M3 Italian (已結業)

一直都覺得沙田圍都係無咩餐廳住宅比較多今次朋友帶左我黎呢間西餐廳一試就愛上丫首先一坐低侍應就放低左兩個熱辣辣既餐包枱面上仲有黑醋同橄欖油提供其實食餐包唔一定要落牛油餐包點些少黑醋同橄欖油真係好夾同埋酸酸地會令到你好開胃主菜我點左羊架配薯蓉薯蓉係羊架下面咁樣除左令到成份羊架擺碟美觀左之外羊架既汁亦都落晒薯蓉到我點左6成熟既羊架剛剛好、肉嫩而且肉汁味濃朋友點了帶子意粉、我也吃了些少發覺他們海鮮用料都不錯下次黎食真係要試下佢地既生蠔或其他海鮮類呢

今晚同朋友兩個人叫咗一個pizza，一個risotto同埋一份main course(+$70跟set，有餐湯同自選甜品)，全部都好好食，真係飽到捧住個肚離開首先上嘅係餐湯同埋餐包，餐湯印象中係番茄忌廉湯，酸酸地幾開胃咁，而餐包上嘅時候仲係好暖，比平時係普通麵包舖買到嘅香好多，配黑醋同橄欖油食，不俗之後首先上嘅係Parma ham 火箭菜Pizza，同正宗嘅意大利Pizza一樣，薄而且脆，而每項配料嘅份量都恰到好處，眨吓眼六塊pizza就俾我哋消滅哂之後嚟嘅就係焗阿拉斯加長腳蟹意大利飯，有四條長腳蟹腳，一啲都唔吝嗇飯嘅軟硬度適中，整體味道都好好，同埋個飯上面都鋪左好多沙律菜，有啲菜食感覺健康啲，好似係而main course係西班牙燒乳豬配薯蓉及紅椰菜，乳豬個皮好脆，肉好嫩，分量好大但係食完唔會有好油膩嘅感覺，酸酸甜甜嘅紅椰菜係幕後功臣呢而配埋薯蓉個感覺好creamy，幾個人黎食既話叫呢個真係唔會有錯其實食到呢度我哋都已經飽到上心口咁滯，但係見到個甜品咁吸引，幾飽都要食埋佢甜品我哋揀咗pavlova，蛋白餅就好似棉花糖咁，入口即刻溶化，所以幾飽都食得哂，好彩當初我哋唔係揀心太軟嗰啲姐個

今次夜晚同女朋友行完沙田市中心之後，就喺附近搵下有咩好食嘅餐廳，見到呢間餐廳評價唔錯所以就過去試下啦佢嘅位置都幾方便，喺沙田圍站隔嚟行一陣就到。餐廳入面嘅範環境非常幽靜，服務水流亦一流，適合情侶約會首先嚟到嘅就係佢嘅餐湯， 賣相好好，蕃茄湯嘅微酸配上忌廉嘅濃厚，非常開胃跟住就係pizza， 皮薄餡靚，嗰邊焗好脆口， 味道就唔使講啦，parma ham加水蜜桃嘅組合幾時都係咁無敵仲有個 西班牙燒乳豬，塊皮燒得香脆，乳豬 肉加上一層薄薄嘅肥膏，食落口好似溶化咁，極度推薦呢道菜

餐廳無論位置或裝修，都看似平凡不過。但食物卻穩藏了廚師的細心及用心。偶爾及現該餐廳，位於馬鐵旁，雖然要步行十分鐘左右，但還可接受。去前已望了餐牌，已選好了菜式。可惜T字骨扒沒有了😣咁就改左我最愛既安格斯牛。牛扒煎到外脆內嫩。旁邊煎得脆脆的。入口滿滿是牛味。就是最喜歡安格斯牛只而要加$60便可跟餐，餐包括麵包、湯及甜品。其實很抵跟餐的龍蝦湯。味道不會太濃，但有淡淡龍蝦味麵包。不知是跟餐還是每枱都有。麵包是暖暖的，配上橄欖油+黑醋，也不錯。但我還是喜歡牛油配麵包較多忘了名字的雞翼。價錢不算貴。食落去有很香的檸檬葉香，很香很好食辣肉腸pizza 外邊很脆很足料，就是太足料，辣肉腸厚了點。但都好好食心太軟。跟餐包埋，但心太軟要加$10但其實好抵，所以識食一家要跟餐

