Made in HK Restaurant (已結業)

Apm 之選會黎呢間 因為環境尚不錯，而且食物水準都中上。晚餐比較少黎呢間食但都唔錯，朋友連d豆角都食埋個牛扒7成熟岩口味！個咖哩燒春雞飯好滿意 ，咖哩味濃春雞皮脆所以大家可以黎試試

假日午餐。餐湯～蘑菇蕃茄湯 普普通通。唔太滑 主要只飲到蕃茄味。蕃茄大蝦意粉～一般。所謂的大蝦係雪藏蝦 勁重雪味 超唔好食。蕃茄汁 普普通通 叫左有幾粒鮮蕃茄。全餐最好食係餐飽 夠熱夠軟熟。

天氣熱辣辣 有時候真喺想喺商場行下hea 下又一日就算 但有時商場又淨喺得連鎖野食到悶 不過今次竟然俾我喺apm 搵到驚喜-吉列豬扒青蘋果焗飯 ($108)一嚟就原pan 上 熱辣辣 聞到陣濃郁蕃茄味就已經胃口大開👅首先 食豬扒飯識食一定喺撈好先食 等粒粒飯都均勻吸收哂啲汁先食😏呢個蕃茄汁食落非常重蕃茄味 但可能因為加咗青蘋果 令到佢多咗份果香 同自然嘅酸甜味 令我食落好舒服又好開胃❤吉列豬扒就炸得幾脆 不過重點都喺佢個sauce 做得幾好 令啊姐我非常回味👅-

開業咁耐第一次嚟試食, 門面好似好懷舊既茶餐廳FEEL, 被安排坐近玻璃窗既2人枱, 午餐餐牌有六款揀, 價錢偏貴, 最低消費都要$83, 另仲有三款特餐選擇, 但真係好難揀, 最後揀咗2個午餐餐包 - 外層好似焗過咁硬硬地, 裡面就軟熟, 需要有牛油, 可以自己搽上, 但口感麻麻是日沙律- 賣相唔算吸引, 味道還可以, 啲汁係酸酸地, 但落晒碗底, 面層既菜係唔覺有汁是日餐湯 - 忌廉磨菇湯, 普普通通凍檸茶- 一睇茶色就知茶底濃, 檸檬應該唔多新鮮, 第一啖入口已覺得好難飲, 唔知佢地用咩茶沖既檸檬茶, 又唔似係紅茶底串燒牛柳配磨菇飯$88 - 賣相嘩一聲....點解啲牛柳可以黑到咁, 雖然食落去牛柳係軟熟同淋, 但佢既外貌係奇差, 底層飯超多, 加埋啲磨菇, 味道都還可以香煎比目魚配薯蓉及雜菜$128 - 賣相還可以, 但比目魚分量太少, 相比咁既價錢, 不如我去食法國啦, 人地都係分量少, 但人地果啲係食得又睇得, 以一個細食女仔既食量嚟講, 食完仲要係唔飽既總結 : 食物種類唔多又唔吸引, 餐牌係普通茶記既食物, 但中午既午餐餐牌又要西餐廳既食物, 但又唔係有水準, 價錢又唔

次次去APM我都係黎呢間Made in HK🇭🇰因為覺得APM真係無咩好食🤔呢間係比較特色少少呢個吉列豬扒青蘋果焗飯濃郁既蕃茄吉列豬,配埋清新既青蘋果🍏幾有趣既配搭,豬扒炸得好脆,青蘋果帶有果香,酸酸甜甜好易入口整體食完唔膩👍🏻

今晚我們去咗觀塘apm嘅「Made in HK Restaurant」食晚飯！我們叫咗精選雜扒：肉眼扒、豬扒、鷄扒同德國肉腸，真係非常豐富，豬扒嘅嘅肉質好鬆軟，德國肉腸係用豬肉同牛肉做成，味道都幾惹味，腸皮亦好脆身！肉眼扒拼春鷄嘅肉眼扒相當軟滑，肉味亦好濃郁，春鷄嘅肉質非常嫩滑，而且都幾大件！香煎三文魚扒嘅外層煎得相當香口脆身，入面嘅肉質極之鮮嫩滑溜！跟餐嘅餐包相當香滑軟熟！因為我們叫咗3個餐，所以可以選3個湯或沙律，我們揀咗田園沙律嘅沙律菜好新鮮，配上西檸汁，味道好清新！餐湯：磨菇忌廉湯好香滑濃郁！另外一個揀咗加$38嘅龍蝦湯，湯入面有幾粒唔係龍蝦肉，而係蝦肉，湯底好鮮味濃郁！甜品：寶生園蜜糖配吉列西多炸得好金黃鬆脆，呢個係吉列炸同平日食開嘅感覺完全唔同，口感更加豐富！英式窩夫伴雪糕暖暖嘅窩夫，配埋凍冰冰嘅雪糕一齊食，真係好好味！

