Lobster Une (已搬遷) 新店位置

如果你想好好獎勵自己食得開心d，真心諗清楚依間野。。。脷申，全程嬲到唔記得影相，sry。中午同fd諗住去chill下又見到個2人龍蝦包餐（$368）試下。入去坐落其實都怪怪地，覺得d音樂好大聲同fitfit聲（應該係音響太差）。個侍應係咁sell個龍蝦包同大蝦（頭盤），咁未食過咪試下。個大蝦上到黎同個fd呆左，成隻碟得3粒蝦，0伴碟，食落去成口雪藏味+7味粉。龍蝦包仲驚，佢係由一個五穀包界開，裡面有推菜做底上面放龍蝦肉，d龍蝦肉加埋應該得2隻手指咁多，仲要個調味同d蝦一樣？！最搞笑係個伴碟，你是但俾堆菜我都算，你hea到係百佳果隻黑松露薯片做伴碟？成個主菜係一個五穀包加十幾片薯片。我個女仔fd食完都唔飽。。。甜品無懸念係唱k完左果粒泡芙～埋單加埋一$400…成餐我到超市自己砌$80有找

最近西貢市場街開咗新店，店員落力推介，即管試一試。入店時只得我們一枱客人，所以服務、上菜都挺快。龍蝦湯 108鮮甜、新鮮，但唔夠濃郁，唔似平時加左忌廉個種。同埋用呢個杯裝湯有點怪怪的感覺。炸龍蝦卷配芒果莎莎 148唔錯喔！喜歡特別調製嘅莎莎醬，同炸蝦卷好夾。白酒紐西蘭青口 208 超級大隻青口，啖啖鮮味在口中，慢煮西冷牛扒 388牛扒肉味濃厚肉嫩，有少少肥，喜歡旁邊新鮮的小配菜。埋單發覺星期一至四有晚85折，即刻覺得抵左。

好久沒有同老婆撐枱腳，我的愛人喜歡食牛扒，海洋就帶她一起去西貢食西式海鮮牛扒大餐。店內裝修充滿濃厚聖誕氣氛，令人心情愉快。是日海鮮龍蝦🦞非常大隻、青口好 鮮美味，但青口份量少一點。龍蝦意粉好creamy 有香濃嘅芝士味意粉爽口彈牙質素唔錯好好味。慢煮西冷牛扒，我要五成熟，肉質鮮嫩很豐富，入口即溶配上醬汁牛扒味十足超級好食。甜品蛋糕，🍰 太細小。如果大件小小就好。😻整體價錢適中，食物適合👌🏼👌🏼👌🏼

西貢地方細細，餐廳就有好多，所以伏嘢都唔少，今日同大家介紹下呢間Lobster Une。Weekdays夜晚，唔少喺西貢嘅餐廳大約七點就會閂舖，嗰晚行陣一round，決定試下呢間開咗無耐嘅餐廳。餐廳以龍蝦命名，又聲稱自己係seafood specialist主打食海鮮，咁都諗住入去試試海鮮。其實店員都好用心推介菜式，咁跟佢講叫咗個「白酒煮鑽石蜆」以及一個鹹豬手，點知落咗單話鹹豬手賣哂，唔緊要，我轉食「法式經典油封鴨腿」。先講「白酒煮鑽石蜆」，$238一碟有十隻左右，覺得有啲貴，不過如果好食就無咩所謂，但結果食落係好鹹，我都分唔到係海水鹹味定係乜，鹹到我係咁飲水，除咗鹹味我都食唔到其他味道，而且部分蜆處理得唔好，仲有沙，如果二百蚊食一碟咁嘅蜆，我真係覺得嘥錢。至於油封鴨腿都係$238，但望落去似炸鴨腿，完全唔似用溫油煮熟的鴨腿，見到都感到失望，食落去亦一如所料，好乾！至於醬汁，店家將提子味的汁整成小珠，配埋個鴨食係ok嘅，至於配菜的蕃茄，就咁一粒放喺度，無處理過，我諗起如果呢碟放喺Gordon Ramsay面前，唔知佢會有咩反應，哈哈。蒜香帶子意粉，$168，一粒疑似煎過，另外兩粒就吉列

我個人推介龍蝦湯，主菜香辣德國鹹豬手和法式橄欖油風油鴨，及火焰雙層芝士龍蝦薄餅。店舖地方不大，而且店長態度親和，喜歡親民色的食客一定不會抗拒。今晚人均消費幾百蚊物有所值。龍蝦湯香濃味道不錯，👍 第二道菜出場香辣德國鹹豬手，眼看似平平無奇，入口非常惹味和肉感值得推介。到主角出場發覺橄欖油風油鴨，口感不油，鴨肉適中，恰到好處。和火焰龍蝦雙層芝士薄餅濃濃芝士再配龍蝦肉簡直是絕配。味道滿足感真是難以形容。我覺得這間餐廳價錢適中值得encore。