同朋友去到沙田河畔花園附近的「M3 Italian」試吓意大利菜，好彩我哋比較夜少少去到，就唔使等位。首先坐低店員就攞咗三個餐包俾我哋，仲有三杯暖水俾我哋，非常體貼啊，另外啲餐包熱辣辣的，配以牛油夾入麵包中間一齊食，估唔到都幾正。我哋已經急不及待叫咗幾樣食物先，首先就係小食「炸雜錦三式」，小食比較香脆可口，我哋三個人都比較鍾意食雞翼，最特別嘅係雞翼切成一半，變咗單骨雞翼。薯角炸得好香脆，而且冇乜油，再點茄汁食，非常滋味啊。我另外個朋友比較鍾意食pizza，所以我哋選擇左「四式芝士薄餅」， 哈哈，因為佢係芝士迷，呢個Pizza包含咗四款唔同味道嘅芝士，而且餅底係薄批，所以食落去唔會太飽太「濟」，Pizza上面除咗有芝士，仲有番茄醬為主係Pizza旁邊，食落去有好濃郁嘅芝士同蕃茄味道，而且Pizza薄薄地食落去好脆口，好有質感，芝士Pizza迷必食之選。食咗啲煎炸嘢食，梗係要叫番杯嘢飲飲吓解下渴先，我就叫咗杯「紅莓汁」試吓，都係＄30一杯，我覺得幾抵。紅莓汁味道酸酸甜甜，除咗解渴之外，更可以開胃，醒胃之選。我哋比餐牌上嘅「黑松露野菌燒帶子意大利粉」圖片所吸引，見到意粉上面有好多配料，所以叫

同男朋友週年慶！！當然要食番餐浪漫大餐啦！！！之前就有聽朋友介紹過！！可以試下義大利菜好出名既M3！！趁呢個機會！！！點都要黎嘆下！！一看到這家店的門面！就覺得很有感覺！餐廳仲好貼心放了幾張凳子給客人侯位！！！平時一定好火爆！！好彩今日黎到算遲！錯過人山人海既場面！！打開餐牌！D野食價錢都好合理！！而且光是看照片就已經覺得很誘惑！！！出菜果下都很不可思議！圖文很符！！重點的重點來了！！重頭戲！！！M3海鮮拼盤大匯集！！！這個真的是精華！！濃縮！！！刺身！生蠔！超級肥美！！而且超級新鮮！！！特別係個生蠔！！力推！！超級無敵新鮮肥美！！！超級肉緊！！！跟住再推介這個芝士狂熱份子必須要點的！！四式芝士pizza！！！這個真的超正！！！芝士超級足量！！而且超級正宗濃郁！！而且它的底非常薄身！！！吃了好多塊都不會有膩了的感覺！！超級有口感！！這裡真的超適合情侶週年慶！！朋友聚會聊天！！小小店面！！卻有滿滿溫暖感！！好浪漫的一晚！！好滿足！！

喺沙田附近行吓街，晚餐諗緊去邊度食之際，見到近河畔花園有一間叫做「M3 Italian」嘅意大利餐廳，望入去都好多人食，所以我哋三個入去試吓先。入到去坐門口位置，見到餐牌上面都好多款食物選擇，由於太肚餓啦，即刻叫咗個小食「炸雜錦三式」試吓先。小食有三款，分別係酥炸大蝦、意式炸雞翼同埋薯角，而且仲配埋兩款醬汁，分別係茄汁同沙律醬。炸蝦望落去炸得好香口，而且好大條，點埋沙律醬非常美味。另外我都好欣賞炸雞翼，炸雞翼以單骨為主，容易放入口食，而且外皮香脆，肉質滑嫩，正！之後叫咗個「四式芝士薄餅」， 入面包含咗四款芝士材料，仲見到有啲番茄醬圍住薄餅，好足料嘅Pizza。Pizza分開有六份，足夠我哋三個人食，遠處都聞到好香芝士味道，而食落口啖啖芝士，芝士味道好濃郁，而且薄餅底有脆脆嘅口感，有軟有脆，可以享受不同的滋味。意粉方面見到餐牌上特別推介「黑松露野菌燒帶子意大利粉」，圖片嘅賣相非常吸引，所以就叫左。意粉嚟到個賣相同圖片一樣，而且有好濃郁嘅黑松露味道，至於配料方面，入面除咗有帶子同埋蜆之外，仲有我最鍾意嘅蘆筍，大愛！味道方面食落口滿口都係軟綿綿質感嘅意大利麵，每一條意粉都有好濃郁嘅黑松露，意