餐廳感覺舒服 有落地玻璃 陽光射入額外寫意可惜食物質素只係一般茶餐廳味道老鋪茶記好食過佢十億倍同友人一人叫左個特餐 沙嗲豬腩肉公仔麵 炒蛋 牛角包 凍齋啡 沙嗲豬腩肉冇沙嗲味 肉質鞋口公仔麵係福麵 炒蛋唔熱 牛角包普通野 凍齋啡 帶有酸味 牛展羅宋湯通粉 炒蛋 菠蘿包 凍咖啡牛展友人話ok 羅宋湯試左啖 普通菠蘿包唔鬆軟 炒蛋咖啡一樣性比價超低

呢晚本來想去另一間食西餐，不過睇完menu覺得唔太吸引，所以轉陣來到呢到，曾經Lunch來過都覺得唔錯，我地一同都覺得可以試下晚餐喎！我地2人7點半來到，餐廳尚未爆滿，有位唔使得，不過其實當時都有幾多人架喇，眼見好多人都係揀Dinner Set，但我唔想叫Set想試下其他野，最後我地點了以下食物：① 西班牙蒜片蝦配多士 Garlic Prawns with Toast ($63)② 晚餐E: 肉眼扒拼大蝦配薯條 Surf & Turf (是日餐湯-羅宋湯) + 一杯紅酒 ($178+$35)③ 野菌沙律 Mushroom Salad ($53) Total = $32910% Service Charge Total = $361.9餐包：原來係每位客人都會附送一個，本以為只是叫Set才會有，原來又唔係喎！餐包翻熱左，軟熟，味道同茶餐廳食的一樣嘅。是日餐湯-羅宋湯：湯內有蕃茄、芹菜粒、紅蘿蔔同少許牛肉，入口唔太酸，都幾濃稠，唔錯。紅酒：跟餐加$35有50ml份量，都OK啦！！西班牙蒜片蝦配多士：虎蝦被大量橄欖油同蒜片炒香，雖然只有4隻，不過煮的熟度都幾好，伴碟的多士如果可以脆身返少少，

20/8/2016 我和朋友都放假因好久沒有去過觀塘，所以決定去觀塘APM行街。因為我們沒有食早餐，十分肚餓，所以一到商場就去找餐廳吃飯。在商場上下走遍，看到MADE IN HK RESTAURANT，環境很有特色雖然價錢貴但看到餐牌食品多元化，扒又有、意粉又有、香式套餐(炒蛋、多士丶湯麵+熱飲)又有，所以就在餐廳門口的取位機上按下2字，取下籌號，等待進入餐廳用餐~等了約20至30分鐘，終於等到我們進餐廳，2人桌位置稍窄，進出不方便。坐下後，我們專注看著餐牌上的香式套餐(炒蛋丶多士丶湯麵＋熱飲)$68(貴)我不食牛，從來沙嗲也只配牛，當我看到炒蛋、多士丶沙嗲豬肉片公仔麵後＋熱奶茶，我便豪不考慮，選定這個餐了。而我朋友就選了炒蛋丶牛角麵包丶叉燒湯意粉＋熱O水。我一舉手餐廳職員已經看到，馬上為我們下單(叻)，但下單出錯，竟然來錯了熱O茶???食品很快也送上2份炒蛋，一份多D、一份少D，份量不平均，味道普通，免強食了！多士，已經塗上牛油但塗得不平均(看似輕扒2下般)，多士不熱也不脆，吃了2口停了！朋友的牛角麵包...不香不脆也不熱我很期待的沙嗲豬肉片公仔麵，沙嗲味被湯冲淡，沙嗲味不足，豬肉片

被made in HK 的裝修吸引而入座。似乎每枱都會點鐵板餐，我們也想嚐嚐。晚餐包括餐包，餐湯，主食，飲品。今次選了磨菇汁肉眼扒配焗薯，磨菇汁充滿雜菌，十分好吃。牛扒質感有點硬，焗薯要配上醬料才好吃。我們也點了牛柳包配薯條。這個份量太似茶餐吧！沒想到包的體積有點小呢。包是香脆的酥皮，口感不錯，內有一小塊牛柳，但牛柳熟得太生吧！血水都滲在包上薯條不錯，如果是粗薯會更好呢。

