M3 Italian (已結業)

同朋友黎食飯，見新開左間意大利餐廳，諗住飲返杯酒，呢到都有幾多選擇我最尾揀左kwak，上既容器好得意佢雖然濃度比一般啤酒多，但好易入口，有焦糖香同好重麥味我地仲叫左個pizza，個pie底好薄好脆，送酒一流 👍🏾叫多左個主菜，揀左個牛，叫左5成熟，唔會過熟，味道唔錯另外值得一讚就係佢地服務好好，有一位曲頭髮既女侍應，佢成日keep住幫我地refill水，非常細心同好有禮貌，令我地有好好既用餐體驗

係沙田圍有好多野食，但西餐選擇就唔多，之前經過大圍見到M3已經bookmark定下次要試，今日咁岩係沙田圍見到佢既分店，就擇日不如撞日，去試下佢一去到見到佢地既紅白格子枱布，已經好有傳統意大利餐廳既感覺我地兩個人叫左一個沙律，一個pizza同一個牛柳跟set 呢個包係香草包，就算唔點野都好香另外個湯係蕃茄湯，一開頭仲諗住係龍蝦湯，酸酸甜甜好開胃煙三文魚沙律野菌PIZZA牛柳配薯仔蘆筍最希出望外竟然係個甜品😍😍😍👍佢有得揀梳乎厘！而且佢焗得岩岩好，一上黎好靚仔，入口又即溶，為呢一餐畫上完美既句號❤️

雖然過咗母親節已經有個幾星期,但係一有時間都希望可以帶媽媽去食吓好嘢,呢間係喺樓下附近嘅一間意大利餐廳有時都會見到人哋喺度排隊所以今日都想試吓。佢嘅餐包都幾熱辣辣，同埋算係軟熟。餐廳嘅佈置係主要用紅白色格仔餐布，同埋黑色嘅外牆，都幾襯意大利嘅風格同埋格調都算係幾浪漫。佢嘅紅莓汁酸酸甜甜我個人覺得幾推介，非常適合食一啲油膩嘅肉類叫左一個煙肉焗青口，佢嘅青口非常之大粒而且好鮮甜跟埋佢嘅煙肉絲，鹹鹹地而且夾埋青口食更加突出青口嘅海鮮鮮甜。成晚我同媽媽最難忘最推介嘅就係呢一個西班牙燒乳豬配薯蓉同埋紅椰菜，與豬肉非常之嫩，滑身同埋佢嘅油脂加埋個醬食令成個口感更加juicy另外都叫咗呢一個法國油封鴨腿配茴香香橙沙律，鴨腿個人來講都算偏鹹咗少少但係配埋佢嘅香橙沙律就啱啱好平衡返。都幾特別總括來講我個人認為佢嘅乳豬真係非常值得一試如果大家有機會經過嘅話！

3個麻甩即興去咗我屋企樓下間M3食個西餐見咁多海鮮野好想開返枝白酒但朋友要揸車就佢無開酒飲無酒飲本身有d不是味兒不過d野食又真係有質素，甚至有d驚喜，又開心返首先黎個 香辣蒜片啤酒煮蜆 ，個個都鍾意食辣，e個真係好夠辣，食西餐好少可以辣得咁過癮，而個啤酒汁就可以吊起蜆嘅鮮味，d汁簡直可以當湯飲，甘甘地得來又有海鮮味又有辛辣味，刺激到呢，有 last tasting 添啊！然後係 西班牙燒乳豬配薯蓉及紅椰菜 ，乳豬皮好夠脆，肉滑，又有肉汁，正！3個男人食肉獸，鬥快，幾下清夾曬成碟扒係必嗌～e個係 焗安格斯肉眼扒配蘆筍苗·焗蒜頭及長薯仔（9安士），出到去食西餐，多數都點Angus 架啦～感覺上穩陣d，都食慣食熟，e個5成熟就絕對有水準啦，夠juicy，我地e d食家咬落就知新鮮～叫咗個 Pizza~ 帕爾瑪火腿火箭菜薄餅，叫咗e個就唔洗單獨叫 Parma Han~（諗縮數），一樣都係出面食慣食熟，e個夠脆夠新鮮焗阿拉斯加長腳蟹意大利飯～我地無海鮮不歡，e個蟹啖啖頭，d飯煙煙韌韌咁，個汁焗得好入味，茄味好香，又係鬥快食曬～最尾黎個 巴伐洛娃蛋白餅 埋尾，本身以為係 cream 多過料，一黎到