同朋友去到沙田河畔花園附近的「M3 Italian」試吓意大利菜，好彩我哋比較夜少少去到，就唔使等位。我哋已經急不及待叫咗幾樣食物先，首先就係小食「炸雜錦三式」、「四式芝士薄餅」、「黑松露野菌燒帶子意大利粉」、「西班牙燒乳豬配薯蓉及紅椰菜」同埋「烤安格斯西冷扒配蘆筍苗焗蒜頭及腸薯仔」，三個人share食。我最欣賞就係佢啲主菜，意大利粉有我最鍾意嘅黑松露味道，而且黑松露味道滲入意大利粉，食起嚟非常濃郁嘅味道，意粉入面嘅帶子半熟，咬落去好有質感。另外個乳豬賣相好吸引，份量都好多，差不多有半隻乳豬，見到外皮香脆，入面嘅肉質鮮嫩，食落去滿口都係新鮮乳豬味道，絕對唔油膩，非常好味道啊。牛扒都係我哋嘅至愛，最欣賞佢係煎到塊牛扒六七成熟，牛扒中間真係有鮮嫩嘅粉紅色，所以食落去個口感都係比較「林」身，而且好香口，好惹味既香煎味道，冇得頂，難怪有咁多人幫襯。

今日收工去左沙田搵朋友食飯，跟住佢就帶左我去呢間M3食西餐，佢話之前同朋友食過好好食餐廳係係一個住宅下面，近沙田圍馬鐵站入到去餐廳都滿座了，大家去前記得book位呀！佈置好靚，睇得出餐廳係有花心思兩個人收工超級肚餓，打開餐牌先好想叫肉眼扒，但可惜朋友唔食牛，下次先食餐包後面個枝係橄欖油和黑醋，可以配上一齊食，好特別但食落又好好味我地叫左個M3 兩人海鮮拼盤，一次滿足我地4個願望，有牡丹蝦，有時令生蠔，有帶子和青口！超正而且全部都好新鮮！當中時令生蠔好出色，大大隻，好鮮甜白酒忌廉煮青口味道好濃郁，白酒味超香，份量十足，我地見好多人都有叫呢道菜，我估呢個絕對係招牌菜，哈哈四式芝士Pizza，入面包括金文畢，車打，水牛和藍芝士，喜愛芝士的人士必叫！今餐既西餐好滿意，食物特別又好味，環境一流，值得一提的就是這家店的服務員態度非常友善

想試呢間餐廳好耐，就約咗好朋友同我去食晚餐啦餐廳雖然唔係好大，但勝在座位都幾寬闊我地分別點做一個小食拼盤、焗阿拉斯加長腳蟹意大利飯、西班牙燒乳豬配薯蓉及紅椰菜，我地個主菜仲可以加＄60包埋一個餐湯同自選甜品。餐湯同麵包好快就送上，親都係金信湯，湯充滿着甜甜嘅甘筍味，湯嘅口感好滑身，好鍾意。而麵包點橄欖油同黑醋呢個食法都係第一次食，估唔到都幾好味小食拼盤包括左薯角、雞翼同炸蝦，個人特別鍾意食雞翼，佢係單骨雞翼，方便客人食用，十分細心，而且雞翼嘅調味好好，肉質嫩滑。而炸蝦同薯角都好香口，唔會好膩焗阿拉斯加長腳蟹意大利飯，份量都幾多，長腳蟹十分鮮味，意大利飯都好creamy，調味啱啱好。西班牙燒乳豬配薯蓉及紅椰菜，乳豬外脆內軟，肉質好林。薯蓉亦都好香牛油味，紅椰菜酸酸地好開胃自選甜品我地揀左蛋黃慕絲配白酒雜莓紅桑子汁，白酒味都幾出，中意飲酒既人一定會好中意，慕絲好滑，點埋個紅桑子汁好夾!呢餐飯食得好開心好滿足~

間餐廳係屋企附近，已經開咗一排…睇食評有唔錯嘅好評，就決定一試。結果真係好滿意，兩個人叫咗兩個 set lunch 埋單172蚊，咁嘅食物質素，好超值。唯一有意見嘅係，男士們應該覺得份量太少…