如果呢間餐廳以港式茶餐廳為主打的話，我會覺得周街是旦搵間茶記，都會好過佢先講個炒蛋同多士，微暖，蛋有d鞋口加無味自己落鹽調味算啦。雞鎚湯意粉一上枱，我爭d以為係人地食淨，賣相有d差，好大個碗，但份量好少。其實份量少可以用返個細碗，相對觀感唔會咁差。至於食物質素，意粉質地偏硬身.....浸左咁耐都硬......雞鎚叫好少少，叫做有味呢個$68 既特餐，我相信有40蚊係用左黎交租，結論係下次係apm我會揀food court 食

服務超差,而且未試遇過咁差對待!尋日兩點後同朋友入去呢間餐廳食晏,見到張四人檯就坐埋去,有個待應行埋黎因為呢張係四人檯要求我地坐埋一邊,ok柚佢,我對呢間野食物水準無乜評價,但服務令我忍無可忍特登登記openrice寫幾句.餐牌:九唔搭八,本來餐廳特色我唔會點想講,但午餐餐牌奇奇怪怪,如果試過俾人老點食代餐經驗可能會明白果種忿怒,其中一個餐主菜係湯!另外幾款唔記得但都唔係正常野,第一反應痴x線,家下諗返唔知係唔係趕客就用呢個餐牌,熟客有另一個餐牌,我唔明邊度飲食習慣,但好呢度好似叫茶餐廳?最後點左個有肉有殿粉質雞肉意粉,跟著一連串不愉快事件開始.用餐:一開始上個餐包,居然無牛油刀,我未見過有餐廳會漏呢樣野,就算好普通街坊茶記都唔會,ok再柚佢,另一個奇觀同一日同一間餐廳展現眼前,我叫果杯涷飲無飲筒,成件事要我出聲先有人發現,痴x線,食完拿拿聲埋單走.餐具:無一件順眼,尤其飯羹,厚大,最唔就手就係呢件,其他都可以遷就下,只係個樣好睇,用黎做電影道具一流,實用性完全接受唔到.本人極討厭搭檯,兩點後入坐完全被要求坐埋邊留俾可能搭檯客人,我會好奇怪呢個鐘數要我用呢個價錢會有人搭檯?街坊茶記都唔

店內環境窗外風景 這個雞扒羅宋湯通心粉睇落好似普普通通其實內有乾坤 先講羅宋湯，本毫不在意的試一口，豈料十分濃郁 再講雞扒，平時的雞扒一般比較硬，因為煮得奈。而這裡的滑滑嫩嫩的，注意❗❗❗它是熟的 羅宋湯當時有蔬菜了，不過我覺得太多太大件了將佢拿起來，足足有一碗。我就不太喜歡，成日食吾到通心粉 大家平時食的西多士都是煎的，而這個是炸的，裡面是士多啤梨餡🍓反傳統好新鮮。我最喜歡的是蜜糖，甜而不膩食多口都無問題

係ＡＰＭ一樓懷舊香港茶餐廳，環境舒服，係三五知己傾計好地方。午市套餐有包＋湯＋飲品。包：睇得出係統一番貨，不過勝在夠暖，都尚算好味。湯：有粒粒磨菇，每啖口感豐富。奶茶：正常，沒有特別。飯：賣相好靚，番茄肉醬酸酸甜甜，解膩之作，淋在飯上焗夠熱又好味，再加上一隻半生熟的太陽蛋，一篤仲有少少流蛋汁，實在回味無窮！１０分鐘內已經上齊所有食物，效率唔錯，店員服務不錯。不過價錢有點貴，可能店舖在商場，＄８３加一這價錢應該會有更多選擇。

成日想lunch去APM間Made in HK食但次次都大排長龍，咁梗係唔洗諗都知無可能食倒。所以我特登約朋友仔星期二夜晚去，終於比我食倒你喇!餐廳非常寬敞，而且除了一般座位外更有高檯，格外有氣氛。我叫左個晚市套餐，盛惠$178，有頭盤，有main course同有餐飲，於這種類型的餐廳叫做可接受啦!頭盤有沙律同蕃茄湯選擇，我就要左沙律。份量比我想像中大，啲菜好新鮮，完全無苦味。但醬汁略嫌過酸，不是太岩我口味，但幾開胃嘅。主菜我點了肉眼扒拼大蝦配薯菜，賣相不俗，各樣餸菜都很豐富。肉眼扒雖然不是厚切，但勝在大塊，而且牛味濃郁。不過我明明叫medium但比左七成熟我，口感對我而言太硬了。不過大蝦倒是誠意之作，除了夠大隻外，肉質亦好新鮮，配上些許黑椒及醬汁，值得一試。另外仲加左個小食西班牙大蒜蝦配多士，好惹味，因為啲蝦好大隻，沾上濃濃蒜蓉味的熱油，非常值得一試呢!餐飲我點了熱朱古力，無咩特別嘅正常朱古力味。總括而言，我覺得餐廳表現叫不過不失，環境唔錯，可以一試。