 Salmon，有 Tuna，有 Mackeral total 好似有5~6 款。D Sashimi 都好新鮮，Mackerel 好鮮甜。熱盤我無乜食，所以又係食蠔，不過係燒蠔!!之後已經無乜位食d

之前响呢度食過lunch buffet, 覺得食物服務及價錢都ok. 所以今次相約同事一行9人來試dinner buffet. 大約6:45到達, 可能因為時間早, 人不多. 去取食物時都有職員殷勤招待. 7:30後逐漸多人.但取食物都不至於要排隊.冷盤有生蚝,龍蝦, 蟹蚶,蝦,螺...等等. 全部都不錯.刺身只試了兩種.三文魚很不新鮮.有怪味.熱盤的羊很好...咖喱就没有試. 中湯寫著是米芝蓮二星唐宮的出品, 不錯..但也不是太特別.似屋企煲的湯.鴨肝醬本人很鍾意. 但同行同事就覺得一般.黑毛豬24個月巴馬火腿. 較淡味. 包兩個order的頭盤.T-骨羊..唔得..乾..硬.其他三種.同事覺得不錯.可以order 梳乎厘.很失望.土多啤利及芒果..都是得artificial 的味道及color.其餘甜品生果選擇不多雪糕有movenpick及哈根大師各兩款. 服務態度很好. 總是很有耐性的.最令人失望是....没有煎鵝肝!!!我可是為它而來. 他們說.因為現在的主題是羊.所以没有鵝肝!好彩有75折...

食物種類貧乏，如：沙律只有三款及四款配料／沙律醬汁自選，三款火腿，其餘冷盤欠奉！食物質素比晚餐超差：有數款特色小吃，凍了，似午餐擺到下午茶，亦冇refill。食物欠新鮮、無味道：無湯有雞粥，但雞還雞，粥還粥，仲要係粥水，成個粥係無味。行極都諗唔到食咩侍應人手不足

之前朋友推介晚市自助餐唔錯，所以用積分換咗午市自助餐試。我地一行七人，四位免費三位收正價(用coupon無得再享七五折) 。食物款色適中，午餐一定飽足。海鲜:熟蝦 - 唔知咩原因比較咸藍青口 - 無海鮮味龍蝦仔 - 好迷你，無試東風螺 - 無試冷盤:凍肉自製鴨肝醬 - 味道唔錯，食一件唔漏煙魚燒鷄蝦沙律菜熱盤:即製意粉 - 製作過程全放滾水白烚後落鑊加汁(四款汁，白汁、茄醬汁、肉醬汁…) 炒，唔好食藥饍魚 - 魚質感唔錯，藥饍湯底淡口燒牛肉 - 一般羊仔扒 - 無味介辣味三文魚 - 好味但滯口印式咖哩鷄、羊、蝦 - 好味印式薄脆 - 雖然唔及即製香脆，但仍脆口，好味印式香味飯 – 唔係用印度米，味道適中燒味 - 賣相唔得，無試蒸魚- 無試湯粉麵 - 只有河粉同油麵，一般還有其他菜、肉熱盤…甜品:各類蛋糕 - 味道一般小pan cake - 味道適中，雲尼拿汁好味但好稀雪糕 - Tiramisu好味生果 - 味道適中咖啡 - 咖啡、Latte、Cappuccino都唔錯檸蜜 - 唔錯整體食物一般，唔會再試第二次。

今日放假, 上網搜尋到 L'Eclipse 做緊推廣, 只要自己的英文姓名中有任何字母與其餐廳名其中相同則全枱人士都有75折, 於是打去訂枱. 中午入到餐廳,打算去搜食...呢個時候, 侍應哥哥放低過膠咭片並說可以憑咭去揀魚去蒸! ---???攞放食物地方唔大, 但真係可以揀未蒸的魚 --- 重有五種, 雖然係細條同只得半截..有即叫即做意大利粉,壽司魚生..樣樣有啲..折扣後一百七十幾,唔算平,但係尖沙咀....大家如果來到記得叫餐飲,因有幾好味的cookie伴碟

在「* * 男女」雜誌裏獲悉lunch Buffet 特別優惠: 身份証上名字的字母與L'Eclipse相同便有七五折, 由即日起至四月三＋日。座位與座位之間頗親蜜擺放食物的地方唔算大, 但是其實食物總類繁多冷盤海鮮沙律各具特色, 還有刺身壽司類, 不過我太撐而肚皮快破, 真吃不下 海鮮有熟蝦、藍青口、龍蝦仔、東風螺(完全無沙)、熟沙律汁八爪魚仔(好chewy) 沙律可自mix或厨師mix, 沙律汁好特別(果味又有, 醋味也有)太多種而試不完 沙律配料除了一般的芝士碎、麵包粒(蕃茄味)、olives外還有印式燒雞、炙燒吞拿魚、熟魷魚及燒大蝦(爽口彈牙) 冷盤有煙三文魚、煙爐魚、自製鴨肝醬、Pama ham、cold cut等每枱有張枱號咭, 是去Wet market叫蒸魚的, 即選即蒸。 魚有四款: 烏頭、黄立倉、鱸魚及 X (sorry, 忘了), 大家可選上身或下身(因為一早已一開二),蒸好後由侍應生奉上。 我要黄立倉, 不過蒸好的魚只淋上豉油及熟油, 再加幾粒葱花 魚自己好肥美, 每用筷子篤一篤都會標魚油, 但是總覺得還欠些什麽???? 好像沒有上酒樓吃蒸魚的那