經朋友介紹去黎到沙田呢間隱蔽意大利風嘅餐廳，這裡地方雖然不算大，但尚算寬敞坐得很舒服。另外每枱都有附上一樽橄欖油和黑醋，客人坐低就收一份暖暖嘅餐包配送。睇到餐牌感覺食物相片吸引價錢合理，期待一下今天晚餐黑松露野菌燒帶子意大利粉，黑松露味道未能帶出，帶子微微燒兩面味道鮮甜清新可口，其肉厚多汁、意粉爽口彈牙，可是橄欖油落多咗，令整體失色帕爾馬火腿火箭菜薄餅，pizza 㡳薄薄以為好易碎，拎上手非但不會仲好香好脆口，Parma ham肉嫩,色澤透亮既鹹香冇羶味，加埋最頂既香濃火箭菜好fresh冇肥膩感覺，配以濃濃既芝士及醬料等，清新美味芝士煙肉焗半殼青口,青口都幾大隻，肉質肥美厚身，感覺好新鮮，芝士味道好香，配上煙肉既咸香，味道惹味濃郁最後真係意想不到沙田有一間有質素嘅餐廳，整體地點環境及食物都算吾錯，可媲美一些高級意大利餐廳。連冷氣機都有擋風唔會直接吹到客人。呢餐不用＄350已經食到超水準的一餐。真心誠意推介

今天是寶貝的生日，訂不及合心意的蛋糕，便去了一家比較多甜品的西餐廳聞說這裡的甜品款式多且好看，一坐下便搶先看看菜單上甜品那頁，還沒點正餐，便偷偷點了個 巴伐洛娃蛋白餅 ，寶貝不介意先吃甜品，便先上菜，這個表面的水果很多，很豐盛的樣子，水果款式很多樣，每顆也很新鮮，尤其藍莓，吃著吃著有很幸福的感覺。還未吃咸的東西，便先來個 炸辣味薯角 熱熱身吧～吃起來馬鈴薯味很重，外面脆薄辣辣的，又不會辣得過火，剛剛好，激活了食慾。 寶貝愛吃海鮮，也離不開辣和美酒，來了個 香辣蒜片啤酒煮蜆 ，這辣辣的，也帶著濃濃的啤酒香，把湯也喝光了還是第一次，辣蜆吃得多，這真是真材實料不馬虎啊。點了個 焗阿拉斯加長腳蟹意大利飯，味道鮮鮮甜甜的，米飯顆顆分明，Q彈有口感，飯質不軟，但有了醬汁的中和，吃起來剛剛好，鮮味、有飽足感。然後是 帕爾瑪火腿火箭菜薄餅 ，火箭菜的份量很多，寶貝很開心，最驚喜的是每一件也有一兩片甜甜的蜜桃，口感豐富。接著是 焗安格斯肉眼扒配蘆筍苗·焗蒜頭及長薯仔（9安士） ，蒜頭烤得軟軟的，很惹味，5成熟的牛扒，切起來已經感受到肉汁很多，蘆筍苗很新鮮青綠，整碟菜式的配料異常的配，好吃啊！