朋友約我食晚餐，佢話想試下呢間餐廳，於是就陪佢黎食啦~黑色既門面，俾人感覺幾神秘，我地6點幾去到，已經有d人係出面睇餐牌，好彩都仲有位😆好中意餐枱上面塊紅白格仔枱布，好靚好外國feel~哈哈，好聰明既design，個樽可以分別倒出橄欖油同黑醋👍🏻會有一個餐牌特別寫上廚師推介，都幾吸引~叫主菜就可以加$60要一個是日餐湯同自選甜品，我地就加左一個share今日既餐湯係甘筍湯，甘筍味超級濃郁，口感好creamy。而餐包都幾鬆軟，點湯食一流~小食拼盤：有辣味薯角、炸蝦同雞翼。炸蝦嘅炸粉唔會好後，而且蝦肉爽口彈牙，唔會覺得油膩。薯角唔會好辣，反而好香薯味。雞翼肉質幾滑，好重香料味，唔錯。焗阿拉斯加長腳蟹意大利飯，賣相好靚，意大利飯煮得岩岩好，味道好濃郁😋西班牙燒乳豬配薯蓉及紅椰菜，乳豬燒到脆卜卜，d肉都幾嫩滑，薯蓉好creamy，紅椰菜酸酸地去除乳豬的油膩感蛋黃慕絲配白酒雜莓啫喱紅桑子汁，擺盤好靚😍，上面層慕絲好軟滑，而下層既白酒啫喱都幾重白酒味，好香。配埋酸酸甜甜既紅桑子汁，感覺好清新。整體來說，食物質素好好，而且環境同氣氛唔錯，好適合與朋友聚會。

沙田友今個星期走不出沙田，約了昔日同窗交換手信！同窗貪沙田圍泊車方便，咪錶又有，時鐘又有，泊街走險都仲得，所以好多駕車人士落黎食飯！今日揀左M3 , 是附近老牌西餐廳，有質素，又親民，是不少沙田友一家大型慶祝的好選擇！台上的黑醋又香又濃，不遜於連鎖名牌西餐，絕對是沙田地頭龍！唔好以為屋村茶記西餐，單看M3個吧櫃，就知絕不是hea 煮雜扒餐啦！M3沙律新律最緊要新鮮，這碟沙律好fresh , 仲好豐富，配上3款沙律醬及3款配料！最正係面頭的芝士，為好fresh 的沙律帶來了新衝突，偶爾咬中芝士，沙律菜頓時變得香濃，唔加醬汁都勁正，又唔肥！肉眼扒肉質好好食，唔配醬汁，更加食到肉的鮮味！扒的質素好高，絕對值回票價！最值得一讚，亦是全晚最驚喜的就是最舊蒜頭！它成了蒜蓉，配牛扒，極佳；它仍然是完整的一粒蒜頭，單吃，風味特濃！黑松露帶子意粉意粉煙韌，沾滿醬汁，黑松露香氣撲鼻！尤其一讚，帶子煎得香口 內裡juice ! 餐廳的格仔桌布，再舖上一張大白紙，令我想起兒時的片段⋯⋯那時我和弟弟，再愛嚷著爸爸，帶我們大吃一頓！弟弟更愛在白紙上亂畫一通，吃喝玩樂，樂趣無窮！當年情在，人已不在⋯⋯總評：優質西餐

今日又係身為沙田友既小弟帶小胖女去搵食既時間,黎到呢間位於河畔花園既 M3 Italian食意大利餐黎到唔算好多人,好快就有位坐啦,我地點左一個pizza,一個沙侓,一個意粉做主食,一個芝士煙肉焗青口同兩杯野飲,係order完之後,台員立即送上餐包比我地,先送上既香草烤雞凱撒沙律,份量非常大盤,面頭仲有隻溫泉蛋比你地撈蛋汁食,烤雞亦都非常好味,唔會乾爭爭,夠哂肉汁,之後係焗青口,面頭有煙肉碎,好脆卜卜,仲要勁多芝士焗,岩哂愛芝人士,再黎係主打既四式芝士pizza,岩哂極販芝士人食既一個pizza,拉到絲唔再講,咬落軟身既芝士再配上極脆餅底十分之配合卡邦尼意粉作為最後一道菜都唔錯,面頭配上大量芝士,白汁撈埋佢更加夠芝味最後飲埋兩杯草莓同朱古力沙冰就完成我地呢個芝味行

好耐無出過黎食野啦，今日簡左間意大利野試試。餐包味道還可以 唔算太特別正正常常咁啦叫佢張相既煙肉焗青口好似幾好食咁就叫左黎試試，估唔到有幾好味喎，青口幾大而且個味道又唔會腥。有少少煙肉配埋幾夾咸咸地。今日唔想食牛肉所以試咗呢個新野，西班牙燒乳豬配薯蓉同埋紅椰菜，估唔到佢同一般嘅乳豬有少少唔同，佢好滑肉勁淋😆😆同嗰啲紅椰菜好鬼夾酸酸地又鹹鹹地。而且薯蓉都好好食呀！好creamy 最岩夾埋一齊食。                                簡左紅莓汁飲，又幾好飲wo,同肉幾岩，而且幾開胃                 最後叫咗呢個法國油封鴨腿配茴香香橙沙律，佢幾大隻！比較鹹少少但係都算係幾好味。皮都幾脆口。佢餐廳空間都幾大唔會坐得太窄，可以放心傾計💕💕