一個字! "正", 就係用嚟形容呢間自助餐的最佳方法友人曾經話呢度食物水準好高, 食buffet 不妨來eclipse 啦, 於是就同女伴一起來吃, 每位$410 左右, 如果id卡上的名字有佢地個英文名其中一個英文字的話, 仲有discount講番食物, 種類好多, 一入門右手邊已經有個大大個的海鮮凍柜, 入面有龍蝦, 琵琶蝦, 青口, 蟹甘, 係多到你無可能食得哂的... 刺身柜入面則有甜蝦, 吞拿, 三文, 又係多到你唔會驚無得食, 只會驚點食得哂..中湯有標榜米之蓮二星中菜部煲的猴頸菇湯, 高水準! 熱葷多不勝數, 好好食除了自己揀的, 仲每人有兩道main course, 我就揀左燕窩燉旦同花膠翅, 一個感覺就係食得好grand, 一定唔會失望lu

新年快到了.. 一家人吃團年飯是不少得的.. 一共二十多人.. 擺脫傳統的中式晚餐.. 提早吃個自助午餐也是很好的.. 不用人多濟迫!我們還是第一次來到這酒店的西式自助餐.. 吸引之處是午餐也有生蠔供應..更有長者優惠.. 和只要身份證上英文名字有一個字母是和餐廳名字一樣的.. 便可有七折!食物款式雖然不是太多.. 但想吃的都有提供.. 當然少不了冷盤的生蠔.. 不是即開的.. 也沒有說明是那裡的蠔.. 味道一般.. 算是新鮮..還有凍蝦.. 琵琶蝦龍蝦仔.. 螺仔.. 蜆仔.. 沙律.. 魚生刺身壽司等等.. 煙三文魚是即切的..熱湯有中式西洋菜湯.. 亦有西式的蕃茄海鮮湯.. 味道不錯.. 熱盤沒有即切的牛仔肉.. 只有豬腿.. 少量雞.. 炒飯.. 還有印度特色的烤餅和咖哩..即叫即煮的有自選材料生滾粥.. 湯粉麵.. 更有蒸魚呢.. 全都是取了牌仔就會有人送到你面前..甜品款式一般.. 沒有特別.. 味道亦一樣!整體來說是一般.. 但這個價錢還要求什麼呢?! 食物潔淨.. 還境舒適.. 經已足夠!

I write to give some commets on the buffet dinner to the L'Eclipse restaurant.Cold dishes include lobsters, oysters, prawns, sashimi.....If you're not keen on those cold dishes, you may find the choices of food are limited.But I really appreciate the sincere services of the managers, chefs and the staffs, especially they do care the oppinions from the customers.My husband had made a comment on the quality of the roast beef last time. This time, it has improved a lot. Not only on the quality but

上網睇過同人地介紹過話呢間buffet唔差,諗住去慶祝christmas食餐buffet...點知去到都冇咩野食....話每人送2個特色食物...個鮑魚都唔好食...係個布甸好d!d 甜品又小款....very disappounted!!!!唔會再黎食!!

好想試依間buffet 好耐﹐終於得起心肝訂位﹗7點正到達已經好多人。原來依度除左buffet 外﹐重有兩個主菜送﹐有鮑魚﹐和牛﹐海膽大蝦﹐同燕窩蛋白布甸選擇。海鮮有龍蝦2 種﹐小龍蝦﹐青口﹐蠔2種﹐螺﹐蟹。。。。d 蠔夠新鮮 ,龍蝦一般﹐其他痲麻。Salad 吧好正但未必個個識欣賞﹐畢竟自助餐既focus 唔係依度。有個chef 會係度幫你mix 的 salad, 好premium 同埋d 漿mix 得好均混﹐種類都好多。煎鵝肝係任食既﹐一般喇﹐唔係精品﹐過下口癮就夠。日本sushi 都係﹐係個秋刀魚有d surprise, 其他唔好浪費quota。有兩個特別位要試下﹐1) 有即炸天婦羅﹐好食﹐d 油又唔萬年﹐如果多d 野揀就好 2) pancake 機﹐可能我孤陋寡聞﹐我未見過﹐覺得好得意。重幾好食。。。。哈哈﹐開心左﹗計埋promotion 唔洗$400 一位﹐我覺得值得一試既。