今日(12-5-2017 Fri)又維修,今次唔去第一城,睇吓呢邊有咩食,睇到呢間好似好吸引咁,一於試呢間.由於我比正常lunch time早啲到o黎,所以唔使等位,坐低後睇完menu,就決定要$65.00o既烤美國雞扒配秋葵,車厘茄&洋蔥汁,另可配意粉/飯.蘑菇薯蓉,我揀意粉,另加$6.00要餐湯,係洋蔥湯.冇耐,洋蔥湯同麵包到o黎,洋蔥湯黑漆漆,飲落味道好濃同熱騰騰,配件接近冇味o既法包就好合適.等o左一陣,烤美國雞扒配秋葵,車厘茄&洋蔥汁意粉到o黎,眼見件雞扒幾大件,但有黑椒粒,死o勒,會唔會好辣?食落,好彩唔係好辣,雞扒唔單止大件,重要幾厚,皮煎到好脆,內裡仍鬆軟,洋蔥汁同洋蔥湯係同一樣o野;而意粉就用橄欖油煮,軟硬適中.最後餐茶要熱奶茶,我冇加糖飲,味道淡o左少少,但比較均勻.服務:超好,俾我坐最角落o既二人枱,女侍應見我拎住一個袋,重主動幫我放o係對面張凳o度.食o左幾啖o野後,就主動問我叫唔叫餐飲.會主動收o野,但都會問客人可唔可以收.到剩返杯餐飲後,一個女侍應好有禮貌咁問我重會唔會坐好耐?因為有一個客等o左好耐,如果坐得唔耐,佢就先幫o個個客落單.我答唔耐,亦好快埋單,

同小胖男友間中都會走去河畔花園一帶搵野食 因為中西意日樣樣有齊今次就轉下口味 試下呢間叫M3既意大利菜order左既菜式未到 餐廳先為我地送上熱滕滕既自家制餐包小小既餐包充滿香濃既小麥味 非常好味 配上紅白格仔既餐枱布 好田園風呢跟住黎既香草烤雞凱撒沙律 用木盤子裝住 賣相討好 份量仲好多香草烤雞皮脆肉嫩除左有一隻半熟溫泉蛋 沙律上更舖滿芝士 味道清新 延續田園風味除左沙律 另外點左一客芝士煙肉焗青口煙肉碎焗到脆卜卜 配上芝士既青口味道非常好前兩度菜已經好"芝"味 但愛吃既芝士我地又點會俾佢停 再接再厲點多一個四式芝士Pizza睇下d拉絲!!!好cheese呀~~~~芝士creamy軟滑 餅底夠薄同脆,食落唔會好飽膩"芝"味無窮由於碟碟食物都好足份量 最後黎到既卡邦尼意粉 已經唔係好食得落 投晒降了配埋杯開胃既Berries Blossom同濃郁幼滑既Chocolate factory 是夜晚餐非常完滿

之前入去沙田行街，順便就搵吓附近有乜嘢食啦，商場啲餐廳都好多人，所以就上open rice搵左呢間遠少少嘅意大利餐廳由於一早訂咗嘅關係所以唔駛等好耐但當日係全場爆滿嘅。入到去個氣氛同格調有種親密嘅感覺，好friendly 食物方面有好多幾特別嘅菜式，首先店員都送上餐湯同麵包，之後嚟咗個M3沙律，賣相佈置得非常好睇，除左沙律菜之外仲加左羊奶芝士食落酸酸地好特別，加上有ham同煙三文魚等，好抵食而主菜方面我叫左呢個四重芝士pizza，呢款Pizza係出邊唔算常見，皮薄餡靚落咗四種唔同嘅芝士，食落去啖啖都充滿着芝士嘅香味。至於另一個主菜就係餐廳特別推介嘅西班牙乳豬配薯蓉佢用咗西式煮法黎整呢個乳豬，同樣都係好脆好好味，食落去仲有一份特別嘅香味添，值得一試。最後就用朱古力心太軟黎結束今次嘅意大利餐之旅總括嚟講呢間餐廳水準絕對唔錯，雖然位置比較遠，但係好適合一班朋友黎食