平安夜一行四人, 叫了慢煮牛扒，肉味濃厚；all day breakfast $188, 比起一般貴，但美味 ;  帶子意粉夠新鮮意粉硬度適中，我個人較喜歡；龍蝦沙律用新鮮龍蝦拆肉伴有機疏菜，朋友話好味！法國藍青口鮮甜肉嫩！又約好朋友除夕夜再去!!! 

去食晚飯,等左9個字左右先至飲/食得湯、生蠔🥱意粉同飯細碟到不可形容😵‍💫雞第一次上係生的😵個牛排就有D太生,又en😪個服務員塊面黑到要漂白,叫佢加水好似求佢咁🤢話幫我加水轉個頭又去左沖花茶(for來party D frd)👎🏻買單個牛二千幾蚊,碗湯$80-110(1碗)😃有史以來第一次由唔肚餓食到肚餓🙄真心講句:老闆,你D價錢真係用良心定?完全唔值,食完就好似乜都冇食過咁樣肚餓得很🤧超級伏‼️經過記得避💡

餐廳的前身是我們常來光顧的。今次到來卻發覺換了新店，我們決定試一試。出菜超慢，由龍蝦湯到第一道菜（紐西蘭青口）等了一個半小時，沙律最後不知所踪。西班牙飯（見圖）不夠熱，味道一般，不值HK$388 。靑口HK$208，味道ok，不過只有五隻（雖然size大隻，見圖）。而服務態度⋯⋯ 唉⋯⋯唯有一位叔叔侍應態度很好，只有他替我們跟進食物，不過他大部份時間都不在。觀察到另一枱也有此情況，也是提早結帳離開。Boxing Day 的晚餐遇上如此情況，實在沮喪。很少寫食評，今次實在按捺不住。

今年的聖誕節到西貢一遊，行過見到這餐廳有小朋友喜歡吃的芝士火鍋（餐廳的Christmas Special), 便選了這餐廳同家人慶祝聖誕節。龍蝦湯還可以，不會給蕃茄味蓋過，但龍蝦味再濃一點較好。餐牌上白酒大蜆餐廳選了鑽石蜆，再加上overcook 了，蜆沒有鮮味而韌（相信是雪藏食物）。一家人本想吃完芝士火鍋後才再點其他食物。結果吃完Loster Bisque 同Appetizers 後在餐廳坐了一個小時才上菜。芝士火鍋只用了一個細小的香薰蠟燭，芝士只有微溫，放進麵包入口也是冷的，莫說其他的腸仔蔬果。坐在餐廳呆等多時，我們最後匆匆吃完芝士火鍋，未飽已經不再想叫另外的食物，埋單付了過$1240。這間小店的服務亦要改善，全程女侍應黑面恢氣回應客人。聖誕佳節，客人開心進來，失望而回。餐牌這個價錢的餐廳在西貢有很多選擇，不會推薦這間餐廳。

適逢結婚周年紀念💍同老公去咗朋友推介喺西貢嘅西餐廳🍴呢間係食西式海鮮嘅西餐廳🥰不過老公想嗌小食配酒飲🥂所以我哋叫左一個炸物拼盤裡面有軟殼蟹，炸帶子同鹹蛋黃蝦🍤軟殼蟹有膏架～仲好creamy炸帶子就一般啦不過個鹹蛋黃蝦真係好惹味😋我哋仲嗌左一慢煮西冷牛扒🥩聽老闆娘講係prime level我叫咗五成熟✨有肉味仲好juice啱晒我老公呢啲食肉獸😍下次再去一定會再嗌個牛扒😚服務員態度都好好呀👍🏻✨

同男朋友一週年紀念日去食西貢人推介呢間新開冇耐嘅西餐廳🍴店員好nice☺️聽講係性價比高嘅餐廳所以趁著週年紀念就去試吓、聽老闆娘講有原來星期五有飛機到嘅藍青口夾冧酒一齊煮所以就嗌左，點知出至黎又冇令我失望，好似係寶石嘅藍殼裝住鮮甜嘅肉，個汁好惹味，每粒青口又鮮甜好味。個汁用黎沾麵包吃都很正😋好耐未食過咁高質嘅青口，我好滿意甚至我男朋友咁嘴刁都覺得好味👍🏻另外我仲嗌左個德國豬手佢同出面嘅豬手🙂外層誘人,肉質軟腍入味，咸味同香味都好好配合埋個麻辣醬好香，將豬手同麻辣醬一齊食好夾，值得推介。同個度啲環境播著音樂其實都幾有feel架，如果女仔要去打卡一流👍🏻