M3呢間野真係遠，不過因為朋友話好好味，係都要同我去踏單車之後晚上去食少少野。粗薯條係朋友鍾意食，佢日日都買起碼一包薯條，今次呢個都滿足到佢，好有薯味，仲有少少薯皮好似，好熱辣辣，有一兜茄汁可以狂點。另外都食左青口，好有忌廉味。好濃既香味同埋都好夠熱力，新鮮度都可以啦，咬口有少少。數量好豐富，有D法國包配搭，可以點汁食比較有味道！心太軟配雪糕(芒果味)心太軟個流心都甜，唔係苦既，流心都好熱又好杰，個外餅皮都好鬆化係甜甜地既蛋糕味。雪糕今次配芒果味，又滑又軟藍莓奶凍係另一個甜品，有好多粒藍莓在上面夠哂補眼，奶凍奶味唔會太濃，甜甜地食完都好滿足，唔知要做返幾多運動來ko卡路里呢？

今日本來約好食生蠔， 但有D唔舒服，唔想食生冷嘢。 最後去左M3 Italian食西餐。一入到去， 見到紅色檯布 ， 昏暗的燈光， 但又無高級西餐廳個種拘緊，食西餐就係要講情調 ， 未開始食已經加曬分。點完野Waiter 第一時間已經送上熱辣辣嘅麵包同蘑菇湯。麵包配檯上嘅Olive Oil同Vinegar，真係好正。至於蘑菇湯， 應該係用攪拌機打成漿再煮而成，好香濃， 又有陣陣蘑菇香味同埋每淡都食到蘑菇茸。飲得七七八八，香辣蒜片啤酒煮蜆就上檯啦。 D蒜片同埋小小的辣味可以吊到蜆的鮮味而且無沙，令我食唔停口。再黎就係，黑松露野菌燒帶子意粉，本身我都好怕炒意粉，怕好乾同埋陣陣油味。不過，這個意粉就唔會有依個問題。 帶子好爽口。意粉本身個Texture爽口煙韌，加上濃郁的黑松露味，令我地食唔停口。食完兩個餐後，就到意式炸雞翼。遠睇以外好細隻，最後發現唔係，係廚師好有心思， 將雞翼切開一半。唔好唔記得，我地去食西餐， 唔通擺隻翼入口吮咩。 個雞翼好香脆， 但又保留到肉汁。最後上嘅係巴拿馬火腿火箭菜薄餅， 講真， 之前D野食大大碟， 其實我都飽左7 成。但係個薄餅一擺入口， 又有一種好Fresh

是日去沙田河畔花園探好姐妹剛滿月嘅bb玩完人哋個b之後幾位媽咪、準媽咪、準人妻就去咗附近一間意大利餐廳《M3》食個 Girl’ s dinner呢間意大利餐廳裝修好有懷舊風格紅色嘅格仔枱布 令人彷如置身意大利嘅小鎮一坐低 就有熱辣辣嘅餐包呢個香草餐包 摸上手暖笠笠點埋橄欖油 同黑醋 令人非常開胃【餐湯】煙肉青豆湯 由於加入咗煙肉 聞落有煙燻氣息千祈唔好以為青豆一定好恐怖皆因青豆打成蓉後 加入咗煙肉同蒜頭味道一點都唔「青」 反而有點薯仔湯口感【前菜】香辣蒜片啤酒煮蜆$148 好姊妹話呢個啤酒煮蜆 佢每次嚟都必定會點蜆肉除咗脹卜卜 最緊要係吐好沙啤酒加上蒜片 味道極惹味鍾意食芫茜嘅朋友 一定唔好錯過呢個配料因為每根芫茜都將湯汁吸收 相當好味【主菜】法國鵝肝雲吞配番茄醬$158初時以為只係平平無奇嘅意大利雲吞 上面鋪有蕃茄醬 同青芽菜點知一咬下 鵝肝嘅香氣湧現 芳香撲鼻番茄醬用上鮮茄同羅勒葉烹調鵝肝同茄醬係新鮮嘅配搭蕃茄醬嘅酸甜中和咗鵝肝嘅油膩感意想不到嘅匹配 成為我哋各人嘅搶手貨【甜品】蛋黃慕絲配白酒雜莓啫喱紅桑子汁蛋黃mouse口感軟滑而白酒雜莓啫喱就有微微嘅酒香由於裏面有嘅雜莓果肉 食

一嗌完嘢食侍應就放低麵包，麵包烘得微微溫暖，本身已經充滿住香草嘅香味，再點少少油醋汁，簡直想再食多一個啊。黑松露忌廉湯充滿著黑松露嘅香味，唔知係咪用咗好多忌廉打成嘅關係，口感特別細滑，上面嗰塊麵包經過特別嘅調味，成為一個好好嘅點綴。香辣蒜片啤酒煮蜆，啲蜆隻隻都新鮮飽滿，喺香濃嘅蒜味底下隱隱咁樣滲出啤酒嘅香味，個味道夾得好好。法國鴨肝雲吞配蕃茄醬，意大利雲吞就食得多，但係用鴨肝做餡嘅都係第一次，平時食嗰啲意大利雲吞個餡料通常都無乜味，主要都係靠個蕃茄汁，有啲仲好似係食緊番茄汁嘅雲吞皮咁添，呢個鴨肝雲吞令我顛覆咗對意大利雲吞嘅感覺，只要你一咬開個內餡，啲鴨肝味就會即刻充斥著你成個口腔，再加上面頭蕃茄醬裏面嘅黑松露呢一個神來之筆，黑松露味，鴨肝味同蕃茄味喺口腔入面混和嘅感覺，真係有今生無來世。烤安格斯肉眼扒配蘆筍苗焗蒜頭及長薯仔，肉眼扒肉味香濃，廚師將兩邊煎得香脆，肉汁被緊緊鎖住，蘆筍苗倍添鮮嫩，並沒有平時近根部所有嘅渣宰，焗蒜頭若然再焦脆多一啲相信會更加好。

好耐都冇去過沙田到食飯啊，因為今次去沙田度行街同埋睇戲順便就去附近睇吓有乜嘢餐廳好食，網上面見到有人介紹呢一間意大利餐廳，外表睇落好有情調而且個樣都幾可靠，所以就入咗去試啦。餐廳門口一去到都企滿左人，我哋等咗大概15分鐘到先有位，餐廳入面都佈置得幾浪漫，唯一唔好嘅就係餐廳有啲嘈同埋有啲多人。傾計嘅話就會冇咁舒服，但係食物嘅質素都令我喜出望外。我哋叫咗一個沙律做頭盤，主菜叫咗燒乳豬同埋意大利薄餅，沙律嘅材料超級豐富有煙三文魚麵包糠好多款唔同嘅沙律菜同埋配左意大利醋，加埋一齊食非常之新鮮然之後仲有個燒乳豬，可能因為即燒嘅關係所以都要等得比較來大概都要等20分鐘左右，但係啱啱新鮮燒出嚟嘅乳豬外脆內院肉汁仲非常之juicy 然之後仲有芝士薄餅，千祈唔好睇小薄餅本身我個人都唔係好鍾意食薄餅，但係今日發覺原來係因為其他薄餅唔好食,但係正宗嘅意大利薄餅係真係唔同架，薄餅嗰邊非常之趣脆，而且個餅底唔會好後厚，食落去唔會食薄餅皮食到好飽好飽,PIZZA真係一定要叫，真係大讚!跟住之後我哋仲叫咗個心太軟做甜品，心太軟就非常之好食啦火候搞得啱啱好，流心朱古力係我最愛

友人今日未放工，已經約我到沙田圍食意大利菜，仲話唔好食佢出晒錢。白酒忌廉汁煮青口（$158）：用上鮮忌廉加上香草再加上白酒煮的青口，不但將青口的雪味完全棄掉，更因為用上白酒，所以拎到青口更加入味，加上青口非常爽口，唔會太硬，絕對係要一食的前菜。保雲酥焗羊架（$258）起初都會擔心羊架會好大陣羊味，但係食落一點羊的騷味都冇，原因就係用上大量香草，拎到羊架不但入口有著香草味，更加令到羊味突出，加上用上烤爐製作，所以食落唔會太勒，絕對係必食的主菜。菠蘿汁（$38）：用上新鮮菠蘿所打造出來的果汁，不但鮮甜，而且有大量的菠蘿肉，所以口感非常特別，入口青新。這裡不但價錢合理，而且食物有質素，係沙田朋友聚腳之地。