今日行過呢間餐廳，見個叔叔店員親切而努力咁推銷午餐，就諗住試吓啦。入咗去諗住叫午餐牌上嘅海膽卡邦尼意粉，落單，點知過咗一陣，佢話海膽昨晚賣晒，所以無。我心諗昨晚賣晒，點解個手寫黑板餐牌上仲有？而個推銷侍應又唔知？真離奇！好啦，咁唯有試吓佢哋好落力推介嘅龍蝦包餐！點知來到個包細到呢，啲龍蝦又唔多，碎濕濕咁，無啖啖肉嘅感覺，而且除咗兩三片菜，再無其他配料，味道又清淡，同我之前係其他專食龍蝦包嘅鋪頭比，差幾條街。我食完，好似冇食過嘢咁，而且配菜係現成薯片！喂，你俾炸薯條或焗薯填飽個客嘅肚都好啩，起碼食飽啲無咁火。好啦，出甜品，睇個樣係現成泡芙，加幾粒水泡形狀嘅彩色Cereal！哇！呢個係減肥餐呀？成200蚊，食啲咁嘢，真係好昆水！食完，個阿叔好親切埋來問意見，我就費事直講，只係講ok ，不過清淡咗啲，點知佢聽到唔係預期嘅讚賞，就只係講咗個「好」，就行咗去，同頭先推銷我入來完全兩個樣！咁都得？最後我走，連拜拜都無講。我本來諗住唔啱口味又唔夠飽，當自己唔啱食，但見到咁，真係忍唔到，要上來報告俾大家知。你哋幫唔幫襯，自己諗。

俾佢門面呃到入去，極其後悔。睇左社交平台 d 咩群組話有驚喜，諗住可以一試，真係好驚。。。食佢set lunch, 招呼入去講到好正，沙律係有機，龍蝦係澳洲，跟餐飲甜品，order 左黑松露pizza 和 軟殼蟹意粉..1) 本來係叫龍蝦pizza . 因為佢系統有問題加上餐牌係新，搞錯來了黑松露pizza, 一放低。六吋pizza 同我去麵包店買嘅冇分別，皮厚唔均勻，芝士係最平唔香唔拉絲果種，黑松露放響正中間唔夠五咁大，最慘係唔熱！2) 軟殼蟹意粉，隻蟹只有油味，意粉係冇味，伴住最有感覺嘅係後加入去嘅香草。3) 杯黑咖啡係最敗筆，用茶記裝水嘅玻璃杯加咖啡粉和熱水，放入微波爐叮出來咁，果支鐵匙羹浸住響杯拎上枱，連墊杯嘅碟都冇個，味道係極似雀巢！4) 甜品係一粒朱古力味"旺旺"泡芺，入面唔夠凍，出面開始濕果種，伴住幾粒穀物早餐野，用左個杯碟送上！埋單呢個餐$98 加一！

第一次到西貢吃西餐，試吓新餐廳，店員親切友善，主動介紹食物。蘑菇湯香滑帶胡椒辣香，香草大蜆，好新鮮又大隻，下次應該點個法包點埋個汁，好正。龍蝦西班牙燴飯，龍蝦已起肉，啖啖肉，飯軟硬適中。等候慢煮西冷牛扒期間，主動送上花生小吃，細心溫暖。牛扒入口即溶，味道香濃，配菜也見心思，下次要試埋西班牙豬鞍😋兩杯Mocktail又靚又好味，酸酸甜甜。經OpenRice 訂枱還送甜品拼盤，羌糖真係無介紹錯舒服又滿足的一餐。

放假到西貢行吓食下野，見有新餐廳開試下，同女朋友拍拖見環境氣氛好靚好特別試左龍蝦包餐，有驚喜，龍蝦好新鮮，聽果道D員工講系日日新鮮生拆，吾錯個五殼包外脆內鬆，個套餐可選二个包，二個小食，行入去比个龍蝦包吸引但本人覺得蟹肉包更好個咖哩好香，本來唸住揸車吾飲酒，忍吾住試左一杯生啤，女朋友試左杯Cocktail,.飲品選擇都算多，女朋友亦好like果道環境我幫佢影左好多相，聽D員工講晚市有好多入口海鮮而且餐廳主打龍蝦，所以book左下星期同屋企人試下dinner ，再睇下有冇驚喜。